كيفكم ياحلوات من كم يوم عملت سُكسيه (( هيك منقول عنها بسوريا :o))
وحبيت تشوفوها معاي وهي لذيييذة وجدا سهلة يعني تنفع للازمات :)
المقادير بسيطة والاغلب يعرفها ...
بسكويت ماري احتجت 3 علب.... علبة قشطة ... علبة حليب مركز بوني او نسلة
زبدة باكيت متوسط بس نسيت صورها
البسكويت لازم نطحنهبس مو ناعم يعني خشن شوية
هلأ نجي للتطبيق
نسيح الزبدة على نار هااااادية بس مانخليها تغلي
وبعدها نضيف علبة الحليب المركز
تم نضيف علبة القشطة
ونحط ملعقتين كاوكاو
ونحرك الخليط حتى ينسمجو مع بعضهم ... وبس نطفي النار
وبعدين نضيف البسكويت ونحركه مع المزيج تماما حتى يصيروا بهالشكل
وبعدين نجيب قطعة من القصدير ونحط عليها كمية معينة من البسكويت
ونرتبه بالشكل اللي يناسبنا اما اسطواني او مسنطيل الي تختاريه ;)
وبس نسكر القصدير بهالشكل
وهنا عندنا الكمية اللي عملتها جاهزة للفريز
وبس ماتحتاج اكثر من ساعتين بالفريزر وممكن تبقى اكثر لوقت الزنقة:thumbs_up:
وهنا بعد ماطلعتها من الفريزر متماسكة ولذيييذة
ونقطعها .. انا قطعتها قطع مستطيلة وهنا وعوافي وخاصة مع فنجان القهوة التركي وحبات البن:adore:
وهنا بعد ماحطيت عليها شوكولا هرشي سائلة :D
وبس ياحلوات ان شالله هالطبق الخفيف البسيط يعجبكم
وهنا وعوافي على قلبكم ياربF:
ومواضيعي حصرية للدمشقية وعروس فلا اسامحها يوم الدين من تنسبها لنفسها