الرئيسية ركن العروس تجهيزات و استفسارات العروس (♥)◦--׀|׀

(♥)◦--׀|׀

أميرة * A * 06-12-2010 1,559 رد 45,029 مشاهدة
p
pretty_mai
عروس مشاركة
03-01-2011 | 03:10 AM
dr.muslimah;14116442:


الحمد لله جايلكم بخبر حلو الفرح ان شاء الله يوم 6/2





الف مبرووووووووووك F:F:F:F:
انتي بعدي ب 3 ايام
ربنا يسعدك ويبقا يوم جميل





te amo;14118021:




مبروك ياقمر انا مش عارفة النوع ده وقوليلنا التاريخ عشان نحطك فى الليستة






شكرا يا مرمورة انا عرفت من الردود ان اسمك مي صح :D


انا تاريخ كتب كتابي

4-1-2011



يعني بعد بكرة

والمراتب ياريت يابنات تردوا عليا


فيها:'(
ن
نوزي
عروس متألقة
03-01-2011 | 03:18 AM
ازيكم يا عرايس كلكم معلش مش كنت بشارك معاكم الفترة اللي فاتت عشان كنت مش في بيتنا بس كنت بدخل اتابع بس .مش بقدر علي بعدكم والله
نودي
الاسترتش مارك دي بيقولوا في مرهم بانثينول كويس ليها مع التدليك كل يوم عشان تنشيط الدورة الدموية في المكان ده وبالنسبة للخطوط الزرقا الدكتور حيكتبلك دوا يحتوي علي فيتامين c وعشان شكلها علاجها حيكون بالليزر بس ما تهمليش العلاج عشان دي وراثة برده.
عنبة
الهير استايلر ده وحشششش قوي عندي ولا بيعمل حاجة عشان الوات بتاعه ضعيف قوي وبيقولوا ان الحجات اللي فيها سخان زي السشوار والغلاية احسن نوع فيليبس.
د.مسلمة والعروسةلوكا الف مليوووون مبروك وربنا يكمل بخير
علي فكرة يابنات انا سمعت من دكتور في مصر النهاردة ان الانسان لما بيخاف من الحسد او يحس ان كلمة فلانة ديه مثلا فيها أر بيحصل فعلا لان الحسد طاقة سلبية وبيقول لازم اننا نقول المعوزتين واية الكرسي الصبح واحنا متأكدين ان خلاص احنا كدة محصنين مش نقولهم كدة وخلاص اليقين بالله يقينا وربنا يبعد عنكم الوحش
بنات اسكندرية انا لقيت محل حلو قوي للادوات المنزلية اسمه هابي هوم امام مول مينا الابراهيميةجبت منه كاسات rcrب99 جنيه اصلي صواني بيركس 3 مستطيل ب99 برده قولت اقولكم عليه يمكن يفيد حد
سؤال الحلقة انا عندي لحاف سونيتا ومفرش السرير السوري اجيب لحاف التاني مطبوع برده كالرز مثلا ولا اللي بيبقي في شغل كدة وهل حيبقي عملي في الاستخدام؟
t
te amo
عروس مبدعة
03-01-2011 | 03:23 AM
:086:عرايس السنة الجديدة باذن الله :086:
فرحasma_moaa22
1-1-2011
كتب كتاب pretty_mai
4-1-2011
كتب كتاب لوكا 7-1-2011
فرح العروسة لوكا 13- 1-2011
فرح pretty_mai
3-2-2011
كتب كتاب Hopes
4-2-2011
فرح dr.muslimah
6-2-2011
فرح وزة محمد
12-2-2011
فرح Roka85
11-3-2011
فرح هاميس اتون
1-4-2011
فرح deera
7-4-2011
ربنا يسعدكم ويتمملكم بخير
الف مبارك
اجيب كام مشط ؟
ع
عروس24
عروس مشاركة
03-01-2011 | 03:24 AM
هو انا عندى سؤال كده مهم جدا بالنسبالى هو المفروض البس ايه لما اكون هبات عند حماتى قدام حمايا ياعنى هو اصلا خطيبى عنده اخ واحد ف رابعة ابتدائى واخت بنت متجوزة وهم عندهم نظام انهم يجوا يباتوا عندى وانهم عاوزينى انا كمان ابات عندهم دا شكله هيحصل كتير علشان حماتى كذا مرة تقولى انا هوضبلكم الاوده دى بقى علشان لما تيجوا وتناموا فيها
فانا طبعا مش عارفه ايه الللى المفروض اقعد بيه عندهم مع العلم ان هم اصلا اغلب لبسهم فالبيت جلبيات وانا لبسى كله بيجامات وحاجات كده وعمرى ملبست جلبيه ولا عبايه ومش جايبه غير عبايتين صيفى كده وجلبيتين شتوى قطيفه والباقى كله بيجامات
وكمان انا لما بيكون عندنا ضيوف فالبيت بلبس لبس خروج عمرى ماقعدت بلبس بيت قدام حد بس طبعا مينفعش اعمل كده معاهم لان دول هيبقوا اهلى بردوا زى بابا وماما وكمان مينفعش اكون عندهم اليوم كله او هم عندى اليوم كله واكون لابسه خروج وانا بكره الجلبيات والعبايات وعمرى ماجبتهم قولولى المفروض ايه الصح علشان مكونش غلط قدام حد ومش انتقد
ياعنى مثلا ينفع البس بيجاماتى عادى بس البنطلون طبعا واكون لابسه عليهم الروب ولا مينفعش
انا ماما بتقولى عادى لو لبست البيجامات قدام حمايا علشان ده هيكون زى بابا بس انا حاسه هتكسف علشان عمرى محد شافنى ببجامه غير بابا بس بصوا هو سؤالى ممكن يكون غريب بس بجد اجابتكم هتفرق معايا كتير علشان على اجابتكم هتخلينى اظبط اللبس بتاعى
بصوا انا جايبه الصيفى بيجامات بيرمودا 6 والجلبيات القصيره البنوتاتى دى 6 واللبس الدلع ده بقى والحاجات الشورتات ووالكات دول منوعه شويه كده ياعنى اصلا هيكون دا اغلب لبسى قدام خطيبى اللى هيكون جوزى ان شاء الله يارب فبيتنا يارب والبيجامات البنطلون انا جايبه منها 6 بيجامات وجايبه عبايتين كده بكم صيفى من دنيا النغم
والشتوى جايبه 8 بيجامات شتوى و2 جلبيه قطيفه بيتى مش عبايه
بس المشكله ان البيجامات كلها الصيفى القماش الماسك على الجسم دا مش عارفه اسمه ليكرا باين ولا جيل مش عارفه اصلى مش بفهم فالقماش وكمان الشتوى اغلبه قطيفه او ليكرا شتوى وبردوا ماسك على الجسم مش عارفه بقى اعمل ايه عادى لما البس كده ولا ايه وكمان انا كده يعتبر قفلت على اللبس البيتى كله فاضل بس اجيب عبايه الاستقبال واحده صيفى وواحده شتوى علشان انا اصلا مش بلبس عبايات ولسه بقى لبس الخروج كله تفتكروا العدد كده كويس ولا هحتاج اكتر؟؟؟؟؟؟؟؟؟
t
te amo
عروس مبدعة
03-01-2011 | 03:28 AM
pretty_mai;14118906:
شكرا يا مرمورة انا عرفت من الردود ان اسمك مي صح :D


انا تاريخ كتب كتابي

4-1-2011



يعني بعد بكرة

والمراتب ياريت يابنات تردوا عليا



فيها:'(

اسمى مى صح ياقمر والمراتب يانسن وهبيتات ياما تاكى لانها معروفة على الاقل ده رايى ياما شوفى حد جرب الانواع التانية
ن
نوزي
عروس متألقة
03-01-2011 | 03:39 AM
عروس24;14118962:
هو انا عندى سؤال كده مهم جدا بالنسبالى هو المفروض البس ايه لما اكون هبات عند حماتى قدام حمايا ياعنى هو اصلا خطيبى عنده اخ واحد ف رابعة ابتدائى واخت بنت متجوزة وهم عندهم نظام انهم يجوا يباتوا عندى وانهم عاوزينى انا كمان ابات عندهم دا شكله هيحصل كتير علشان حماتى كذا مرة تقولى انا هوضبلكم الاوده دى بقى علشان لما تيجوا وتناموا فيها
فانا طبعا مش عارفه ايه الللى المفروض اقعد بيه عندهم مع العلم ان هم اصلا اغلب لبسهم فالبيت جلبيات وانا لبسى كله بيجامات وحاجات كده وعمرى ملبست جلبيه ولا عبايه ومش جايبه غير عبايتين صيفى كده وجلبيتين شتوى قطيفه والباقى كله بيجامات
وكمان انا لما بيكون عندنا ضيوف فالبيت بلبس لبس خروج عمرى ماقعدت بلبس بيت قدام حد بس طبعا مينفعش اعمل كده معاهم لان دول هيبقوا اهلى بردوا زى بابا وماما وكمان مينفعش اكون عندهم اليوم كله او هم عندى اليوم كله واكون لابسه خروج وانا بكره الجلبيات والعبايات وعمرى ماجبتهم قولولى المفروض ايه الصح علشان مكونش غلط قدام حد ومش انتقد
ياعنى مثلا ينفع البس بيجاماتى عادى بس البنطلون طبعا واكون لابسه عليهم الروب ولا مينفعش
انا ماما بتقولى عادى لو لبست البيجامات قدام حمايا علشان ده هيكون زى بابا بس انا حاسه هتكسف علشان عمرى محد شافنى ببجامه غير بابا بس بصوا هو سؤالى ممكن يكون غريب بس بجد اجابتكم هتفرق معايا كتير علشان على اجابتكم هتخلينى اظبط اللبس بتاعى
بصوا انا جايبه الصيفى بيجامات بيرمودا 6 والجلبيات القصيره البنوتاتى دى 6 واللبس الدلع ده بقى والحاجات الشورتات ووالكات دول منوعه شويه كده ياعنى اصلا هيكون دا اغلب لبسى قدام خطيبى اللى هيكون جوزى ان شاء الله يارب فبيتنا يارب والبيجامات البنطلون انا جايبه منها 6 بيجامات وجايبه عبايتين كده بكم صيفى من دنيا النغم
والشتوى جايبه 8 بيجامات شتوى و2 جلبيه قطيفه بيتى مش عبايه
بس المشكله ان البيجامات كلها الصيفى القماش الماسك على الجسم دا مش عارفه اسمه ليكرا باين ولا جيل مش عارفه اصلى مش بفهم فالقماش وكمان الشتوى اغلبه قطيفه او ليكرا شتوى وبردوا ماسك على الجسم مش عارفه بقى اعمل ايه عادى لما البس كده ولا ايه وكمان انا كده يعتبر قفلت على اللبس البيتى كله فاضل بس اجيب عبايه الاستقبال واحده صيفى وواحده شتوى علشان انا اصلا مش بلبس عبايات ولسه بقى لبس الخروج كله تفتكروا العدد كده كويس ولا هحتاج اكتر؟؟؟؟؟؟؟؟؟


ولو اني انا كمان عندي نفس الموضوع وانا مش بحب انام عند حد واخد راحتي في بيتي بس انا شايفة اني يحلبس جلابية يا روب ستان فوق البيجامة ولما انام اخلعه
عشان سعات الحموات بتغير وبينتقدوا العروسة لو لابسه اي حاجة مدلعة قدامهم وكمان عشان لو جالهم حد مثلا زوج اخته كدة فالحل هوالروب طبعاF:
ر
رشروش84
عروس مشرقة
03-01-2011 | 07:22 AM
بنااااااااااااات وحشتووووونى وحشتوووووووووووونى
معلش كنت غايبة عنكم فى موضوع كده:o ادعووووووووووولى يتم على خير واسمى ينزل فى الستة بقة;)

بقولكم عايزة مساعدة من البنات الهرميات يعنى قاطنى الهرم اللى ساكنين فى الهرم:thumbs_up:
شارع سباتس ده شارع رئيسى ولا شارع متفرع من شارع الهرم ولا ايه وهو بعد شارع التلاتينى ولا جوه وشارع حلو ولا يعتبر حارة كده حد يفهمنى بالله عليكم
ولو شقة فيه 128 متر تبقة حلووووووووووووووووووة ولا ايه هى ايجار قديم من التمانينات الرجاااااااااااااااااء سرعة:clock: الرد الله يكرمكم :study:


سؤال المخالفة اجيب كام طبق بلاستك للغسيل :cool:
h
hoba bodyyy
عروس رائعة
03-01-2011 | 10:40 AM
صبااااااااااااااااااااااح الخير يا بنااااات
عاملين ايه كلكم النهارده بنات اسكندريه ايه الاخبار عندكم يارب كل حاجه تكون رجعت زى الاول وطمنونا عليكم

Saso الوحشه اللى خرجت وسابتنى روحتى فين يا بنت امبارح وعامله ايه وحشتينى اوى اوى اوى اوى وقوليلى رايك برده على خالص اوكش مستنياكى يا قمر

زهره نورمااااااااااااااااااااااا كوكىىى يا بنت انتى وحشتينى مووووووووووت طمنينى عليكى وقوليلى عمو عامل ايه واخباره ايه دلوقتى وخطيبك اخباره ايه معاكى

DR\Muslma الف الف الف الف مبروك يا قمر وربنا يتمملك على خير وادعيلنا نحصلك قريب

pretty mai الف مبروك يا قمر وربنا يتمملك على الف خير

بنات احنا معملناس موضوع تهنئه لاسماء موئه asmaa mo2aa الف الف الف مبروك يا سمسم مع انها متأخره يارب يتمملك على خير ويرزقك بالذريه الصالحه

red roseeee بصى يا قمر هو انا جبت تقريبا مولينكس وليه وظائف كتير اوى وجبته من التوكيل اللى فى الاوبرا لى نعرفيه والبنت قالتلى قبل ماتتجوزى بشهر تعالى وانا اختملك بالضمان بس بشرط متستعمليش اى حاجه خالص يعنى تتفرجى بس انما متجربيش وجبته ب 1800 جنيه جبت العلبه كلها الخلاط والكبه والمفرمه والعصاره وحاجه كده بتعمل البومبار والمحشى حاجات كتير اوى اوى والله هبقى اسأل ماما وجبت الكاتل معاه كمان

Te amo حددى يوم علشان نروح نشوف الحاجات يا قمر

كل البناااااات بلااستثناء وحشتونى جدااااا


اجيب كام بيجامه شتوى ؟؟؟
3
3enba
عروس متألقة
03-01-2011 | 11:27 AM
meramia;14118821:
اخييييييييييييييييييييييييرا
نوتي ياعنبه
إنتي فين يابنتي
وحشاااااني
قصدك الأركو بيركس ده لومينارك ولا إيه
هو إنتي أصلا عندك كام نوع أطباق
عرفينا الأول وأنا أقوللك تجيبي ولا إيه
وإيه بقي حكايه العرض ده
فين ولحد إمتي[I]ا[/I]


ازيك يا ميرا وحشانى يا قمر اييه:L:F: دا هو انا مقلتش العرض فييين :woo:العرض دا فى سبينس يا ميرا و بالنسبة للأطباق انا عندى بيركس دورولكس فرنساوى 58 قطعة اللى هو فاميه دا و مش عارفه اجيب اييه تانى معاه الصيني اساسي طبعا اجيب بقي مع الصيني و البيركس اركوبال و لا اركو بيركس و لا طقم شاي^o)
م
مشمشة تامر
مشرفة سابقة
03-01-2011 | 11:49 AM
صباحكم فل و قشطة باللوز و احلى صباح على اجدع بنات و صبح تاتا 2 في 3 يبقى اكيد 6 يبقى صبح 6 هههههههههههههههههههههههههههههه :lol:


ازيكم يا قمرات انا بدخل خطف كدة :o


انا مخنووووقة جدا دكتور علم النفس الاجتماعى طالب مننا بحث في 70 صفحة مكتوبة بخط الايد :mad: و مش عارفة هسلم البحث امتى دة حاجة ملل عاااااااااااااااااااااااااااااا بجد يعني .. الله المستعان ..


وانا ملاحظة هنا في ناس تعبانة و عيانة و عملوا حوادث هو احنا غيرنا النشاط من النكد و العراك للحوادث و التعب ههههههههههههههههههههههههههههه :lol:


اولا اولا ابارك لحبيبة قلبي دكتورة مسلمة الف مليون مبروك و بجد فرحت لك من كل قلبي وكان نفسي انا الى احط اسمك في الليستة بس القمرات سبقوني و ربنا يتم لك على خير يا حبيبتي اللهم آمين :L:


و ابارك كمان للقمر العروسة لوكا ام دراع ازرق في احمر ههههههههههههه :D


الف الف مبروك يا قمرة و ربنا يتم لك على خير و يسعدك اللهم آمين :adore:


ثانيا ندخل على الناس التعبانة


F:قلب مادوF:


الف سلامة يا رشا على مادو و ربنا يقومهولك بالف سلامة يارب و تتجمعوا على خير اجوزوا بقى و خلصيني من شدة الاعصاب دي انا بجد مشدود اعصابي جامد جدا عشانك يا رشا و ربنا يقدر لكم الخير حيث كان اللهم آمين و طمنينا عليه عامل ايه دلواتى و خرج من المستشفى ولا لسة ..
و بالله عليكي اما يتحسن متقوليش لكل الناس عشان الحسد يا بنتى و قال رسول الله صلى الله عليه وسلم " استعينوا على قضاء حوائجكم بالكتمان " .


لاسبوزا عروسة


ازيك يا حبيبتى و ايه موضوع رجليكي دة مالها ؟؟؟ الف الف سلامة عليكي و ربنا يقومك بالف سلامة يا جميل بس انا مازلت مش فاهمة رجلك مالها لو سمحتى طمنيني ..



انا حاسة انى مصدومة زي اليسا هههههههههههههههههههههههه الامتحان يوم الاحد الجاى وانا من كتر خوفي و قلقي حاسة ان انا داخلة بيت الرعب او داخلة قناة توب موفي للرعب العالمى هههههههههههههههههه مش داخلة امتحان ..
ادعوا لى يا قمرات ..


ومن هذا المنطلق انا هبعت لكم كلكم مسجات بس بما انى ممعيش ارقام تليفوناتكم كلكم فهبعتها لكم اهنا


ادعوا لى شكرا
prayer of me thanks
لو دعيت بجد الملائكة تؤمن ولك مثله لو دعيت اكتر فرصتك في الحسنات هتزيد

سؤال بجد مش هزار يعني ردوا و إلا :mad:


هو لازم اجيب كمبيوتر مع الاجهزة ؟؟ بالاخص ان انا مدمنة نت و عروس ..


************


على راي المثل


القرش الابيض بيعوم في البحر الاحمر
s
saso_m
عروس مبدعة
03-01-2011 | 12:06 PM
صباح الخير يا بناات وحشتونى كتيييييييييير


هوبا : صباح الخير ياسكر وحشتينى
اوووووووى ومش عارفة اتكلم معاكى كتير




د. مسلمة :الف مبروك يا قمر وربنا يتمملك على خير


pretty mai الف مبروك يا قمر وربنا يتمملك على الف خير


mona vision: ربنا ياحبيبتى يعدى المحنة دى على
خير ويشفى الشابين دول ويصبر اهاليهم
احنا شقتنا فى اسكندرية هناك جنب الكنيسة
واتصلنا نطمن ع الجيران وقالولنا ان الموضوعكان افظع
بكتير من الى احنا شفناه فى التلفزيون



نودى : الف سلامة على رجليكى ياحبيبة
قلبى وان شاء الله هتبقى قلة ترطيب مش اكتر
بس برضه اكشفى زيادة اطمئنان
بصى يانودى انا هنزل بعد 10 يناير واشوف
الموديلات الجديدة لو تستاهل هروح معاكى
وانا هعمل زيك على فكرة تقريبا نفس الالوان
وهجيب واحدة للانتريه وواحدة للسفرة وفى الفرق
الى بينهم هحط بف بزاوية كده يدى منظر حلو برضه



ميس مونى : ازيك ياقمر يارب تكونى بخير
الرابط مش بيدخل لان الادارة حذفت الموضوع



عروس 24 : وحشتينا ياندا عاملة ايه
ياسكر بصى انا كنت برضه واثقة ان مفيش
حاجة للاسترتش ماركس بس اختى قبل
خطوبتها راحت لدكتورة اديتها كريم مرتين لمدة
شهر والموضوع اختلف تماما هى مراحتش
خالص بس قلت كتيييييييير لو عايزة اسم
الكريم اسالهالك



سوشى : ازيك ياحبي
بة قلبى يارب يكون
خطيبك احسن دلوقتى
الرابط مش شغال عشان الادارة حذفت الموضوع
عشان ال ايه بعيد عن موضوع التجهيزات



ريد روزيز : انا متهيالى ياحبيبتى الانواع
بتاعة الكيتشن بتتحدد على عدد الوظايف
يعنى انتى شوفى انتى محتاجاها لايه
وده هيحدد اذا كنتى هتشتريها كاملة
ولا عدد وظايف اقل



3
3enba
عروس متألقة
03-01-2011 | 12:15 PM
ميرا انا صورتلك غساله الاطباق هيا مش واضحة عشان من البروموشن و هيا بجد كويسة انا خالتى عندها الغساله دى من 5 سنين و هرياها شغل ما شاء الله و كويسة معاها اوى

s
saso_m
عروس مبدعة
03-01-2011 | 12:16 PM
زهرة نورما :طمنينى عليكى ياموزززة
ايه اخبار السنة الجديدة معاكى
يارب تكونى بخير



تيامو : شفتى ياموووزززة الموضوع
اتحذف كنت والله وصفت فيه حارة اليهود
بالتفصيل الممل
انا جايبة الحاجات من حارة اليهود عند
واحد اسمه صفوت تريدنج
جنب مول محمد رشدى


مشمشة تامر : ربنا يوفقك فى الامتحانات
وتخلصى منها ومن سخافة الدكاترة على خير



عروس 24 : حبيبة قلبى عادى انتى ممكن
تلبسى اى حاجة ادام حماكى ماهو هيبقى
فى مقام باباكى يعنى عادى البسى بيجامة
او ترينج او حتى جلابية زى ما متعودة تلبسى
بس تكون حاجة واسعة وبكم فاهمانى



ميريمية : وحشتينى ياموووززززة
بس عايزاكى تروقى كده وتطمنينا عليكى
حاضر من عنيا هحاول النهارده اصور السجاد
والسجاد مش متهيالى هو سجاد النساجون
بس هما عندهم حاجات حلوة بالنسبة للاسعار
يعنى للوهلة الاولى مش هتحسي كده
بس لو دورتى هتلاقى حاجات حلوة
و95 دى سعر السجادة كلها مش المتر
وزى ماقالت تيامو انا هنزل معاكو حددوا
اليوم ونروح كلنا ع الاقل نتعرف على بعض
وكمان محدش يتوه
l
lasposadelnilo
عروس رائعة
03-01-2011 | 12:20 PM
عوااااااااااااااااااااااااااااااااااااااااااااااااااااااااااااااااف يابنات ازيكم اصل انا كنت معديه
قلت بالمره الم الجمعيه
هههههههههههههههه
صبااااااااااااااااااااااااااااح الكمال يا كملين
عينا بتوجعني وحاسه ان جفني تقيل فوقها مبدهاش هروح للدكتور والامر لله بقى هنعمل ايه

نظرا لظروف الشغل اليومين دول هستعجل وبدون اللت والعجن بتاعي وندخل في الموهم
مراميه
وحشاني يام خط بيوجعلي عيني
انا عاوزه انزل معاكي ياموزه بس انتى هتنزلي تشتري لوحدك ولا امام وماماتك هينزلوا معاكي
لو كده لان انا عندي كمان ماما هتنزل معايا يبقى عندنا حل وسط
بما ان الرجاله مش بيكون ليها طقطان للف وماما وماماتك اكيد بيزهقوا
ايه رايك ننزل انا وانتى يوم لوحدنا نتفرج وناخد فكره عامه ونلف لفه حلوه كده عشان لما ننزل نشتري نكون عارفين هنعمل ايه
وسها بتقول نروح بعد يوم 10 يناير عشان هينزلوا تشكيله جديده
وهشربك عصير قصب يالالالالالالالالالالالالالالا انشالله محد حوش
قوليلي لو الحل ده يناسبك اديني الاوكي
وممكن وقتها نعدى على رجب العطار نشتري حاجه الحمام المغربي عشان منبقاش رجعنا وادينا فاضيه لاني بكسل ارولحه وبما اننا هنبقى جمبه نشوف
ونكتشف اماكن السجاجيد ونسهل على نفسنا نزوله الشرا
وممكن وقت الشرا كمان ننزل سوا عشان نعرف ناخد راي بعض يا موزه
شوا رايك



دكتوره مسلمه
مبرووووووووووووووووووووووووووووووووووووووووووووووووووك ياقمر على تحديد معاد الفرح
فجاءه اختفيتي من تجمع افون قلت اكيد خلاص هانت وهتتجوزي
عقبالي يارب
هاااااااااااااانت يابنات ويا عروسات صيف 2011 بدا العد التانزلي
يارب نقضي الفتره الجايه من غير مشاكل وخناقات كتير احسن انى قربت اسوس من كتر الخناق

عروسه حبيه هارتي ندا
ميرسي يا جارتي يا حبيبيتي
فعلا ماما كمان بتقلي هتخني ويارا انتمتي قالتي هتحملي وهتجي تلاقي ان بتشحتي كل هدومك الشتوى
تخيلي قالتي متجبيش شتوى خالص ولو فكرتي تجيبي هاتي واسع
عموما انا جبت في الشتوى كام جلابيه وترينج وهجيب طقمين خروج شتوى كاميلين لاشور والبوت واقفل على كده احنا هننهب
بالنسابلك ياقمر انا نفس حكايتك كده
اهل احمد في بلد ولو رحناللهم لازم هنبات
وهما برضه لما هيجوا بيكون بيات
وانتى عندهم افرضي حد من قرايبهم جالهم ولا اي حاجه يستحسن تعملي حسابك على روب وجلابيتين شتوى وصيفي وكفايه كده لانك اصلا مش هتلبسي جلاليب في بيتك لانك مش بتحبيهم
انا احمد عندي دوماغه جزمه شويه لازم قدام اهله اببس واسع وكده
فكبرت دوماغي وجبت جلابيه تعتبر عبايه بيت من شارمن حلوه اوي نازله على واسه وبيجيوب ووجميله وجلبيتن شتوى طبعا انا مش بحب الجلاليب زي نوهائي
بس جايبهم عشان لما اروحلهم
وجايبه جلابيه قطن من شارمين برضه عشان البسها وانا نايمه عندهم وهزود جلابيه او 2 كمان
ودمتم
بس الاهم تعرفي هتتجوزي صيف ولا شتا عشان متكتريش في اللببس
انا نفسي اوي ربنا يزرقني بالزريه الصالحه نفسي موت ابقى عندي نونو بعشق الاطفال وخايفه ربنا ميكرمنيش مش عارفه ليه

مشمشه (سها الطفله الهبله )
يابت اتلمي وزاكري بدل ما اجلى اعلقك من رجلك هتفضحينا
انا عندي اخ في 3 اعدادي ومنه اختى في تالته جامعه ودول اللي بيزاكروا بس عندنا وومجنني في البيت مفيش على لساني غير زاكر ياحمد زاكري يامننه ولعلوا في التلفزيون
زاكري يا سها انتى كمان عشان اجيبلك حاجه حلوه لما تنجحي
وممكن اجيبلك اتاري بدل الكمييوتر

والقرش الخفه الظريف بيعوم في الكتاب يا حلوه



سوال بقى
الكونر بنتاع الحمام احسن خامه ليه تكون ايه بلاستيك ولا معدن وسمعت ان في نحاس ولا انا عبيطه وبخطرف
l
lasposadelnilo
عروس رائعة
03-01-2011 | 12:25 PM
saso_m;14121623:



[COLOR=#008080]نودى : الف سلامة على رجليكى ياحبيبة [/COLOR]
قلبى وان شاء الله هتبقى قلة ترطيب مش اكتر
بس برضه اكشفى زيادة اطمئنان
بصى يانودى انا هنزل بعد 10 يناير واشوف
الموديلات الجديدة لو تستاهل هروح معاكى
وانا هعمل زيك على فكرة تقريبا نفس الالوان
وهجيب واحدة للانتريه وواحدة للسفرة وفى الفرق
الى بينهم هحط بف بزاوية كده يدى منظر حلو برضه






صباح النور يا سها نورتي التجمع في مهادك عامله ايه يا موزتي
انا كمان لسه بقول لمراميه
ممكن ننزل بعد 10 يناير نتفرج واخد فكره عن كل حاجه واجى مع ماما نشتري
وفكره جامده بتاعه البفات
انا كده كده الركنه هيتعمل معاها بفين هاحول انسقهم بحيث يتحطوا في الفاصل بين السجادتين
بس المشلكه ان سفرتبي هتبقى في وش الباب مش عارفه بقى هيبقى ظريف احط الباف ولا ايه
ربنا يسهل
خلاص ننزل نتفرج على السجاد
ونشتري حاجه الحمام المغربي من رجب العطار



عاوزه مكان محل بواقي تصدير انا فاكره انكم قولتولي قبل كده بس المشاركه تاهت منى
عاوزه جيبات جينز وشورتات قصيره لزوم الدلع مش هلاقي دلوقت ولا دول مع الصيفي
h
hoba bodyyy
عروس رائعة
03-01-2011 | 12:38 PM
Sasoooo يا بنتى ولا يهمك كفايه سؤالك علياااااااااااااااااااااااااااا موااااااااااااااااااااااه

نووووووووووودى انا عارفه محل بواقى تصدير فى شارع مصدق فى الدقى وواحد عند محطه البحوث وواحد فى شارع السوادن

مشمشه تاااااااااامر يا بنتى ذاكرى ذاكرى ذاكرى شجعونى اذاكر انا كمان امتحانات الدبلومه قرربت ربنا معاكى يا قمر

عسوله عمرو ربنا معاكى يا جميل وتتوفقى فى الامتحانات

ميراميه يا بنت بسأل عليكى كتيييييييييييير والله ايه يا ميرا يا حبيبتى مالك

بنات انا شوفت محل فساتين اسمه نورهان عند ميدان الحريه اللى فى المعادى وكمان فى محل هناك اسمه يبدأ بحرف ال M بتاع هدو بيت جميل اوى لو روحت تانى هجيب الاسم

اجيب كام بيجامه شتووووووووووووووى ؟؟؟
l
lasposadelnilo
عروس رائعة
03-01-2011 | 01:01 PM
hoba bodyyy;14121853:


نووووووووووودى انا عارفه محل بواقى تصدير فى شارع مصدق فى الدقى وواحد عند محطه البحوث وواحد فى شارع السوادن



بنات انا شوفت محل فساتين اسمه نورهان عند ميدان الحريه اللى فى المعادى وكمان فى محل هناك اسمه يبدأ بحرف ال M بتاع هدو بيت جميل اوى لو روحت تانى هجيب الاسم


اجيب كام بيجامه شتووووووووووووووى ؟؟؟



صباحك فل يا هبه
طب قوليلي اساميهم ايه ياقمر
محطه البحوث ومفهومه وشارع مصدق تمام شارع السودان ده فين في الدقي برضه معلش انا اسمع عنه بس معرفش فين
قوليلي اساميهم ياقمر وهل ممكن الاقي الجيبات والشورتات القصيره وبديهات دلع عنده دلوقت ولالا ايه


نورهان اللي في ميدان الحريه انا عارفاه واجرت منه غستان خطوبتي الاولنيه هوا ايجار بس واوقات بتبقى عنده حاجات تحفه بس دوري كويس
والخطوبه والسواريهات عنده احلى من الزفاف بس انا مرحتهوش من زمان
واشري اجرت منه على فكره فستان فرحها
s
saso_m
عروس مبدعة
03-01-2011 | 01:04 PM


نودى كنت لسه هضربك واعضك
تنزلوا من غيرى ياوحشين
بصى فيه محل بواقى تصدير
اسمه بى نشتى فى عباس العقاد
وليه فرع فى سفير
وفيه محل تانى فى وندرلاند
وعندك شعبان فى الهرم والدقى
وفتح فرع جديد فى وسط البلد

قوليلى انى اقربلك وانا اوصفلك
l
lasposadelnilo
عروس رائعة
03-01-2011 | 01:32 PM
saso_m;14122037:


نودى كنت لسه هضربك واعضك
تنزلوا من غيرى ياوحشين
بصى فيه محل بواقى تصدير
اسمه بى نشتى فى عباس العقاد
وليه فرع فى سفير
وفيه محل تانى فى وندرلاند
وعندك شعبان فى الهرم والدقى
وفتح فرع جديد فى وسط البلد

قوليلى انى اقربلك وانا اوصفلك


واحنا نقدر نروح في حته يا سها من غير ودي تجي برضه من غير ضرب خالص انتى بتجي في دماغي على طول
انا في المعادي بقى ياقمر
عباس العقاد كده مدينه نصر
وسفير مصر الجديده
شعبان اللي في الهرم لمحته قريب وانا راحه كتب كتاب واحد زميلنا بس معرفش اروحه
هي وسط البلد اقربلي والهرم برضه
لاكن مدينه نصر ومصر الجديده سفر بالنسبالي
s
saso_m
عروس مبدعة
03-01-2011 | 01:59 PM
خلاص ياموووزة مفيش عض سامحتك
بصى انتى بقى هتركبى مترو وتنزلى
وسط البلد عارفة العبد الى فى طلعت حرب
تدخلى من اول مدخل بعده وتمشى شويه
قبل نهاية الشارع هتلاقى شعبان ع اليمين
وكمان ادامه ع الشمال نايل ستوك ممكن
تتفرجى عنده
X