لمة الليبيات لشهر محرم

مساء الخير شن الاخبار؟؟؟؟

اهلا هدورة وينك مغطسه ؟؟؟
حددتي عرسك ولا مازال ؟؟

ام وسيفه منووووووووووووووره تعرفي استاااااااحشتك موت

انتي وينك وين مغطسه شن اخبارك وامورك تمام

بنات سامحوني:( سكروا التجمع الحوامل قالولي

عشان في غيره مفتوح8o| وانا قتلهم ان نبوه بس خاص بليبيات قوانين:hysterical:

قدوره شن حالك انشاء امورك تمام

اهلين قدورة واهلين هدورة ههههه
والله اهو حال الشغل والمناسابت ورا بعض ماشاء الله

الحمد الله تسلموا حبوباتي انتوا شنو اخباركم ؟

قولولي تعرفوا اديروا البليلة ؟؟؟

والله قطعتني الحازوقة اليوم (( شهيقة )) يا ساتر !!!
انا روحت بكري اليوم !! وتوا نوتي في روحي بنطلع مع
بابا لكازا نشربوا حاجة ... والباين عنده موضوع ربك يستر
وبعدها لو قدرت انتخته نبي نمشي نشوف ابو زودة :)

سلمولي علي عروسة حبيبة قلبي !!! ام وسيفة نبي
حصتي والله مادخلني .. خليلي شوية .. وبوسيلي غزالي

اممممممممم هدروة شنو صاير فيك يا بنت .. اول مرة نشوف
عروسة توتي وهكي ومش عارفه راسها من رجليها ؟؟!!!

فيكي مغيبة ان شاء الله خير .. وحلا كمان .. !!!
حيووووو بعتلك لعبه جديده احلي بهلبة من المزرعه
شوفيها !! انا مستمتعتة بيها هههه

امممممممممممممممممممممممممممممممم
دلوعه :) ههههه با متصربعه خخخخخخخ

ملوكتي ليك وحشه كبييييييييييييره هلبه وانشاء ربي يوفقك في كل امورك

مشكورات البنات اللي ساعدوني في فكرة تفريش صالتي

من انا "روز الفواحة" في عشي"ربي يحفظلها هالعشيش وديما عامر بالخير بالصور بصراحة قربولي الفكرة هلبا

ملكة حبيبة الكل الطيوبة

توا نقدر نمشي للسوق واني عارفة شن نبي نشري وكيف نختار


حبوباتي كملو جميلكم وقولولي اماكن بيع المفروشات من غير بوسليم وراس حسن في طرابلس والمدن اللي قريبة من طرابلس







سوووووووري ان شاء الله ما ثقلتش عليكم

مـــــــــــــــــــــــــــــــــــــــــــــــــــــــــــــــــــــا تفوتونيـــــــــــــــــــــــــــــــــــــــــــــــــــــــــيش بليز

مساء الخيرات عليكن يا حلوات

مع انه صبح عندي هههههه:p

رفعو ثمن الجامعة

توا اني ندفع 3500 باوند في السنة

حيخلوها في 2012 لي 9000 باوند في السنة يعني 18000 جني في السنة .. هدا لي البريطانين ف مابالك بي اللي معندهمش جنسية بريطانية !
حمدالله بكون تخرجت ههه .. هالقرار حيتنفد ع خوي الصغير ههه لما بيخش الجامعة
بس غلط هكي .. يعني الجامعة حتولي بس لي الناس الاغنياء .. يعني مش اي حد يقدر يجيب هالثمن
وزيدها ان بيبدا مش بالدرجات التخصصات يعني توا كلهم يدفعو نفس الثمن لو بتقرا طب ولا بتقرا اي تخصص .. وفي اي جامعة في اكسفورد ولا اي اسوء جامعة نفس الثمن
توا يبدا يفرق كل جامعة وسعرها وكل تخصص وسعره
يعني لو عندك فلوس حتخش الجامعة والتخصص اللي تبيه حتي لو كنت غبي
واذا ماعندكش حتي لو كنت عبقري لا بتخش جامعة باهية لا التخصص الباهي الا اذا دفعت

لندن مقلوبة مضاهرات .. كنت بنمشي بس غدوا عندي اسايمنت :(




:(

ماما اووزا

صباح الخير نهارك سعيد ان شاء الله

روز صار باهي يتطلعي منها هداكا الوقت تبدي مقعمزة هني في تريبولي مع هيثومتك

ههه اي

بس يختي عليا دين لان احني الجامعة تدفعها بعد ماتكمل ..

عليا دين 3500 .. 3500 ... 3500 ههه .. احسبي كم واضربيها في تنين باش تطلع بالجني ليبي ههه

وحتي في اي مكان يلحقوك لازم تدفعيهم ههه

هيثم لي توا يدفع في امتاعه ههه

كل معاش شهر ياخدو منه نسبة

وهدا ع اساس احني بريطانين ندفعو هكي
لو معندناش الجنسية ههه ندفعو 21 الف باوند في السنة
واعليك قراية اللي ندفعو اعليها هدا كله .. كله تقريه بروحك
يجي الدكتور يقول كلمتين ويمشي وع هالكلمتين فلسنا
تعرفي اني اني بس عندي 4 ساعات جامعة في كل اسبوع !

هااااي بنات
تعرفو من الصبح طالعه كيف روحت
الصبح موعد الدكتور و نسرفت شوية و
بعدها عزومة الغدي مع صاحباتي ضحكنا و رقصنا و هيجنا عالاخر و هادي المرواااااااااااااااااااااااااحه

اهلين عروسة ضياء

باهي كويس .. ههه خلاك ضيو تنسرفي؟!

ياحسرا نضت من صبح ربي نقرا مشيت الجامعة وروحت نقرا :( ههه

باهي يا روز علاش ماتدفعيش اول باول والا النظام غادي هكي

عطيهالهم الانجليز


ربي يساعدنا ويساعدكم على الدنيا

عروسة ضياء

ماشاء الله يومك حلو واحسن حاجة جمعة الصحبات قداش نحبهم اللمات الل هكي


ان شاء الله ديما فرحانة

حنونة3;13915882:
باهي يا روز علاش ماتدفعيش اول باول والا النظام غادي هكي

عطيهالهم الانجليز


ربي يساعدنا ويساعدكم على الدنيا

ههه لا محد يدفع توا .. محد عنده بنك روما حتي يدفع ههه

ف يخلوهالك لين تشتغلي ياخدو نسبة .. واذا ماشتغلتش يزيد الانترست كل سنة .. يعني يزيدوووووو كل مرة اكثر يولو خخ

بس تعرفي احسن شيء ان لو راتبك اقل من شيء معين مايخدوش منك ..
اضني في ليبيا كل الرواتب اقل من ان ياخدو منك ههه

يعني اذا بتشتغلي شغل عادي ههه