لمة الليبيات لشهر محرم

شنو رايكم في الرجل الي يبكي ... من أجل الحب !!!
طبعا لو شفتي اصلا انتي هالدموع شنو حيكون ردة فعلك
ولو ماشفتي مجرد سمعتي كيف يصير !!!!!!!!!!!!!!
وغير هدا كله تتوقعي الراجل الي تحبيه يبكي ؟؟؟!!


الموضوع هدا خطرلي توا نشوف في مهند يبكي وانا
نغير في القنوات ... ههههه

بنات بنروح

سلامات توه ياسموحات

اهلين قهوة ..

اي عادي ههه يبكي ليش مايبكي يعني
وبلعكس شيء نايس .. مش يعني انه مش راجل او انه مش شخصية و هكي

سلامات دكتورة اماني

قهيوة ربي يفرجها عليك يارب انشالله خير
مابعد الضيق الا الفرج

الصراحه راجل يبكي انحس فيها رزينه شويه لكن الوقت هدا كله شي متوقع

انا كان
ملوش مكان
جنبك حبيبي
حسيت بامان

عايشة بهووواك
ومصدقاك
دايما بشوقي مستنياااك

ومهما طاااال مشواري معاك
كل سنين ياحبيبي فداك

تعرفي ملكة انى حساسة هلبا لو نشوف راجلي يبكي ممكن نكره نفسي كله الا دموعها
لان اللي شدني فيه الراجل هدا روجولته وديما في نظري شخص قوي فايارب مايجي يوم نشوف دموعه الا دموع الفرح يارب
مع انه من النوعيه دمعته بعييييييييييييييييييييدة على عينة مش زيني تنوشيني نبكي هههههههههههه

هو مش يبدا يبكي قدام خلق الله ويعيط معاش يسكت

بس عادي يعني يبكي

مثلا مرته مريضة بين الحيا او الموت اكيد بيبكي

يعني ماحسها مشكلة ابدا بلعكس اللي مايبكي هو اللي عديم احساس ههه

بس مش اقول مثلا يحب وحدة سياباته يبدا يبكي
و لا مش عارفة شنو .. لا ماقصد هكي

بس في مواقف احسها عادي لو بكي

ملكه حسب شخصيه الراجل انا الحق غمري ماشفت راجلي يبكي عشان الحب لا غيره

وحتا لما يبكي مايوريني نعرفه من عيونه حمر لكن مايوريني

وحتا انا مايحبني نبكي يتعقد لما يشوف دموووعي فيه وحدات يقولوا نقطه ضعق راجلي لما نزله دمعتين يتاتر ويسكتني ووووو

انا بالعكس حتا لو صااير ماصاااير ويشوفني نبكي اطيرله ويبدا يعارك ويقولي مانحب نشوفك ضعيفه

ملكة نتصل بيها توا نزيكة شوب عادي ولاالوقت مش مناسب

قهيوة .................... خيرك !!!!!!
شنو واجعك احكيلي




ايه كلميها ... عادي

اي لوف لبس فكتوريا بكم .. حلو لبسها ديما هالمخلوقة

روز شوفتي لون شعرها انى شنطتها لفتتني الماركة

اليوووم حياتي ماااأساه كانت والله تعبت تعبت مشيت بنجيب ولدي من المدرسه( ماهو فتحن المدارس ياهمي)

قسما بالله معااانااااااااااه لان عندي كروسه فيها الولد الصغير والتلج مصكر الطررريق مافيش كيف نمشي بالكروسه

تخايلوا تغرق مني في وسط التلج وشن يطلعها تقيييييييييله بكل بكل غرقت مني ستييين مره وانا نرفع ونكركر ونعاني

حسيت جسمي مكسسرررر من التعب وطلعولي عضلات اليووم والباااص اتاخر وقعدنا قدام المدرسه لين ضلمت الدنيا

وروحت علي البنت( روضه هي وتروح بيها جارتي) جبت البنت من بيت الجيران وفي الطريق غرقت بيا الكروووسه الف مره

وولدي الكبير يعيط سقعان والله لما وصلنا لقيت رجليه زززرق لين نحسابه مات من السقع كرعيه جمدن

درااااااااااااااااااامااااااااااااااااااااااا

بناااات ادعولي يقبلوه في المدرسه الي حدا الحووش والله تعبت تعبت تعرفوا توا رجليا فيهن بقع زرق مكان كدمات من كتر مانرفع في الكروسه

ونحصل في خبطات منها

امي بعد جتني قاتلي مانحسابك هكي تعاني معاش نلوم عليك بكل يعني علي قد مانحكيلكم شويا انتم فشه خلقي الوحيده

:'(:'(:'(:'(:'(


اجري علي الله ربي يقدرني ياااااااااااررب

بنات سلام توااااااااااااااااااا

سوري نكدت عليكم

والي زادني اليوووم نخش اللمه مانلقاش حد سال عليا

:(:(:(:(

مع الســـــــــــــــــــــــــــــلامه

عارفه قهيوة مرات تصيرن جاجات انقول ما بعدها ماما .. وبجد هلبة قعدت مع صغار وهلبة ربيت صغار
حتي توا يقولولي ماما ههههههههههههههه .... وتعبهم هما صحاح ولو هما مراض تعب

ديما انقول يا ناري علي ماما .. وبجد انتي توا راكي تقولي كيف كان ماما مدايرة وهكي ...
ربي معاك ويفتحها في وجهك !!! معليش اصبري ..
وان شاء الله يقبلوا ولد في المدرسة الي بجنبكم ...

انشالله ربي يفرجها عليك

ام ميمي جت :) يا هلا يا هلا نورتي ...