أنا و هو;14013692:
سلام بنات شخباركم
ألف مبروك تيجر
العيناويه ما عليش شر
بنات بقول لكم اسم كريم مخدر لبعد الخياط اسمه
xylocain 5%
يخفف الألم شوي
وعليكم السلام ياهلا فيج اختي
اممممم شنو سالفة هالكريم بالضبط ؟؟
اممممم شنو سالفة هالكريم بالضبط ؟؟
فراشه بين الزهور;14013696:
مساء الخير كروشات
الله يشفيها يبعد عنها الاكتئاب
والحمد اله امورها بخير
صحيح العين اللهم صل على محمد وال محمد
ما عندي رصيد المفروض تبخر نفسه والبنوته كل يوم
حنا عندنا من يجون ناس ويطالعون لازم امي تبخر المولود وامها
واول ما يطلع المولود من المستشفي يبخر ثالثة ايام
ايه اليوم الصباح يعطينا اشويت تفائل
وعقبال ما نسمع عن طباخه فنانه الله يسهله عليها يارب
ايه حبيبتي انا قلت لها تبخر نفسها و تقرا قران ووووقت ما تحس روحها زينه تطلع وتغير جوووو ونفسيتها
سيمفونيه;14013908:
أقول اولدي وخليني اولد
انا متوقفه عليج :D
ياربي مافيني لاوجع ولا وريح ولا شي
البيبي مستانس حده هههههه:worn_out:
اذا تنتظريني ترا راحت عليج خخخخخخخخخخخ
كيفج
انا اقول لج ولدي يمكن ولدي يتشجع ويطلع
سيمفونيه;14013926:
الله يبشرج بالخير ام حسين
الحمد لله على سلامتها
وانا قلت هذي عين
وبصراحه انا اقول هذا الاستقبال الي تسوونه ماله داعي
صدقيني الناس تيجي وتاكل وتشوف وتطلع ومايسكت السانهم
وخصوصا يوم يشوفون الولدانه بخير
خلاص يبلعونها ومايسكتون
انتبهي لعمرج ام حسون يوم تولدين
لاتقومي وتقعدي جدام احد
انا بولادتي بحمود امي تحرص علي على طول منسدحه والله تخيلي
ولاارضع ولدي جدام احد
ومع ذالك الولدانه ماتسلم
امممممم ايه عين ما صلت على النبي
المشكله لازم نسوي حركات وقت الولاده خخخخخخخخ
ولا الناس بتقول ماسوينا شي
واذا سوينا قالو اييييييييه سو وفعلو ويحطون في بالهم كل شي
اممممم توها امي هالاسبوع توصيني تقول لي لا تتحركين تقعدين مكانج وكله منسدحه و لاتقولين يوني ناس وتقعدين كل شوي تقومين
ولا كل شوي تشيلين البيبي
اذا اهوه راقد خليه مكانه واللي يبي يشوفه يطل عليه :D
وانا بس اسمع خخخخخخخخخخخخخ
طباخة فنانة;14014141:
حمدلله على سلامه تيجر
اما انه الالم الي وياي راح ومايطلع اله بوقته
كل تأخيرة وفيها خيرة
الحمدلله على كل حال
انا بعد خف عن ذاك اليوم :'(
سيمفونيه;14014239:
يلا الحمد لله على كل حال
حالنا من حالج حبيبتي
انا اهون على نفسي اشوي
اقول زين خلي البيبي يكبر اشوي بعد يزيد له كم اجرام
وخلني انام وارتاح بدل الحنه والتعب
ويوم الله بيريد بيجيني طلق بيزلزلني وبياالمني وبولد
بس الحين ع الاقل مرتاحه واروح واجي بكيفي
اسكت عمري كني جاهله :worn_out:
ايه والله المفروض نستانس ونطلع ونرد ووقت ما البيبي يبي يطلع خليه يطلع
بس المشكله انه الثقل زاد
والالم زاد وماتقدرين تنسين هالموضوع
تبين تولدين وتفتكين من كل هالاشياء
روح المعالي;14014241:
:-o
سلامتها ام احمد
ماعليها شر إن شاء الله
صج ليش بيولدونج إذا طاف موعدج
المفروض يصبرون عليج اسبوع عالأقل
شدراني عنهم بس انا ما علي منهم
موب رايحه السلمانيه " الطوارئ" اهيا قالت لي اذا ما ولدتي تعالي الطوارئ
بس انا بروح موعدي العادي يوم الاحد وبشوفها شتقول لي
روح المعالي;14014429:سلالالالالالالالام
شخباركم؟؟؟
الحمدلله على السلامة للي ولدوا
والله يسهل على باقي الكروشات
ويسهل على الجميع يارب
نور القمرر;14014888:
السلام عليكم شخباركم
نور القمرر;14014888:
الله يقومكم كلكم بالسلامه ياارب
قلت خلني اكتب قصتي لكم دام قاعده الحين والبنيه نايمه
الله يسلمكم هاي ليلة عاشر من محرم وانا توي رايحه الماتم وبعده مااابتده الشيخ اقول لامي احس انه البيبي مايتحرك عدل واليوم خير شر ماتحرك وانا بسرعه احاتي :( فقالت لي اتصلي لعمتج (دكتورة نسائيه هي) وقلت لها وجان تقولي انا اقولج احسن شي روحي الطوارئ خله يجيكونج وبكره خلاص بنولدج عاد قلت لها لااا اذا كلشي تمام ماابي :'( بس هي قالت انا بكلم اللي في الطوارئ وجذي لانه مو زين نغامر خاصه انتي فيج سكر
عاد اتصلت سيده لزوجي وخربت عليه الليله هه ورحنه الطوارئ وحطوا التخطيط ومن حطوه ابتدت مريومه تتحرك عاادي ولا كانه طول اليوم ماكانت تتحرك ههههه قصت علي
بعدين سوت لي تلفزيون وقالت بس مانقدر نرخصج لانه الماي قاصر على البيبي ولازم نولدج بكره ونرقدج الليله
عاد انا قمت ارجف من الخوف وسيده حجزت حجره خاصه في جناح المواليد ومارجعت البيت
يوم ثاني من الصبح ( يوم الخميس) حطوا علي اول تحميلة طلق صناعي واللي المفروض مفعولها ينتهي بعد 6 ساعات وفعلا بعد 6 ساعات انتهى مفعولها وبدون اي خبر يذكر ولا كأنه حاطين علي طلق
عاد عمتي هي اللي كانت تشرف على حالتي وقالت خلاص مابنعطيج الا يوم ثاني الصبح
انا المغرب اتصلت لاختي وقلت لها تطلع لي السور اللي تقدر تقراهم على الماي واللي تسهل الولاده
جابته لي وشربت منه كلش شوي ونمت الساعه 11
والساعه 12 ونص قعدت رحت الحمام احس انه فيني امساك وبطني يعورني رحت الحمام على الفاضي ورجعت انبطحت على السرير ومو قادره انام من بطني ورجعت الحمام مره ثانيه ونفس الشي ليما حسيت انه في الم قليل في ظهري مثل الم الدورة بس شوي اقوى وانا كله عبالي من الامساك هه
وتميت الى الساعه 3 ونص الفجر وانا ادش واطلع من الحمام عالفاضي والحمدلله كانت امي نايمه معاي فقالت لي نادي السسترات احسن وفعلا ناديتهم قلت ليهم في الم
وسيده جابو التخطيط وفعلا كان فيني طلق خفيف يروح ويرد كل عشر دقايق تقريبا واقل بعد وقالوا راح نكشف عليج وكشفوا واانا انصدمت من الالم اللي صادني وقمت اصيح اقول لامي عوروني :'( وكنت متوسعه 2 سانتي
خلوني فتره قصيره والالم يزيد وانا تميت اصيح زياده للساعه 4 ونص واتصلت لزوجي وخليته يجي وانا اصيح :'( من بدايتها صياح
وبعد ماجه زوجي وكانوا واقفين معاي حسيت انه شي نزل تحت مثل الماي واقول لامي اكو نزل شي وراح زوجي ناداهم وفعلا كان نازل الماي وكشفوا علي وليلحين 2 سانتي وبس خلصوا من الفحص وجان ينزل بااقي الماي وقالوا سيده نزلوها للولاده ونزلوني للولاده الساعه 5 ونص وانا خايفه واتصلت لعمتي علشان تكون معاي وشوي شوي يزيد الالم عندي وصياحي يزيد وجو كشفوا وليلحين 2 سانتي وقالوا لي ماتولدين الا الظهر وجان انصدم وانحبط
وبس جت عمتي شرفت على ولادتي قالت لهم يعطوني ثلاث ابر توسعه وتسرع الولاده وحطت علي سيلان يزيد الطلق بعد وسويت لهم هناك مصرررع من الصياح والصراخ ( ماتوقعت روحي بسوي جذي) :'( بس لانه اللي حطوه زيد علي الالم وماصارت الساعه 8 وشوي يمكن الا والالم زايد وكنت موصله 5 سانتي
====
قعدت بتي بعدين بكمل
كررررريه الطلق اممممممممم بس اهم شي اللحين انتي ولدتي وافتكيتي ومريومه في حضنج
امممممم والزين انه عمتج دكتوره يعني تحملو فيج اكيد
نــور العمــر;14014983:
يسلموو ام حسين طمنتينا على العيناوية
الله يسلمج اختي
نــور العمــر;14014983:
والله يخليها لعيالها
عليها بقراءة القرآن الكريم
وتخلي امها تشببها من العيون اللي ما ترحم
ان شاء الله
نور القمرر;14016499:
قبل لا اكمل
نور القمرر;14016499:
مشكووورة خيوو فراشه على فتح الموضوع ومشكووورين كل اللي تحمدوا لي بالسلامه
============================
المهم وصلنه اني وصلت 5 سانتي وكنت اغمض عيوني يمكن خمس دقايق واقعد على الالم ومسكينه عمتي والنيرسه اللي هناك ماادري اللي تولدني كانوا يقعدون يدلكون ظهري ومكان الالم
وكملت على هالوضع لين وصلت للساعه 9 ونص وهني خلااص وصلت حدي من الالم وصراخي موصل لاخر الممر ههه وعمتي تقولي فضحتينه ههه وانا ماتم احد مازفيته خبركم الدكاتره يكونون باردين واحنه موصلين حدنه من الالم حتى عمتي مسكينه صارخت عليها :o بس ماكنت في وعيي
ويوم جيكوني كنت وصله 9 سانتي وقلت لعمتي خلاااص ابي ادفع وهي تقولي ليلحين ماتوسعتي كامل اقولها لا خلاص ابي ادفع ههه المهم ماصارت 10 الا ربع الا قالت لي يالله الحين اخذي نفس عميق ودفعي وسويت جم مره وطلعت روحي في هالربع ساعه وكلما ادفع احس مايطلع شي مع انهم كانو يشوفون الشعر
والحمدلله الساعه 10 و 3 دقايق بالضبط طلعت مريومه بالسلامه وانا كنت تعبانه حدددي
وتعبت من الخياط وااجد وليلحين اعاني منه :'(
وهاي تقريبا قصتي كلها اللي ليلحين في بالي
لحظات حلوة بس صج صج متعبه مااتوقعتها جذي
والحين لي 4 ايام بس ليلحين التعب فيني والم الخياط ماراح
يالله نشوفكم على خير
الحمدلله على سلامتج
واستخدمي كريم ميبووو يقولون زين يداوي الجرح بسرعه
واخذي املاح الزارا
انا شريته واتنقعي فيه مرتين في اليوم