20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

تسلمى يارورو ياقمر

سوسى ممكن تقولى لى تزينن الكب كيك ازاى اصله شكله حلو اوى ماشاء الله

دينا ماشاء الله الف هنا وتم التقييم

دينا تصدقي جديدة جدااااااااااا فكررة كباب الحلة بالبطاطس بجد حلوة
يعني ممكن اعملها وجمبها غموس
بس بتحصي البطاطس في انهي مرحلة علشى ميتهراش؟؟

انا بدخل هنا عشان اجوع وبسسسسسسسسسس ومش بعمل اى حاجه
ماشاء اله عليكمم بجد مبدعات سوسى الكب كيك ماشاء الله تحفه

sosiii-cat;14054512:






نانو ازيك يا قمرررر

عادي يا نانو اللبن حطيه زي ماهو في الفريزر قسميه علي اكياس وابقي لما تحتاجيه طلعيه يفك واغليه مش هايجراله حاجة ولو مش مطمنة اغليه الاول ويبقي اريح برضو تطلعيه تستخدميه علي طول انا بحبذ الفكرة التانية

بالنسبة للبسلة بقي فصصيها واغلي مية فيها ملح وبعد ما المية تغلي ارمي فيها البسلة خمس دقايق وبعدين اعمليلها صدمة تحت المية الساقعة وقسميها بقي في اكياس وعلي الفريزر

والكور دي بقي هههه حطيها في الحلة تسيح علي نار هااااااااااااااااااااادية مع تقليب تقليب تقليب اوعي تسيبيها علشان ماتتحرقش وابقي ابعتيلي مورتة :adore:

الله يسلمك ياحبى وازى نورين العسل عامله ايه

بالنسبه للبن انا فعلا قسمته وشيلته فى الفريرز بس من غير نااغليه المره الجايه اعمله

يعنى اسيب البسله فتره قصيره فى الميه السخنه بس انا سمعت انها لما بتتشال فى الفريز وتجى تطبخ بتفضى بعد كده مش عارف صح ولا ايه
وانتى جربتى تعملها على حمام بخار
والذبده ياختى على النار اهى ربنا يستر وحطيت ملح والمورته من عنيا الجوز ومناخير اللوز ههههههههههههه

أم عمرومنة;14054889:
صح كلام سوسي بس متهيقلي يا سوسي بتحط ذرة ملح مع الذبدة
ساعة ما بتيجي تسيحها احنا بنعملها كده علشان المورتة الى تطلع تطلع طعمها حلو

جزاك الله خير ياجميل

~OM-ADAM~;14055093:
بصي ياقمر أنا لما حمايا بيجيبلي الحاجات دي أول حاجة اللبن عادي ع الفريزر ويطلع قبل ما تحتاجيه بشوية في الثلاجة من تحت يفك وبعدين يتغلي.. البسلة قطعي عليها الجزر و اسلقيها في ميه و سنة ملح و ليمون غلوتين و بعدين طلعيها في مصفة وافتحي عليها ميه ساقعة أو فيه بنات بيحطوا ميه م الثلاجة بس أنا بفتح الحنفية عادي ولما تبرد وتتصفي في اكياس علي قد الوجبة و ع الفريزر.. كور الذبدة تتسيح في حلة ع النار عادي بس نار هاديه خالص و أول ما لونها يبقي شفاف كده شكل السمنة السايحة اطفي عليها و فضيها في علب أو برطمانات ذي ماتحبي بالراحة علشان هتلاقي في الحلة من تحت المورتة لو عارفاها بتبقي تحفة في الاكل لو ساندويتشات مثلا.. وخلي اللي محتاجاه للاكل بره والباقي في الثلاجة..

ربنا يباركلك يارب ياام ادم والله اجيب المورته لحد عندكم لانى للاسف مش بحبها هههههههههههه

DodyCat;14055283:
:thumbs_up::thumbs_up::thumbs_up::thumbs_up:
انا كمان عايزة مورته

اانا هعملها سندويتشات وهبعها هنا للبنات ايه رايك هكسب منها صح هههههههههههه

بيرق أمل;14056061:

الحاجات بقى الي جاتلك ماشاء الله كويس تخزني البيت حلو قووووي
اللبن شيليه في الفريز في اكياس عشان الكيس اللي تحتاجيه تطلعيه مش تطلعي كله مرة واحدة
البسلة فصصيها وقطعي عليها الجزر وهاتي حلة فيها مية بشوية ملح ولما المية تغلي اطفيها وارمي البسلة والجزر مرة واحدة دقيقتين وطلعيها في مصفة وافتحي عليها مية الحنفية الساقعة عشان توقف عملية التسوية وفي اكياس وفي الفريز
كور الزبدة هاتي حلة حطي فيها الكور وولعي النار وسط كده وغطي الحلة 5 دقايق عشان تجمع السخونية وكله يسيح وافضلي جمبه كده لحد ما يسيح وهيعمل رغاوي كده عشان اللبن اللي فيه تستني بلاش تغيبي عنه عشان ميتحرقش لحد ما الرغاوي تهدى هيكون المية اتبخرت وفضلت السمنة والمرتة في ديل الحلة من تحت
سيبيها تبرد وفضيها في برطمانات هتبقى جميييييييلة
والمورتة اعملي سندوتشات بيها ومعاها حلقات طماطم روووووووووووووووووووووووووعة انا بعشقها

والله يانور دا خزين بيت ماشاء الله كتير جيبن لينا حاجات كتيير اوى ناس ربنا يكرمهم اصدقاء جوزى من ايام السعوديه وكانوا جاين هنا بورسعيد بس بجد جايبن حاجت كتير اوى حتى جايبن كميه رز مش عارفه اعنها فين وواقفه محتاسه فى المطبخ من امبارح ولسه مش خلصت ربنا يعينى

فسيخه جاتك خيبه؟
هههههههههههههه
دينا تسلم ايديكى الاكل شكله حلو اوى وللاسف الميزان متنح مع ان عمرى ماقيمتك بس مش عارفه ازاى ولا يمكن قيمتك قبل كده وانا مش عارفه

ازيكم يا شيفات عاملين ايه ؟

بيرق أمل;14058096:
والنبي ايه يختييييييي هههههههههههههههههههههههههه
اه انتي هتقوليلي على غلالالالالالالالالاستها يا لهووووووووي دي متطاقش وعيلة ملزقة كده ههههههههههههههه ومش بتعرف تاكل (يا لهوي كل ده عليا انا بهدلتني خالص :( )
انتي ليلتك مش معدية يا بوسي لما اشوفك بس هاعضلك عمر هههههههههههههههه
ولما تشوفي نور بوسيهالي من بوقها ههههههههههههههههههههههههههههههههه ابتدينا القرف ههههههههه

لا والله يا نور داانت حبيبتى بس دا ميمنعش انى اديلك عمر نعضيه ههههههههههههه وبراااحتك يعنى متتكسفيش

sosiii-cat;14058475:
دة كب كيك عملته امبارح كان حلو اوووي



































ودة بقي كان العشا جمبري بالزبدة والثوم كان برضو تحفة

ماشاء الله ربنا يحميكى يا سوسى ياااارب مبدعه

كنت عاوزة صحيح اعرف بتعملى البتنجان المخلل ازااى كنت قولتى الطريقه قبل كده


اللى فاكرها يا بنات يقولى عقبال ما سوسى تيجى عشان هعملها بكره

بوسي ام عمر قصدك على البتنجان الاسود العروس الطويل
هقولك انا لو ينفع اقلى البتنجان وقبل ما تقليه اعملى فيه شق بالطول وطلعيه يصفى الزيت ويبرد علبال ما تعملى حشوته وهو توم وملح وفلفل اخضر حامى وخل وليمون ودقى كله مع بعضه او افرمى فى الكبه انا بعمل كده واحشي كل واحدايه بقى بالخلطه دى وبالهنا والشفا ليكوا

سوسى الكاب كيك خيال ما شاء الله الف هنا ليكوا
دينا الاكل جميل ما شاء الله تسلم ايدك واحشانى على فكرة اوووووى
اشري جارتى الكشري شكله يفتح النفس
تسلم ايديكم يا بنات

@زهرة دبلانة@;14048057:
انا عملت النهارده رز معمر بطريقة ناااانى تحفة بجد تسلم ايديها وعملت معاه فراخ محشية بطريقة كنت مسجلاها لنور حبيبتى روعة والله تسلم ايديكى ولما عملتها افتكرت الحمام وعرفت ازاى هما كانو حاشيينه ههههههههه

فراشة الله شكله جميل تسلم ايديكى
ودى طريقة بسبس ف ورقة اللحمة
هتجيبى فويل وتعمليه على شكل ظرف مربع وبعدين تقطعى بصل حلقات وفلفل حامى وتضربىالطماطم فى الخلاط بدون ماء مع مكعب مااجى وتحطى ملح وفلفل اسود وكترى الفلفلالاسود

وبعدين تجيبى لحمه بوفتيك

تجيبى الظرف وترصى فيه طبقة بصل معشوية فلفل وبعدين اللحمه وبعدين بصل وبعدين فلفل وبمعلقه تحطى الطماطم كدا لغايةلما تغطى الوش

وتقفلى الفويل وتحطيه فى صينيه ( الافضل تحطيه فى الصينيه قبلما ترصى اى حاجه عشان الفويل ميتقطعش) وتدخليه الفرن على درجه 180 على الرفالوسطانى لمدة ساعه ونص


ويا سلام لو لحمتك سمينه تبقى تحفه ولو مفيشيبقى حتة ليه تقطعيها شرايح ترصى كام واحده قبل البصل اللى تحت وكام واحده فوقالطماطم واتفرجى على الطعم الوهمى


نووور هههههههههههههههه يارب يجمعنا كلنا تحت ظل عرشه عشان بدعيلك من قلبى ياسكر ربنا يسعدك

ياريت تقولولى طريقة الرز المعمر بتاع نانى بالتفصيل لوسمحتوا

meshmesh 2009;14059584:
بوسي ام عمر قصدك على البتنجان الاسود العروس الطويل
هقولك انا لو ينفع اقلى البتنجان وقبل ما تقليه اعملى فيه شق بالطول وطلعيه يصفى الزيت ويبرد علبال ما تعملى حشوته وهو توم وملح وفلفل اخضر حامى وخل وليمون ودقى كله مع بعضه او افرمى فى الكبه انا بعمل كده واحشي كل واحدايه بقى بالخلطه دى وبالهنا والشفا ليكوا

لا يا مشمشتى مش ده يااريت يكون فى هنا الطويل دا مش بلاقيه خاالص ولو لقيته بيبقا دبلان

انا قصدى على اللى سوسى عملته مره كان الرومى ده بس عملت الدقه بتاعته غيير حطتها على النار بس مش فاكره بالظبط ازااااى

ما شاء الله تسلم ايدييكوا وبالف هنا

كلكوا وتم التقييم;)

في ناس منفعش تتعوض ان شاء الله :o

سوسي عايزة طريقة الايسنج وجبتي الالوان منين

سارة العروسة القديمة;14056154:

كل الاكل يجوع يجوع بجد

ربنا يديكوا الصحة سوال على السريع
صوص الباربيكيا والبودر بتاع الباربيكيا بيتجاب منين ؟؟؟؟؟؟؟؟؟؟
اى بارتيشن فى السوبر ماركت
انا اتحولت على مالقيت الصويا صوص الباربيكيا دة فين؟؟؟؟؟

انتي قصدك بابريكا ؟؟ اللي هي الفلفل الاحمر الحلو :!!:

مدام/اشرى;14056214:

بصوا بقا
عارفين التوست الى بيتباع فى محلات الكشرى دة ؟ الناشف المحمص دة الى بيبق علية توابل
انا بقا عايزة طريقتة ياريت لو حد يعرفها ضرورى
عشان ناكلةالنهاردة مع باقى الكشرى بليز

ده بيبقي عبارة عن عيش شامي بتقطعيه مربعات وتقليه في الزيت واما يطلع ترشي عليه البهارات اللي انتي عايزاها

ملح وفلفل وكمون وكسبرة بس اهم حااجة وهولسه طالع من الطاسة عشان يشرب نكهة البهارات

Boody we zady;14057682:
:03::03::03: مبروووووووووووووووووووووك عليا و خسيت كيلو و نص و ايه !!!!!!! و خسيت كيلو و نص لولولولولوللللللللللللللللللللللللللللي باركولي باركولي هههههههههههههههههههه يعني أم بودي اللي كانت 76 و نص بقيت كام يا ولاد ؟ هاااااااااااااااااا مش سامعهة عللوا صوتكم بقت 75 ههههههههههههههه و كله كله في اسبوع و صللي صللي ههههههههههههه الكل يخش يبارك يا بنات أي نعم مش كتير بس كويس قوي أنا عايزة أخس كده بالراحة عشان مش أرجع تاني ههههههههههههه يللا الكل يبارك بس محدش يجيب معاه أي حاجة حلوة ممكن خضار و فاكهه ما عدا الموز ههههههههههههههه

ما شاء الله عقبال ما توصلي للي انتي عايزاه


انا برده لما وزنت من اسبوع خسيت 4 كيلو وبقيت برده 75 :)

لسه موزنتش الاسبوع ده يارب ميكونش في زيادة

بس انتي ما شاء الله ييعتبر وزنك لطولك حلو جداا

عارفين يا بنات السر في البيتزا الحلوة ايه ؟ هيا كتره العجن النهارده عملت نص كيلو دقيق بيتزا للعيال و أول مره أعملها في العجانة بس بجد فرقت كتير يعني حاولوا تعجنوا علي قد ما تقدروا حتلاقوا أحلي عجينة و كمان كنت جايبه دقيق ب 2 جنيه و 75 قرش الكيلو و طلعت جميله عملت صينيه للعيال و الباقي عملته سجق بالجبنة

بنات ادعو ل بودي ربنا يعفو عنه النهارده يا حبيبي من ساعه ما جه من المدرسه و هو نايم و مش أكل حاجة منساعه من صحي الصبح غير نص رغيف فينو و علبه عصير تفاح حتي البيتزا أكل ربع الشريحة و مرديش يكمل شويه يسخن و شويه يكون كويس و برضه مش قادر عايز ينام اديته دوا ربنا يعفو عنه البيت ملوش طعم بدون تنطيطه و غلاسته و الله ربنا يشفيه يا رب

ربنا يشفيه يارب ومتشوفيش فيهم ولامنهم شئ وحش ابدا يارب ويهدهملك

فعلا البيتزا عجن كتير انا لما بعجنها كتير بتطلع تحفه الف هنا وشفا

فعلا يابوسى كتر العجن بتفرق اخد بالى كذا مره بتبقى العجينه زى بتاعه دومينوز

والف سلامه على ابنك خلى بالك انا بناتى كانوا كدا يجوا من المدرسه يناموا لتانى يوم من غير اكل
اديله اى دوا سخونيه لو عندك دولودى حلو او ى الحقيه علشان ميطولش وربنا معاه وخلى بالك اوعى اخو يتعدى وانتى وباباه لانه بيعدى
روبنا يشفيه ان شاء الله وياسلام لو تلحقيه بشويه ينسون يبقى كويس اوى

بنات بعد اذنكوا عايزه طريقه الكبده الاسكندرانى بس ضرورى علشان هعملها تومورو ان شاء الله وتقولولى اعمل جمبها ايه

هاتى 10 فصوص توم وقرن فلفل اخضر ورشه كمون وملح ورشه شطه ومعلقتين كسبره
ودقيهم
وبعدين هاتى طاسه وسخنىى فيها زين حوالى ربع كوبايه وهاتى نص اللى دقتيه وشوحيه فى الزيت وبعدين هاتى الكبده وانزلى بيها وقلبى لحد مالونها يتغير وبعدين هاتى باقى اللى دقتيه وانزلى بيه على الكبده وفلبى وسيبها حلولى 8 دقايق واعصرى لمونه واطفى عليها بس ياقمر
اى خدمه

اه بالنسبه تعملى جانبها ايه انا بحب اكلها كده سندوشات ومعاه طماطم ترنشات
بس ممكن تعملى جانبها مكرونه وبطاطس محمرة

سووووووووووووسى ما شاء الله تسلم ايدك بجد وربنا يزيدك تحفه الكب كيك والجمبرى تحفه

يا بنتى انتى المفروض تعملى عينات توزعيها علينا برضو ربنا يزيدك يارب

وطبعا كل البنات اللى نزلو صور ربنا يزيدهم كل الاكل تحفه تسلم ايدكم

ام بودى الف سلامه على بودى وربنا يبعد عنه كل شر يارب ويشفيه

والبنات اللى قالولى طريقه بيتزا المكرونه ربنا يكرمهم انا عملتها بس نسيت اعمل صلصه المكرونه وكانت بيضه والصلصه حطتها مع الحشوه وحطيه من الحشو على وشها برضو بس عموما كانت حلوه برضو وحطيت فيها بواقى عندى لحمه عصاج وحتت شيش طاووق وكانت حلوه قوى الحمد لله

حياكم شرفوني في موضوعي

http://forums.3roos.com/showthread.php?p=14020358#post14020358

أزيكوووووووووووووووووووووووووووووووووووو كلكووووووووووووووووووووووووووووووووووووووووو