•• تجمع أمهات نوفمبر 2010 لشهر محرم••

هلا امهات
اخباركم؟
واخبار كتاكيتكم؟
للحين مواصله ومافيني نوم
توني سبحت ولدي ونام
ولدي حال اولادكم
كله يصيح من بطنه حتى البارحه صرخ صرخه قويه
وابوه قعد من النوم مختلع
احس الجهال يكسرون القلب وياهالمغص
الحين عطيته مرقدوش حسيته خف شوي
خاطري اسولف من زمان ماجلست على النت
لكن مافي مجال باقوم انام لي كم ساعه قبل لايجلس
اشوفكم في وقت ثاني ادا فضيت
اتحملوا بروحكم

مساء الأنوار ومأجورين جميعا

البارحة سويت مغامرة،قلت مادام طلعت من الاربعين خل أروح اتسمع ويه بتي،في البداية احترمت الحضور هههه بس بعدين قامت بالواجب خخخ بس أشوى وقت صياحها كان حزة ما بدى الشيخ فما صار واضح،بس الحمد لله انقضت على خير،خل انعودهم من الحين حق يتعودون،جان السنة في لفتهم سنة الجاية بيغربلونا وهم يتمشون واحنا وراهم،الله يحفظهم لينا يارب

بقَايا حُلمْ;13898351:
سلاااام عليكم

شخبـــاركم ؟؟

وحشتووونــي من زمان مارديت بس حدي أطل عليكم ..


تنهدات محامية
ام زهاري

ألف مبرووووك والحمدلله على سلامتكم
وتتربى البيبات في احضانكم


جحة
الحمدلله على سلامة السيد وقرة عيونكم برجعته ليكم بالسلامة


زهور
شخبارش وشخبار مراوي؟
وديتنها حق دكتور لو للحين؟؟



زهورة
عجبني الستاند والتوزيعات وااااااجد عليكم بالف عافية


الم الزمان
ام شهد
عشوقة

حلوووين عياالكم ربي يحفظهم ويخليهم يارب
وام شهد عبود كلش مايشابهش

احبك والقمر يشهد
من ولدت وهي ماليها حس كلش
اله عندها رقمها تعطيني اياه خلني اتصل فيها اتطمن عليها


عنوب
ماعليها شر فطوووومة








اممم هذا اله اتذكره من الواجب

الوافـية;13899545:
مــرحبــا

شخبـــاركم

واخيراً انفتح هالتجمع جم مرة طرشت رسالة لمرموم يالله فتحته

وحشتووني كفيراً كفيراً

وهذاني قاعده وحسوون في حضني وقبالي الاب توب خخخخخ مرضعته ومبدله حفاظته ومقمط ومو راضي ينااام طفرني واني نومتي متدلدله
وابونا نايم ويقعد يتأفف ويكمل النومه ههههههههههه قلت قصة حياتي عفر

الم وام شهد وعشوووق الله يخلي لكم اولادكم الصلاة على النبي كلهم يجننون

جحة شخبارش .. ننتظر صورة السيد الصغير ,,, بس ماقلتين طلع يشبهش ولا يشبه ابوه ؟

ويلااا اختاروو مشرفه تدخل على طول خخخ قبل لا تخلص ال3 ايام

عنوب;13899805:
واخييرا قدرت اجود اللابتوب

من فتحته للحين وفطوم اتصييح

بالغصب نامت الله يحفظها

المهم شحوالكم وشخباركم


زهورة حبيبتي اني ما كنت على النت المنتدى مخرف خخخ

زهوور نورتي التجمع من زمان ما شفناش

وردة البرية;13899827:
شحوالكم

وحشتونه واجد :adore:

اني زينة الحمدلله

بس علاوي حاله حال الجهال مغص وصدره وزكام :biggrin:

وديته امس الليل الساعة 1 لان كسر خاطر

مو كان يقدر حتى يشرب حليبته

عطوني قطور للخشم عليه صورة بططة

ودوى سائل للبلغم

وقطرات عن مغص البطن

واشوف الحمدلله احسن شوي :)

:(

ويالله خلف جبدي رد روز انتين مشرفتنه دامش قلتين :thumbs_up:



جحة اني انتظر صورة السيد :D

غصون نضرة;13903192:
البارحة سويت مغامرة،قلت مادام طلعت من الاربعين خل أروح اتسمع ويه بتي،في البداية احترمت الحضور هههه بس بعدين قامت بالواجب خخخ بس أشوى وقت صياحها كان حزة ما بدى الشيخ فما صار واضح،بس الحمد لله انقضت على خير،خل انعودهم من الحين حق يتعودون،جان السنة في لفتهم سنة الجاية بيغربلونا وهم يتمشون واحنا وراهم،الله يحفظهم لينا يارب

قــوة

شخبـاركمـ



مادري من سأل عني وعن حسون ,, اني الحمدلله زينه وحسون بعد زين بس ياريت تروح عنه هالغازات وبيصير كلش تمام

الا بقولكم ولدي طالع ليه حب صغار واجد في وجهه واحمر .. واني ماكليت لا ربيان ولا بطيخ ولا شي يطلع حب .. من شنو هالحب اللي فيه احد عنده فكره ؟

زهورة ضحكتيني يوم تقولين عطيتين بدوره ابوها وعمتها ونمتين .. اني يوم الجمعه ولدي قاعد من 8 واني ابي انام وابوه قعد الا اقوله بتنزل تحت يقول اي قلت له خذ ولدك وياك اكو مرضع ويبي له تسبوح قال لي برزي ليه ثيابه وكريماته وكل شي بخلي امي تسبحه وخذاه وياه وعجييييبب نمت من 8 ما قعدت الا 11 بس كل شوي اوتي اطالع التلفون مستغربه انه ماجابوه وانه زوجي ماتصل قال نزلي ولا شي .. تالي يوم نزلت الا تقول عمتي سبحته ونام وابوه نام وياه تحت خخخخخخخخخخخخخخخخخ

واخيراً سمحت لينا الحكومه اليوم نروح نتسمع بشرط انه نقعد في السياره والله يستر من حسنو نايم من المغرب اكيد بعدين حزه التسموع بيقعد يزن برزت شنطته وبرزت المرضعه والماي خخخ

سلام لاحلى امهات
وحشني التجمع ما بغيتون تفتحونه

السلام عليكم


امهات اني كلش تعبااااااااانه و يه ولدي:(

كل يسنى من هالغازات ويعفس المكان بالصراااااااااااخ ويعتفر حتى بيت عمي يجون فوق ليي يسالون وش فيه لان صياحه كانه احد مسوي فيه شي:'(

ولا مرة من جبته شرب حليبته ونام مستحيل مستحيل.. لازم يصيح ويسنى واحمله وافتر فيه لين يناممم اذا مااسوي هالطريقه ماينام

لا تقولون اني عودته والله ماعودته بس من كثر مايصيح ويسنى اشيله جان يسكت

وماعندي وقت لنفسي ولا لبناتي ولا هالشقه لان ولدي مطفشني يبي بس الوقفه او تعالي خليني على حضنش وهزيني:badly:

واخدت اليه سهااايه بس مايبيها واذا بالغلط ياخدهااا شوي ويفلتها

معورين قلبي بناتي مايعطيني مجال اقعد وياهم اكثر الوقت وياه واذا نام اقوم اسوي ليي جم شغله في الشقه

حالتي كسيفه :hysterical:


وعنده حركه بايخه بعد
طول النهار يبي مرضعه ومستحيل يشرب من صدري يزعزع المكان اذا قربت صدري صوب بوزه وفي الليل عادي يشرب من صدري :confused::confused:

مسكين حمود طالع ليه طفح الحفاظات
كنت استخدم بامبي غيرت لبامبرز ولا في فايدة
حطيت ليه فازلين زيد الطفح عنده
استخدمت ليه كريم سيباميل ولا في فايدة
والبارحة ابوه جاب كريم ماركة هيمالايا ولا اشوف في تحسن

الم الزمان

الفازلين واجد زين بءس لازم اتمين على الشي فتره مو يوم واحد وشفتين مافي تحسن تغيرين لكريم ثاني

انتين اصلا بهالحركه تزيدين الحرار على الجاهل

كله تتشكون على هالجهال مساكين الله يساعدكم

اللي قالوا ولدي مايشبهني
ايه مايشبهني يشبه ابوه عدل تعبتي راحت بلاش هههههههههههه

عبث طفلة;13907004:

كله تتشكون على هالجهال مساكين الله يساعدكم

حديث الساعه حاليا هالجهالو:lol:

بتولدين وتالي بتقولين صدقو تجمع امهات نوفمبر:p

شخبــاركم؟؟


زهورة
توزيعاتي كلش بسيطة وناعمة
الصور شايلتنهم حاليا من الاب توب لان بسويه فورمات
بنزلهم لش وقت ثاني


حبك حياتي
اي بداوم قريب يوم الاحد او الاثنين ويصادف يوم الاربعيين
حدي احاتي الدوام لان زنوب الله هداها مي مسوية فيني سواااياااااا


ام شهد
كأنش تتكلمين عن بنتي
والله العظيم تصيييح صياح مو طبيعي وكله تسني حتى اني كله فيني صداع منها
وبيت عمي من يسمعونها تصيح جدي يجون فوق صوتها كأن احد ضاربنها لو مسوي فيها شي
وترى هي مو توها من زمان
حتى اذا يجون نسوان يزوروني يستغربون منها
يقولون بعدهي صغيرة وكله تصيح هالصياح وتسني لدرجة يبيييح صوتهاااا
واكثر الوقت تبدي موسيقى من مغرب الى الصبح بس اليوم مواصلة ليي طول اليوم ع هالمنوال
:(


والزكام مسكينة للحين تعاني منه

صار ليها فترة طوووويلة وهو وياها من يوم عمرها 8 أيام الى الحييين !


الله يشافيهم ويساعدنا عليهم

ووردة البرية ترى قطور علاوي ابو صورة البطة نفس القطور اله عطوه زنوب

وبسألكم بنات

متى جتكم الدوورة؟؟

اني من امس جايني الم في بطني نفس الم الدورة

والحين اشوفه زااااااايد لدرجة ان كلش ماليي زاغر اي شي وماني طايقة شي ونفسيتي كلش اقول اكيد بتنزل قررريب خصوصا ان صار ليي من ولدت 35 يوم

حتى اللوعة فيني من الزود

>> مو تفكرون شي غير خخخخ لان اصلا من ولدت للحين ماطهرت ومغربلتني هالاستحاضة

صفاء
ماعليها شر فطوم
كأني خربطت بينش وبين عنوب
ترى ماعليش هالمخ صاير كلش


جحة
ننتظر صوورة سيدان

بقايا حلم

تدرين اني ولدي من طلع من بطني وهم ينظفونه ويجيكونه مزعزع المكان حتى اول ما قالو ليي اني جبت ولد وشوفيه مالي زاغره كلش من التعب وبعدين يوم شالوه اسمع صياااااااااااااحه عافس المكاااااااااااااااان مو صياح طبيعي بصرااااخ وحتى صوته رااااااااااااااااااايح

اني بناتي كلش كلش ماكانو نفسه متعبين هذا مطلع ليي قروووووووووون

والله يساعد زنوووب على الزكام توها نتوفه احنا كبار مانشد الزكام الله يساعدهم والله هالجهالو