لمة الليبيات لشهر محرم

يا بنات خيركم مارديتوش عليا

وينكم فيش حتى وحدة قالت حاجة الغفوووووووووووووووووووووووووووووووووووو

معقولة حتى حاجة ما عجبيكمش ، غريبة

حلووو يا أم وسيفه يسلمو إيدياتك

مرج ديري يلي يحبه راجلك
أسأليه هو أحسن

قدورة
تسلمي بارك الله فيك

حلا
والله حتي حني رييييييييييح وتبروري والميه خشتلي في دار يوسف
الحمد لله هو قاعد يرقد معاي في الدار
من الصبح وانا نعاني معاش عرفت شن نديرله البساط
رشيت عليه ملح وحاولت نجففه وخلاص يستر الله مايدير صنه

مرج
ماشاء الله تسلم ايديكي كله حلو ويسهف واي حاجه تختاريها اكيد حاتطلع حلوة

بنات
عندي وحده قريبتي راجلها يجيب في مواد منزليه وكهربائيه بسعر ممتاز جدا

وتوا جايب شويه مكياج

نفكر ندير سايت نبيع فيه الحاجات هي شن رايكم؟؟؟؟

تو الليوم تبي تخطم عليا شويه حاجات قلت نشوفهم قبل

حطي فوق البساط دفاية بالك يجف

فكره حلوة طالما خاشه رأسك إنتي زيدي أستخيري وربي يوفقك و يفتحها عليك

هالو
صباح الخير

ملكة شوفي شنو القيت امس ههه


هادي امتع العجينة وامتع اللي يقصو البيتزا .. بنكي لونهم بس مش واضح


هدا امتع كيكة واللي يخلطو بيه و حجات امتع القياس
وتحتهم طواجين فوشي


امتع كوب كيك هو فوشي بس باين زي الاحمر!


وهدا لقيت سكشن كامل حجات ع شكل كوب كيك ع البنكي
هادي تتنحي المغطا تحطي فيها حجات .. سكريات يعني


وهدوما امتع سكر و الملح وهكي ههه كيوت


هادو فوشي حجات المطبخ اللي تلتبس واللي امتع شيء سخون وهالخربش ههه بس

روز

اتس فيري نايس

مرج

صحتين على الغدي

سهفتيني بالرشدة في هالصقع

اني درت بازين حتى هوا يتاكل في جو زي هادا يدفي

ام وسيفة ماشاء الله على التنسيق

وفكرتك حلوة متع السايت ربي يوفقك

قدورة خطرتي عليا الكيك ليا فترة مادرتش حاجة

لازم شوبينق باش نجيب مايلزم وتو بنقولك شن بندير

ملوكة تمشي وتجي سالمة غانمة ربي يوفقك ويحفظك

و سلام سخون وحار لكل الحبوبات

يا كيوت
بس انحسه لون بنكي يقيد لو بتشري طواجين بنكي وهكي .. معاش تقدري تغيري مطبخط وخصوصا لو شريتي مثلا الات بنكي
انحسه مش حيفسدو وبيقعدو هلبا ف مستحيل تغيريه

اني ان شاء الله بنشري كل اماعيني ابيض سادة .. كله كله ابيض ههه
وبعدين المطبخ تقدري تغيري الخربش اللي فيه كل مرة لون ف يبدا تغير احسن ماديري مثلا احمر وتحصلي فيه يبدو طناجر حمر وكله احمر معاش تغيري
ف نبي اني كله سانستيل فضي يعني والماعين كله ابيض
بعدين شنترو الطاولة وستار وكاتروات وبعض الحجات انغيرهم و تزوقيه ف يبدا كل مرة شيء
احسن ماحصل في نفس اللون

هدا رأي

صح رايك يا روز

حتى التقييد في لون واحد مش حلو

اني مطبخي بيج و ابيض

نوعت في الماعين والقرابيج بين الاصفر والبرتقالي لكن الالات كلها ابيض والطناجر سلستين وتيفال

يا هكي احسن

لول خصوصا اني احس كل مرة نبي انغير .. مانحبش نقعد في نفس الشيء ههه
ف راحت ليل كان كل مرة بيخطر في بالي بنغير
بنلوح الطناجر و طواجين وبنشري لون تاني
وبنلوح كل شيء ههه وانجيب لون تاني

ف خليه كله واغير اشياء بسيطة وخلاص

ما شاء الله عليك طلعتي مدبرة منزل من الدرجة الاولى

خخخ اني ؟ ياحسرا من وين

ماشاء الله عليك توا قداش حاجة تتعلق بالحوش و التنسيق تعطي في راي مية المية متع وحدة عندها خبرة يمكن متأثرة بالوالدة ربي يحفظها

حنونة3;13969577:
ماشاء الله عليك توا قداش حاجة تتعلق بالحوش و التنسيق تعطي في راي مية المية متع وحدة عندها خبرة يمكن متأثرة بالوالدة ربي يحفظها

ههه اوو ثانكس

اني انحب هالاشياء
اثاث و تنسيق وهكي

كرياتيف ههه :worn_out:

وعليكم السلام ورحمه الله وبركاته

هنو شخبارك .. وشنو اخبار استعداداتك

خلاص عرسك قرب