رابطة امهات واطفال مصر بعمر السنتين ..لشهر محرم "كل عام وانتم بخير"

صباح الخير يا فرشرش
اخبارك ايه واحشاني
البنات بقي فعلا نايمين علطول ايه داااااااااااااااا

صباح النور يا قمر

وانتى كمان واحشانى ازيك انتى وميزو

قوليلى بتعملى الكشك ازاى؟؟؟؟؟؟؟؟؟

الحمد لله كله تمام

انا عملته بطريقه ناني

كوبايه زبادي (اكتيفيا دة اللى استخدمته)

قلبت فيها 4 معالق صغيرين دقيق وسبتهم ساعتين برا التلاجة


وبعدين جبت قطعه بانيه وحدة قطعتها مكعبات نونو وشوحتها في نص بصله مقطعه نونو وملح وفلفل اسود وبعدين حطيت عليهم الزبادي بعد ما حطيت عليه نص كوبايه ميه عشان يبقى سايل وقلبت لحد ما غلى وزودت ربع كوبايه ميه تاني وحطيت معلقتين كبار رز مسلوق وخليته لحد ما غلى وغرقته في الاطباق وحمرت نص بصله وفصين توم ورشيتهم على الوش بس كدة بس بجد طعمه فظيع جربوه بجد
هي اللي كانت كتباه وانا مسجلاها

ما اتحرمش منك يا ميرو

بيتاكل باييييه او مع ايه

صباح الخير

ام يايا

ازيك يا قمر

هما بيقولو عيش
انا ياختي معرفوش اصلا بردههه
بس عملت معاه رز بالخلطه علشان لو مطلعش حلو
بس طلع كويس واكلناه بالمعلقه كده

الحمد لله ايه الاخبار
البنات ما بقوش بيدخلوا ليه

ازيك يا ام يايا
اخبارك ايه واخبار هيا

ازيك يا ام ميزو
حلوة قوي طريقة الكشك بس عايزة اسالك بيبقى في مزازة ولا طعمه ايه

الحمد لله الجو في الامارات عامل ايه انتي فين هناك

الجو حلو برد خفيف
زي الربيع كده

انا في دبي

لا مفيش مزازه في الكشك

انتي مبسوطه في السعوديه وفي فسح حلوه في البلد اللي انتي فيها

أم ميزووو;14013187يا:
الجو حلو برد خفيف
زي الربيع كده

انا في دبي

وايه اخبار دبي احنا كنا عايشين في ابوظبي زمان وكانت ايامها دبي عبارةعن ميناء صغيرة وفيها شوية مراكب قديمة سبحان الله

بصي هي السعودية اول ماتيجي لازم يجيلك اكتئاب لان طبعا اول ما الراجل يخرج من البيت ماينفعش تفتحي الباب وتخرجي بس بعد كده بتاخدي على الوضع بس والله حلوة يعني الحياة هادية انا في بلد اسمها القصيم هي حلوة وبنخرج يعني هي المولات بس

متشوفيش بقي دبي دلوقتي
احلي من اروبا والابراج والمولات

احنا بقي كنا في السعوديه بابا لف كتير فيها ابها وبريده والقطيف والدمام وجده في الاخر
وانا بقي روحت الدمام وجده بس

طبعا بنشوف الصور في التلفزيون ماشاء الله عليهم حاجة تانية
جدة والدمام الحياة فيهم مفتوحة شوية والبحر بيدي جو تاني انا روحت جدة مرة تحسي انها منتعشة

بس الحياة في الامارت بقت غالية قوي انا عمتي هناك وبتشتكي بتقول الوضع اتغير عن زمان

ايوه ومفتوحه كمان وممكن تخرجي لوحدك