تجمع محرم(لامهات مواليد سبتمبر 2009)

اخيرا عرفت اسوي اقتباس ثانكس امورة هههههههههههه

أساير الروح;13974452:

صباح الخير عليكم

جمعه مباركة عليكم

وحشتوني وااايد

دريموووو ماتشوفين شر غناتي

دريموووو انا رفيجتي بقى عشرة ايام على العادة اليايه وجيكت وطلعت حامل:adore: صارت وراي

اما اخباري واخبار خليفه عن نفسي انا تعبانه من الحمال وكل لوعه وما اكل عشى ولا غدى اووووف واذا اطلع ابي اشتري غرض اوووف راسي يعورني يتم مدة بس ابي ارقد واقوم يروح عني ويرد اييي :mad:
وريلي وعليه يباري خليفة ويحط باله عليه ويرقده الليل وانا في حاله لا يرثى لها ماقدر حتى اتحرك من راسي:badly:

واحنا اجازة من يوم الثلاثاء الى الثلاثاء دوام

واليوم توفي اخو ملكنا الشيخ راشد بن عيسى بن سلمان ال خليفة

الله يرحمه يارب

هلا عروس شر مايجيك يارب الحمد لله على كل حال

هلا عروقه مايشوفون شر الحلوين وانتبهي لنفسك لا يعدونك

كاني عادتني فطومه والحين انا وزوجي وكل خواتي مراضى

واكره شيء ان تعبانه واللوعه ماخلصت الله يرحم بحالنا

فانتبهي مع اني كنت مبسوطه ان خواتي كلهم مرضو ولا جاني المرض

ويوم اللي جيت بروح شقتي وجا زوجي مرضت واروح الا حتى هو مسكين فيه انفلونزا

هلا دريم شخبارك واجر وعافيه ماتشوفين شر روحي المستشفى خذي علاج بعد لو علينا شسوي انا حامل مو اي دواء يصلح

والمرض جاني بعد محاولات عده لتجنبه ماكو فكه :)

فطومه قريت في النت وصفه للكحه وطبقتها لها وياليت ماطبقتها

مكتوب زيت زيتون تسخنيه مع زنجبيل لحد مايدفى تحطيه بصدرها وظهرها وبرجولها

والله زادت الكحه ويومها مانمت وكل شوي تجلس تصرخ جلست وعلى طول سبحتها

والحمد لله اشوي سكتت الظاهر الزنجبيل حار عليها

اما الفكس اللي عندي فهو من المستشفى وريحته بالكاد تشم مو قوي كلش

ويوم حطيته لها الحمد لله خفت اليوم واجد واستمر لها على مذيب البلغم واليوم باخذ جهاز كمام البخار وبحط لها

علشان ترتاح

هلا ربوعه اي والله بدونك التجمع مافيه حركه بدونكم كلكم شخبارك وشخبار عيالك والدراسه

انتبهي لهم بهالجو الكل مرض وتعب الله يبعد عنهم الامراض يارب

هلا صحوب كيفك وكيف يويو ؟

دمعه اسوره ام يقين وجعفريه ولولي وينكم ؟

السلام عليكم
شخبااا3232ركم
ش+9+++

+
+

>>> هههههه عشان تصدقوني لما اقول لكم حمودي مايخليني اقعد
كل مااشيل يده يعصب,, واذا خليته يكتب يستااااانس,, في باله مسوي انجاز بهالكم حرف ههههه
او يمكن يبي يسلم عليكم وعلى اصدقائه الاطفال

هو كل ما ادخل مالقيش حد عايزة ارغى معاكم

والحمدلله انا بخير لكن زياد كعادته تعبان والله صعبان على الولد ده مابيرتاح يوم من الابر والمضاد الحيوى

وهالايام رشح وعطس وزوره واجعه يخليه دايم فى رياله على بقه مابيعرف يبلع ريقه

خفت اوديه للدكتور يعطيتى مضاد حيوى وهو اتهرى مضادات حيويه

جبت 123 واديتهوله و اوتريفين للرشح بس يوم اوقفها الرشح يرجع ومناخيره اتعورت من كتر ما امسحه المسكين

يالا طمنونى عن اخباركم

هلا دموعه هههههههه ترى هالموجب هذي فيها إن

لان فطوم من تجلس تحطها واستغربت ان ولدك بعد يحطها لها تفسير عندهم مانعرفها احنا

فراشة الايمان مايشوف شر زيااااد الله يشافيه يارب

هو الحين في البرد كل الاطفال مرضانين وحتى احنا الكبار مرضنا الله يشافيه

وزي ماقلتي يتعبون من سيلان انفهم اتمنى لو يوقف انا بنتي

اعطي مذيب للبلغم وبخار ولسه ماراحت الكحه ولا البلغم الله يشافي كل الاطفال

ام فاطمه الله يشفيلك ها القمر الصغيره

فعلا نحن الكبار عيانين امال الصغيرين يعملوا ايه

الله يجيب الشفا من عنده

شخباركم امهات

يا جماعة ثقلت خلاص
ومايا حدها تشيطنت
ومالي خلقها
واخر الليل تانيب ضمير

مشكوره فراشه االايمان

بطه الله يعينك يارب ويسهل عليك حملك وولادتك

والاطفال حدهم يتعلقون بالاهل خاصه اذا حسو بان في شيء بياخذهم من امهم

انا بنتي لسه علي كثير واحسها لازقه فيني وصايره بس تدلع علي

وحمليني وسوي لي وتصعد على بطني وترفسني

وحدي خايفه من بعدين اذا كبر بطني شو بتعمل

تسجيل حضور

هلا حبيباتي

فراشة الايمان يا هلا والله نورتي التجمع
الله يشافي زياد ويبعد عنه المرض..
التعب والمرض داير علينا كلنا لا يرحم الصغير ولا الكبير
الله يشفينا ويعافينا جميعا يارب ..

بطة هلا بالدبدوبة خخخ
الله يسهل عليج وتقومين بالسلامة
ولا تهملين مريوم مسكينه بعدها صغيرة ومحتاجة حنان ورعاية ..

دمووعة
اييي خلاااص صدكناج هههه
بس تعالي كل يوم خلينه نشوف حمود شيكتب ويطقطق

دريموو
سلامات عليج انتي وميوووس
التجمع بارد لان الجو برد هههههههه

أم فطومة
هلا بيج حبيبتي شخبارج
الله يعينج على التعب كله كوم والنساة كوم ثاني :(
الله يسهل عليج ..

صحووب
هلا أم يويو شخبارج انتي والبطل ؟

ربوووعة وينج مختفية
طليتي علينا ورجعتي غبتي
شخبار العيال وحمادة إن شاء الله صار أحسن ؟؟

أخباري آني والعيال تمااام الحمد لله
ما زلنا صامدووون أمام البرد والثلووج ..

تسجيل حضوووووووووور


وزياد الحمدلله اتحسن بفضل الله

هلا درييم شخبارك الله يشافي الحلوة يارب

هلا صحوب ان شاء الله كل يوم نشوفك

هلا عروقه الله المعين والحمد لله الحلوين خفو

مدري متى نعلم الاطفال على الحمام

لان وودي اعلم فطوم على الحمام في شهر رجب بس ماكو امل لان ولادتي بتكون في 17 رجب

ومو عارفه متى هل ااجل لما تكمل سنتين وا في رمضان الله يعين

جعفريه لها زمان مادخلت لا هي ولا بحبح وحتى ربوعه قل دخولها واسوره وصحوب ودمعه وحتى انتي عروقه بالطفره تطلعون

صاير التجمع كلش مافيه اجواء

انا بعد دخلت تجمع مال حوامل اتابع معهم هناك بس اجي اطل اقول يمكن القى حد هني

هلا فراشة الايمان الحمد لله ان الحلو خف والله يحفظه لك من كل شر

يالله شخباركم واخر تطوراتكم ؟ وتطورات البيبي ؟

ام مايا شخبار؟

ماعرف شنو فيني مزاجي مو اوكى ومالي بارض لأحد حتى يويو صاير ينرفزني من اقل شي

اهلين امهات اخباركم جهااااااااااااااازي خراب في الضمان ادعوله يتشافى وارجع اسولف معاكم هههههههههههههههه

ماتشوفين شر صحوب عسى ماشر ؟؟

هلا ربوعه ان شاء الله يتصلح ونشوفك ترجعين

امهااااااااااااااات شخباركم شمسوين نسيتونا وا شووو

اشتقت لكم واجد

ملانه حدي

يالله بخبركم عن فطومه

فطوم الحمد لله تمام صايره تقول هلا وتسلم على اي احد يصادفها

والحين صايره تقول لجدها بابا حجي وعمامها تعرفهم وتقول لهم عمي

وصايره تحب الاقلام والتشخبط بالجدران وصارت تقول اسماء بعض الاكلات

وصايره تحب تسبح بشكل مو طبيعي تبي تسبح الف مره باليوم كل تدخر وتشغل الماي على نفسها

والجو برد وتمرض صايره يادوب الاحقها وحتى الاب توب صارت تعرف الحبه اللي تطفي الجهاز وتطفيه علي

وصح هاليومين بس تضغط باذونهااا وتتوجع حطيت لها زيت زيتون واحس ارتاحت يومين وردت اليوم تحك باذنها


خبرتكم اخباري وفي انتظار اخباركم احبكم

سلام بنات
شخباركم
وحشـــــــــــــــــــــــــــــتوني وايد
فتره يقونه مرضت وبعدين انا مرضت
والحمد الله يقونه صارت زينه
وانا الحمد الله تحسنت بس شكله بيبدأ لي الزكام

و وصلت اسبوع 32+ 5 ايام من الحمل
يعني دخلت شهر الثامن

وكيف بقيه الحوامل وامهات
؟؟؟؟