أم شهووود;13876274:
سلام عليكم يا بنات
اليوم رحت حقي موعد قالت ليي الدكتورة الراس نزل بس للحين ما وصل الحوض خوفتني صراحة واني صراحة واجد احس بالالم تحت يعني قلت يمكن ولادتي قريبة ما ادري شسوي
قالت ليي روحي يوم الاحد حق تخطيط ان شاء الله خير :(
نور القمرر;13876454:
هلا خيو تذكر
الحمدلله انه السكر عندج وااااجد زين
انا كان وانا صايمه 4.4 وبعد الفطور صار 4.2 يعني نزل شوي ماادري شلون ههه
بس الحمدلله على كل حال
فراشه بين الزهور;13877048:
ام حسين شبخارج الحمد الله انه امورج كله بخير
والله يسهله عليج يارب
العيناوية;13877347:
العفو حبيبتي .. وللحين مافي اخبار ان شاء الله تكون بخير
وان شاء الله ما احتاج للطلق الصناعي F:
العيناوية;13877361:
الحمد الله انه السكر نسبته زينه :thumbs_up:
وخلاص العد التنازلي بدا
كريستاله;13878430:
ابشركم بولاده رتوش الود
باركووو لها
http://forums.3roos.com/showthread.php?p=13878417#post13878417
فراشه بين الزهور;13879321:
ان شاء الله ما فيها الا العافيه والله يسهله عليها وعلى ام احمد يارب
بالعافيه الحف تذكر زين حولي تخصي امورج لان
انا لسه باقي اغراض لسه ما شريته ولان طلعت لنا السياره
فيه مشكله واخذت المبلغ ما في غير اني اخذ الدولاب بي سعر معقول واشتري القبعات لان مهم لان هو صغير
واعظمت الراس مو مكتمله والجو يكون بارد عليها لا زم منه
انا شريت الرضعه ورضاع للدواء والفرشه للرضاعه بعد
وباقي اغراض بس شكلي بس باخذ الدولاب لان على الميزانيه
وامي موصيتني على اغراض اخذهم عشان النفاس قلت باخذهم لمن اشتري اغراض البيت
انا جهزت شنطة المستشفي ام شنطة الثانيه لبيت اهلي الى لان مو مكتمله
فراشه بين الزهور;13879499:
فليكن الاربعين يوم فترة تعديل لما افسدته التسعة اشهر وفي هذه الفترة عليك اعادة صحتك المتدهوره واعادتها كما كانت وافضل ...
فراشه بين الزهور;13879658:
أعراض ما بعد الولادة لا يجب التغاضي عنها أبداً
سيمفونيه;13879690:
إن شاء الله يارب مافيها الا العافيه
يارب نسمع عنها خبر حلوووو
سيمفونيه;13879719:
هههه نفسي ياام حسين
بس انا بطني ياالمني والبيبي يرافس ويعافس خخخ احسه مستانس :worn_out:
واحس بالمره ان خلاص ابي الي قبلي يولدون
والدور علي وراهم
بس مااخفيكم مو خايفه من الطلق ولا الالم لاوالله
خايفه من غرفة الولاده نفسها :(
فراشه بين الزهور;13880040:
العفوا اختي
صحيح الوحده تخاف من غرفة العمليات انا دخلت غرفة العمليات شكله يخوف
وبذات لمن تشوفي الي على اليمين والشمال وفوق راسيج يوم مرعبه
الحمد الله الله سهله عليج ان شاء الله هل مره تكون مولادتج مسهه والطلق حامي
العيناوية;13880176:
الحمد الله بخير
التعب زاايد ووجع الراس والترجيع وعندي اسهال خفيف بدا من اليوم :thumbs_down: الله يعين ويسهل عليي .
ومن كثر التفكير مو قادره انام ادعي ربي الله يسهلها واولد هاليومين .
طباخة فنانة;13880215:
شخباركم ان شاء الله اموركم كلها بخير
انه وضعي اوكي بس احس ضغط البيبي وايد تحت وفوق كله ترفس
اتمنى اولد قبل موعدي بس شكلي مابولد :-#
يله الله يسهل علينه
العيناوية;13883257:
نفس حالتي :-# حتى زوجي قعد من النوم يقول لي شفيج قلت له مادري مو قادره انام
فتون11;13883269:
.. انا بالسابع وطفشت شوي واصيح مدري كيف بوصل التااااااااااااااسع من التعب
الله يعنيكم
الله يسهل عليكم وتولدون بالسلامه
سيمفونيه;13883364:يسعد صباحكم بكل خير
شخباركم يارب الكل بخير
انا عندي الالم في بطني قويه اشوي وبطني يتحجر ويشد
من الفجر تقريباً وشوي قويه يعني اول مره احس فيها كذا
نفس الم الدوره يوم بتنزل مره بس اشوي قوي
احس لاعت جبدي ذكرني بالدوره هههه
شكل الرحم بداء يتهياء
ربي يسهل ع الجميع
كندر سبرايز;13883634:
صباح الخير بنات
معوشره لي اربع ايام ادعولي
الله يسهل علينا وعليكم
اللهم نسألك هون الطلق وحسن الخلق
نور القمرر;13884321:
ها بنات شخباركم
صباح الخير
بنات من دشيت التاسع احيانا احس روحي خفيييفه كلش ولا كأنه حامله شي
واحيانا احس بالثقل والتعب كله
بس استغرب من روحي لما احس بالخفه جذي!!
====
امس رحت موعدي وكلشي تمام والسكر تمام بعد الحمدلله بس قالت لي انتظم على الحميه
وشافت وزن البيبي قالت لي كيلوين و 6 جرام
تشوفونه زين وله واجد وانا باقي لي 3 ااسابيع بعد
العيناوية;13884449:
ياحلات توقيعي :lol:
خلص وللحين البيبي مستانس في الدفى :cool:
فتاة الازهار;13884824:
سلام عليكم شخباركم
مبروك لك الا ولدوا و الحمد لله على سلامتهم
و الله يسهل على الباقي وولاده سهله ان شاء الله
ام حمود وبرور;13886013:
مافي اخبار عن بنت كتكوووتة... ومهاوي...؟
الله يسهل ع الجميع يارب..
العيناوية;13887394::074::074::074:
الف مبرووووك
لبنت كتكوته
ولدت بالسلامه من شوي وجابت
الجازي
الف الحمد الله على سلامتها
وتتربى في عزهم ان شاء الله
:L::L::L:
مساء الخيررر كروشات
كيفكم ؟
عساكم طيبين ؟!
مأجووورين ...
امممم انا اليوم من الصبح احس بوجع تحت بس موب الم دوره لا
من اتحرررك يعورني تحت مادري شسالفه
ولين ما اتحرك عادي :-#
اسيرة احساسي;13888755:
بنات انا اخت اسيرة احساسي
وابشرركم ولدت بالسلامة اليوم :)
foo6a;13888775:
مرحبا كرووشات
كيفكم حبيباتي ان شاء الله كل اموركم طيبه
انا اعاني اليوم من الم الظهر احسه بيتقطع علي لان الالم بالعظم الله يسهل ياارب والام زي الام الدورة بس مومنتظمه
ألف حمد لله على سلامة بنت كتكووتة والفال للجميع ان شاء الله
تذكر حبيبتي اذا الوصف الي توصفيه زي ماأنا متخليته هذا زي الالم اللي يجيني من ويم انا بالشهر الثالث وكل ماجاه يزيد مع الضغط من تحت الله يعيين ويسهل ان شاء الله
تذكر حبيبتي ماضفتيني للقائمه ؟؟تاريخ ولادتي 30 ديسمبر