جسمي اهو السبب في .......!!!

في الواقع ريلج امره غرييييييييييييييييب بصراحة مو صااااااااااحي

شوفي إذا يبي يرجع لج خليه بشروط عشان لا كل يوم يغير رايه

وصيري قوية وموضوعية
ولا تتحكم فيج العواطف

يعني يبي يرجعج قولي له
للإهانه ثمن .. يعني إذا يرجعج بهدية 100 الف ريال
لإن الرجال يعرفون قيمة شي واحد وهو الفلوس والنقد ..

وزنج انتي اللي تحددينه وخبريه إذا يبيج يتقبلج إن شاء الله ترجعين اضعف من قبل
ولا تعقدين آمال على كبر الصدر بعد الحمل

ترى هذا كلام فاضي الأجسام ما هي مثل بعض
أنا وحدة حملت مرتين ووزني ينزل وصدري يصغر

إذا كان جاد وشاريج خل يحترم قراراته ويصير ريال قد كلمته
والا قولي له بنات الله وايد والديرة مليانه رجال

لا تعلقين مصيرج في يد رجال مو قد كلمته ..

ا لحمد الله

أستخيري و أمرك لله

فهدونه;13879031:

أختي الغالية

أرجعي لزوجك و كوني واثقة أنه لم يطلب

منكي العودة إلى قد عرف قيمتكي و من هنا أنطلقي و بقوة

نحو تصحيح مسار حياتك و أعطيه فرصة أخرى لتصحيح ما قام به

الحياة لم تنتهي فالكثير منا عانى من الأستقرار و خاصة في السنوات

الاولى ....

البعض قد يخطأ في تقديرة للأشياء و تسير أمورة مسار لا يتوقع نهايتة

فأذا راى النتائج رأي العين أنصدم و تمنى أنها لم تحدث أصلاً ....

و أنا أتوقع أن ما حدث لكم أحدى هذة الأشياء ....

أتمنى أن تكوني أكثر قوة لمواجهة الحياة الزوجية و ما تحتوية

من حلاوة و مرارة و أن ترزقي بالذرية الصالحة التي تنسيك

ما مضى:)

وأنا من راي الاخت فهدونه

انتي صج الحين في موقف صعب بس ترى انتي بروحج اللي تعرفين زوجج
وتعرفين كلامه ومتى يكون الكلام صادق وطالع من قلبه
يعني لما اتصل فيج وبكى يبيج ترجعين، وش حسيتي؟؟؟

أنا اتوقع انه ما قال يبيج ترجعين له الا لأنه حس بقيمتج وحس بغباوة تفكيره

وترى العلاقه الجنسيه جزء مهم جدا في الحياة الزوجيه، البعض ممكن يقول لا ومادري شنو بس تراه شي مهم
والدليل انج لما شفتي بعده عنج تعبت نفسيتج وظليتي تفكرين
نفس الشي اذا هو ما كان مرتاح بعد هالشي راح يأثر عليه ومايحس براحه في حياته

و واايد نسوان في بينهم وبين أزواجهم مشاكل كبييييره بس علاقتهم الجنسيه زينه، وهالشي يخفف من المشاكل الثانيه ترى

انا لو مكانج ممكن أرجع له بس مب بسهوله
برجع له بشروطي أنا، انه يتقبلني مثل ما أنا، وقولي له ان مافي انسان كامل مثل ماهو يشوفج ان فيج اشيا ناقصه في وجهة نظره من الناحية الجسديه، ممكن انتي تشوفينه نفس الشي

بس الجسم والجمال كله يروح مع الوقت واللي يبقى هو الروح والشخصيه

لا تحسسينه انج مب واثقه من نفسج أبدا أبدا أبدا لأن هالشي ترى بينعكس عليه وبيشوفج مثل ماتشوفين نفسج

دايما امشي ولبسي بثقه قدامه ولبس اللبس اللي يحسن من جسمج ويطلعه بأحلى شكل

ومن غير مايدري ولا يحس انتي بعد حاولي ان تحسنين من شكل جسمج، لأن نظرتنا احنا الحريم لجمال الجسم بعد تختلف عن نظرة الرجل

سوي تمارين رياضيه وغيرها عشان تحسنين من مظهرج بس بدون ماتضرين روحج، عشان تكونين سويتي اللي عليج وترتاح نفسيتج

والله يوفقج وييسر لج أمورج ويهدي زوجج لج

لا حول ولا قوة الا بالله

تخيلت نفسي في محلك وخاصة انا كدالك رقيقة

كيف هو يسمحل لنفسه يجرحك بهدا الاسلوب وخاصة هو شافك لما خطبك وانا متاكدة انو وراه مواال

هو اصلا اش عرفه انو يبكون مع وحدة مرببة احسن في العلاقة الحميمية الا ادا كان مجرب وعارف كويس

انا حطيت نفسي في محلك ولو كنت في محلك ما ارجعله مستحييييييييييييييييييييييل لانه تخلى عنك لابسط

الاشياء ....معقووووووووولة هالرجال توصل فيه المواصيل لهده الدرجة.............

القرار راجعلك .......... ولكن والله قهر قهر قهر ..... بكرى لما ترجعيله ويبدا مرة اخرى بنفس القصة ويمكن يبدا يخون على اساس حابب المربوبة ................اش معنى هو ما في عيوب ...ننحن نساء كمان نحب اشكال والوان

ولكن لما نتزوج بنشوف زوجنا في احسن صورة مع انهم فيهم عيوب .....

الله يكون معك ولا حول ولا قوة الا بالله
استخيري الله ....

تحياتي

تراه دومهم الرييايل جذيه يجرحوا عقب يردو يداووو الله يسامحهم

انه مع كلام الاخوات فهدونه و انا الشوق

بس عاد لو انه بمكانج بتشرط عليه و بتدلع و بتعبه على ما ارجع له بخليه يترجاني و بذكره شنو كان يقول شنو كان يسوي معاي بس في سؤال بسأله انت من خذتني قط مره حبيتني انه حبيت ذاتي ؟؟؟

و في النهايه يا قلبي القرار لج اذا انتي مو مرتاحه له لا ترجعين له صلي صلاة استخاره و قومي الليل ادعي و ربج كريم ان شاءالله

والله اذا تبين الصج مايستاهلج لان الريال كان يفكر برغباته ماكان يفكر فيج كحبيبه و عشيقته و زوجته و مايقدر يعيش بدونج ، الله يوفقج و يسهل لج حبيبتي

الله يعينج حبيبتي

ماادري شقولج

بس من قصتج

زوجج بسرعه باعج و معناته ما يحب شخصيتج و روحج كثر ما كان

يحب الجسم

يعني بس يبي من الزوجه جسم و علاقه بسسس

زوجج يخووف والله

ان شالله البنات يساعدونج اكثر حبيبتي

أريج الأقحوان;13877650:
أهلاً بـــك...
وأسأل الله أن يعوضك خيراً مما فقدتِ,وأن يجبر كسركِ ويفرج همكِ.
أختي الغالية:
قرأت مشكلتك كاملة وتأثرت بالمأساة التي تعانين منها أنتِ وآلاف الفتيات في هذا الزمان!!
للأسف الكثير من أبناء اليوم تربوا تربية جوفاء خالية من تفهم المقاصد وأساسيات العيش والتفاهم بين الأفراد,وخاصة في العلاقة الزوجية!!
ما أكثر ما نسمع اليوم ونرى من أن فلاناً طلق فلانة لأجل جسمها أو صغر أو كبر عضو من أعضائها!!
سبحان الله,وكأن الحياة الزوجية أقيمت لأجل تحقيق الرغبات والشهوات فقط!!
نسوا أو تناسوا بأن الأساس والغرض الرئيس من الزواج هو الحفاظ على النسل وتحقيق العبودية لله في الأرض,ومن ثم تندرج باقي الأمور.
لكن اليوم انقلبت المفاهيم وجعل أكثر الناس المظاهر وسفاسف الأمور هي الأساس من الزواج,فنرى الأمهات يسعين للبحث عن أجمل الفتيات بغض النظر عن دينهن وخلقهن,وفي المقابل نجد الفتيات يبحثن عن الوسامة والمال فقط!!
ولذا لا نعجب من انتشار الطلاق وزهد كل زوج في زوجه,مادام أن الزواج كان من أجل شهوات ورغبات تتغير ما بين ليلة وضحاها تبعاً للهوى!!-نسأل الله العافية-

غاليتي: إن ما أصابكِ من ذلك الرجل مؤلم حقاً ولا يمكن نسيانه أو تناسيه,ويصعب العيش مع إنسانٍ متقلب المشاعر يميل حيث مالت الريح!!
وأصعب من ذلك:زهده فيك وسرعة تخليه عنكِ بكل سهولة وبدون تقبل للنقاش!!
وهذا مما لا ينبغي حدوثه بين الزوجين؛لأن الزواج صبر وتحمل وتغاضي وتفاني لكن بحدود!!
أي إنسان يقبل أن يهان لهذه الدرجة؟
وأي إنسان يقبل العيش مع من يزهد فيه ويصرح له بعدم رغبته فيه؟

أختي الحبيبة:
الحل بيدكِ أنتِ ولو أُعطيتِ من الحلول مئة فربما لن تقتنعي!!لأنك أعلم بقلبك وأعلم بحالك وأعلم بزوجك منا,فإن كنتِ تشعرين بأنه سيصلح حاله وسيتغير تفكيره فعودي له,وإن كنتِ تعلمين بأنه مازال دنيء التفكير يفكر في حاجة وقته وبعدها يعود لحاله فابتعدي عنه,وأسأل الله أن يعوضك خيراً منه.
ومثله لا يحزن عليه ولا يعول عليهمادام أنه محدود التفكير قاصر العقل!!مثله لا يعد من الرجال!!

وفي البداية والنهاية:تذكري وثقي بأن أي مشكلة لا يمكن حلها إلا بتوفيق من الله وفضلٍ منه,وثقي بأنكِ متى ما ابتعدتِ عن الله زادت عليك الهموم!!
ومتى ما اقتربتِ من الله سعدت حياتك..

عليك بالاستغفار وطلب العون من الله باستمرار وإياك والابتعاد عن الله,فلن ينجيك ولن يعينك شيء أفضل من القرب من الله..

كان الله في عونكِ ويسر الله أمركِ..

كلام أريج القحوان صحيح ربي يسعدها

لاحول ولا قوة الا با لله
الله يصبرك ويرزقك كل خير يارب

انا اقول من طلقش لما رجع شهر
شهر كلش مو واجد اقصد مو واجد على مرارة الفراق تو الناس مثل ما جرحش علميه انش مو بسهوله ترجعين ليه

وانتين اخبر من اي احد بحالكم

الصرااااااحة شي غريب معقولة في رجال يبغى وحدة متينة حدهااااااا
لاآله الا الله عليهم من رجااااال كل واحد شكل غير !!

بصراحه شي محزن لهذة الدرجة اصبح مصير العلاقة الزوجيه مرتبط بالجسم يعني اذا جسمج عاجبه راح يرضى عنج واذا اخترب جسمج انتي طالق بصراحة تفكير منحط اعتقد ان زوجك ضعيف الوازع الديني عندة ويحب يشوف افلام واللة اعلم
شوفي غاليتي آلمتني قصتك جدا يجب ان تعلمي اذا كان زوجك يحبك يجب ان يحبك لذاتك وليس لانك طويله او قصيرة او نحيفه او متينه تدرين شو المفروض تردين عليه يوم قال ما يعجبني جسمج ابيج تمتنين..

المفروض تقولين له اذا تبيني المفروض تحبني مثل ما انا عليه وتقولين انا ماراح امتن علشان احد واذا مو عاجبك جسمي الله معك وكان قلتي له انت بعد مايعجبني جسمك ابي جسمك نفس عارضين الازياء بصراحه موقفج سلبي جدا للاسف قهرتيني يوم قلتي بزيد وزني علشانك لا والمصيبه يوم زدتي وزن مو عاجبة الاخ يبي صدر كبير ومدري ايش بصراحه بصراحه انساااااااااااااان تااااااااااافه جداا مايستاهلج حبيبتي واللة بيرزقج بواحد احسن منه يحسسج بانوثتج وقيمتج واهم شي خلي ثقتج بنفسج كبيرة ولا تخلينه يزعزع ثقتج بنفسج ..

واذا تبين ترجعين له مع اني ضد ذلك ذوقيه من نفس الكاس اللي شربج اياه يعني اذا هو ضعيف قولي تبي ارجع لك ابيك تمتن مايعجبني جسمك واذا متين قولي ابك تضعف انا مااحب الرجال المتين المهم لاترجعين له الا عقب ماتطلعين عيونه وتردين كرامتج وطولي عند اهلج لاتردين بسرعه شوفي هل هو فعلن متمسك فيج ولا لا ..

بعدين من الطبيعي يخترب جسمج بعد الولادة اذن اللة يعينج اكيد بعد الولادة بطلقج على طول رجااااااااااال آخر زمن..

صلي صلاة الاستخاره وشوفي

لا اله الا الله


ماخاب من استخار الله يكون معك

يعني هو مايقدر حبك له واهتمامك به وكل اللي تسوين
وبلحظة باع كل شي بس عشان رغبته اللي ماله معنى!!!
صدث بطران, في ناس زوجاتهم استغفر الله الواحد مايقدر يطالع بوجهها
او عندها تشوه خلقي!! كان لازم يحمد الله على قسمته
بس انتي دلعتيه قبل زيادة عن اللزوم لان الرجال كل ماتعينهم زيادة طلباتهم تزيد مايعجبهم العجب
مااعتقد هو كامل بالشكل الكمال لله

ياريت انتي كمان قلتي له فلان ماعجبني هالشي فيك غير نفسك !! تتوقعين كان يسوي اللي تبين؟

لان اعتقد هو مو واثق من نفسه لان واضح كل مرة طلب منك الانفصال بعدين اتصل يصيح ويعتذر!! يعني مو واثق من قراره ولا من نفسه
احذري منه يمكن عنده علاقات ثانية تغير نفسيته عليك وهو من الداخل يحبك فهذا يشوش تفكيره والله اعلم


اختي فكري بشكل جييد و استخيري
لا ترجعين له بسهولة

ممكن تتزوجي اللي يقدر حبك وشخصك واحسن منه فكري زين

ولو رجعتيله لا تكونين مثل قبل حاولي تكونين متكبرة ومشي طلباتك اكثر من طلباته عشان يحس انك واثقة من نفسك وماعندك نقص

الله يوفقك

وعلمينا عن مستجدات