لمة الليبيات لشهر محرم

صبــــــــــــــــــــــــــــــــا ح الخير

خخخخخخخخ ليكم زمان عليها حلا وقدرتك

ملوكة كيف حالك بابا رجع من السفر او مزال ربي يحفظهلكم ويطولكم في عمرة


مصراتيه نورتي اللمه

بــارك الله فيكم حبوبات ايه حبوبتي انا من سكان بنغازي تفضلي اي خدمة سموحة؟

بخصوص تجمع امهات وحوامل والله حليت وحكيت مع ادارة بس لاسف سكروه عشان

في قانون يمنع فتح تجمع خاص يعني التجمع الي قاعد بجميع جنسيات وهكذا

خخخخ ذكرتني حتي انا عندي خبرة بخوتي وعويلت خالتي

انا لما كنت في طربلس عجبني بي اتش اس دبشهم روعة لبيبي بس هذا الي نعرفه

من اناا ....صح تقيد شؤى فى قسم التجهيزات علشاان بس يسهل على البنااويت اللى يبووو يجهزو ومايدخوووش كاان عن نفسى نحكى كل شئ غااادى بس حتى التنظيم حلوووو وانى مع التنظيم من الدرجة الاولى ...صح مرات حتى عن نفسى انحسه تقيد بس ايسهل حاجات هلبة

سلمهاا ونجيهااا احلامووووووووووو سلمك نشاادة ...والله مش مقصرة معاايا من يوم سجلت حتى انت مغير تسلمى وبعدين اسمك التاانى عندى احسن حياااة احسن من احلالالام حسيته راكب مع التوبك اللى انت حاطيته انحب نشبحه هههههههه هذا اللى شااد وجه صااحبه ويضحك فيه بالقوة ههههههه

تعرفي عندي تلات بنات مهبليني

سلامتهم شويطينات و خاصة الوسطية عناد وتصكير دماغ مانعرفش حتى كيف نتعامل معاها واني بطبعي مانحبش نضرب و نكره ضرب الصغار لكن عقبات تانية ندير فيها ونحس في روحي مش مسيطرة عليهم احيانا هما اللي ينتصرو ويخلوني ننهار

كلهم زي بعض الاولاد والبنات نفس الشطانة والحركة

و لما تجي تشوفي تقولي المهم صحيحين وسليمين وديما لما نشكي منهم يقولي بابا هادا وقت حركتهم وشطانته وعندهم فضول لكل شي يبو يعرفو ويجربو

عندهم طاقة ضروري يطلعوها

سلامتك قدرك كبير ...بس حبيت نعرف نحساابك تسكن برة ليبيااا

ايه حبوبة اني نسكن في طرابلس

ومنتجات سيباميد وين مصنوعة الاصلية منها نخاف تكون مقلدة

واني ماجربتهاش قبل اكثر شي جونسون لكن مش كل شي كويس من جونسون عنده هكي وهكي

هذومة الصغاار مرحلة الاستكشاااف ...وهذه مرحلة طبيعية كل شئ يبوو يعرفوووه هههههههههههه ...صح وانى معااك الضرب حتى انى مانحبه بس مرات لازم اديرى حل ولكن انى عن نفسى انحب العقوبة احس من الضرب ...

مصراتية امتي عرسك ؟؟
والله غيرته اسمي علشان كثروا احلمي بعرسي

تعرفي حركه الصورة ديمه ندير فيها لي صاحبتي وخالتي ههههههه بعد يزعلوا

سلمك ياربي تشوفي صغويرتك انت والشرقاوي وتعبو الحوش بنات و ولاد يكونو ذرية صالحة بارة

حنونة ....سيبااميد مش مقلدة لعند توة وهى المانية درجة اولى ماتخاافيش منهاا وديرى سرش فى النت واشبحى كمية كبيرة يشكرو فيه وانى على تجربة فى ولد اختى بصدق انجيبوله فيه من تونس ..وتلقى كل شئ
وبخصوص جونسون لو قيتى الاصلية حتى هى كويسة بس معااش تعرفى الاصلية من اللى مش اصلية ...
والاصلية الانجليزية بس مرات نشبح ميدى ان ايطاليااا ومعااش عرفناا مرات مصنوعة فى الصين ويكتبوا عليهاا هكى ...
- والشمالات عندك البمبرس بصدق حتى هو كويس وعندك امتااع الكلوتاات حتى هماا كاان يستعمل فيهم بس شوى غالياات احنى كنا دايريهم ليه فى الطلعة امتااع الكلوتاات والعادية فى الحووش
هههههههههههه اختك ام مع وقف التنفيد كل شئ عن الامومة تفضلى ههههههه
بس ماركة سيباميد وعندك سنونااانس اطفاال بس تجربتنا احنى مع سيباميد ...

بس حلوو الصورة والله تعجبنى وتفرحنى لما انشووفهااا ...وتعطينى باايحااء انك سعيدة ...
وياارب احلامك تكبر وتكبر فى سعادتك بحوشك وزوجك ...
وبخصوص احلام الفرح رااهو ماتخلى لنفسك العنااان الحلم ماايوقف ردى بالك ياابنت عمى
- وانى عرسى ان شاء الله على الصيف ...هو المفروض كاان شهر 9 اللى فاات بس صارتلنا ربكاا مرض ماما ربكنا وعقود خواتى الزوز جو وراء بعضهم وعطينا اولوية لخواتى العقدين علشاان مايطولوش فاانى اجلت ....

اللهم امين يااحنونة ...
حنونة بصراحة ان شااء الله ربى يعطينى بنوتة فى البداية مش حاابة تعب ووجعة رااس من بداية زوااجى ههههههههه هذا حلم يااااحلام حلوة هههه

درت عليها بحث في قوقل وحق مشكورة ويستعملو فيها حتى الكبار ان شاء الله نستعملها المرة هادي

اكيد متوفرة في الصيدليات

فيه حاجات تانية نبي نسأل عليها زي هادا

مقسم الحليب شن فايدته وهل متوفر عندنا وهل هو ضروري ام لا


وهذا كويس غطاء الرضاعة حتى هوا ماشفتاش قبل

حنووو ...مقسم الحليب البلاستك
مهمته فى كل طبقة مقدار رضعة وحدة من الحليب البودرة
ومفيد بس للطلعاات اكثر ...يعنى ماتجتااجيه فى الحووش الا لو حاابة تريحى روحك ...انى قارية عليه قبل بس مااشرينااشى

وخصوص الماركاات الملابس زى مااقالت قدرك فى ماركة bhs >>>ماركة انجليزية ..بس احنى استعملناا اكثر شئ ماركة Chico ...شيكووو

اوكى غطااء الرضااعة كويس ...اهو الستر كويس حتى بحداا النسااوين ...انى مانحبش اللى ترضع تعرى روحاا حتى بحدا النسااوين ...انحسهاا مش لايقة ...

حنونة المقسم حليب تقريبا تقريبا وقت تطلعي زياره لي اصاحبتك
تحطي فيه الحليب او سريلاك وهكي

وتانيه اني مشوفتها في ليبيا بس في دبي شوفتها في بيبي شوب


مصراتيه كل تاخيره فيها خيره تحسي روحك كملتي او مزالتي

اني من روحت دبي معاش شريت شي غير طاقم طناجر وكم فتفوته هكي من يومين حصلت انه مزالي عرم حاجات

بنات في سنبسر قالوا فيه شنط قماش واحده لي ميكاج اليومي و تانيه استشورا ومشط منو شايفتها وبي كم