سلمى 16;14039360:
و عروس 24 منورة يا قلبى التجمع و إن شاء الله نفرح بيكى قريبا
ربنا يخليكى ليا ياقمرة F:وبارب يسمع منك ربنا يارب وونفرح ببنات التجمع كلهم يارب:)
lasposadelnilo;14040412:
عوااااااااااااااااااااااااااااف عليكم يا بنات كيفكم كلكم
مودي ملخبط وقرفانه وناويه على خناقه
بصوا انا هحكيلكم واشهدتكم
دلوقتي عم احمد خطيبي عنده ورشه نجاره هنا وفي البلد وهوا اللي بيعملنا الركنه والصالون
قشده
الصالون عليا انا لما فكرت اعمله عند اللي بيعملي المطبخ احمد قالي من راي اعمليه تبع عمي ومش هيتكلف كتير زي ما هتعمليه في المعادي واهي الحاجه تجي كلها مع بعض من البلد
المهم امى واقفت مع ان احمد كان قايلنا الصلون هيتكلف 4000 وماما جت تتفق مع عمه اصر على 5500 وقلنا مش مشكله واخد عربون من رمضان واتفقنا انه السعر شامل القماش وكله
المهم لما رحنا قريب كان خلاص اشترا البودي بتاع الصالون جاهز من دمياط زي ما اتفق معانا والمفروض يتنجد ويتدهن ويعمله القماش
وكانوا عاملين يستعجلونا مع ان لسه فرحي في الصيف وسافرنا وزرناه في بيته وماما اديته جزئ تاني من الفلوس وبقى كده واصله 3500 يعنر اكتر من نص المبلغ
المهم حمايا قال لماما تعلوا نختار القماش بتاع الصالون بالمره ونقصه ونسيبه هناك عشان يشتغل فيه واخترنا ان الخشب يتدهن دهبي
ماما ادايقت في الاول عشان كانت عاوزه تجيب القماش من هنا من الازهر او اي مكان عشان يبقى في محلات كتير وتنقي براحتها لكن في البلد هما محلين او3 المهم ماما قالتي هنشوف لو معجبتناش حاجه نجيبه من عندنا ونخصم تمنه
رحنا يابنات ولفينا وبالعافيه عجبتنا قماشه واحده زهبي في زيتي وقلنا هي دي
حمايا كلم عم احمد وقاله عجبتنا قماشه نخلي الراجل يقص منها كام متر راح قايله لا متقصش دلوقت انا هعدى اخدها بعدين
ماما قلقت وقالتي مش عاوز يجبها ليه ما لو على الفلوس هوا لسه واخد ممنا مبلغ يعني معاه
واصرت تاخد حته من القماش معاها وقالت لحمايا لو اتاخر ومجبهاش وحد تاني اشترها يقلي وانا اجيب غيرها من القاهره بس مجيبش هوا شبهها او غيرها على مزاجه واصرت على كده
والكلام ده من يوم السبت وانهارده الجمعه فات اسبوع وكل ما اسال حمايا في الموبايل يقلي لسه مجبهاش ويقلي متقلقيش هيجبها
انا خايفه ميلقهاش وساعه ماما هتعمل مشكله لانها بقالها فتره بتحوش لحمايا غلطات وزهقت
وانا مش عارفه اعمل ايه مخنوقه جدا وهما زي مانتوا عارفين تصرفتهم تفقع جدا وخصوصا حمايا
عارفين بيعمل الركنه عباره عن قعده عربي خسب تحت بس هيكلها 4000 جنيه وده عمه تخيلوا والحاجات دي بتتعمل رخصيه جدا في البلد
ده انا اتفقت على ترابيزه السفره عن النجار اللي بيعمل الاوض في البلد ب 1500 بالست كراسي وبالتنجيد وكله وخشب زان احمر واتفقنا معاه لما اتكدنا من شغله في الاوض يعني الاسعار هناك ارخص من هنا كتير
وفي بنات هنا بيجيبوا الركانات جاهزه من محلات في مدينه نصر مش بتعدي ال 3500 يبقى ازاي بقى
اقول لاحمد واخليه يتصرف معاهم ولا اقول لماما لو قلتها هتعمل مشكله
بس الوضع مبقاش يتسكت عليه
كل حاجه في جهازي بيجبرني عليها حمايا عشان احمد بيبعتله الفلوس
مش قارده استحمل
شوروا عليا ضروري اعمل ايه
سوال المخالفه؟؟
اجيب منين مجات شوربه حلوه ؟؟؟
انتى يابت يانهاد بطلى عبط انا قريت كل مشاركاتك دلوقتى علشان مكونتش عارفه اقعد على النت اليومين اللى فاتوا كتير
اولا القماش ده مش اول ولا اخر قماش ياعنى ان شاء الله تعيشى وتجددى انتى واحمد كده فبيتكم
وبعدين انتى مالكيش دعوة بالركنه والحاجات اللى على خطيبك عموا يعملهاله ب100 ب1000 ب1000000 مالكيش دعوة دى فلوسهم وهم حورين فيها ياستى دول اهل فبعضهم سيبيهم بدماغهم فالاخر دول اهل والداخل بينهم خارج ياعنى عمه ده يضحك عليهم مايضحكش مالكيش دعوة
وبخصوص الانتريه بتاعك انتى اتدبستى مع عمه ده واللى حصل حصل وبعدين ده بينصب على اخوه وابن اخوه مش عاوزاه يعمل معاكى انتى كده فبصى انتى تفوضى امرك لله واصبرى انتى وماماتك وبعدين انتى نصيبك قاعدلك ومعروف ان قماش نهاد وانتريها وشقتها وعفشها ان شاء الله هيكون شكله كذا فمتقعديش بقى تتعبى اعصابك على الفاضى قولى يارب يقربلى الخير ويحسنلى المكتوب وبجد متنكديش على نفسك اللى انتى فيه ده افعال الشيطان اللى همه كله يعمل مشاكل وخلاص انتى استعيذى بالله وصلى وادعى ربنا يصلحلك الحال وبعدين هو اصلا خطيبك هتلاقيه من جوا نفسه مكسوف قدامك من اللى بيحصل ومتضايق من تصرفات عمه بس هو هيعمل ايه بردوا مهو مش ممكن هيخسر عمه علشان العفش وانتى عارفه الكلمة اللى بتتقال لحد فالعيله بتتنقل وبيزيد عليها كمان وهتخلى الكل يتكلم ويشعللها على الفاضى ففكك بقى من موضوع الانتريه ده ياسيتى انى بزوقك وشياكتك اعملى ديكورات تغطى على اى حاجه وحشه وان شاء الله اصلا مش هيكون فيه حاجه وحشه يابنتى فرحتك بخطيبك لما تتجوزوا ان شاء الله وبشقتك هتنسيكى كل حاجه انتى بس اهدى وهدى مامتك متشعليليهاش ومش هيفرق يانودى اى قماش بقى بس نخلص منك:D;) وعلشان خاطر ربنا هدى الموضوع
.. Hopes;14043634:
وظيفتها بتستغل مساحة الكورنر يابنتي
لأ افهموني ياعيااااال
حماتي عاوزة تعملها حنة ستات برضو وتعزم قرايبهم الستات يعني وكده وتجيب حنانة وتعمل شو حنه والكلام ده بتاع الهندي والسوداني والحاجات دي وعاوزة الكلام ده يبقي عندهم في بيت خالتها اللي مسافرة ومقفول يعني
الكلام ده بقا هيبقي علي مين :lol:
ماهي هي صاحبه اقتراح الحنه الكبيييييرة اوي دي
والمكان يبقي عندها ازاي:confused:
هي مش الحنة بتبقي عند العروسة؟:badly:
بصى ياحبيبتى هى المتعارف عليه ان الحنه العروسه فتكون فبيت باباها والعريس بيعمل حنته عنده فبيت اهله وماينفعش تروحى بيتهم وتعمليها عندهم علشان البنات اصحابك اللى هيجولك
انا عندى ليكى حل كويس انتى قوليلها انك حابه تقضى يوم الحنه فبيت مامتك وكمان علشان البنات اصحابك وقرايبك يكونوا براحتهم وتقوليها انها هى تيجى تحضر الحنه وتجيب اللى هى عاوزاه من اهلها البنات والستات فالبيت عندك انتى وبيقى كده عملتى اللى انتى عاوزاه وهى بقى تعمل اللى تحبه يا اما تعملها فبيتها يا اما تجيلك بس خلى بالك هى قالتلك الاقتراح ده من فرحتها بيكى فمتحاوليش تكسرى بخاطرها اتكلمى معاها بلباقه كده
وربنا يتمملك على خير ياقمر يارب
meramia;14044644:
بصوا بقي
أنا روحت يوم الأربع حاره اليهود
مبروك عاليكى حاجاتك انتى واخت ياميراميرا ويارب عقبال متستخدميهم فبيتك ان شاء الله:)
مشمشة تامر;14045838:
ربنا يبارك لك يا قمرة و متحرمش منك ابدا و انتى الى زي السكر و احلى سكر كمان يا قمرة
:adore::L::adore:
و ادعى لى انا رايحة امتحان حالا عاااااااااااااااا انا خايفة اوى اوى اوى الله المستعان
بصوا يا قمرات انا في اكسسوارات بتعجبني خلاخيل و غوايش و خواتم و حلقان اجيب من دلواتى ولا استنى قبل جوازي علما ان انا فاضل على جوازى 3 سنين يا قمرات ايه رايكم ؟؟
بصى ياقمر الاكسيسوارات دى بتلم فلوس كتسر اوى فالاخر فإنا من رأى كل لبسك البيجامات وقمصان النوم ولبس الدلع والحاجات دى اللى تجيبيها هاتيلها اكسسوار يليق عليها واكيد انتى على مدار ال3 سنين دول كل شويه هتجيبى حاجه فاللبس فهاتى الحاجه وفنفس الوقت هاتى اكسسوار يليق عليها وهتلاقى نفسك جبتى كتير على ماتيجى تتجوزى لكن لو سبتى نفسك لاخر وقت مش هتلاقى معاكى فلوس تكفى اللى نفسك فيه علشان هيكون فيه حاجات اهم هتحتاجى الفلوس فيها وبعدين الاكسيسوارات مش بيفرق فيها جايباها من كام سنة المهم يكون زوقها حلو وشيك وتحلى اللبس بس متجبيش كتير هاتى على الوان واذواق لبسك علشان قبل الجواز تجيبى كام حاجة كده من اللى يعجبوكى
lasposadelnilo;14046390:
صباح الخير يا بنات
نفسيتي لازلت تحت الصفر بمراحل
بسبب حميا وعم خطيبي
انا قريت ردودكم في المشكله بعد ما قلت لاحمد وقلت اشوف موقفه
هوا عنده فكره عن الموضوع لاني لما روحت من البلد يوم السبت وحكيله قالي ومجبتوش القماش في ساعتها ليه
قولتنه عمك قال هياخده بعدين
لما كملت حمايا امبارح وفرسني كان احمد اونلاين
سلمت عليه
وبقله تخيل ياحمد عمك مجبش القماش لدولوقت
قالي مش مشكله لسه معاه وقت
قلتله انا مش على الوقت بس القماس ممكن يكون اتباع اصلا اللي انا مختاره
قالي الراجل تعبان ومحدش عارف ظروفه ايه
هوا فعلا عمه تعبان عنده جرح في رجله وبيروح المستشفى وكده
قلتله ياحبيبي انا عارفه انه تعبان واحنا رحناله لحد بيته وزورناه
انا كل اللي بقول عليه يبعت يجيب القماش وبس مش لازم يروح
هوا كده كده ليه تعملات دايمه مع المحل ده وفي بينهم حساب لو كلم الراجل هيجبهوله او على الاقل يقصه ويبعت فلوسه
طبعا استفزني جدا رد فعل احمد وانه بيلاقي اعزار لعمه من غير ما يفكر في كلامي ولا يقف جمبي
قالي مش طالبه قمص
قلتله مش مقموصه انا كنت بعمل مكالمه وبالصدفه كنت انت اونلاين واديقت من حاجه وحكيتلك
على الاقل اعمل مكالمه لباباك واتاكد من كلامي مش على طول تلاقي اعزار لعمك
وطبعا عصبني وداخلنا في خناقه تانيه اننى اراجع كلامي واشوف اسلوبي
قلتله انا غلطانه اصلا انى بحكيلك حاجه
انا كنت اتصرفت بمزاجي من غير ما ادخلك
والموضوع كبر وبقى بارد وانا اتعصب كخناقتنا المعتاده
لحد ما وصلنا في الاخر انى بقله يا تتكلم عدل يا ملوش لازم النقاش
قالي يبقى ملوش لازمه وقفل
وقمت بعدها من عصبيتي كسرت البرواز اللي فيه صورته في الارض بقى ميت حته
بجد عصبني
هوا في الموقف ده مش حقاني
انا فكرت اجيبله القديم والجديد وافكره بحاجات عمري ما قلتهاله وانا صابره ومستحمله مواقف كتير ملهاش معنى في الجهاز مع ابوه
وقرفت على الاخر
ومش طايقه اتكلم ولا افكر فيه
ولا طايقه اشوف صورته
وفضلت اوفلاين ولما دخلت بليل لقيته دخل اولانين عادي
مع اننا لمابنتخانق بيتقمص ويمعل اوفلاين
انا قريت ردود البنات اللي ردت عليا
واديني عملت زي ما قلتوا
وادى موقف احمد
والمفروض ابوه يبنزل اخر الابسوع نحجز القاعه
وبجد نفسي اعقربله اي حاجه واعمل حاجه تحرق دمه
مش عاوزه القاعه
عاوزه ااجل الحجر
اعمل اي حاجه عشان يعرف انا كنت مستحمله ايه
هوا فاركني متدلعه
وقلتله مش بتعرف تستحملي وانا زعلانه ومدايقه
وانا بصبر وبستحمل كلامك معايا بيكون اسلوبك زفت وانت مدايق
اعدل كده وشوف تصرفاتك وتصرفاتي
بجد قرفت
هسيب ماما تتصرف
ويكش تولع انا اعاصبي تعبت بقى
سوال المخالفه
اجيب كام شبشب
نهاد مافيش حاجه اسمها تأجلى حجز القاعة ان شاء الله الفرح هيتعمل فمعاده ومش حتت انتريه هيعمل كل ده وبعدين متضغطيش على خطيبك وهدى مامتك انتى دورك تهدى الموضوع دى حاجات هبله وبعدين ياحبيبتى متستسلميش للشيطان ده انه يلعب فدماغك بالطريقه دى ويقعد يظهرلك حاجات وحشه ويخليكى تتضايقى على حاجات ملهاش لزمة خطيبك اكيد مضغوط زيك بالظبط اكيد عمه ده بيعمل حاجات مضايقاه بس هوا اصلا كفايه عليه انه حاسس بكسوفه قدامكم بسبب عمه ده
اتكلمى مع احمد عادى وحاولى متتكلميش فالموضوع ده اصلا واتكلمى فى اى حاجه تانيه
وبلاش تتعاملى مع حماكى انك عاوزة تغظيه وترديله مواقف عملها معاكى علشان الحاجات الصغيره دى ملهاش لزمة ومش بتتنسى انتى خليكى عاقله كل ماهتلمى الموضوع مافيش حد غيرك انتى المستفيد انتى اللى هتكونى محبوبه وسط اهله وهو كمان هيكون فرحان بيكى
بصى انا معرفش اللى كان بيعمله معاكى حماكى انتى عرفه انى جديده هنا بس والله حسا انى اعرفك من كتير ونفسى اشوفك فرحانه كده واستهدى بالله ياحبيبتى
lasposadelnilo;14055993:
يا جماعه عشان خاطري كلكم ادعولي ادعولي كتير
انا تعبانه معاه وحاولت اصلح الدنيا امبارح خربت اكتر وتعبت
ادعولي لو فيه خير ليا نكمل
مفيش خير يبقى يبعد عنى من غير تعب
متنسوووووووووووووووووووش
محتاجه دعائكم ليا اووووووووووووووووووووووووي
اجيب كام طقم صواني
ده لو كلمت على خير واتجوزت اصلا
ربنا يبعد عنك الشيطان ووساوس الشيطان وعين الحسدين والحاقدين يانودى ياحبيبتى يارب واستهدى بالله ومافيش حاجه اسمها تبعدوا والكلام ده مش علشان الماديات والعفش والناس الغريبه تعملوا فنفسكم كده ياحبيبتى كل ده بيروح ويجى وفالاخر انتى بتدخلى شقتك انتى وجوزك وبتسيبى الناس برا حاولى متخلطيش الامور ببعض المهم هو يكون كويس معاكى وبيحبك وبتحبيه ويكون محترم وهيصونك ويحافظ عليكى
يانيهاد استهدى بالله وربنا يصلحلك الحال ويألف قلوبكم يارب ويجمعكم على خير ويقربلك الفرح ان شاء الله ويبعد عنك الشر
ميرو77;14056400:
بنات معلش بستأذنكوا تدعوا لامى بالرحمه و المغفرة هى توفاها الله يوم الجمعه 17/12/2010 و تدعوا لاخى بالشفاء و ان ربنا يجزاه خير على اللى عمله مع امى الله يرحمها لانه اتبرع لها بجزء من كبده بس ارادة ربنا فوق كل شئ ربنا يرحمك يا امى يارب و يسكنك فسيح جناتك و ييسر حسابك و يمن كتابك و يثبتك على الصراط و يجعلك فى اعلى درجات الجنه اللهم امين و اسفه انى نكدت عليكوا بس فعلا نفسى كل العالم يدعيلها و ربنا يصبرنا على فرقها و اسفه ان كان كلامى مخالف هنا
علشان المخالفه البنوته اللى كانت بتسأل على المطبقيه هى اللى بتتعلق فوق الحوض و الصفايه بتتحط على الرخامه بس فى ناس بتستخدم المطبقيه نفس استخدام الصفيه
البقاء لله ياميرو ان لله وان اليه راجعون وربنا يصبر قلبكم يارب ويغفرلها ويدخلها فسيح جناته مع الابرار والصالحين يارب ويشفيلك اخوكى ويباركله فصحته ويخليه ليكوا ويخليكوا لبعض يارب
dr.doby;14057153:
بنات انا الحمد لله جبت العفش امبارح من دمياط ولسه هيوصل النهاردة ان شاء الله بس مصورتش حاجة:(بس ما شاء الله الاذواق هناك خطيرة جدا ومتنوعة واسعارها حلوة برضه عشان تتطمنو وانا جبت من الشوارع الموازية لطريق بور سعيد لانى كنت عيزة مودرن وكده
مبروك عليكى العفش يادوبى وربنا يسعدك يارب وعقبال متفرشيهم فشقتك وتنوريا انتى وخطيبك يارب ويرذقكم فيها بالذريه الصالحة ان شاء الله
سؤال يابنات هو فعلا السافلون احسن من تيفال زهران علشان انا متردده اوى بصراحة ومش عارفه اجيب ايه ؟