20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

الشيش طاووق للدايت رائع تقطعى الفراخ مكعبات و بصل و فلفل و طماطم مربعات و تتبليهم بشوية لمون و خل و صويا صوص و كاتشب و ملح و فلفل و شوية لبن و تحطيهم فى السيخ و على الفرن روعة و ممكن الفراخ البانية عادى خالص و تحطيها فى الاخر فى الفرن بنقطة زيت تحت و فوق و اكفتة كذلك

du;13884843:
سمسم ازيك يا قمر ؟
انتى عايزه تخسي ليه انتى كام كيلو ؟؟
وايه اسم الدوا ده ومتابعا مع دكتور مين
وقوليليى على اكلات تانيه للدايت حلوه

DodyCat;13885037:
انا مخنوقه قوى يا جماعه انا تقريبا فطمت أبنى بسبب الادويه اللى باخدها
قولولى أكلات للأطفال حلوه
وطريقه جديده للفراخ البانيه واللحمه

دودو لية يا قمر ما تزعليش نفسك و دة هو رزقة من الرضاعة
رورو كانت كاتبة قبل كدة اكلات للطفال ما شاء الله تحفة هدور على المشاركة فى الجزء اللى فات

سمسمة حبيبه قلبى بلاش ادوية انا والله كنت بخس 3 كيلو من الدايت بس بدون ادوية حاولى ما تاخديهوش اسبوع و انتظمى مع الدايت و شوفى هتخسى اد اية العزيمة رقم 1 علشان تبقى عارفة انت بقى كام كيلو هههههههههه

ازيكم يا بنات مبروك الجزء الجديد

دودى بصى كدة الاكلات دى


بصى طبعا بتسلقى كوسه او جزر او بطاطس ورز او اى خضار عندك وتحطى ورقتين بروكلى او سبانخ وحتة سدر فرخة او حتة لحمه وتعصريهم وتحطى ذرة ملح ماتكتريش ده لو لسه بادئه
بداتى قبل كده حاولى تهرسيها بالمعلقه وتاكلهاله او من اكل بتاعكم العادى تحطى الخضار مع شوية رز وتاكليه
او ممكن شوربة لسن عصفور هيحبها اوى او شعرية
وممكن حتة لحم سمك صغيرة تفرديها على ايدك كويس وتحطيها ف بقه
ممكن بقى ع الفطار تجيبى بيضة وتفقشيها وتبشرى جبنه بيضا بدون ملح عليه وتاكلهاله او تسلقى بيض طبعا صفار اللبيض بس بعد سنه ابقى اكليه البياض

ممكن تسلقى بطاطس وتهرسيها وتحطى عليه ذرة ملح وكمون وشويه بقدونس وتاكلهاله

ممكن بقى زبادى او رز باللبن او مهلبية او شوفان باللبن او كورن فليكس باللبن لو افتكرت حاجه هقولك


دى كانت مشاركة رورو يا رب تفيدك

بنات عايزه بليز طريقة للفراخ البانيه مش تفك مني ع النار لما احمرها.. وكمان طريقة الكبسة بالفراخ ضروري

~OM-ADAM~;13885183:
بنات عايزه بليز طريقة للفراخ البانيه مش تفك مني ع النار لما احمرها.. وكمان طريقة الكبسة بالفراخ ضروري

دقيق ثم بيض ثم بقسماط مش هتفك ابدا

sosomedo;13885163:
دودى بصى كدة الاكلات دى


بصى طبعا بتسلقى كوسه او جزر او بطاطس ورز او اى خضار عندك وتحطى ورقتين بروكلى او سبانخ وحتة سدر فرخة او حتة لحمه وتعصريهم وتحطى ذرة ملح ماتكتريش ده لو لسه بادئه
بداتى قبل كده حاولى تهرسيها بالمعلقه وتاكلهاله او من اكل بتاعكم العادى تحطى الخضار مع شوية رز وتاكليه
او ممكن شوربة لسن عصفور هيحبها اوى او شعرية
وممكن حتة لحم سمك صغيرة تفرديها على ايدك كويس وتحطيها ف بقه
ممكن بقى ع الفطار تجيبى بيضة وتفقشيها وتبشرى جبنه بيضا بدون ملح عليه وتاكلهاله او تسلقى بيض طبعا صفار اللبيض بس بعد سنه ابقى اكليه البياض

ممكن تسلقى بطاطس وتهرسيها وتحطى عليه ذرة ملح وكمون وشويه بقدونس وتاكلهاله

ممكن بقى زبادى او رز باللبن او مهلبية او شوفان باللبن او كورن فليكس باللبن لو افتكرت حاجه هقولك


دى كانت مشاركة رورو يا رب تفيدك

ايوه يا قمر شفتها جزاها الله خيرا وجزاكى
بس انا ابنى كبر على الخضار المسلوق ده هيتم السنه كمان 20 يوم

ماهو انت عايزة تاكلى من اكلك عادى اصلى انا نسيت و الله الاكل فى الاعمار المختلفة

ازيكم يااحلى بنات وكل سنه وانتم طيبين والسنه دى كل اللى نفسه فى حاجه تتحقق يارب

نودى كانت سالت عالمكرونه الجز اللى فات
انا احلى مكرونه كنت باكلها انى اشوح بصله فى زيت وبعد شويه احط فلفل اخضر وجزره مبشوره ككله يدبل اوى احط عصير الطماطم ومعاه ملح وفلفل وكمون وشعرة سكر
وحاليا احلى مكرونه دوقتها على لالاطلاق انى اجيب الطماطم والبصل والجزر واضربهم فى الخلاط واسخن الزيت وانزل عليه بالعصير مع ملح وفلفل وكمون لغاية ماتتسبك واسلق المكرونه واحطها واقلبها خمس دقايق كده واغرف
بس الطريقه التانيه وهممممممممممممممممممممم

السلام عليكم
كل سنة وانتو طيبين
ومبروك الجزء الجديد وعقبال الجزء المية ان شاء الله
بسكوتة
جزاكي الله خيرا علي طريقة التورتة وتسلم ايديكي
سارة
ربنا يرزقك وانا وكل مشتاقة لنونو بالذرية الصالحة الطيبة المعافاة البار ة يارب عاجلا غير آجل
امة الرحمن
ربنا يرزقك الهدي والتقي ويثبتك ويرزقك الالتزام
احنا وانتي وصابتك يارب

Boody we zady;13884536:
بصوا يا بنات أنا قررت أعمل ايه قررت أعمل قسم جديد في الموقع بتاعي مخصوص للمعايير للي معندهاش ميزان يعني كلكم عارفين كوبايه الجبنة لا فاش كيري أو كرافت أو بريزيدون الكبيره حتكون دي معيارنا و عندي ميزان ......... انتي بقه شوفتي وصفه عجبتك و هيا بالجرامات مش عارفه تعملي ايه اسأليني و أنا أقسيلك و أكتبلك .......... ايه رأيكم؟

حلوة اوي الفكرة يا ام بودي وفعلا انا عن نفسي بحتاجها كتير اوي




بنات متعرفوش الاقي فين الحلقات اللي بتتحط علي الطاسة التيفال مثلا عشان لو عايزة تعملي بيض اومليت او اي حاجة المقاس اللي انتي عايزاه بس ياريت محل ميكونش غالي يعني

ناني
عندي استفسار ملح الحاحا:D
انا معنديش صينية الكب كيك فلقيت قوالب فويل او الالمونيوم دي مش عارفة اسمها ينفه اعمل فيها
ولو ينفع احطها في الفرن ازاي يعني في الفرن كده علطول ولا في صينية ولا ازاي؟؟؟؟

ومعلهش سؤال تاني:o
يعني محشي ورق عنب بالريش؟؟؟؟ ازاي وشكله ايه؟

سوما
تسلم ايدك
ام ميزو
ان شاء الله المرة الجاية تطلع احلي
انا جبت فول مدشوش امبارح وعاوزة اعملها انا مكلتهاش قبل كده بس مش عندي ملوخية ناشفة ومش عاوزة اعملها بخضرة
ينفع احط ملوخية من الجاهزة في الفريزر؟؟؟؟ سؤال ملح برده يا ام بودي:o

وده الطبق بتاعي زي ابلة ام بودي ما قالت
دي بيكاتا الفراخ اللي كنت عملتها وجنبها ارز زي اللي بيتحشي بيه الحمام سمعت فكرته منكم ونفذتها وطلعت جميلة جدا
جزاكم الله خيرا

كل سنه وانتم طيبين

ودعه ما شاء الله جميل اوي الاكل بتاعك

du;13884563:
مبرووك الجزء الجديد يا اجمل بنات ف مصر
بجد انا بقالى معاكم 4 اجزاء بس وبجد والله والله غيرونى جدااااااااااااااااااااااااااااااا بشهاده جوزى وده كان اهم واحد وكل الحواليا بجد منبهرين بيااا
ربنا يخليكم يارب ومتحرمش منكم امينننننننننننننن
بالنوسبه بقى لنانى حياتىىىى تعالى يا روحى فى احضانى ههههههههههههههههههههههه انا كمان عامله دايت وهقولك على اسهل اكله للدايت جوزى بيعشقها اصلاااااااااااااااااااااااااااااااا بصى بجيب فراخ صدور بانيه ماشى واقطعها شاومه واتبلها ملح وفلفل وماية بصل وليمون انا بشيلها ف الفريزر متبله جاهزه واطلع على السواا على طول بجيب صينيه تيفال المدوره دى وعلى البوتاجاز احط الفراخ واقطع عليها بصلايه وسط شرايح برضه زى الفراخ وفلفلايه خضرا كبيره شرايح برضه واشوحهم شويه مع بض من غير اى حاجه ولا سمنه ولا زيت ولا ايييييييييييييييييييييييي حاجه اوك وبعدين اقوم حطلهم ربع كوبايه مايه واسيبها بقى لحد لما المايه تنشف وبعدين هى بتاخد لون كده لوحدها اول ماتخده اطفى عليهاااا ومع سلطه بقى ورز بسمتى مسلوق بتبقى روعهههههههههه بجد
وانتى بقى قوليلى هتعملى اكلات دايت ايه عشان اعملها انا كماااااان
انا هعمل الاكله دى النهااارده ان شاء الله هصورهالكم
بسكوتهههه الكيك لما حطتيه ف الفريزر منشفش كده ولا ايه ؟؟؟

دودو انا بحب اوي اني اكل البانية زي مابتقولي او اني احطة عالجريل بالطريقة دي



ودي بقى ميني بيتزا ماما عملتها النهاردة جمب البيتزا نفسها بس صورتها وهية لسة مش اتعملت

ونسيت اصورها ساعت الاكل كنت راجعة من برة جعااااااااانة







اية رايكم ماما تنفع ولا اقولها اية ههههههههههههههه

د.ودعه;13885338:



وده الطبق بتاعي زي ابلة ام بودي ما قالت
دي بيكاتا الفراخ اللي كنت عملتها وجنبها ارز زي اللي بيتحشي بيه الحمام سمعت فكرته منكم ونفذتها وطلعت جميلة جدا
جزاكم الله خيرا

ماشاء الله تسلم ايدك
حلو قوي قوي

بالنسبه للبصاره انا عمري ما اكلتها بالملوخيه بس انا حاسه ان بالخضار احلي متجربي كده
معرفش بقي حكايه ان ينفع بالملوخيه الخضره