rannon;13910414:
ياعيال ياعيال كل واحده تهرش دماغها كده وتمخمخ معايا وتقولى اجيب ايه للواد خطيبى هديه عيد ميلاده يالا مع انى واخده كلمتين فى جنابى منه ومفرقع من الغيظ :mad: وكمان تكون شيك وبلاش حوار ميداليه وبرفان عشان هريته منهم ومش بيطمر فيه ههههههههههههههههه
وسؤال الحلقه
انا كمان عايزه اعرف اجيب ايه يا قمرااااااات وفعلا بلاش حوال الميدليات والدباديب كبرنا عليهم
انا يا قمرات برضه عيد ميلاده بعد يومين جبتله جاكت حلو اوي و اخويا نزل النهاردة لو لقي سوت شيرت هايجيبه
بنات قبل ما اسأل اى سؤال انا عايزه اقولكم حاجه وبجد صدقونى انا يا بنات كنت بصلى الاول متقطع وبعدها بفتره مبقتش بصلى خالص والحمد لله انتوا كنتوا احد الاسباب اللى خلتنى التزم واصلى الفرض بفرضه وعلى طول وانا نازله وانا قاعده وانا بعمل اى حاجه بستغفر ربنا وبدعى انه يغفرلى الفتره اللى فاتت دى كلها وكمان عايزه اقولكم ان انا بصوم اتنين وخميس والنهارده يعتبر رابع يوم ليا فى الصيام
بجد انا بشكر اى بنوته كانت السبب بدون قصد فى انى ابقى كده وربنا يهدينى ويهدينا كلنا للصالح :)
سؤال
عايزه اجيب برفيوم يكون منه حريمى ورجالى يعنى نفس النوع تفتكروا يبقى ايه ؟؟؟
ربنا يثبتك و ربنا يجعلنا صحبة في الجنة ان شاء الله
و متنسوش يا بنات صيام عاشوراء و يوم قبله او يوم بعده
ربنا يجمعنا دايما علي الخير
banana z3lana;13911952:
صباح الخير با بنات
عاملين ايه النهارده
ميرا اكدي عليا الخروجه و قوليلي هتروحوا من الساعه كام لحد الساعه كام
علشان مش هعرف اخد اجازه بس هحصلكوا ان شاء الله
بنات عاوزه اعرف هوا المطبخ علي مين وطبعا هتقولوا حسب الاتفاق هقولكوا انا معنديش اتفاق
و حمايا من سنتين قال كلو بالنص
و بابا متكلمش و مش معترض
بس انا اصلا مش عارفه بس في حاجات اعتقد اساسيات
زي الصيني علي العروسه الاجهزه الكهربيه علي العريس
الستاير علي العروسه
التنجيد علي العروسه
النجف علي العريس و الكلام ده
هوا المطبخ معروف انه علي حد و لا ايه النظام
طيب لو انا هفرش النوم و السفره و الصالون و المطبخ و هأجل الليفينج و الاطفال
يبقي مين علي مين و مين علي مين
احنا عندنا المطبخ علي العروسة ممكن انتي تاخدي سفرة و مطبخ يا قمر
و برضه حسب الاتفاق
زهرة نورما;13913075:
ميرسى اووووى وشكرااا لكل البنات اللى دعيتلى واطمنت عليه وبعتتلى هنا وعلى الخاااص حقيقى من قلبى شكراااا
ويااااااارب كل اللى عندها مشكلة او متوترة ربنا يفك كربها انا وهى وكلنا كلنا
هوبز سلامتك هو احتمال يكون برد على فكرة ومش شرط يكون ظاهر بس لاززم تطمنى وتروحى لدكتور وان شاء الله خير
البنوتة اللى مامتها تعبانة ربنا يشفيهالك يارب وتطمنى عليها
كان فيه بنت زكيه سألتنى على اللبانة وجبتها اية :D ما انا كاتبة جبت اللبانة والجريل سافلون من نصار درب سعادة
وزةةة مردتيش جبتى الاركوبيركس من سعادة ولا التلات وبكام ؟؟
اسفة لكل اللى تاهو منى فى الزحمة بس والله المشاركات بتضيغ منى وبتلخم :D
كارينا بيصنع الشراب دة من الصوووف يعنى شتوى شتوى وماركتة كارينا مش اوليف مصنعهم يعنى وشوفته فى محلهم منفذ البيع بتاعهم فى وسط البلد وعندهم كلونات صوف سادة ومقلم والوان واشكال الليجى الصوف عامل 40 والليجى العادى بتاعهم عامل 30
درب سعادة
انا شايفة انه مش لازم انتى عندك جاتووه فى الصينى والاركوبيركس بيبقى فيه سرفيس الجاتووه
بصى انا مش بفهم فى المراتب غير حاجات معينة
ومفبش حاجة اسمها ساقطة دى المرتبة كل ما كانت عالية كل اما كانت افضل وسعرها عالى مش عارفة بتبتدى من كام سم بس فيه 25 وفيه 30 ودى غالية وفيه اعلى منها كمان
وافضل الماركات بالترتيب هابيتات يليها يانسن بس هابيتات غالية اوووى لكن اردمى على تاكى وفوربد
وفيه انواع كتير للمراتب زى السوست والخامة يعنى فى كواليتى بتبقى ممزوجة الفيبر وقطن ودى طبعا تحفة وفيه نوع بيبقى وش شتوى ووش صيفى علشان تدفى فى الشتا ومتتحررش فى الصيف وكدة يعنى
اييييييييييييييييوه يا حبيبتى هى دى اللى انا دايخة عليها كانت متوافرة وفجأة مش لاقيتها انا بنزل الجيزة كتتير اوووى بس برضه مالقيتهاش غير مرة من شهرين وكانت اخر واحدة عند الراجل وايديها متلخلخة فمجبتهاش
وبالنسبة للتوحيد والنور مش موجودة لا فرع الهرم ولا فرع الجيزة لسه سأله عليها الاسبوع اللى فات
مبروك عليكى بتاعتك بس لو شفتيها او مامتك شافتها تانى ابقى قوليلى
لو شفتى الحجم الكبير منها فى فرع شارع السودان ممكن توصفيلى مكانه بالظبط فين فى شارع السودان انا عرف هناك كوبرى الخشب والسلام شوبنج سنتر واوصفيلى برضه بتاع شهاب فين فى شهاب ؟؟؟؟ معلش هتعبك
رديت عليكى فوق
ربنا يثبتك دايما ويزيدك من فضله ويقوى ايمانك كمان وكمان
بالنسبة للبيرفيوم عندك كذا حاجة فى افون زى لاروج ونوار وفيه عرض افون عاملاه حلو اوى 2 برسيف حريمى وواحدة برسيف رجالى بميه حاجة وتلاتين الحريمى فى برسيف تحفففه وهادية انما الرجالى معرفش بصراحة لو حد يعرف يقولك
وعندك هريرا فيه منها حريمى ورجالى حلويين برضه
الطبيعى او المتعارف بعيد عن الاتفاق ان المطبخ الخشب على العريس
ولو بتتكلمى على فرشك خليه ياخد النوم والسفرة لانهم الاتقل والمتعارف عليه برضه وخليكى انتى فى الصالون والمطبخ الخشب مع ان المطبخ مبقاش رخيص علشان مش تنسى ان لسة عليكى الرفايع والتنجيد والديكورات ودول مش سهليين وربنا ييسرلك امورك
بنات كنت عايزاكم فى موضوع كدة
هو انا هقولكم اللى شايفاه وانتم قولولى صح ولا اية ؟؟
انا ناوية ان شاء الله اجيب كيتشن ماشين مولينكس ال 1050 جنيه دى
انا كنت محتارة بينها وبين المالتى كويك بس جمعت الاراء دى لمكررونة ورشروش وبنات تانية
ان المالتى كويك بنحتاج معاها مطحنة توابل وخلاط وعصارة ومش فاكرة عجان ولا اية
امال اية هى بقى لزمتها انها تقطغلى سلايد بطاطس وخيار وتهرسلى البيوريه وتفرملى اللحمة
انا شايفة ان الكيتشن احسن ولا اية رأيكم عايزة مناقشة علشان نستفاد كلنا
وعايزة اعرف وظبفة الهاند بليندر بتاع نوفال اللى جيباه نونااااا
مش تنفضوا بالله عليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
[/CENTER]
انا يا حبيبتي جبت الكيتشن 33 وظيفةة ب 1370 تقريبا و ما شاء الله فيه كل حاجة حتي العجان موجود فيه و مش هتحتاجي معاه حاجة خالص و سرعته بتوصل لالف وات و الحمد لله دا بعد صلاة استخارة
العروسه لوكا;13916332:
بنات بنات بنات بنات بنات
انا مش مصدقه نفسى حد يفوقنى انا اغمى عليا:I::I:
احنا حددنا معاد فرحى النهاردا
انا مش مصدقه الحمدلله
اكتبو اسمى فى الليسته بقى13_1;)
عقبال كل البنات يارب
سؤال مخالفه بقى اشترى منين لبس نوبى ليوم الحنه؟
مبارك عليكي يا قمر ربنا يتمملك علي خير
اوصلي لميس موني هيا تجيبلك من عندها الاصلي :thumbs_up:
meramia;13921414:
السلام عليكم
بناويييت بناء علي رغبه كوووووول البنات الرحله إتأجلت للإسبو الجاي
أنا عرفتكوا أهو قبلها بإسبوع
فظبطوا أموركم بقي
أنا أجلتها عشان تعرفوا تيجوا
معلش بقي ماليش نفس أشارك معاكم دلوقتي
أحسن مودي باااايظ خالص
ومش طايقه نفسي
بحبكم كلكم
حد تني بقي يرؤد عليا
بوتجاز فريش الإيطالي ده حلو ولا تكنوجاز أحلي
وهل فيه فعلا خلاط مولينكس فرنساوي أصلي ب 200 جنيه بس ولا الراجل بيشتغلني
وأخر حاجه هو حد سمع عن مكواه براون أنتي كلس بالبخار دي ب 255 في هيبر حلوه ولا لأ
سلامة مودك يا قمر
ممكن يكون فيه يا اميرة و دا هتلاقي سرعته اقل و الوات بتاعه مش عالي يعني يا دوب خلاط و مطحنتين
نور84;13923710:بنات الاطباق اللي بنسخن فيها الاكل اللي هي بتبقي أستانلس دي في منها أطقم كامله ولا بنشتريها فرداني
انتي بتسخني الاكل في المونيوم او تيفال علي البوتوجاز لكن الاطباق الاستانلس بتكون خفيفة مش زي الحلل ممكن تحرق الاكل يعني لازم تكون فيها ميه كتير يعني شوربة من الاخر لكن غير كدا لا
