جديد السوق والتخفيضات لأمهات البحرين

امس رحت بيت التنزيلات و خذيت لبنتي فستان كان بـ 4.900 صار بـ 3.200 و خذيت لها شبك بت 2.900 و بدلة شبك كاملة بـ 3.700
و جوتي بـ 900 واجد عجيبين و كانت اغلب البضاعة بح تعرفون الناس تركض على التخفيضات و كان زحمة بعد بضاعتهم عجيبة صراحة و تخفيضهم احلى مثل ما قالت اختي وردة امل بالتفصيل ان شاء الله بنزل الصور في موضوع المشتريات بعد شوي

و ان شاء الله بعدين بروح الواحة بشوف سنتر بوينت و ماكس و بجيب لكم تقريري لان حاطة عيوني على مكعبات لبنتي سعرهم 2.500 شفتهم في الاماكن الثانية على 4 و 5 ان شاء الله احصل ما قشطوهم

مشكورين على التقارير الحلوة و تم تقييم البعض

تقريري يوم السبت الساعة التااسعة مسااء الوااااحة مول سنتر بووينت


تخفيض ملابس النسائية والرجاالية معظمهاااا 50% و60%

تخفيضاات الجواااتي بعضهم 50% خصوصا البنااات والصبيااان الجوااتي الجدد عليهم تخفيض 20 %

تخفيضااات الملابس معظمهم 20% 25%30%

وبعض الملابس 40%

وقليل 50% ما يسوون وما يشملوون ثياب الاطفال يشملوون شنط عااادية جداا كانهاا مال مداررس

والمشاايات عليهم تخفيض يعني المشااية اللي ب20 صاارت 16 دينااار


وبدلات الاطفال ((الصبيان)) الشتووية تبع تشكيلة العيد عليهاا تخفيض من 20%الى 25%



سألت الموظفة الى متى التخفيض قالت اسبووعين وسالتهااا اذا بيزيدون النسبة قالت لاا بعدين اقول لهااا لازم بتزيدوونهااا قالت ايه في اخر الاياااام


عن نفسي ما شريت شي التخفيض ما عجبني لاني راايحة عشااان التشكيلة الجديدة عااجبتني تبع الصبيااان بس التخفيض مو يسووى





اذاااا عجبكم لا تنسوون تقيمووني

منوى المفارش عليهم تخفيض نسبة 20%الى 25%

تسلمون على الأخبار الحلوووووووووووووووووة

ام الحلواااات;14089292:
هلا خيو

اي احسن تخفيض تخفيض شومارت


مخفضين واجد اشياء عليها نصف السعر وفي بعد ماركة ببلوسكاي الاسبانيه عليهم 80%!!

















تقريري الامسي




رحت سنتر بوينت الستي


مذركير اغلب لثياب 20% وشامل اشياء واجد حتى اغرض البيبي من عربات والخ عليهم تخفيض


وبوسيني بعد عندهم 20%


وشومارت هو تخفيضة الافضل اغلب لمخفض عليه 50 % وعندهم تشكيله كبيره

خيتووو وين يصير شومارت واذا في الستي في اي طاابق يصير ؟؟

ترى اني فيني حووووووووووووووومة

همــسات;14089367:
تقريري لليوم
ماكس مسوي 50% خبر في جرايد اليوم

مشكوورة يا ام علوووي عالخبر العجيب

احب بضااااعة ماكس ورد تااغ لانه اسعاارهم حلووة واكييد بعد التخفيض احلى ;)

wardat amal;14091301:
عبق مشكووورة عمري ع ردج


ياسمينة الفريج العفووو غناتي ^_^

ايييه اني بعد ماظن في برد عدل وعنده جاكيتات كفاية

بس شريت لها فانيلات جموم طوال من بيت التنزيلات يهبلووون

واسعارهم بلاش في ب 900 فلس وفي ب 1 و 200 م في بدينار و 500

وصراحة واجد واجد عجبوني الاغراض اللي مسوين عليها تخفيض

اكيد برد ارجع لهم



مملكة بلقيس واجد تسوى تخفيضات بيت التنزيلات تحصلين اشياء فلتات

وليلي بوت اسعارهم بروحها بدون تخفيض ممتازة يعني ويا التخفيض بتحصلينهم

بلاش خخخ



ام حسن الستور فتحوه بس مافيه مذركير بس ماكس


مس روز بي اج اس تخفيضهم 50 % بس على مختارات مو كل شي




بناااااات انصحكم ف بيت التنزيلات صراحة

امس طفت عليه والا مكتوب تنزيلات 50 % واصريت على زوجي اروح

وما شاء الله البضاعة المخفضة كلها تهبل لي عودة وقت المعاش خخخ

شريت لبنوتتي فانيلات ب دينار و 200 فلس

و جاكيت خفيف ب دينار و 900

اغلب اسعارهم .. دينار و 200 _ دينار و 500 _ دينار و 900 _ 900 فلس

هذول للفانيلات والجاكيتات و البجايم

البنطلونات و البمود والتنانير و الشبك .. ب دينارين و وبدينارين و نص و بثلاثه وبثلاثه ونص

عليهااا بالعاافية البنووته

خااااااااااااااااااااطري اتسوووق من قلب :adore:

الحين في بالي محلات واايد ليلي بوت شومارت بيت التنزيلااات رد تاغ ماااكس

المحلاات ما نحصلهم في مجمع وااحد هههههههههههه

اتوقع زووجي بيفلتني بره السياارة :lol:


بنااات اللي يعررف اذا رد تاغ ومااكس اذا تخفيضهم يشمل معظم الثياب ؟؟ اكوون شااكرة له واقيمه :biggrin:

امهات
ابي بوت أسود بناتي لعمر السنتين ونص وين احصل في زحمة هالتخفيضات

Hope Butterfly;14093249:
امهات
ابي بوت أسود بناتي لعمر السنتين ونص وين احصل في زحمة هالتخفيضات

ان شالله امهاات البناات يخبرونج

مشكووورين عالتقااارير

مراااااااااااااااحب

تقريري عن سنتر بوينت الواحة موووول


اول شيء اللي سالت عن المفارش الى اسرة الاطفال كلش ما يسوى التخفيض عليهم حتى اقل من خمسه دينار المبلغ المخفض ومو على كل الانواع :-# انتظري الى زيادة التخفيض يمكن يطلع سعرهم يسوى

بس الكراسي والمشايات وهالسوالف التخفيض يسوى لانه يوصل المبلغ المخفض الى خمسه دينار واكثر :thumbs_up:

وووووبالنسبة الى اغراض النونو ما عليهم الا انواع معينه :D

بس الملااااااااابس الى النيو بورن معظمها عليها تخفيض بس ما توصل النسبة عليه 30الا اذا كان قماش صوووف او متين جدا يعني المبلغ المخفض علىيهم اقل من دينار او دينار واشوي :worn_out:


وترى المحل مخربط اشوي اخذت بيجامتين الى بنتي وقالوا عليهم تخفيض واكدت علي اللي تشتغل بس عند الكيشر ما حسبتهم تخفيض :(

والملابس الداخليه للاولاد والبنات ما عليهم تخفيض :I:


وبالنسبة الى تخفيض الملابس ما في الا قليل جدا اللي تخفيضهم خمسين الباقي كلهم 20 و25 وان شطحت 30 خخخخخ

وما عجبني شيء احسهم يا متان وقماشهم ثقيل او قديمين >> اتكلم عن ثياب البنات عمر سنه وسنه ونصف بس اذا تداعسون تحصلون شيء عدل



وبالنسبة الى شوومات احسه الوحيد اللي يسوى التخفيض لانه وايد من موديلات السنة من الجواتي مخفضين صدق انه التخفيض مو وايد

يعني الشوز من 5 يصير 3 واشوي

واللي سعره سبعه يصير خمسه

والله تسسعه يصير 7


والتشكيلة اللي عليها التخفيض كميتها كبيرة واشكال الجواتي للبنات والاولاد :thumbs_up::thumbs_up::thumbs_up:


وووووووووويعني طلعت من المجمع بشوز مخفض واحد والباقي بدون تخفيض :confused::biggrin:





وتم بعون الله :rolleyes::rolleyes:


لا تنسون التقيييييييييم:celebrate::celebrate:

Hope Butterfly;14093249:
امهات
ابي بوت أسود بناتي لعمر السنتين ونص وين احصل في زحمة هالتخفيضات

الواحد مول شفت فيها بني ووردي بوت الى هالعمر بس ما شفت اسود


جربي شومارت فرع ثاني


لانهم على طول عندهم بوتات



واذا تدلين المراغي فرع جدعلي شفت عنده قبل فترة بوت اسود :D:D

مملكة بلقيس;14092353:
خيتووو وين يصير شومارت واذا في الستي في اي طاابق يصير ؟؟

في سنتر بوينت الطابق الثاني جنب BHS

Hope Butterfly;14093249:
امهات
ابي بوت أسود بناتي لعمر السنتين ونص وين احصل في زحمة هالتخفيضات

أني شفت في ماكس من فترة

مشكورين حبايبي على التقارير والأخبار بس ان شاء الله نقدر نروح نتسوق

ياسمينة

تسلمين والميزاان رافض التقييم

وزين تخفيض الجواتي ابغي جوتي اسود لبنتي وعاجبني واحد بروح اشوفه اذا للحين حي يرزق

هلااااااااااااوووو....F:


كيف حالكممممم؟؟؟

تقريري عن التخفيضاااات فرش حدددده .... أول شي مثل ما ذكروا البنات ان سنتر بوينت تخفيضهم مااا يسوى .... بس قسم الجواتي ماركة بابلوسكي وريبكك واجد تخفيضهم حلوو...
يعني شوزات كانوا على 44 دينار صاروا على 14 دينار وفي أقل بعد...
أوفييس تخفيضهم وصل 90% ... بس عاد شوفوا السخافه ... شفت جوتي على قد ولد اختي شكله كلش حلو عجبني ... قلت بما ان المحل عيه 90 اكيد سعره حلوو واايد فباخذه ...

أسأل الموظف كم سعره الا يقول لي 13 !!.. أقول له ما عليه تخفيض الا يقول بلى بس السستم اليوم داااون فكل الاشيا راد سعرها الطبيعي عالكمبيوتر تعالي له بكرة اذا رجع السستم بتعرفين سعر التخفييض...

بمبكن باااتش وما أدرااااك ما بمبكن باااتش ... مكتوب برا التخفيض من 50 الى 70 بس لما دخلت الاشيا ما تغيرت اسعارها ... بس ضافوا اشيا اكثرها شتويه شطلها من اللعام ومخفضينها تمااام... يعني فوانيل أكمام طويييله على دينارييين معظمهم ... وأخذت كارديغن وايد حلو لولدي سعره الاصلي 12.700 لما رحت الكيشر طلع صار بثلاثه يعني فرصه لا تعوض ...

غاب بعد عندهم سيل بس ما احس يسوا يعني الجينزات بعد السيل على تسعه وعشرة والمحل غصصصه خبركم ليلة جمعه...

سيرجنت مييجر سووا التخفيض أب تو 50 بس ما احس عندهم شي عليه 50 بس يمكن للحين ما سووا أبديت للأسعار الله أعلم ... اي اي وفي محل جديد فاتحينه مكان ميني موود اذا ما خاب ظني اسمه كدز ممن برا شكلا ما عجبني وخصوصا ان فاااضي مع ان المجمه متروس .. قلت يااا اسعاره نااار يا بضاعته مش ولا بد وفي الحالتين ما ابي ادخل بروحي ويتمون اللي ييشتغلون يلاحقوني يخلوني اتفشل اذا ما باخذ شي ...


بس هاذا كل الللي عنديييي والشطووورة تقيمنيييي:lol:

مشكورة مومو.. والميزان رافض

شكراااااااا لكل وحدة حطت تقريرهاا

وفيني حومة ابغي اروح العلوي وبيت التنزيلات

وبيت التنزيلات التخفيض على البضاعة الجديدة والاااااااا ؟؟؟

اللي راحت تخبرنا