السلام عليكم

السلام عليكم دكتور خالد

بعد ما ولدت قبل سنه تقريبا جاتني كحه لمدة 3 شهور ولأني كنت ارضع كنت خايفه جدا آخذ أي أدويه فكنت أستخدم الأعشاب وأدويه خفيفه تأثيرها ضعيف

ففي بعض الأحيان كانت تزيد عندي الحاله لدرجه الإختناق مره مرضت وتحول الأمر لإتهاب رئوي على ما أذكر وحسيت بإختناق فظيع عطوني مضاد وتحسنت علطول الحمدلله

المهم من يوم ولدت يا دكتور وأنا ما أحس عمري طبيعيه

يعني إذا تعرضت لهواء بارد أحس بضيق فالتنفس وصوت خفيف فصدري

نفس الشي إذا شربت شي بارد أو تعرضت لعدوي زكام

صدري يتعب وأحس بضيق تنفس

قبل يومين رحت عند دكتور أخصائي أمراض صدريه عطاني بخاخ أسمه

pulmicort

بستخدمه لمدة 3 أسابيع بعدين برجع له

بشو تنصحني يا دكتور

هل في شي ممكن أسويه فالبيت يخفف أعراض الربو أو أعشاب تفيد هالحاله

وجزاك الله خير