لمة الليبيات لشهر محرم

هههه نجمتين الحمد لله ماعندك الحكم

حلا ماتزعلي ماقصدي نوجه الكلام ليك انت بالذات خطرتي عليا الفنانات مشيت قت رايي فيهن عادي يعني

احلام صحه حتا انا جعانه لكن خايفه ناكل يكبسني الراجل ويبدا يسهوووك

حبيبتى كونى انتى خير منها وبعدين العزاء فيه الاجر ...توكلى على الله واكسبى الاجر ..وبعدين لمه الواحدة تتزوج تتغير عليها الحياة ..........ومدام تقرب لى خطيبك يعنى بعد وقت حتوصلوا بعض

حلا 2011;14127795:
:rolleyes:بناااااااااات بنسالكم سؤال :
عندي صاحبتي حناها توفت باهي مهم هي توا تزوجت ليها شهرين تقريبا طبعا انا بعد مااتزوجت اتصلت عيدت اعليها ومره سالت عليها
طبعا كنا مع بعض ديما مكالمات وانا اكثر شئ نسال عليها ونفوتلها عادي وهي لا اتصال لا مسج لا شئ نهائي حتىت فالعيد لين انا بعتلها مسج واتصلت بها بعد 5 ايام عيدت
مهم توا حناها توفت وانا مااتصلتش عزيتها فتتها قلت خيرها هي ماتتصلش تسال عليا حيه والا ميته زعما انا صح والا خطا؟
هي قريبه خطيبي وهو قالي اتصلتي بها وقلتله هالكلام وقالي براحتك :rolleyes:

باهى معلش خليك انتى الاحسن شنو خاسرة كلمى عزيها وخلاص انا لو مكانك اندير هكى لان هذى حالة وفاة

قولى قهوه القلاب ولى يقلب ..ماتخلى خاطرك فى شى الان نفسك بتحاسبك يوم غدوة

حلا عزيها وليك الاجر وبعدين فوتيهاااااا

وتوا سلامات يابنااات

نصيحه الي اتدير في الطوبه راهي مش حلوه ولفت نضرررر نحسها وهدا رايي طبعا ماحدش يزززززعل

نجمتن;14127807:
حلوة انتى عند امك ............

سؤل هذا ليا انا؟؟



حلا شوفي اني معاك بس حكايه في حالة وفاة مش ها تتخسري شي اتصلي وعزيها
بتحصلي اجر انتي
وبعدها فوتيها خلاص



خذي توست اسمر وحطي فوقه جبنه دايت وطماطم غاليه عليا او كورنفلكس دايت او بسكوطي مالح


بجد مابعدك بعد راجل هو يتحكم في وزنك نحسها صعبه بكل مفروض تقوليه لو تبي رجيهم وفر ليا اكل صحي اني صاحبت ماما شرط علي رجلها كل يوم يجب ليها مشواي و هو يطلع يجبي ليها اكل دايت كله اغلي من اكل العادي ههههه
حتي شكولاته ياخد ليها دايت

حلا انا رائيي العزاء عزيها او تمشيلها او تكلميها وانتي ليك الاجر وبعدها فوتيها كان كلماتك باهي كان هذا انسي انا عندي صحبتي هلبا هلبا من الي تجوزت ليها عامين مكلمتنيش الا ممكن 3 مرات في عامين وكنا 3 مرات في اليوم لكن توا فتتها لان مش للدرجه هادي قلة فضوي وهيا حتي صغار معندهاش (ربي يعطيها ويرزقها يارب) كان هذا راهو قلت لاهيه في الصغارلكن هيا صحبتي ونحبها هلبا والله لكن فاتت من الي تجوزت ربي يهدينا وخلاص

نبي نعرف انا علاش اللي تتزوج تتغيييييييييييير؟؟؟؟؟؟؟؟
قصدي معقوله 24 ساعه راسها في راس راجلها مستحيل بس شو زايد ايديرو فيه
انا ماانحبش حد يتزوجيتغير اعليا الصراحه وكنت نقوللها فيها تقولي لالا مستحيل نتغير عليك بس بجد وجعني حالي نمرض والا نوض والا اي شئ ماتدورش
ومره اتصلت بيا نحسابها تبي تسال عليا فرحت لما شفت رقمها وانا متوحشتها طلع اتصالها لمصلحه معينه انصدمت الصراااااااااحه

توا ماما اطيب فى كبدة لى خوى .. بعد العصيدة خر اندير نص كبدة ... لاراجل يطلق لاعمود يافالق

شكلي بنبعتلها مسج وخلاص ماانحبش انطيح روحي لحد بالرغم من اني ولله الحمد السابقه في كل شئ ديما اقسم بالله من غير مبالغه ديما تلاقيني نتصل ونسال بس لقيته ماينفعش
اجري علي الله وخلاص

تعرفو يا بنات عندى صحبتى متزوجة من 8 سنوات باهى والله ممكن ايام محدودة لى ما تكلمنيش واول ما تزوجت اول ما توصل لى حوش اماليها تتصل بيا ... كل حد وجوه لى يدورك دوريه ولى يفوتك ساهلة وهو الخاسر الدنيا مليانه اصحاب كيف ماتبدى بس هدى حالة وفاء خدى الاجر

حالو حتى راي من راي البنات لكن شن بتقوليلها انتي عطلتي ولا قصدي فات هلبا على العزا

اه مش عارفه علاش يتغيرو انا نحس في روحي ماتنغيرش علي صاحباتي هي هي الحياه شن زاد!!!!!!!

علاش النفخه يامدام الراجل ولي شعبي عام ههههههههه*_*

فاصل نخنب شوية كبده ونجى ............ربى يسترنى وماما ما تكشفنيش

اليوم 2 يوم يابيشو
الصراحه حتى حبيبي قالي براحتك لما قعدت نقوله عللي يصير ماباش يضغط اعليا ههه خاف مسيكين ^_^

قوية هدى يا حلا المفروض لمه فاتتك ابعتيها فى مسج ليه

حلا هدا شكلها هى الفرخة لى تبى تخرب بينك وبينه ..........؟؟؟؟

قولى الحق