اخييييرا وبعد جهد جهييييد
<<< يبغيلها محو اميه في الكمبيوتر :lol:
صور تجهيزاتي الاساسيه للبيبي المنتظر
هذي الاوفرولات الرسميه للكشخه .. ان شالله الاحمر بيكون حق اول يوم لانه اصغر مقاس فيهم
هذي صور القطنيات واكسسوارت الحمام:
اوفرولات للبيت ، فنايل داخليه " عفاريت " يدها طويل، دلاغات ثقيله، و هيلاهوبات قطن من اتش اند ام، فوط بطاقيه عشان ماياخذ برد بعد " حمام الهنا " :) ، مرايل و طواقي ، شامبو/بودي ووش/ بودره من مذركير، اسفنجة الاستحمام للبيبي، شبك لتغطية السرير عن الحشرات والايدي الصغيره المتطفله لووول
هذي تجهيزاتي للوازم الرضاعه و ترتيب الملابس:
مراضيع اصغر حجم من بيجون، و مصاصات المرضاعه على شكل حلمة صدر الام " عشان مايلعوزج البيبي وقت الرضاعه " ماركة نوك مقاس فتحة تدفق الحليب سمول و لارج لعمر 0 الى 6 اشهر، فرشاة غسيل للمراضيع، عضاضه فكرتها حلوة عباره عن كيسه شبك قوي تحطين فيها فاكهه للبيبي عشان يعضعض فيها وبنفس الوقت يتذوق الفاكهه من غير خطر الاختناق.
قطن للصدر ماركة شيكو " افضل شي لان كل قطنه تجي مقرطسه و مغلفه بروحها "، علبه تحتوي على قطع تحطينها عالصدر تجمع الحليب و فيها قطع تحمي الحلمه المتشققه و قطع لها استخدام ثالث ماعرف ايش !؟؟ من افينت " بقولكم لين جربتها " ، اندر وير للاستخدام مره وحده، زيت زيتون و زيت اللوز للمساج و لتدليك حلمة الصدر " ابدوا من الحين دلكوهم عشان تقللون من سرعة تشقق الحلمات وقت الرضاعه "، مخدة مقوسه تخفف من ثقل البيبي وقت الرضاعه الطبيعيه و لها استخدامات ثانيه بعد.
اكياس بسحاب " مثل اكياس السندويشات " لترتيب الملابس في الشنطه خذيتهم من محل دايسو " اكيد بتلاقونها بمحلات ال10 ريال او اضعف الايمان الاكياس الي مقاسها كبير لتخزين السمك او الخضروات الي تلاقونها في الجمعيات تؤدي نفس الغرض :thumbs_up: " و مناديل معقمه عشان امسح الكيس من داخل قبل ماحط فيه لبسات البيبي بعد ما غسلهم بصابون طبيعي خالي من الكيماويات القويه مثل " صابون حياة ".
هذي صور تجهيزات " الماما " :worn_out: :
خذيت بيجامتني كشخه وحده ساتان ووحده قطن مع الروب مالها للمستشفى لاني زهقت من الجلابيات والدانتيلات لبعد الولاده " ما نتوالف ابدا :thumbs_down: "، شال دبل فيس لوقت الرضاعه، و ستيانات للرضاعه، و سليبر " شبشب "، و طقم مفرش لسرير المستشفى الوانه درجات البني و الكبتشينو و البيج يتناسب مع الوان الثيم المحايد، و طقم مفرش ثيم " كان يا ماكان " لسرير البيبي من ماماز اند باباز، و
بــــــــــــــس
الي بقى لي: مهادات، ترامس لحفظ الماي الحار، واجهز للحلو و المالح للمستشفى.
يلا انتظر تعليقاتكم/ مقترحاتكم/ استفساراتكم
:D
