كل ما يتعلق بمنتجات افون لشهر محرم 1433

Dr_angel;13962320:
ازيكو يا بنات
انا لسة عاملة عضوية جديدة وجبت اوردر تبع المنسقة بتاعتي جبت برسيف تحفة وانكادينسيس وجبت سليبر حبيتها مع اني اول مرة اشمها
عوزة اسالكم بقا كل ما اجي اعمل اكونت في الموقع يقولي
invalid account number
بحط رقم العضوية مش راضي برضو اعمل ايه بقا

وعوزة اعرف لو عملت اوردر باقل من 200 من عالنت هتجيلي هدية ولا لا وكمان هما لسة هينزلو عروض تاني ولا خلاص كدة؟.:woo:

بصراحه مش عارفه ليه مش عارفه تسجلى
بس الاوردر اللى بأقل من 200 ملهوش هدايا فعلا
واى اوردر اقل من 150 بيتلغى
هينزلوا اكيد عروض تانيه لو مش مستعجله استنى شوية اما يبنزلوا عروض كويسه عشان تعملى اوردر

SoRa SaRsOra;13962746:

طيب يابنوتات حد يفيدنى ايه رأيكم فى البرفيوم دول وانهى احلاهم

wish of love
wish of happiness
wish of peace

وميرسى ياقمرات :)

ويش اوف لاف وويش اوف هابنيس الاتنين حلوين ولذاذ جدا
بس ويش اوف بيس اعتقد مش موجوده فى مصر
انا جديده فى ايفون ممرتش عليا خالص
بشوفها بس فى مواقع عن برفانات ايفون العالميه مش فى مصر

ميرسى يا انوش على ردك اللى كان من 6 او 7 صفح كده هههههههه
بس قوليلى فقاقيع الاستحمام انا جبت الفراوله لصحبتى وعايزة اجيب انا الشهر الجاى و الفراوله حلوة بس معروفه
قوليلى جربتى سوفت بينك ؟ طيب ريحتها تشبه ايه كده والاقندر مش فاكرة ريحته اعتقد تشبه الليمون كده ولا ايه
يعنى عايزة اجيب حاجه غير الفراوله انا زعلانه ان منزلوش الخوخ اعتقد انه تحففففففففففه

طيب عايزة رأيكو يا بنات ضرورى العقد والحلق اللى نازلين عاجبيننى اوى اجيبهم ولا بلاش عشان حكاية انهم مطليين نحاس
دى تخوف يعنى لونهم هيتغير ويبقى مطفى ووحش زى ال 50 قرش المعدن بتاعتنا شوفتوها لونها مصدر ومقرفه ازاى اصلها نحاس
خايفه العقد يعمل كده
ولا حاجه ايفون نضيفه واطمن ولا ااييييييييييييه قولولى اصلى مش هلاقى الشكل العسول ده تانى وانا اصلا مبحبش الدهب
فعايزة ده

وأخيرا بقى غسول 3*1 ايفون كير اللى غيروا شكله هو نفسه اللى كان فى الشهر اللى فات ؟ اصل ده كاتبين جيل رغوى وجواة جنزبيل والصبار
واللى فات مكانش مكتوب عليه كده ياترى هو نفسه ولا ايه ؟؟

وهجيب رول اون تقليل الشعر بتاع سكن سو سوفت يا ترى اجيب اللوشن كمان بتاعه ولا اجرب الرول اون الاول ؟؟

مبروك الجزء الجديد

أهم الانباء
عروض جديده على موقع ايفون
وهى
باشون دانس وسليبر بسعر 72 جنيه
اشترى سليبر بسعر 145 جنيه واحصل على سليبر وويلدرنس مجانا

اشترى Extra Firming Body Lotio بسعر 18.5 جنيه

اشترى 4 مجموعات عينات مختلفه بسعر 20 جنيه قيمه مدفوعه
"Unscripted & OutSpoken & Eternal Magic & Spotlight"

بخلاف العروض القديمه زى سيمبل اليمنت وبلاك سويد
اعتقد العروض المره دى حلوة اوى
خصوصا عرض سليبر وباشون دانس

فى حاجه مش مفهومه
كانوا حاطين برفان باشون دانس +سليبر ب72
دلوقتى لقيتهم شايلين برفان باشون دانس وحاطين الاسبراى بتاعه
بس الاسم اللى مكتوب
Passion Dance EDT
ايه اللخبطه دى

صلحوا العرض بتاع سليبر وباشون دانس
بعد ما كان الاتنين ب54 سعر عضوية
هيبقى سليبر برفان+باشون دانس اسبراى ب54
مش قد العرض بيحطوه ليه
حاجه تغيظ

ازيكم يا بنات عاملين ايه وحشتوني كلكم:adore:

nerosadaka;13963321:
فى حاجه مش مفهومه
كانوا حاطين برفان باشون دانس +سليبر ب72
دلوقتى لقيتهم شايلين برفان باشون دانس وحاطين الاسبراى بتاعه
بس الاسم اللى مكتوب
Passion Dance EDT
ايه اللخبطه دى

لاااازم يكون فيه لخبطة يا نيرو طبعا مش افون :!!::worn_out::thumbs_down:


ياريت البرسيف والسيليبر والحاجات اللي خلصت ينزلوها تاني مع عروض جامدة بتاعت الاسبوع التالت علشان الناس اللي مالحقتهاش وعايزة تعمل اوردرات

اللي يعرف ان الحاجات دي نزلت تاني يبشرنا بالاخبار الحلوة
وفي انتظار الاخبار الحلوة وحظ سعيد مع افون:clock:

sylsyl;13963440:
ازيكم يا بنات عاملين ايه وحشتوني كلكم:adore:




لاااازم يكون فيه لخبطة يا نيرو طبعا مش افون :!!::worn_out::thumbs_down:


ياريت البرسيف والسيليبر والحاجات اللي خلصت ينزلوها تاني مع عروض جامدة بتاعت الاسبوع التالت علشان الناس اللي مالحقتهاش وعايزة تعمل اوردرات

اللي يعرف ان الحاجات دي نزلت تاني يبشرنا بالاخبار الحلوة
وفي انتظار الاخبار الحلوة وحظ سعيد مع افون:clock:

هما فعلا نزلوا سليبر فى عرضين اهو
مع اسبراى باشون دانس بس غاليين
2 سليبر مع ويلدرنس ب108 عضوية
يعنى الواحد هيبقى ب36 تقريبا
يعنى عرض كويس جدا

بلبل حيران;13961963:
انا امبارح نزلت بقي جيرلز ياساره عرفاه طبعا قاللي انه عمل اوردر لنفسه يعني محدش طلب هو جايب الحاجه وحيبيعها بس قاللي الانكاند 47 والبرسيف لو حاخد واحده حريمي بس قاللي علي 40ايه رايكم كده كويس والا ايه اه وجبت روج تحفه ياجماعه بجد ايفر بيوتي بيتهيالي كده قريب من الدرجه كارنيشن حبقي اصورهولكم عشان لو قريب فعلا منه وانوش بقي اللي حتقوللي لو كده حجيب كارنيشن اشيلها مش حستخدمها لان ايفر بيوتي خامته حلوه مش وحش اقوللكم اكيد بتسمعوا مسلسل مطلوب رجال اللي بيسمعه فيه بنوته قمر كده اسمها كنده علوش اللي كانت في مسلسل اهل كايرو صحفيه دي بتحط روج اووووووووووووووووف بجد فظييييييع اموت واجيب الدرجه دي بيتهيالي هي شيه بوت او لاتيه في الترا كلر ساتن اللي يعرف يقوللي معلش قلبتها مسلسلات ههههههههههههههه

اه عارفه طبعااا
انا كنت جايبه من مندوبه صحبتي ب37 هوا كده هيبعها ليكي من غير خصم العضويه
لو انتي ملكيش حد يجبهالك او مشترك يبقا هاتيها لو عايزها لان اعتقد انها حاليا خلصت بس انا جبت الحريمي والرجلي بس كل واحده ولحده مش العرض والحريمي عاجبني اووي انها هاديه وشيك مش منفره
كان في بنوته بتسال عن الاكسسوارات انا كنت جايبه ساعه الكريسماس بتعت السنه اللي فاتت لونها دهبي ومليانه فصوص
لحد دلوقتي زي ماهي مع اني كنت بلبسها في المصايف كتيررر وكمان الجو عندي هنا في الصيف فيه رطوبه وبردوه شاغله كنت معايا مش عارفه بقا بنسبه للاكسسوارت هتبقا مطليه نفس طليه الساعه ولا لا

نووووشه زعلت:(
طب بصي دلوقتي انا برا مصر و معنديش حد ينفع يجبلي من ايفون و انا عايزة كريم الجسم اللي بجليتور بسس
فهل ينفع اخلي الست اللي انا تحتها تجبهولي و تشيله عندها مع اني مش اثق فيها؟؟
ولا اعمل ايه عايزة الحق واحد و قوليلي الاهم من كل ده صلاحيته لحد امتىىىىىىىىى؟
واما ينزل تاني قوليلي

يا بنات بالنسبه لعروض النت

لازم برضو الاوردر يكون مش اقل من 150 ج

انا لسه عامله اوردر بـ 750 ج بس عايزه عرض سليبر

Señorita;13964413:
يا بنات بالنسبه لعروض النت

لازم برضو الاوردر يكون مش اقل من 150 ج

انا لسه عامله اوردر بـ 750 ج بس عايزه عرض سليبر

اه فعلا انا سمعت ان عرض سيليبر كمان خلصت الله يخرب بيوتهم بوظوا للناس الاوردارات

Señorita;13964413:
يا بنات بالنسبه لعروض النت

لازم برضو الاوردر يكون مش اقل من 150 ج

انا لسه عامله اوردر بـ 750 ج بس عايزه عرض سليبر

للاسف اه

هتجنن يااخواتى;13964442:
اه فعلا انا سمعت ان عرض سيليبر كمان خلصت الله يخرب بيوتهم بوظوا للناس الاوردارات

ياخبررررررررررررر هي لحقت؟؟؟!!:confused::|
حاجة تقرف بجد حكاية الحاجات اللي بتخلص بسرعة دي :mad:

غريبه والله

يعني لحقت امتى خلصت

عموما كدا كدا كان هيضيع عليا عشان مكنتش هعمل اوردر تاني يعني حرام بس ياريت تنزل لسليبر عرض زي اللي كان نازل لبرسيف من فتره

الـ 4 برسيف بـ 140 بعد الخصم يعني الواحده كانت بـ 35 ج

طيب لوشن الكرسماس موجود ولا خلص اصلى عملت اوردر عن طريق النت وخايفة مش يبعتوا انا عاملت الاوردر الصبح

vetdody;13964638:
طيب لوشن الكرسماس موجود ولا خلص اصلى عملت اوردر عن طريق النت وخايفة مش يبعتوا انا عاملت الاوردر الصبح

لا هو تقريبا لسة موجود متقلقيش

ممكن يا بنتيت تقولولى انتم بتعرفوا المنتجات خلصت ولا لسة ازاى