كل ما يتعلق بمنتجات افون لشهر محرم 1433

عرض برسيف شغال ولا خلص

dody;14033484:
عرض برسيف شغال ولا خلص

خلص ياقمر من الصبح
اتصلت اعمل اوردر الساعه 1 لقيته خلص

يا بنات ممكن موقع افون بلييييييييييييييييييييييز

أنوش;14032347:
بصراحة يا بنات بالنسبة للطقم دا
انا حاسه انها كبيرة اوي على عليقة سلسلة مكعبلة ومكلكعة وتفاصيلها كتير
ممكن تبقى مقبولة لو بنت لابسه من غير هدوم زي الاجانب حجات سمبل كت وكب والكلام دا فالبيت يعني وان كنت اشك انها حتى لو في البيت تتلبس لكن كا محجبات ولبس مقفول ودي من فوق شكلها اوفر خالص وهتبقى شبه المعلمين هههههههه

دي وجهه نظري وهي فالاخر اذواق (:

وبعدين بلاش فالزمن المنيل دا تلبسو سلاسل لا دهب صيني ولا هندي ولا اي حاجة لونها اصفر بجد الدنيا مليانة بلاوي ومش ناقصين انا لسه متعرضة لموقف وحش اوي ماما كانت مدياني سلسلة من كام سنة فيها دلايه قلب وانا بطبيعتي مش بحب السلاسل فا روحت لفاها حوالين ايدي المهم من يجي شهر كده ركبت مواصلات عادي ويشاء ربنا ابص عاللي اعده جمبي لقيت بقدرة قادر السلسله بتاعتي في ايدها وبتخبيها .. هتقولولي ازاي هقولكم مش عارفة ولولا ان اخدت بالي وربنا الهمني وبصيت كنت قلت وقعت مني وزماني دايخة عليها فالبيت والحمدلله ان خرجت من الموقف على خير ومعملتش فيا حاجة فا دي حتت سلسلة ولفتت انتباهها واخدتها من غير ما احس لكن لما واحده تنزل بدلايه بالمنظر دا فالشارع هتبقى ملفته ومحدش عارف ايه ممكن يحصل وربنا يحميكم كلكم من اي شر

د.نورا;14029271:
سلام عليكم يابنات

عاوزة منكم خدمة اله يخليكوا

انا هتجوز بعد شهر ونص وكدا

ولسة مجبتش اي حاجة ف اي حاجة لا برفانات ولا مكياجات ولا ايييييي حاجة

الكتالوج بتاع شهر 12 فيه ايه ينفع يتجاب اليومين دول ؟ - على اخر الشهر زي ما انتوا شايفين - ؟؟؟

فيدوني ربنا يخليكو لاني حاسة اني غرقانة ومش فاهمة حاجة :D:D

ليه مردتوش عليا يابنات

بجد انا مش عارفة حاجة :thumbs_down:

د.نورا;14035725:
ليه مردتوش عليا يابنات

بجد انا مش عارفة حاجة :thumbs_down:

طب انتى عايزة برفانات ولا ايه واحنا نقولك ياجميلة

د.نورا;14035725:
ليه مردتوش عليا يابنات

بجد انا مش عارفة حاجة :thumbs_down:

بوصى بالنسبة للبرفانات اللى بحبهم وانا اشترتهم ومعظم برده الناس بيحبوهم
1- انكانديسنس هر رقيقة وشيك
2- رير بيرلز
3- سيليبر بس هى هادية موووووووت بس برده بحبها
4- تومور قوية بس جميلة وبحبها اوى
5- ويش اوف لاف لذيذة برده
وبرسيف 99% من المصرين بيعشقوها بس انا معقدة منها شوية لان بحس انها بتخنق بعد شوية لما تحطيها
طب بوصى ممكن تجيبى من البروشور اللى شغال انكانديسنس والجموعة(رير بيرلز مع الماسكرا والليب جلوس) لان اسعارهم حلوة

nerosadaka;14034859:
خلص ياقمر من الصبح
اتصلت اعمل اوردر الساعه 1 لقيته خلص

لا حول ولا قوة الا بالله
لحق يخلص
دي الناس متهنتش بخبر رجوعه :worn_out:

بلبل حيران;14035231:

انوش وسيلسل وكل البنات وساره وحشتوني

بقالي يومين غايبه عنكم كنت في اليكس بقي بشتري لبس علي فكره الاسعار بدات تنزل وسنتر بوينت فيه حاجات حلوه اوي جبت منه كل حاجه المهم بقي وانا نازله قلت اعدي ع الابراهميه في سكتي مروحتش من زمااااااان دخلت سنتر مينا ولقيت زحمه ومش في دماغي خالص طلعت ولفيت ونزلت علي البنت اللي بتعمل تركيبات في الدور الارضي دي كان في بنوته هنا تقريبا ساره قالت انها بتركب برفانات افون كلها شميت من عندها نساء العالم وانكاندسينس وبرفان بتاع بريتني فانتازيا بس مش زي الاصلي طبعا خاالص وانا مشمتش قبل كده نساء العالم من افون بس عجبتني التركيبه دي بس انكاند سينس مش عجبتني اوي يمكن تكون احلي الاصلي بتاعه افون المهم يعني وانا ماشيه بقي اكتشفت ان اللمه دي علي بنتين بيعملوا عضويات مجانيه في افون وكان معايا صوره بطاقه ادتهالها وبقيت عضوه وادتني 2 بروشر وقالتلي طبعا حتابعك في التليفون وكده يعنيوقالتلي كمان ان :

عرض سليبر خلص ونزل مكانه سليبر+سبراي باشون دانس ب74

عرض برسيف رجع تاني بس قالتلي ياتلحقيه يالا والكلام ده امبارح

الرول اون اللي خلصت الميزمريز الرجالي

[COLOR=indigo]السوفت ماسك الرجالي خلصتالاتنين الافترشيف والبرفيوم[/COLOR]

[COLOR=deepskyblue][COLOR=sienna]قلم الكرسماس الفضي خلص[/COLOR][/COLOR]

[COLOR=deepskyblue][COLOR=deepskyblue][COLOR=magenta]ولوشن الكرسماس خلص [/COLOR][/COLOR]

[/COLOR]وان الهدايا بتاعه الاوردرات كالاتي:

200 مدفوع عليه هديه مزيل برسيف+ كريم جسم تقريبا سوفت ماسك

400 مدفوع عليه هديه فاراواي 30 + مسكرا

800 مدفوع عليه هديه تريزل +سيمبل اليمنت

ليا سؤال بقي ايه رايكم في مجموعه انيو + 45لماما وهي بتعمل ايه في الوش يعني ودلوقتي عايزه اسجل في الموقع اعمل ايه يعني ادخل علي فين

وانا اقول اسكندرية نورها زايد ليه اتاريكي هنا اااااه منك انتي ههههههههه :D
حمدالله على سلامة رجوعك ياقمر ويارب تكوني قضيتي وقت حلو في اليكس

بالنسبة لايفون مش ينفع تسجلي فالموقع ولا تعملي منه طلبية الا لما تستلمي الكود بتاعك وتعملي منه اوردر بالتليفووووون وينزلك الفاتورة فالحالة دي بس العضوية تتنشط وتقدري تسجلي وتعملي اوردر من النت

بالنسبة لمجموعة انيو كنا لسه بنكلم فيها وعلى فكرة بتاعة 35 ++ الحمرا وبتاعة 45 ++ الدهبي اكتر مجموعتين قايلين فيهم شعر فالموقع الاجنبي حلوين اوي خصوصا كريمات العين بيقولو انها فعلا بترمم الاماكن دي وبتعيد حيويتها سوا من خطوط او تجاعيد او غمقان فا خلي مامتك تجربها لما تنزل ومبروك عليها مقدما F:

انتي هتعملي اوردر الشهر دا ولا هتأجلي للشهر الجاي بئه ؟

بيلسانا;14035274:

يالهووووووووى ده موقف وحش اوى :woo:

وعملتى ايه مع الحرامية دة:confused:

بس عفاهم عليكى بجد يا انوش

ههههههههههه وحش واي وحش والله انا ايدي بئت تترعش
بس ربنا اداني قوة مش عارفة منين روحت قلتلها السلسلة دي ولسه مكملتش الكلمة وشديتها من ايدها
قالتلي ايه في ايه قلتلها في ايه يا حرامية انتي نهارك اسود هههههههههه

قالتلي ايه دا ايه دا دنا عيني مليانة دا انتي من دور بناتي قلتلها اه فالقسم باذن الله نشوف الموضوع دا (( كل دا وانا اصلا لو قالتلي هوف في وشي هيغمى عليا بس عاملة نفسي بسبع رجاله ))

من حظها بئه ان كان الميكروباص واقف وهي اللئيمه اعده جمب الباب راحت هوب فاتحة ونازلة جري وفص ملح ودابت راح جا السواق في ايه يا انسه قلتله في ايه ايه الست دي حراميه وسرقت السلسلة وانت نايم وسايبني كده ( قال يعني هو من بائي عيلتي ^^ ) مش تكون جمب العربية قالي انتي كويسة هي عملتلك حاجة اذتك بحاجة اخدت منك حاجة قلتله لا منا شديت السلسلة من ايدها وهي بتخبيها في الشنطة راح قالي الحمدلله انك بخير احمدي ربنا انها سابتك سليمة كانت ممكن طلعت حاجة من معاها واذتك وجابلي مايه وكان هيجبلي عصير بس مردتش هههههههههه المهم اعد يهديني والناس اتلمت وكان يوم بس وعدى الموقف على خير الحمدلله بس اعدت يومها ايدي تترعش طول اليوم :'(

معلش ياانوش تعيشى وتاخدى غيرها انا بقى طالعة الاتوبيس ببص ورايا لقيت راجل فى ايده كل اللى كان فى سوستة الشنطة من ورا واول لما بصتله متكلمش راح اداهوملى فى ايدى من غير مايتكلم ونزل وانا مبلمة زى الهبلة ومش مستوعبة بس لغاية دلوقتى مش عارفة هو سابلى الحاجة لانى صعبت عليه لانه لقى فى الجيب 5 جنيه ولا تاب على ايدى وندم او خاف من الشوشرة مش عارفة هههههههههههه
المهم ياسيتى ايه رأيك فى كريم تنشيط الوش اللى بالحليب والخوخ اللى نازل فى المجموعة اللى ب99

هتجنن يااخواتى;14036070:
بوصى بالنسبة للبرفانات اللى بحبهم وانا اشترتهم ومعظم برده الناس بيحبوهم
1- انكانديسنس هر رقيقة وشيك
2- رير بيرلز
3- سيليبر بس هى هادية موووووووت بس برده بحبها
4- تومور قوية بس جميلة وبحبها اوى
5- ويش اوف لاف لذيذة برده
وبرسيف 99% من المصرين بيعشقوها بس انا معقدة منها شوية لان بحس انها بتخنق بعد شوية لما تحطيها
طب بوصى ممكن تجيبى من البروشور اللى شغال انكانديسنس والجموعة(رير بيرلز مع الماسكرا والليب جلوس) لان اسعارهم حلوة

شكرا ياحبيبتي

ربنا يخليكي ليا :L::L::L:

انا كنت اقصد الحاجة المفيدة ف البروشور دا لواحدة مش بتتابع اوي

وكدا تمام شكرا ليكي

أنوش;14036482:
لا حول ولا قوة الا بالله
لحق يخلص
دي الناس متهنتش بخبر رجوعه :worn_out:



وانا اقول اسكندرية نورها زايد ليه اتاريكي هنا اااااه منك انتي ههههههههه :D
حمدالله على سلامة رجوعك ياقمر ويارب تكوني قضيتي وقت حلو في اليكس

بالنسبة لايفون مش ينفع تسجلي فالموقع ولا تعملي منه طلبية الا لما تستلمي الكود بتاعك وتعملي منه اوردر بالتليفووووون وينزلك الفاتورة فالحالة دي بس العضوية تتنشط وتقدري تسجلي وتعملي اوردر من النت

بالنسبة لمجموعة انيو كنا لسه بنكلم فيها وعلى فكرة بتاعة 35 ++ الحمرا وبتاعة 45 ++ الدهبي اكتر مجموعتين قايلين فيهم شعر فالموقع الاجنبي حلوين اوي خصوصا كريمات العين بيقولو انها فعلا بترمم الاماكن دي وبتعيد حيويتها سوا من خطوط او تجاعيد او غمقان فا خلي مامتك تجربها لما تنزل ومبروك عليها مقدما F:

انتي هتعملي اوردر الشهر دا ولا هتأجلي للشهر الجاي بئه ؟

هههههههههه والله ده نورك ياقمر كان نفسي اتعرف عليكي ونتقابل بس ان شاء الله فرصه تانيه معندكيش فكره انا بمووووت في اسكندريه ومتتصوريش الراحه النفسيه اللي ببقي فيها لما بنزلها وبالنسبه للعضويه ياريت كنت فرحت امبارح اوي لما عرفت ان عرض برسيف نزل بس كده مش عارفه بقي واحنا اخر الشهر ومفلسه اديني بحاول العب في دماغ ماما عشان تاخد الكريم واخويا ياخد اي حاجه ونستنفع هههههههه ماديه جميله ههههه حكلم المنسقه هانم واخد الكود منها طيب هو انا بقي لو عايزه اجيب برضه لماما غسول وتونر بس ده مش استغلال بقي حجيبهم هديه والله ههههههه ايه يناسبها سواء من افون او اوريفلام؟؟؟؟؟

ههههههههههه وحش واي وحش والله انا ايدي بئت تترعش
بس ربنا اداني قوة مش عارفة منين روحت قلتلها السلسلة دي ولسه مكملتش الكلمة وشديتها من ايدها
قالتلي ايه في ايه قلتلها في ايه يا حرامية انتي نهارك اسود هههههههههه

قالتلي ايه دا ايه دا دنا عيني مليانة دا انتي من دور بناتي قلتلها اه فالقسم باذن الله نشوف الموضوع دا (( كل دا وانا اصلا لو قالتلي هوف في وشي هيغمى عليا بس عاملة نفسي بسبع رجاله ))

من حظها بئه ان كان الميكروباص واقف وهي اللئيمه اعده جمب الباب راحت هوب فاتحة ونازلة جري وفص ملح ودابت راح جا السواق في ايه يا انسه قلتله في ايه ايه الست دي حراميه وسرقت السلسلة وانت نايم وسايبني كده ( قال يعني هو من بائي عيلتي ^^ ) مش تكون جمب العربية قالي انتي كويسة هي عملتلك حاجة اذتك بحاجة اخدت منك حاجة قلتله لا منا شديت السلسلة من ايدها وهي بتخبيها في الشنطة راح قالي الحمدلله انك بخير احمدي ربنا انها سابتك سليمة كانت ممكن طلعت حاجة من معاها واذتك وجابلي مايه وكان هيجبلي عصير بس مردتش هههههههههه المهم اعد يهديني والناس اتلمت وكان يوم بس وعدى الموقف على خير الحمدلله بس اعدت يومها ايدي تترعش طول اليوم :'(

ههههههه ده انتي سكر والله معلش الحمد لله انها جت علي اد كده كويس فعلا انها مطلعتش حاجه غزتك بيها بعد الشر يعني هههههههههه بس انتي غلطانه كنتي خلتيه يجيبلك عصير

هتجنن يااخواتى;14036816:
معلش ياانوش تعيشى وتاخدى غيرها انا بقى طالعة الاتوبيس ببص ورايا لقيت راجل فى ايده كل اللى كان فى سوستة الشنطة من ورا واول لما بصتله متكلمش راح اداهوملى فى ايدى من غير مايتكلم ونزل وانا مبلمة زى الهبلة ومش مستوعبة بس لغاية دلوقتى مش عارفة هو سابلى الحاجة لانى صعبت عليه لانه لقى فى الجيب 5 جنيه ولا تاب على ايدى وندم او خاف من الشوشرة مش عارفة هههههههههههه
المهم ياسيتى ايه رأيك فى كريم تنشيط الوش اللى بالحليب والخوخ اللى نازل فى المجموعة اللى ب99

هههههههههههههههه ياعيني

الكريم سيء جدا جدا مش حلو خالص

بلبل حيران;14036946:
ههههههه ده انتي سكر والله معلش الحمد لله انها جت علي اد كده كويس فعلا انها مطلعتش حاجه غزتك بيها بعد الشر يعني هههههههههه بس انتي غلطانه كنتي خلتيه يجيبلك عصير

لاياختي ماما قالتلي متاخديش حاجة من حد
وكفاية شربت المايه هههههههههههههههههههههه

وبالنسبة للغسول والتونر هاتي الحجات بتاعة تقدم العمر سوا من ايفون او اوريفليم لفوق ال 45 سنة اعتقد ايفون لسه منزلوش بس هينزلو قريب اوريفليم بئه فيها هبص عالبروشور واقولك

على فكرة الرول اون بتاعة فولسبيد معجبتنيش خالص

ريحتها وحشة اوى

vetdody;14037051:
على فكرة الرول اون بتاعة فولسبيد معجبتنيش خالص

ريحتها وحشة اوى

ليه بس هي البرفيوم اذواق اه
بس ريحتها مش وحشه اوي كده

لا حول ولا قوة الا بالله
لحق يخلص
دي الناس متهنتش بخبر رجوعه

دا انا كنت هتجنن
هو لحق يجي عشان يخلص
قوليلى ياانوش هو كريم الرجل ثلاثى المفعول احسن من منعم الكعبين
ولا ميفرقش عنه

nerosadaka;14037412:
دا انا كنت هتجنن
هو لحق يجي عشان يخلص
قوليلى ياانوش هو كريم الرجل ثلاثى المفعول احسن من منعم الكعبين
ولا ميفرقش عنه

الكريم الثلاثي تحسيه مزيج بين الكريم وبين الفازلين يعني اتقل وترطيبه اعلى
انما المنعم كريم بس مفيهوش الفازلين وترطيبه معقول
لو رجلك حلوة وعايزة حاجة ترطيب دلع يبقى المنعم اما لو ناشفه من البرد وكده يبقى الثلاثي (:

بنات متعرفوش ايه العروض اللى لسه موجوده فى البروشور ده

أنوش;14037492:
الكريم الثلاثي تحسيه مزيج بين الكريم وبين الفازلين يعني اتقل وترطيبه اعلى
انما المنعم كريم بس مفيهوش الفازلين وترطيبه معقول
لو رجلك حلوة وعايزة حاجة ترطيب دلع يبقى المنعم اما لو ناشفه من البرد وكده يبقى الثلاثي (:

رجلى حلوة طبعا:o
ههههههههه
بس دا مش ليا
تسلمى ياانوش

ازيك يا حبيبتى عامله ايه؟F:F:F:
متعرفيش عرض الرير جولد لسه موجود ولا لاء؟