لمة الليبيات لشهر محرم

مساء الخير

مساء النور

ضيو شن الجو حلو قفطان الدخول عجبني تبيديه بلهناء لكن الفيلو مشفتاش ضروري توريهولي قعد في خاطري

لاضيو انى انحب نتفرج عليه لان لون عيونه زي لون عيون خطيبي
ماليا علاقة بشخصيته ولا بدوره واكيد اي وحدة تشوف راجلها احسن رجالة العالم
وتعرفي انى اللي زاد حببني في خطيبي رجولته وشخصيته لان حاضرتله مواقف بجد ربي يخليهولي

هلا جمال الروح نورتي

هههههههه هدا علاش انتي تتخرجي و تتخيلي فيه بيشو

ايواااااااااااااااااا ههههههههههههه شوفتيني كيف خيالي واسع اتصدقي ضيو مالقيناش مطعم يكون مش زحمة في راس السنة قالي اللي نخشله يقولي
في هلبا ناس حاجزين يعني عايلات وهكي
مش عارفة كيف بنديرو
وحتى راس السنة يجي جمعة يعني اغلبهم مصكرين

و الله مانعرف بس شوفي المطعم المغربي في كورنتيا و لا متلا في ريكسوس غالبا مش حتلقو فيهم عايلات ع اعتبار ان هوتيلات

هاي دلوعه بنقولك راهو مستحيل تلفي مطعم فاضي احني كل عام نطلعوا ونلودو لين نعيو احني والعائله ومنحصلوش الا بلسيف نقعدو حتي ساعه ونص ندورو لدلك احجزي اي مطعم وخلاص لانهم كلهم زحمه

عروسة ليبيا;14049250:

يا بنت محلاه نعومي

لو زي هادا روز حلوووووووووووووو

جنان لوو حصلتي زي هكي خووذيه طوووووول والله ناعم واحلا من القصار

علا وردي فااتح نتخيل فيه يهبل

لالا مش هكي

اني مانحبش قفطان نوم ايديه اعراض زي هكي ضهره يبدا مثلث نحب ايديه بس خيط يكون

بس اللي هكي ماعجبونيش

شفته في مارك اند سبنسر هدا

ماشيتيلها ضيو المطعم المغربي .....؟؟؟ بالنسبة ل ريكسوس مستحيلة يرفعني ليه قالي كله زحمة رجالة ..........!!!!
جمال الروح باهي اما احلا مطعم مشيتوله..........؟؟؟

ضيو بتاخدي بطاقات ولا مش دايرة ...؟؟

بندير بس مزال مش مفكرة ههههههه و خاطري نخطم ع مصر انجيب البطاقات و في روب يهبل للدخوول في مصر كان حصلته بنلوحهم اللي شريتهم الزوز ههههههههههههههه

شنو جوكم

اهلا احلام احنا تماااااااااااااااام انتي شن جوك؟؟

ههههههههههههه ضيو انتي مهبوله.........!! معاش تحطي فلوسك هكي وخلاص يابنت خلاص معاش في روب دخول خديتي ياسر
خودي حاجات زي التايورات زي الكنادر كان فضلولك فلوس ومعاش لقيتي شن تشري اشري ساعة انى عقلي الساعات
الفايدة في لبس الطلوع انتي عروسة بتطلعي والناس كلها بتتفرج عليك
لوحي عليك حوايج الحوش على اساس يزبطو الرجالة اللي خديتيهم ياسر اسمعي كلامي سلم وخيتي

دلوعه مره مشينا كورنتيا كان مش حلو زحمه وكان رجاله لين تعقدنا ومره مشينا لي مطعم ازمير المقابل زرقاء اليمامه كان حلو وعامين مشينا بيتزا هاوس كان حلو والعام الي فات محصلناش غير الشادن تركي هو المطعم مش حلو هلبا لكن الماكله حلوه بس حتي هوا زحمه نصيحه اطلعي بكري شويه باش تحصلو مكان لان احني نطلعو امخر نلودو لين نعيو باش نحصلو

هلا حيوووووووووووووووووووووو استاحشناك

كيف حالك احلام

صحيتي جمال شكلها فالاخير بترسي على همبورجا فالسيارة هههههههههههه
تعرفي خطيبي يلقى مكان زحمة ينفصل عليا اللمبة الحمرا تولع ههههههههه
حتى احنى هدا اللي خلانا اندورو من توا ربي يستر وخلاص