كل ما تريدين معرفتة عن منتجات اوريفليم الجزء الخامس عشر لشهر محرم 1432ه

ايوه كده يا انوش نورتينا ياقمر وميرسي لردورك ومساعدتك ليا دايما يا حبي


بوصي هو مليان منتجات حلوة لكن للاسف عروضه مش حلوة يعني غاليين المفروض يعملو تخفيضات اكبر واعتقد ان في عروض داخلية هتنزل عالبرفيومز في نص الشهر التاني عشان يحركو المبيعات

مممممممممم يعني الحاجات اللي انا بسال عليها اسعارها كده حلوه ولا تعتبر غاليه بقى


الكريم المضيء دا جل ملون ومرطب جميل على فكرة وبينور الوش كان نازل في مجموعة فيجنز القديمة بس مشكلته عايز بشرة قمحية فاتحة مش بيضا اوي لانه ملون

انوشه هوا الكريم المضيئ ده نازل في صفحه كام ياقمر


روج فيري مي عامل زي روج فيجنز طبق الاصل بس الالوان مختلفة شوية .. بس نفس الكواليتي لازم ترطيب تحتيه



ماسكرا جيورداني اللي غطاها اسود دي للتطويل انما اللي غطاها دهبي للتكثيف

اللي غطاها دهبي بتاعه التكثين مش لاقيها في برشور الشهر ده
هي نازله وانا مش شايفها طيب
واحسن سعر ليها ايه عشان لما تنزل اجيبها يا جميل


الله يبارك فيك حبيبتي وتسلمي يارب
الكريم المضيء هو جيل خفيف مرطب وملون للبشرة
حلو اوي وبيدي لوك ناتشورال اكنك مرطبه وشك وحطاله فاونديشن خفيييييف وحتى الامورة ( مديرة عروس ) كانت مره دخلت وشكرت فيه جدا سوا هو او مجموعة جوز الهند بتاع الشعر
بس المهم قبل ما تجبيه تجربي لونه عشان هو ملون وممكن يغمقك

يعني مش حلو للبشره الفاتحه يا انوش
انا رسمت عليه وخزلني هههههههههههههههههه



الله يبارك فيكِ يا قلبي
واه ايفون هتجننا بصراحة هنبقى ضحايا ايفون ههههههههههه
مبرووووووووك مشترياتك تتهني بيها يارب
المبارد اول واحد هتساوي بيه ضوافرك عادي زي المبارد العادية
التاني هتنعمي بيه سطح الضوافر والتالت هيلمع سطح الضوافر ويبان اكنك حطالها ملمع شفاف
وتمام كده طريقة التخزين سليمة 100% F:

ميرسي يا انوشه انا كده فهمت فعلا في اتنين ناعمين وواحد خشن زي المبارد العاديه
ايوه كده يا وديع اخيرا فهمت يا وديع
بصراحه ياقمر مع اورفليم بحس ان ليا ظهر وورايا رجاله كفايه انتى يا انوش ربنا يخليكي لينا



مجموعة التفتيح
الصابونة ممتازة ... الكريم حلو ... اللوشن مش اد كده

انا كنت بسال عليها لاختى عشان بشرتها دهنيه يعني كده اقلها تنطش اللوشن بقى
طيب اخليها تجيب الصابونه هتناسبها ولالالالالالا


الماسكرا انا مش جربتها لكن في بنات بتحبها جداااااا واعتقد مزينه جايبه منها اللون الاخضر ياريت تفيدك فيها بردو :D

انا عاوزه اجيب منها الاخضر بس ياقمر
وكان في واحده تانيه في نفس الصفحه اسمها بور كيرل ماسكرا لونها ازرق هل دي ازرق صريح ولا هتطع كحلي وموف والحركات دي
انا عاوزه ماسكرا زرقا كمان


الجلوس اللي بالنكهات جميل جدا وكمان الجلوس اللي في صفحة 64 وااااااااااو اللي لونه اورانج بطعم المانجه واللي لونه بني بطعم التوفي ( التوفي بتاع اللبن يخبل ) والفوشيا بالفراولة دول اللي شميتهم بس على فكرة هو ملون اه بس لما يتحط تحسي اكنه شفاف يعني لونه فاتح موووووووووووت ... التاني اللي بالنكهات كنت جبت منه لخطيبة اخويا وبتقولي جميل بردو وهو مش روج يا قمر دا جلوس بيدي لمعة ملونة خفيف للشفايف

ممتاز طمنيتني عليهم
طيب انا جايبه بتوع افون الجليزير المركز طبعا اللي بالنكهات ده اخف ممكن اجيب الاورانج والبينك مثلا
ولا انهى احلى درجات فيهم وحجمهم كام مللي
حركه رخمه من اورفبيم مش بيكتبوا ليه كام مللي

كريم الاساس بتاع فيري مي هيكون هو هو بتاع فيجنز القديم وانا مكنتش مقتنعه بيه بس في ناس بتقول حلو .. ممكن تعملوله تست الاول بس ماعتقدتش هيناسب البشرة الدهنية

هوا لاختي برضه وبشرتها دهنيه انا خلاص جبت الي قولتيلي عليه
عموما هخليها تعمل تيست عليه وربنا يسهل


ماسكات الشعر انا مش جربت منتجات شعر من اوريفليم خالص بس عايزة اجرب مجموعة جوز الهند خصوصا الشامبو ريحتة تجنننننننننننننننننن جوز هند اصلي اصلي :lol:
فعلا واحده صاحبتي متجوزه من كام شهر وقالتي كل حاجه اورفليم حلوه ماعدا منتجات الشعر مش عهارفه ليه


المعطر بتاع المنطقة الحساسة دا نازل جديد وهجيبه باذن الله شكله لذيذ ومنعش للمنطقة دي وبتستخدميه انك بترشيه عالمكان من برا طبعا

خلاص هجيبه طالما حلو كده


الكريم وصابونة البرتقال دول جداد بس انا عندي كريم منهم باللمون وريحته لمون فعلا هههههههههههه هما ميتوصوش بالروايح بصراحة F:

هجيبهم كتغير برضه الريحه هتبقى حلوه صابونه وكريم

انوشه ليا سوال فني غايه في الاهميه وعاوزه رد سريع ودقيق
باليته الايشادو اللي موجوده في اخر البرشور
عاوزه رايك فيها
من حيث السعر وتنوع الالوان والخامه
هي فيها 14 ايشادو مع انى شايفه صور ل 8 بس
وفيها 4 روج و2 روجاجو
هي هل كويسه
ولا اللي البنات بيقولوا عليها نازله في برشور افون الجديد احلى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

lasposadelnilo;13912298:
انوشه ليا سوال فني غايه في الاهميه وعاوزه رد سريع ودقيق
باليته الايشادو اللي موجوده في اخر البرشور
عاوزه رايك فيها
من حيث السعر وتنوع الالوان والخامه
هي فيها 14 ايشادو مع انى شايفه صور ل 8 بس
وفيها 4 روج و2 روجاجو
هي هل كويسه
ولا اللي البنات بيقولوا عليها نازله في برشور افون الجديد احلى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هي السنادي نازلة بعد الخصم ب 114 تقريبا
بالنسبة لمنتجات اوريفليم سعرها كويس على اساس فيها 8 ايشادو و 4 ملمع و 2 بلاشر والكواليتي بتاعها ممتاز
لكن بالنسبة للحجات العادية غالية
وكانت في بنوتة والله مش فاكرة اسمها بتقول انها بتستنى العلبة دي من السنة لسنة بتجيبها دايما عشان خامتها نضيفة اوي وحلوة وسعرها معقول

أنوش;13913019:
هي السنادي نازلة بعد الخصم ب 114 تقريبا
بالنسبة لمنتجات اوريفليم سعرها كويس على اساس فيها 8 ايشادو و 4 ملمع و 2 بلاشر والكواليتي بتاعها ممتاز
لكن بالنسبة للحجات العادية غالية
وكانت في بنوتة والله مش فاكرة اسمها بتقول انها بتستنى العلبة دي من السنة لسنة بتجيبها دايما عشان خامتها نضيفة اوي وحلوة وسعرها معقول

هي طبعا بالنسبه لاسعار اورفليم تبقى سعرها تحفه جدا
بس بابلنسبه لبره غاليه طبعا
عموما مش ازمه طالما نضفه اوي
بس تنوع الالوان دي ازمتي
يعني درجتين البلاشر دور بيج وبني ولا ايه
انا عاوزه البلاشر روز ولا اجيب علبه روز جمبه
وكمان الايشادو ناقصه درجه الروز ودي انا بعشقها
كمان الملمع برضه درجاته حلوه
تفتكري اجيبها واجيب ايشادو روز لوحده وبلاشر روز



طيب سوال هامشي
الكرات البرونزيه هنا انا جبتها تتحط وفوقها البلاشر
انا حطيتها امبارح وانا نازله الشغل وقالولي وشك منور كانك حاطه كريم اساس مع انى مكنتش حاطه اي كريم
يعني هي دورها ايه بالضبط بتنور الوش وكده بس لازم يتحط فوقها روجاجو صح



ومعلش سوال غبي حبتين وبدون تريقه
هوا ايه الفرق بين البلاشر والروجاجو ولا الاتنين واحد

بوصي هو مليان منتجات حلوة لكن للاسف عروضه مش حلوة يعني غاليين المفروض يعملو تخفيضات اكبر واعتقد ان في عروض داخلية هتنزل عالبرفيومز في نص الشهر التاني عشان يحركو المبيعات

التندر كير ممتاز طبعا

وكريم رائحة القدم المجموعة كلها روووووووووعة .. كريم القرفة دا يجنن بجد والجيل كولينج فالصيف ممتااااااااز

الروج الثلاثي شوفت درجاته وفيها الوان جميلة موت بس مش جربتهم لما تجبيه قوليلنا تقرير مفصل وياريت بالصور

اقلام العين تحفة بصراحة انا عندي الاسود والاخضر والازرق جنان .. خطيبة اخويا جابت الموف وطلع لونه فاتح يعني مش غامق خالص ياريت لما تجيبي الرمادي والبني تقوليلنا عجبوكي وباينين فالعين ولا الوانهم مش واضحة

الكريم المضيء دا جل ملون ومرطب جميل على فكرة وبينور الوش كان نازل في مجموعة فيجنز القديمة بس مشكلته عايز بشرة قمحية فاتحة مش بيضا اوي لانه ملون

روج فيري مي عامل زي روج فيجنز طبق الاصل بس الالوان مختلفة شوية .. بس نفس الكواليتي لازم ترطيب تحتيه

ماسكرا جيورداني اللي غطاها اسود دي للتطويل انما اللي غطاها دهبي للتكثيف

البرايمر بتاع اوريفليم عبارة عن لوشن ابيض بيتحط بيختفي تماما يعني شفاف

ومبروك عليكِ مقدما الاوردر بتاعك يا حبيبتي

من عنيا يا انووووووش هبقى اقول رائي فى كل ال جبته
وبخصوص الجيل المضئ كويس انا قمحية فاتحة يعنى هيبقى مناسب جدا
عموما هجرب الماسكرا واقول رائى بردو فيها
وبخصوص البرايمير فهمت هبقى اجيبه بردو بس مش هستعملو كتير
لان نادر جدا لما بحط مكياج لوشى كامل غير لما بيكون فى فرح او مناسبة
انما الصبح وانا نازلة بحط كريم الشمس يوفى بلوك وهو بيدى لون للوش حلو

انووووووووووووووووووووووش
هي مسكرا جورداني اللي نازله في صفحه 73 ب 74 جنيه هي دي اللي بتكثف ولو هي رايك ايه يعني سعرها كويس والا بتنزل اكتر

اه وسؤال كمان ياانوووووووووووووش
ايه رايك في اير وفاير وايس اللي نازلين ب 84 بيثبتوا يعني يستاهلو ومين فيهم مسكره انا بحب الحاجات اللي زي فانتازي بتاعه بريتني كده

انووووووووووووووووووووووش
هي مسكرا جورداني اللي نازله في صفحه 73 ب 74 جنيه هي دي اللي بتكثف ولو هي رايك ايه يعني سعرها كويس والا بتنزل اكتر

انا دى مجربها وحلوة اووووى وهى ال بتكثف يا قمر
بس بخصوص العرض انا كنت جيباها من فترة ب 63
بس ده بقالو فترة كبيرة حوالى 7 او 8 شهور كده
وكان وقتها ال بتطول نازلة ب 54 يعنى نفس السعر ال نزلت بيه الكتالوج ال فات يعنى متغيرش السعر
فاعتقد استنى متجبيهاش دلوقت عشان ممكن ينزل عليها اوفر ارخص شوية

kanzy1;13915818:
انا دى مجربها وحلوة اووووى وهى ال بتكثف يا قمر
بس بخصوص العرض انا كنت جيباها من فترة ب 63
بس ده بقالو فترة كبيرة حوالى 7 او 8 شهور كده
وكان وقتها ال بتطول نازلة ب 54 يعنى نفس السعر ال نزلت بيه الكتالوج ال فات يعنى متغيرش السعر
فاعتقد استنى متجبيهاش دلوقت عشان ممكن ينزل عليها اوفر ارخص شوية

يعني احسن سعر ليها 63 ولسه خصم العضويه
انا نفسي في اللي بتكثف دي اوي
معلش يا قمر
انتى جربتي اي ماسكرا ملونه من افون خضرا او زرقا لو تعرفي انهى الاحلى تكون ملونه قويلي الله يكرمك

kanzy1;13915818:
انا دى مجربها وحلوة اووووى وهى ال بتكثف يا قمر
بس بخصوص العرض انا كنت جيباها من فترة ب 63
بس ده بقالو فترة كبيرة حوالى 7 او 8 شهور كده
وكان وقتها ال بتطول نازلة ب 54 يعنى نفس السعر ال نزلت بيه الكتالوج ال فات يعنى متغيرش السعر
فاعتقد استنى متجبيهاش دلوقت عشان ممكن ينزل عليها اوفر ارخص شوية

اولا ميرسي علي ردك ياسكر بس بيتهيالي طالما بقالها 6 شهور منزلتش يبقي سعرها كده كويس والا ايه رايكم يابنات اللي عنده خبره يقوللي

مبروك الجزء الجديد

ممكن صورة لكريم العين اللى بتقولوا عليها نازل فى الكتالوج الجديد ؟

mes333;13905558:
طيب ياانوش هو عرض الميس او لسه موجود واخره امته؟؟؟؟؟؟؟؟؟؟؟

ميس او خلصانه من الشركه من الأسبوع اللى فات لإنى روحت اشتريها بس كانت خلصت :(

Warde;13921374:
مبروك الجزء الجديد

ممكن صورة لكريم العين اللى بتقولوا عليها نازل فى الكتالوج الجديد ؟

** مودة **;13905076:

السلام عليكم ورحمة الله وبركاته

إزيكم يا بنات

أنوش يا قمر إزيـــــــــــــــــــــك F:

بصو بقى أنا ماليش ف البروشور ده
انا عاوزه اللي هو بالصفحات زى الكتالوج اللي قبله في لينك كده
إنما سيف وران والكلام ده مش هينفع معايا عشان جهازي براوي بعيد عنكم ما بيقبلش أى ضيف يخبط عليه
أعمل إيه أنا بقى دلوقتيييييييييييييييي ؟؟؟

انا كنت إشتريت الديودرانت بتاع سيلك آند سموث ده وهو كويس بس فيه عيب إنه بيجفف المنطقة دي شويه
فقلت أنبهكم :027:

شوفى دا كدا

http://go.3roos.com/gclidd7549d

مبروك الجزء الجديد

كنت عايزة اسألكو على رأيكو فى حاجتين فى كتالوج الكريسماس اول حاجة البابل باث بتا الكريسماس حد جابه وهل سعره كويس كده وهو بينزل فى الكريسماس بس ولا ايه ؟
تانى حاجة كريم لرائحة القدم ب17 جنيه حلو ولا بيدهنن والبودرة بتاعت القدم احسن

بنات
هي منتجات Very me
محدد العيون اللي في صفحة 76
حلو و للا أخباره إيه ؟ و بلمعة و للا ؟
في حد جربه ؟؟
أنا عاجبني أوي الأخضر و بعده الأزرق

كمان كريم الأساس اللي في صفحة 80
حلو للا إيه ؟؟
حد جربه هو كمان ؟؟

و هي الشنط و الاكسسوارات و الحاجات دي من أوريفليم حلوة و للا إيه ؟؟

صحيح كمان
كرات اللؤلؤ البرونزية و كرات الآي شادو بتستخدم إزاي ؟؟
أمسك الكورة و أمشي بيها على الوش و للا بتتفتت و بالفرشاه آخد اللون و للا إيه بالظبط ؟؟؟

حاجة كمان بس من غير تريقة و إلا هاعضكو
:P
برفان كريزي كيوي اللي معاه العروسة
العروسة في الكتالوج شعرها اسود و اللي معايا شعرها أبيض
ألونه إسود إزاي بقى ؟؟؟
حد عملها ؟؟
:D

ممكن سؤال
هو انا لو عايزه اعمل عضويه فى اوريفليم اعمل ايه ؟ ( معلش الجهل وحش برده ) :D

غلباوية صغننة;13930810:
صحيح كمان
كرات اللؤلؤ البرونزية و كرات الآي شادو بتستخدم إزاي ؟؟
أمسك الكورة و أمشي بيها على الوش و للا بتتفتت و بالفرشاه آخد اللون و للا إيه بالظبط ؟؟؟

حاجة كمان بس من غير تريقة و إلا هاعضكو
:P
برفان كريزي كيوي اللي معاه العروسة
العروسة في الكتالوج شعرها اسود و اللي معايا شعرها أبيض
ألونه إسود إزاي بقى ؟؟؟
حد عملها ؟؟
:D

بخصوص كرات اللؤلؤ بالفرشة يا قمر متمسكيش الكورة عشان متتفتش
كرات اللؤلؤ بتاعة الوش بفرشة البلاشر
والاى شادو الكرات بفرشة الايشادو زى ال موجودة بتاعة جيوردانى فى الكتالوج هتلاقيها تقريبا فى نفس صفحة كرات الايشادو

اما بخصوص البرفيوم فمش عارفة