(♥)◦--׀|׀

سؤال المخالفة..
بنات انا بشرتي جااافة ونبي كريم مرطب وياريت ايكون مجرب ومايسمرش
فكرت ناخد لوريال بس لما سالت اكثر من محل قالولي فيها نسبة تفتيح وفي نوعية ثانية
للوريال للترطيب والتجاعيد في نفس الوقت فشنو تنصحوني

جواب المخالفة ل انجل سمحتيييييييييييييييييييييييي
اول شي شكرا على ردك واهتمامك وبأدن الله حناخد برايك
وسموحتي نعتة باناش ... وانتي خاشة بداية بن عاشور من جيهة جزيرة القاديسية
يجيك شيل على اليسار هو بعده بالضبط فيه دروج ومقابله داماس والشرقية متاع العبايات
انشالله واضحة النعتة هو واضح

جواب المخالفة ل لؤلؤة سرت
حبيبة لوريال كويسة هلباااااااااااااا في متاع النهار ومتاع الليل انى شخصيا ننصحك بيها
احنى العيلة كلها تستعمل فيها ولوريال ماتسمرش ومش كلهم يفتحو
هديكا متاع التفتيح بروحها زي هادي

جواب المخالفة ل انجل سمحتييييييييييييييييي
ياغالية فكرة ساعة كويسة لي بوه على الاقل يلبسها خير من لبسة العربي تتلوح فالدولاب
وبالنسبة لامه وخواته انى شخصيا بناخد هدايا دهب ممكن خواتم وامه نبي ناخدلها حاجة معتبرة لكن قاعدة نفكر مع انه شايطة فيه النار لكن مانقدرش الله غالب وحتى سلفتي بناخدلها حاجة دهب ديري دورة على سوق الدهب واختاري خواتم خفاف المهم حاجة دهب فالاخير
وخوتها الولاد انى من راي تاخديلهم روايح والله حتى انى حايرة شن بناخد لخوته مشالله خوته هلبا هو مش فرض لكن لقطة حلوة تحسيها انك تحسبيهم

كيفكم يابنات ربى ايهنيكم انى حجزت عندها ونبيها حتى تصبغلى زعما كويسة صبعتها ونبيكم تقترحو عليا كم بدلة نشرى بش نرفعها معاى

Angel Heart 89;13989493:

سؤال مخالفة:

نبي نشري هدايا لعائلة خطيبي اللي بنعطيهم في العرس بوه نعرفه ماعنداش علي لبس عربي ولبسه بدالي بس بحكم مانعرفيش مقاسه وكدا مانقدرش ناخدله بدلة فا فكرت نشريله ساعة شفت عند محل اخوان الماجري ساعات كلايفن اند كلاين حسيتهم يمشوا معاه فا شن رايكم؟

نبي تقولولي شن ناخد لامه واخواته؟ عنده اخت متزوجة و وحدة مخطوبة وعندي سلفة
وهل ناخد هدايا حتى لخوته ولاد اللي اصغر منه ؟ ياريت تساعدوني فيه موضوع لان حايرة

جواب مخالف لانجل عسولتي :L:
بالنسبة للهدايا بتكون في المحضر صح ؟؟؟
لو عليا أنا من اسبوع شريت هدايا حتي لاخالته لانهم جابولي هدايا
في بياني ... شريت لامه طاقم ذهب وخواته الزوز سيت
وخالاته خواتم !!!! وبوه شريتله بدلة عربية حقها 700 جنيه ((الاصيل )) ...
سورية طويلةومعاها زي عباية طويلة حتي هي @@@ انا عجبتني هلبة ...
وحنلبسهاله
لو سخر الله وكنت من نصيبه هههههه غصبن عنه !!! حتي ام وسيفة شافتها
وكنت نبي نحطها في ردة لكن اقنعتني نجط ساعه ونخلي بدلة في عرس
لان فكرتي اتكون كلها حاجات عربي :)
خطيبي خديتله ساعه روليكس اخر مرة كنت في سويسرا مزالي خوه الصغير
وانفكر ناخدله حاجة عربية ... لان حتي امه نبي نشريلها بدلة صغيرة

انا تقدري تقولي كملت كل الهدايا مزالي غير خوه هههه !!! خودي فكرة
من الي درته وطبقيه .. ولو ناوية تشري دهب بري من توا لحقي روحك
لانه وصل في 65

رد مخالفه ل انجل انا انقول انتي وضروفك وممكن تاخدي للام حديده راقيه والبنات خواتم والسلفه زيها زي البنات وخوته الولاد خوديلهم ساعات او حتي صنه حلوه اللقطه انك تحسبي العيله كلها

وحده نعرفها عرسها العام الي فات شرت شرت لبوه وامه واخته الي هدتلها في البيان لكن يوم القفه حوش العريس جابو هدايا لامها وخواتها كلهم فطلعو الصبح شرو الهدايا لباقي العائله ارجو ان تتقبلي مروري

رد مخالفه لدلوعة بيشو (حلوه هلبا الهديه رايى انك تزيدي معاها زى ما قالت انجل بوكيه ورد او تزيدي في صندوق جليت يبيعو فيه في سانت جيمس

حلو وراقي هوا سيت كامل انا خديت منه لخطيبي مس مكانش في مناسبه عموما انا انحب الهديه ومعاها حاجه زايده بس مشكله ما يحب الشكلاته ارجو ن تتقبلي مروري

سؤال مخالفع


بنات وين نلاقي بكارج قهوة حمراء لكن تكون تقيله يعني نوع كويس لاني نلاقي فيهم ديما خفاف ومينفعوش


مدام غاده صباح الخير عجبوني مشترياتك وانشاء الله تكوني قدوه لينا لان بعد سنوات من الزواج ومازلتي مهتمه بنفسك برافو وربي معاك

جواب مخالف
لجمال الروح
انا شريت سيت بكارج من عند عبد الله بجد حلوات وقوا
قداش ليا مشفتش هالنوعية شوفيهم وادعيلي

سؤال مخالف
نبي ستار ومفارش لكوجينتي البودرية وبساط برضو
؟؟؟ من وين

سؤال مخالفه


ملوكه شن لونهم البكارج والا ساده قوليلي باش نعرف وصحيتي علي الرد وعلي موضوع الستار رديت عليك في اللمه

جمال الروح 1;13992800:
سؤال مخالفه


ملوكه شن لونهم البكارج والا ساده قوليلي باش نعرف وصحيتي علي الرد وعلي موضوع الستار رديت عليك في اللمه

جواب مخالف .. فيه علي الاسود وفيه علي الرصاصي او سنيستيل

حبيباتي نوروني و فضلا منكن لا أمرا تذكرن تقييمي :L:

الطب البديل انت تسال و نحن نجيبF:
الأدلة على وجوب النقاب في القرآن و السنةF:
أطفال الانابيب ورأي الشريعة الاسلامية في ذلك F:

السلام عليكم بنات

عدنا بعد طول غياب وبعد العرس......يا ترى شن الاخبار من العرايس الجدد ومن اللي تزوج

اللي ما يعرفنيش انا عرسي كان يوم 31/10/2010 يعني خبيرة:D في التجهيز الحمد لله العرس مشى على خير وكل شي كان تمام التمام اليكم المعلومات:
- الفيلو من المشيرقي اللي في بن عاشور جنب الساري اجار 1800 دينار
- المزين سهى الحسناء 500 دينار مش عادية
- اكسسوار الفيلو من شيش خان اللي في حي الاندلس 200دينار
- فستان المحضر من الساري 500دينار
- اكسسوار فستان المحضر من شيش خان اللي في حي الاندلس 150
- الشكلاطة من باناش بن عاشور مقابل الساري الكيلو 60دينار
- الصالة النواعم اللي في الفرناج 2500 يوم عادي
- العشي من بوعين بس مش عارفة كم لان ماما اللي حجزت

اي معلومة تانية انا في الخدمة يا حلوات.

بس خلاص.......وسلامتكمF:

(سؤال مخالف )
الف مبروك يا طرابلسيه لسرتاوي و بلرفاه والبنين ربي يهنيك ويباركلك بنسئلك مين بوعين هذا وشن اكله حلو و وين مكانه بلضبط

هههه فال وعلي الله الكمال ياجمال^_* أنا طرابلسية لسرتاوي سابقا
سؤال مخالفه:
ملوكه وين يجي محل عبدالله بالضبط؟

كيفكم يا صبايا ربى ايكمل عليكم بخير اووووووووووووووة العرس رهبة وكل يوم يقرب الرهبة اتزيد

سؤال مخالف

نبى نسالكم من تعرف محل ايبع فى بالطوات حلوات اليوم دورت الدنيا ومحصلتش

ايلى;14000491:
كيفكم يا صبايا ربى ايكمل عليكم بخير اووووووووووووووة العرس رهبة وكل يوم يقرب الرهبة اتزيد نبى نسالكم من تعرف محل ايبع فى بالطوات حلوات اليوم دورت الدنيا ومحصلتش

حبيبة كيف نوعهم تبيهم؟ عمليات ولا متاع طلعات رسمية ولا فرو؟ عندك مون سون والبي اتش اس وبرو مود في قرقارش عندهم جاكتيات عملية طولها للركبة واقصر..فيه محل اسمه عماد في شارع الجرابة نشوف فيه يعرض في باطلوات طوال وفرو..لكن الحق ما شريتش قبل منهم من ليبيا