تجمع امهات مايو 2010 لشهر محرم 1430

نورين اممممم قولي اليوم الي ينااسبج

يعني بتخلوونه الى يوم السبت الي بعده او هالاسبوع ؟

صبحكم الله بالخير .... أخباركم يا حلويين ...

اليوم انا أبى أشرد من الدوام مستجنه الدنيا كلها سيل سيل ... :confused:
الستي سنتر حماسي ما في محل ما عنده تنزيلات وأنا قاعده بهالمكتب :thumbs_down: الحين اتصلت بزوجي فديته اليوم هو بالبيت عنده اجازة وحط شيوم معاه مستانس فيها قلتله بدلها وشيكها ومر علي بنتغدا بالستي ونتسوق :adore::adore:

حرم أحمد..
اييي والله.. حلاتها الطلعة بهالوقت.. الناس دوامات وانتي تفرررين على راحتج بالسوق!
حليله زوجج.. الله لايغير عليكم.. زين انه مستانس ببنته..
أنا أعتبر هالشيء من سابع المستحيلات زوجي يسويه.. انا بالبيت ولو خليت الولد عند حق اروح اسبح طحنة على راسي لين أرجع آخذه منه.. مو احطه عنده واطلع!! ههههههههههه

بنات البحرين..
اش قررتون.. مانبي أحد يقصر..!
رتبوا عدل للطلعة حق نستانس ببعضنا..

اني يوم السبت هدي يناسبني عدل بس على البنات

نوريين يوم السبت تاريخ 25 يعني نزلو المعاشات

وافا عليش خيوو تعاليي ونعشيش على حسابنا ولا يهمش

وادا كلش كلشش طبيت عليش بيتكم وبسط وياااش ويش رايش ههههههه

حرم احمد والله حركات

اني زوجي عادي يجود بنتي واني اطلع بس السوق الصبح مستحيل عنده زوجي ادا صبح مو دوام يصير يوم مقدس للنوم هههههههههههههه

شخبارج ام بشاير

وجدان..
خخ الله يهداج جي سالفة غداء!
يمكن المراة بخاطرها تتسوق في المجمع..
يلا جهزوا عمركم خل نتفسح طلعة ماميز!

أنا يا بنات بخاطري وايد اشياء..
ابي أهتم بنفسي خلاص.. مليت من البيت والعيال والريل!
فكرت ابتدي ريجيم بداية السنة الجديدة.. وأمارس رياضة ولو 10 دقايق باليوم.. حتى لو وزني نزل ببطء.. ما يهمني.. ابي اهم شي أنزل الكيلوات اللي ببالي وما تهمني المدة..

لاحظت ان شعري بدأ يتساقط من كمل حمودي الشهر الرابع..
والمسألة مستمرة وما تقل، عشان جذي بسويلي برنامج عناية بالشعر عشان ما يكمل الولد سنة، الا صبغت شعري مرة ثانية! مليت من هاللون هههه<<< الحين بيقولون هاي كل شي عندها ممل!

اي والله مليت من الروتين.. بعد الدراسة ابي افرفش، واغير شيء بعمري.. بلاش هموم:|

أما بشرتي وايد تعبانة، بسبب السهر!
لونها باهت مافيها إشراق، وهالات تحت عيني..
ابي حل لهالمأساة،،

وراح أغير نظام نومي من اليوم ورايح.. الله يعيني بس يضبط نوم محمد وأخليه ينام من وقت وأرقد معاه..
أما الزوج قلعته، حزة ما يبي ينام كيفه، هو توقيته مستحيل يعتدل!
ساعته البيولوجية مقلوبة، يحب ينام بالنهار ويسهر الليل..

وانتوا يا حلوات..
شخبار أوزانكم بعد الولادة.. رجعتوا للوزن الطبيعي ولا مازال!؟

وبالنسبة للمفقودات على راسهم دهن العود..
عسى مانعكم خير.. شكله مليتوا من التجمع وما عدتوا تطلون!

اممممم اني ادا مجمع مابجي زوجي مايحب جدي يقولي ادا بيت او مطعم روحي

بنت الاصايل ..

زين تسوين يالغاليه ..

الزم ماعليج روحج ..بتقضي عمرج كله بالسهر والتعب والبهذله ..

بالعكس عجبني وااااايد البرنامج حقج..

واذا تبيني اشترك معاج ماعندي مانع نسوي برنامج العنايه بالشعر والهالات اللي ذابحتنا ..

بس الفرق انتي بتسوين حميه وانا ابي شي يمتن ههههههههههههه:lol:

انا بعد مليت احس روتين كل يوم نفس كل يوم..

عاد هالشهر قال لي بيوديني البحرين

لانه واخيييييييييييييييييرا سوى جواز لحمود..

بس اهم شي لايوديني عن اهله هههههههههههههه مالي خلق اروح بيوت ابي اطلع واستانس ..

:lol::lol::lol:

ام حمووود شخبارج وحشتينااا شخبار حمووودي ماقلتين شنو اخر اخبار العمليه الي بسوونها لحموود ؟؟ ان شاء الله مايحتاج

مساء الورد

شخباركم؟

اني بعد هالاسبوع يناسبني واجد بس ما نبي احد ما يجي خصوصا نورين ما شفناها فماادري

وجدان حاولي ويا ابو الشباب يمكن يوافق بيكون الظهر يعني مو زحمة ذاك الزود

قلب علي يالله تعالي هالمرةبعد ويانا خل نستانس ويا بعض

ولا يهمج خيووو كم ام بشاير عندنااا

عن نفسي اذا هذي السبت مابقدر واذا قدرت بخبركم قبل عشان نتفق او تأجيل للسبت الاعقبها

واذا تبون هاي السبت عليكم بالعافيه

بنت الاصايل نفس الحال كنت اسوي رجيم مع المشي الحمدالله نقصت 6كيلوووو وجاء محرم ورد ارتفعت كيلوين احاول انزلهم وانزل اضعافهم بس شكله بصير بطيئ لان المشي على المزاج

هلاااوالله بدهونه شخبارش

مساء الخيييير

أم الزوز..
يا هلا فيج.. راح القهر عنج ولا بعده؟
ضحكتيني يوم تقولين ان الوصخ يطلع برى حفاظها لظهرها..
انا حمودي غالباً يصير له نفس الشي.. شسوي بعد.. شكله الحفاظات مال هالزمن كجرة! خخخ
ترانا نعاني نفسج في الاشيا اللي قلتيها.. الله يكبرهم ويرزقنا برهم ان شاء الله.
بس تراني عاتبة عليج..
حرام عليش تعطينها حليب نكهات وهي بعدهي صغيرة ما كملت سنة!
أكيد بتتعود على الطعم الحلو وبتعاف اي شي ثاني..

اليوم غذيت حمودي بوجبة ما توقعت تعجبه جذي..
كنت بصورها بس خسارة قلت بشوفها لين عجبته بسويها مرة ثانية وبصورها لعيونكم وعيون الحلوين عيال التجمع..

وجبته كانت عبارة عن معكرونة خضار وفاصوليا..

اخذت كم عود سباغيتي.. وكسرتهم صغار، وحطيت معاهم حفنة خضار مجمدة، وسلقته لين نضج وصار لين زين
صفيته من ماي السلق
وجهزت في مقلاة ممسوحة بزيت ربع علبة فاصوليا..
ولما طبخ عدل خليت المعكرونة مع الخضار معاها وقلبتها وياه زين ورشيته بملح وبهار مشكل رشة كلش صغيرة لتحسين الطعم فقط..

وأنبهكم.. بالنسبة للخضار المعلبة.. قد ما تقدرون يكون تاريخ الانتاج فريش وجديد
وتكون العلبة صاحية مافيها اي حاجة غريبة، لا انبعاجات ولا تكون مخفوسة ولا منتفخة.. وتاريخ انتهاء الصلاحية بعيد..
ولما تجون تطبخونها، خلوها تطبخ عدل عدل،،

لا تشوفون حمود لما عطيته ياكل كان متحمس يهبش بيده وخليته يعبر عن شعوره ويعفس هههههههههه..
ولا عاد السباغيتي على وجهه وخدوده ولا شلون ياكله والله وناسة..

هههههههههه

ام محمد انا حسام للحين ما ياكل زين بس وجبة في اليوم

والعصاير ما يبي ولا شي منهم حاولت معاه ما برضة يشرب

الحين متى الموعد اتفقوا له

&#9829;&#311;L&#1047; E7SAS&#9829;;14025201:
هههههههههه

ام محمد انا حسام للحين ما ياكل زين بس وجبة في اليوم

والعصاير ما يبي ولا شي منهم حاولت معاه ما برضة يشرب

الحين متى الموعد اتفقوا له

اسمحيلي أقول لج انتين الملومة في قلة أكل ولدج!
هو ما يعرف ان لازم وجبة ولا وجبتين او 3 ف اليوم..
لما يقعد لازم تعطينه فطووور.. ركزي على الفطور أهم وجبة..
أنا ولدي يحب اغمس له روتي في حليب ساخن.. يذوب فيه الروتي ويدوخون به الجهال كلهم صدقيني.. جربي ويا ولدج وشوفي شلون راح يحبه.. ولا أعطيه فاكهة مهروسة او حتى الحبوب الجاهزة ولا بسكويت.. وما في أسهل من وجبة الفطور.. خاصة انش اكيد بتكونين مستعجلة الصبح وما عندج وقت تسوين اشياء

اما الوجبات الثانية تفنني فيها..

بالنسبة للعصير.. عادي مو كل الأطفال يحبون العصير.. وتعطين ولدج الفاكهة نفسها أفيد له من العصير بواجد على فكرة.. معصومة بنتي ما كانت تحب العصائر لما كانت هالكبر.. الحين ذبحتها العصير:worn_out:

اما عن الاجتماع والله خل نسوي تصويت..
كل وحدة تصوت لليوم الي تحبه..
السبت هذي ولا اللي بعدها!