إلى استاذتي الفاضله أم عبد اللطيف أرجو مساعدتي

السلام ع ليكم ورحمه الله وبركاته

أختي الغاليه بغيت منج تفسير بأذن لله راح أحصله عندج يارب..

حلمت أني أشوف خادمتنا الي تشتغل في بيت جدي حاليا أشوفها تسير لي مجلس الرجال

وتفتح خزانة أخوي وتاخذ منه كيس وتدخل إيديها وتطلع منه مجموعه مفاتيح

وأنا في الحلم أقول في خاطري ليكون هي سارقه شي ومخبيته وكأن بهذه المفاتيح تفتح

شغله وتطلع منها أوراق وسويت روحي ما أراقبها في الحلم

وقلت بس تسير برجع أشوف شو هالكيس

دخلت نفس المكان وحاولت أقفل الستاره ولكن ماتتقفل عدل خفت أنها تشوفني وأنا انبش

بالاغراض وفعلا فتحت الكيس ولقيت المفاتيح ولقيتها تناظر بي بنظره غريبه وعليها ابتسامه

صفراء وقلت لها لاتخافين انا ما انبش بأغراضك لكن أدور على شغله وودي أعرف


شو هالاوراق وتكرر الحلم مرتين بنفس الليله ..

نفسي اعرف التفسير جزاج الله خير لان من ايام حلمت فيها حلم أنها تنتحر في بيتنا

وفسرته وطلع أنها راح تسبب لي مشاكل وفعلا وقع الحلم وفرقت بيني وبين اهل ابوي


وطلعت اصيح من بيتهم وحرمت على نفسي دخول هالبيت مره ثانيه والسبب أهيا ..