كل ما يتعلق بمنتجات افون لشهر محرم 1433

بلبل حيران;13946660:
طيب هو فاضل اه علي الخطوبه يعني حتجوز زي الايام دي كده او يمكن بعدها الله اعلم طيب اللوشن ده مبينزلش غير في الكريماس خايفه ميعديش عليا الكرسماس وانا لسه هنا عند مامتي ههههههههه مش عارفه انا بثق في رايك جدا وحجيب انكاند علي ترشيحك لاني مشمتهاش اللي بيعجبوني بصراحه برسيف ورير جولد وسليبر وليتل وكنت بموت في دولتشي اورا الا هو صحيح انا كده ابقي بميل لاي برفانات اكتر وبحب من بره بتاع برتني الفانتازي وتركيبه من الابراهميه اسمها كريزي لاف متهيالي دول مسكرين وسويتي والا ايه وسؤال بقي هي دولتشي اورا فين وبالنسبه للبرفانات اللي قلت اني بحبهم دول انكاند حتعجبني والا ايه؟؟؟؟؟؟؟؟؟؟

Nody cool;13946980:
واحشانى يا انوش يا قمر ايه الجمال ده كله ربنا يخليكى يا رب البرشور حلو اوى هو اللى دخل دماغى اوى برفان فنتازىوده خالص اكيد فى حاجات كتير عاجبانى

بلبل حيران;13945231:
بنات عروس الحلوين انوش وساره ولولو وسليسل ويارب ماامون نسيت حد انا استفدت منكم كتير اوي فعلا انا كنت بتابعكم من زمان بس مكنش عندي عضويه فقلت لازم اشترك عشان اسالكم ونفيد بعض وبجد بقي ده موقعي المفضل ومبقتش بشتري حاجه غير لما اسالكم كان عندي سؤال بقي انا خطوبتي كانت من شهرين كده وحبدا اشتري واشيل بقي بس يعني واحده واحده لاني مهووسه باللبس وماما بتقوللي خلاص بقي متشتريش حاجه وتلبسيها وفري الفلوس وشيلي بيها حجات وانا ابدااااااااا ههههههههههه انا كنت عايزه اشتري الشهر ده من افون بس ماكسمم 100 جنيه عارف طبعا انه مبلغ نونو بس هو كده بقي ايه رايكم ايه الفرصه اكتر يعني بفكر اجيب مجموعه سليبر ولوشن الجسم 2 منه والا اجيب احسن واحده انكاند مع العلم اني مجربتهاش ولا شمتها بس من كلامكم يعني والا ايه رايكم ايه اللي فرصه فعلا ونادر يتكرر

HOBBOZ;13946116:
بنات حصلت حاجه النهارده ياريت اللى عملوا اوردر وجالهم يقولولى الاسعار فى الفاتورة جتلهم زىى كده

اولا صحبتى اللى عملاه وقالتلى اللى فى الفاتورة
اولا عرض الرير جولد والروج كاتبين كل واحد لوحده كاتبين البرفان ب 45 ج والروج ب 25 يعنى كده 70 ومعناه ان كده مش خصم ال 25 ده كده خصم 23 %
هى نسبة الخصم اتغيرت ولا ايه ؟؟؟؟؟
كمان لوشن الكريسماس تمنه فى الفاتورة 15 وكده برضه مش خصم ال 25 %
والليب بالم ب 8 ج والرول اون 5 وربع (دول مش مهم )
بس مش المفروض عرض الرير جولد بعد الخصم حاجه وستين
ردوا عليا ضرورى يا بنات عشان فى حاجات مش بتاعتى

nerosadaka;13946585:
الاوردر جالى النهارده
بس القديم اللى انا مش عايزاه
كنت عملاه يوم 7 لسه فاكرين يجيبوه
بكره يبقى بقاله اسبوع
والمهم اللى انا محتاجاه مجاش:'(

أنوش;13946772:
تم بحمد الله
يارب يكون تصويري المتواضع المعوق عجبكم :lol:
ولو في حاجة مش واضحة اختكم موجودة
ومش عايزة ولا تقييم ولا حاجة كل اللي طلباه هو دعوة من القلب من جوا جوا معاميعكم هههه
ادعولي بجد عشان بتفرق معايا اوي ان ربنا ييسرلي اموري ويكتبلي الخير ولو شايف الجواز خير ليا يجوزني لو لا يبقى مش عايزة هههههههههههههههههههههههه

dr.muslimah;13947724:

السلام عليكم

ازيكم يابناويت عاملين ايه كلكم

اولا مبروك عليكم مشترواتكم واوردراتكم
وشكرا ياأنوش على البروشور كان نفسى اقيمك والله بس الميزان رافض
وربنا يسعدك ياقمر بالزوج الصالح ياااااااااااااارب
بعد عنااااء طوييييييييييييييل مع افون وصلنى الاوردر النهاردة

sylsyl;13947708:
ايه ده بئه؟؟؟ هما كل شوية يطلعولنا بمقلب شكل وللا ايه ؟؟؟ ايه الحكاية دي يا جماعة ؟؟؟؟؟؟؟؟؟؟
الاوردر ده انتى عملتيه يوم كام؟ تاريخ الفاتورة يعني
لو تاريخه بعد بتاع انوش يبقة يكونوا عملوا سيستم جديد وللا ايه القلق ده؟؟

dr.muslimah;13947724:

السلام عليكم

ازيكم يابناويت عاملين ايه كلكم

اولا مبروك عليكم مشترواتكم واوردراتكم
وشكرا ياأنوش على البروشور كان نفسى اقيمك والله بس الميزان رافض
وربنا يسعدك ياقمر بالزوج الصالح ياااااااااااااارب
بعد عنااااء طوييييييييييييييل مع افون وصلنى الاوردر النهاردة ودى الحاجات اللى جت

2 مجموعة برسيف

مجموعة الكريسماس
اللوشن فعلا كنتالوب كنتالوب فعلا بس بيروح على طول ولمعته جميلة اوى
مرطب الشفاة جميل اووووووووووووى ومركز اوى عن لونا والحاجات دى والله جامد
وكريم الايد معقول مش وحش

برفان انكاند

والعرض بتاع الرير جولد والروج الجولدن روز تحفففففففففة

وشوية رول اون انكاند وبرسيف وليتل بلاك وفاراوى وويلدرنس الرجالى

الهدايا بقى البرفان تاشا ريحته زى زيت دابر املا بالضبط يععععع بكرهه بشدة

والماسكارا مجربتهاش لسة بسسسسسسسسس

sylsyl;13947816:
تسلم ايدك يا انوش شغل جااااامد ميرسي كتير:adore::thumbs_up:
ربنا ييسرلك امورك حبيبي ويكتبلك الخير يارب
بادعيلك من جوا جوا قلبي صدقيني:L:انا باحبك اوي
================================
ايه حكاية الخصم دي اللي قالت عليها هوبا؟ عاوزين نتأكد :confused:
لو تعرفي حد في شركة المقالب دي يا ريت تسأليهولنا :-#

dr.muslimah;13947950:

بصو انا لقيتهم فى الموقع ان البروشورات اللى بتنزل اوتوماتيك بفلوس اهو

يرجى العلم

أنك ستحصل على 2 بروشور فى حالة وصول قيمة الطلبية 200 جنيه وذلك بسعر 5 جنيه قيمة مدفوعة.

4 بروشورات فى حالة وصول الطلبية ل 400 جنيه وذلك بسعر 7 جنيه قيمة مدفوعة.

5 بروشورات فى حالة تخطى قيمة الطلبية 800 جنيه وذلك بسعر 10 جنيه قيمة مدفوعة.

فى حالة شراء بروشور واحد من الحملة الحالية سيكون متاح بسعر 3 جنيهات قيمة مدفوعة.

اصل كنا بنزعل انهم حاسبينه بفلوس
ياأنوش هو لو حد هياخد منى البرفان التاشا اديهولها بكاااااااااااام

]ومعلش العرض بتاع الرير جولد مع الروج كل واحد سعر كام؟