تجمع متزوجات وامهات مصر لشهر محرم .... نورونا يا حلوييييييييييييين

شهر يا مورو 35 رساله يوميا

معلشى يا منال بس الموضوع كبير مش صغيررر والله

لما اشحن يا بسبس انتى اشتركتى

ربنا يصلحلك الحال عاجلا غير اجلا يارب ويسخركم لبعض

اه اشتركت

ربنا يهديلكم الحال يارب مورو ودودي ياااااارب اهدوا يا بنات بس ومورو اوعي اوعي اوعي بجد تفكري في كده خالص ولا تحطيها من ضمن الافكار والحلول ابدا دلوقتي حرام البنت وانتي كمان لو عملتي كده هترتاحي في وقت وبعد كده هتحسي بندم كبير انك عملتي كده واكيد هايسيب علامة عندك.
هو صحيح غريبة اوي انه نفذ التهديد وشهر مدة طويلة اوي وخصوصا ان في بينكم بنت بس معلش فكري في حاجة تانية تحطيه قدام الامر الواقع وتصلح من حاله احسن من الانفصال ده.

at2ota;14121386:
حمداللة علي سلامتك انتي و مروان البنات في تجمع تجهيزات الولادة كانو بيسألو عنك ابقي تعالي احكيلنا تجربة ولادتك و الشفاط للأسف مش فاكرة سعرو بالظبط بس هو من اول ستين ريال تقريبا لحد  ريال دة اليدوي و كانت ماركة أفنيت و الكهرباءي مش فاكرة للأسف بس كان اغلي يمكن الضعف ياريت البنات الي جابت اليدوي من مصر تقولي الأسعار دي غالية و لا ارخص من مصر

انا كنت جايبة نوع رخيص سفاري ب 45 بالببرونة عشان مكنتش هستخدمه غير مرتين ساعتها كنت بقيس كمية اللبن بس، وفيه انواع اغلي بقي طبعا لغاية 150 تقريبا لو ماركات احسن، والكهربائي ممكن من بداية 300، ودندودنة كانت عارضة بتاعها للبيع لو حبيتي نوعه ماديلا كهربائي، يعني كده اظن الاسعار حلوة عندك زي هنا

السلام عليكم


http://forums.3roos.com/showthread.php?p=14121878#post14121878

استهدي بالله امورو والله مافي حد عدل انا بقولك الكلام دى ولسة متقال لي حالا الله يهدي عباده وربنا يكتبلك الخير وزي ماقالتلك دودي كات اجمدي ربنا ان الخيبة مش في هو دون التأثير من حد دي في حد ذاتها مصيبة

مورو انا قدامى حاله واحده مطلقه وعندها اولاد وكمان بنت واكتر واحده محتاسه اخر حوسه البنت مش عارفه تعيش وله حتى تتجوز فاوعى حتى جوزك يحس ان الطلاق حل وارد عندك لانه فعلا حل ملوش اى لزمه خصوصا فى اولاد

لزم كل واحد فيكم بفكر فى سندس وبلاش انانيه لزم تهدى وتحاولى تقبليه بره من غير سندس فى مكان كنتو بتتقبلو فيه قبل كدا واتكلمو بهدوء وكل واحد يقول كل اللى جواه بصراحه وتحاولو تفكرو فالحلو اللى فالتانى ومتدخلوش حد بينكم محدش هينفعكم انتى وبنتك وجوزك

انتى عارفه انا مش ايدى فالمايه عشان تفتكرى انى مش حسه بيكى لا انا ساعات لما نتخانق يقولى انا عاوز ابات بره ويله اوديكم عند مامتك اقوله لا مهما حصل بينا مش هروح عند حد وهفضل هنا حتى لو انت مشيت فبينزل ويرجع تانى

اتكلمو مع بعض فى حياتكم ومدخلوش حد وحاولى تتحكمى فى رد فعلك لان العصبيه مش هتحل حاجه وفكرى جوزك ان عنده بيت ماينفعش يفكر فى نفسه او حتى اهله وينساها لانها مسئوله منه وهيتحاسب عليها

وربنا يبعد عنك كل شر ويهدى النفوس

والله الاكم دا اتقال كتير
والمشاكل من فتره
بس دلوقتى بقا صعب اوى

في حد هناااااا

ربنا يهديلك الحال يارب يا مورو و الله كلنا بيوتنا مليانة مشاكل و بلاوي صدقيني و ادينا بنصبر و نتحمل عشان ولادنا الحمدلله على كل شيء ربنا يهدي لينا الحال كلنا اللهم آميييييييييييييييييييين

OM SIMO;14123576:
السلام عليكم يا بنات
ام سندس ربنا يهديلك زوجك يا حبيبتى بس دا قرار مش سهل
بجد فكرة مرة و اتنين و عشرة و ميه قبل متاخدى قرار زى ده فكرى فى بنتك قبل متفكرى فى نفسك
انتى دلوقتى بتاخدى قرار و انتى فى قمه غضبك ممكن بجد تندمى عليه بعد كده
المشكله دى ممكن تتحل باذن الله مابين يوم و ليله
معلش اعذرينى انى دخلت نفسى فى خصوصياتك و انتى متعرفينيش
بس مش عارفه حسيت انى لازم ادعيلك ربنا يصلحلك الحال يارب و يفك كربك و يحللك كل مشاكلك امين


دودى : مالك يا حبيبتى قلقتينى عليكى ربنا معاكى
خللى دعائك دايما اللهم يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين
و الزمى الاستغفار هتلاقى كل مشاكلك تتحل يا قمر

الحمد لله يا قمر جزاكى الله خيرا ربنا يصلحلنا الحال كلنا

crazy ananas;14126564:
مورو انا قدامى حاله واحده مطلقه وعندها اولاد وكمان بنت واكتر واحده محتاسه اخر حوسه البنت مش عارفه تعيش وله حتى تتجوز فاوعى حتى جوزك يحس ان الطلاق حل وارد عندك لانه فعلا حل ملوش اى لزمه خصوصا فى اولاد

لزم كل واحد فيكم بفكر فى سندس وبلاش انانيه لزم تهدى وتحاولى تقبليه بره من غير سندس فى مكان كنتو بتتقبلو فيه قبل كدا واتكلمو بهدوء وكل واحد يقول كل اللى جواه بصراحه وتحاولو تفكرو فالحلو اللى فالتانى ومتدخلوش حد بينكم محدش هينفعكم انتى وبنتك وجوزك

انتى عارفه انا مش ايدى فالمايه عشان تفتكرى انى مش حسه بيكى لا انا ساعات لما نتخانق يقولى انا عاوز ابات بره ويله اوديكم عند مامتك اقوله لا مهما حصل بينا مش هروح عند حد وهفضل هنا حتى لو انت مشيت فبينزل ويرجع تانى

اتكلمو مع بعض فى حياتكم ومدخلوش حد وحاولى تتحكمى فى رد فعلك لان العصبيه مش هتحل حاجه وفكرى جوزك ان عنده بيت ماينفعش يفكر فى نفسه او حتى اهله وينساها لانها مسئوله منه وهيتحاسب عليها

وربنا يبعد عنك كل شر ويهدى النفوس

:thumbs_up::thumbs_up::thumbs_up: جزاكى الله خيرا هو ده الكلام

انتو فين يا عيال وحشتونى مورو يا ريت تطمنينا عليكى

ازيك يا بنات

ربنا يهدي الحال للكل يارب
ويفك كرب كل المسلمين

بقولكو ايه يوسف تم سنه النهارده
هو بينام فى حضنى كل يوم تفتكرو ده غلط على استقلاليته ؟؟

كل سنه وهو طيب يا دودي

حمزه برده لسه بينام في حضني
بيصعب عليه ينام لوحده لسه نونو برده هههههه
وبعدين سمعت ان دا في صالح نفسيه الطفل لما ينام مع امه لحد 3 سنين معرفش المعلومه صح ولا لا

بقولكو يا جماعه بلاش تروحو كارفور ولا سيتى ستارز وبلاش المولات عموما فى الويك اند اللى جاى
فيه اخباريه بتقول ان احتمال يحصل تفجيرات فى المولات فى عيد المسحيين زى تفجيرات اسكندريه

ربنا يستر

دودي اخبار يوسف ايه