فراشه فى بيتها;14047116:
ازيك يا رورو
بصى يا ستى انا هاحكيلك وانتى احكمى ندى وبيتو كانو متفقين ان هما ينزلو اسكندريه عند قرايبهم ويجولى اوكى
امبارح لقيت ندى بتتصل بيا وتقولى انا عند قرايبنا بينى وبينك 10 دقايق قولتلها ما قولتيليش ليه ا
المهم قولتلها طب تعالى انا مستنياكى قالتلى صعب نيجى
ينفع تقابلينى فى روز جاردن مول
ده بينى وبينهم فى نص المسافه المهم قولتلها انا مش عامله حسابى وما قولتش حتى لزوجى
المهم قولتلها اقفلى وانا هاتصل بزوجى اتحايل عليه
المهم قولتله قالى انا عندى مشوار وانتى ما قولتليش من امبارح المهم اتحايلت عليه وافق
قالتلى ما تنزليش قبل ما ترنيلى لبست ولبست ريم وزوجى فضل مستنى
كنت قولتيلها يا ندى انا ممكن البس وتقوليلى مش جايه قالتلى لو قلتلك كده ما تعرفينيش تانى 8o|
بعد مالبسنا وخلاص هاننزل
بيتو اتصلت قالتى مش ها ينفع نيجى انا مسافره وجنى وقعت وندى مش ها ينفع تيجى:'(
طبعا زوجى قالى معطلانى ده كله وفى الاخر مش رايحه:mad:
ايه رايك بقى
@زهرة دبلانة@;14047190:
ياحبيبتى كنت ف المطبخ والله
طبعا الموقف صعب اوى وجربته وفعلا جوزك عنده حق وعندك حق تزعلى بس الظروف بينكم كانت اقوى من كلامكم
ممكن جنى وقعت وقعه جامده ومش ينفع تجيلك فلازم تعذريها برده وانا اللى اعرفه عن ندى انها بتوفى بمواعيدها واكيد ماكانتش تقصد بدليل انها اكدتتلك انها هتشوفك
اما بقى لو كانت وقعة جنى بسيطة ممكن ندى تشيلها وتجيلك زى ماوعدتك وتمشى الامور وتشوفك
بس اكيد اللى حصل اقوى من البساطة دى ممكن وقعت وقعه جامده وماينفعش انها تيجى باى حال
النهاية ايه اللى مزعلك ؟؟؟روقى ظرف وعدى وجوزك هينساه والتمسى لندلى لانها اكيد كان نفسها تشوفك وهتبقى فرحانة اما تشوفك بس ظروفها منعتها وطبعا انتى عارفه ندى وبنات كتير هنا قابلتهم ومش هتعمل فيكى حاجه انتى متحبهاش
روقى وهيا هتحكيلك بنفسها وتعتذر
*Om Mo3az*;14047239:
مالك يا حبي
انا مش بكون مختفيه ماكنتش انا اللي موجوده
بصي يا بطه ماتزعليش
اللي بيحب اصحابه مايزعلش منهم
وندى وابتهال بجد بنات عساسيل والله ومش يتزعل منهم
بس انتي ماتعرفيش ظروفهم كانت ايه
يمكن بعد ما قالو لك البسي حصل عندهم اي ظرف وخلاهم مايقدروش ينزلو
ماتزعليش نفسك يا بطه غير لما تتكلمي معاهم واكيد عندهم عذرهم اللي هيخليكي ماتزعليش
بس ماتزعليش قبل ما تسمعي منهم
*Om Mo3az*;14047333:
ربنا معاها يا رورو يارب ويكمل لها نفاسها على خير ان شاء الله
هههههههههههههههه
اها زي الصيف اللي فات كده يا رورو
فااااااااكره
ياريت والله نتقابل بجد نفسي اشوفك اوي
والبت فاطمه كمان نفسي اشوفها اوي حاسه انكو الاتنين شبه بعض :D
انا بحس كدة برضه انهم شبه بعض
ماشى يا فاطمة 8o|8o|:mad::mad::mad::mad:
انا احكيلكو اللى حصل بقى من طرفى
انا مكلمتش فاطمة من بليل لعدة اسباب
اولا معيش رصيد
ثانيا معرفش حاجة فى اسكندرية لا انا ولا جوزى عشان اعرف حقابلها فين
ثالثا انا مكنتش لوحدى كانت عقيقة ومرتبطة بالناس اللى هناك ومش عارفة الليلة كانت حتخلص امتى
فقولت لما اروح واشوف الظروف ابقى اكلمها
غلطانة كدة ؟؟؟؟؟؟؟؟؟؟؟؟؟؟
واحنا رايحين شوفت المكان اللى قولنا عليه ولقيته مش بعيد عن المكان اللى رايحينه
فانا روحت وعلى الساعة 6 كدة تقريبا كلمن فاطمة وقولتلها واشوف ايه نظامها الاول
وقولت لجوزى مكنش عنده مانع لو المكان قريب بس حمايا مرضيش ان ابتهال تيجى عشان كانو حيتاخرو عشان الشبورة واطمة فى طريقنا للقاهرة ومش فى طريق المنصورة
تماااااااااااااااااام؟؟؟؟؟؟؟
كل الرجالة اللى هناك بقى قالو لجوزى ان المسافة بتاع ساعة الا ربع بينا
والستات قالو تلت ساعة واحنا اصلا مش عارفين الطريق اوى
وكنا خلاص نازلين وكنت حقابل انا فاطمة وهيا بتكلمنى قولتلها انا تحت البيت اهو وجاية وفى تلك اللحظة لقيت جنى واقعة على الارض ومناخيرها وبؤها جايبين دم
عايزين اعمل ايه؟؟