انا للحين صامده ولله الحمد
شنقلونه;13990468:
خخخخخخخخخخخخخخ
اللهلو الواحد يولد بكيفه كان انتظرت ل 1-1-2011
على قولك تاريخ كشخه
اي والله تاريخ كشخه :D
شنقلونه;13990597:
مشكوره تذكر على المعلومات
ومشكوره اعز احبابي على المعلومات
العفو .. حاظرين
فراشه بين الزهور;13990807:
صباح الخير كروشات كيفكم واخبار التعب وقلة النوم
ام ليان شخبارج ان شاء الله امورج بخير
وتجين تطمنيتا
كروشات من جالسن من النوم وعندي المغص ومعدتي تالمني
امممم انا من امس زايد عندي الالام
ووومن البرد على طول ريلي تالمني :-#
حتى زوجي اليوم يقول لي شفيج اخلاقج موب شي خخخخخ
بس ما قلت له اني احس بالالام
اخاف يتامل :lol:
Noor1979;13991556:
بنات نزل علي دم وايد اليوم الصبح مع ألم دوره
انا في المستشفى الحين ... خبرت أم احمد ( العيناويه)
وان شاء الله تكون ولاده...
اذا دم تروحين المستشفى احسن
وان شاء الله مافيج الا العافيه :)
الـبـدره;13991756:
وحشتوووووووني يا بنات
الله يهون عليكم للي ما ولدو للحين والحمدلله على سلامتكم للي ولدو بالسلامه
طبعا انا ولله الحمد ولدت ويبت حمودي حبيب قلبي الله يحفظه ويجعله من الذرية الصالحه
اما قصة ولادتي فهي مثل الحلم كل يوم اتذكرها بس الحمدلله عديتها :)
والربى متعب كلش ما انام مع حمودي بسم الله عليه بس كله اجر بإذن الله
بشروني عنكم شخباركم؟
وحشتج العافيه
والحمدله على سلامتج وسلامة النونو
عبث طفلة;13992267:
الله يسهل عليكم
اليوم رحت موعدي والحمد لله كل شي تمام وضغطي الحمد لله اوكي بس الدكتوره تقول 38 اسبوع لازم طلق صناعي لايرتفع الضغط عقب واتغربل
ان شاء الله ما ايي لسبوع الي بيعطونج طلق الا انتي والده من حالج وطبيعي بعد
الله يسهل علينا يارب
سيمفونيه;13992441:
انا الحين ماحس بحركة البيبي قويه مثل قبل
سبحان الله قلت لان اكيد المكان ضاق
حتى انتو ؟
بس احس بااعضامه في خواصري هههه
ايه قبل البيبي صغير ويتقلب في البطن
اللحين ماعنده مكان حتى يتحرك :lol:
سيمفونيه;13992457:
ا
كروشات تحركوا
ترى بنات يناير بيغلبونا هههه
بدو يولدون واحنا قاعدين
هههههههه تحركي انتي :p
Noor1979;13992608:
بنات الطلق بارد ويذبح.... وملل.... قالو لو يا الليله او باجر..
وان شاء الله يسهل عليكم..
ام جنى
الله يسهل عليج يارب
اذا فيج طلق ليش ما تاخذين كف مريم يقوولون وايد زين
بس اهم شي انه انتي فيج طلق لاتاخذينه اذا مافيج طلق
الـبـدره;13992705:
حبيباتي اللي يبون قصة ولادتي
بصراحه كانت مثل الحلم كل يوم اتخيلها
طبعا انا موعد ولادتي 17\12 بس ربي كتب لي الولاده في 2\12 ولله الحمد
سلمكم الله انا كان عندي موعد الثلاثاء بس ماقدرت اروح وبالليل ياني اسهال اكرمتو ويوم الاربعاء مارحت الدوام احس بألم يروح ويجي مثل الم المغص قبل الاسهال ورحت بيت ابوي وامي عبالها غازات بس العوار يروح ويرجع احس ماقدر اتنفس وبعدها اوكي وظليت لي العصر اعور من الألم عاد بعدها اتصلت لزوجي ورحت لدكتورتي ماكنت آقدر اوقف والمشكله مانزل علي شي عشان اشك انه طلق ولما رحت لها قالت لي لازم يسوون لي تخطيط عشان تتأكد اذا طلق او غازات وهالتخطيط لوع جبدي يضغطونه على بطني يسمعون دقات قلب البيبي وبعدها عطوني التقرير ورحت لها وقالت التخطيط تمام ويبين انه طلق بس لازم اكشف عليج من تحت اشوف اذا متوسعه او لا عاد انا هني حسيت قلبي بيوقف من الخوف ..
كريه هالشعور بس لما حطت يدها ضحكت وقالت لي انتي متوسعه 4-5 سم اليوم بإذن الله بتولدين وروحي تمشي تحت وشربي لج شي ..
انا بصراحه ماتوقعت افكر بالولاده والا العوار والا اغراضي والا التجهيزات والتوزيعات وآنا اتمشى مع ريلي واختي عند المستشفى اتصلت في امي وقلت لها اتييني واتييب شنطتي واغراضي وتخبر محلات الورد والجوكليت عشان باجر يعني باختصار كانت لوويه..
وبعدها ماقدرت امشي اكثر رحت فوق غرفة العمليات يمه صج شكلها يخوف :( وغيرت ملابسي ونمت على السرير وسألوني اذا كنت ماكله شي عاد انا كنت من امس مو ماكله ولا شي وقالو حق ريلي ييب لي سندويش وعصير عاد من صجهم لي خلق آكل !! حاولو معاي شربي ماي ، عصير بطلعة الروح كأني ياهل شربتني السستر العصير :)
ووصلت امي وخواتي وابوي واخواني وام زوجي وخالته كانت العايله كلها هناك وخالتي وبناتها ياو من المطار على طول للمستشفى بس مايخلون الا بالواحد يدخل عليج
واللي يظير جهاز دقات قلب البيبي اوووف يعور كافي علي عوار بطني والالم يروح ولما يرجع احس ماقدر اتنفس والوقت مايمشي وانا مو عارفه شنو بيصير بعد اكثر فيني خوف وعقب وصلت دكتورتي وقالت تبي تكشف من تحت بغيت اذبحها حطت يدها وبطت الكيس ونزل علي ماي خفت ماعرفت شنو ذي وجافتني تعبانه قالت لهم يحطون لي اكسجين بس كل ماتحطه النرس اشيله خخخخخخخخ
وعقب قالت لي الدكتووره قومي من السرير بولدج وانتي قاعده قلت لها مابي قالت كيفج بس بتقعدين دبل على اللي قعدتيه وبتأخرين وانا كنت ابي افتك من هالعوار وقمت وحطو لي كرسي صغير اقعد عليه اوووووووووف لما تنزلين تحسين بعوار مو طبيعي وكانت حاطه منظره تشوف منها وانا ماكنت اقدر اشوف شي وقالت لي كل مايجيك الطلق اقعد على ريلي كأني قاعده على كرسي حمام عربي كرمتو واضغط
والله يابنات ما احس بريولي وماتوقعت روحي بصارخ ههههههه يعني مسويه روحي هاديه لكن حزتها ماتحسين بروحج
المهم صارت الساعه 12 بالليل وانا ليلحين اطلق :( وكانت الدكتوره آخر شي وقت ما اطلق تحط يدها وتوسعني << مابي اخرعكم بس مو حلو ويعور
وعقب قالولي جوفي شعر البيب الراس قرب يلا بوش بوش وانا احس مافيني قوه وتقول لي الدكتوره جوفي الراس وانا اغمض من صجها اجوف خخخخ
وقالت لي يلا دفعه وحده قوية وبتولدين ..
وصرخت بقوه ماحسيت الا البيبي نازل تحت واهما ماسكينه تخرعت بصراحه شي غريب سبحان الله ، وقعد يصيح حبيبي وكنت آبي اخذه احطه بحضني بس خذوه :( وولدته الساعه 12:45
عقب ركبوني على السرير ونظفوني وبعدها بشوي نزلت المشيمه الحمدلله وقعدت الدكتوره تسوي لي الخياطه ويابو لي حبيبي وحطوه على صدري عند قلبي احسااااااااااااااااااااااااااااااس رووووعه
وبعد ماخلصت الخياطه دخل زوجي كان مستانس وخايف خخخخخخ ودخلو كلهم يباركون لي عقب رحت غرفتي وقعدو معاي شوي عقب راحو عني وانا ليلحين افكر بالولاده وشلون صارت وطبعا مارقدت كلش من التعب ...!
والصبح يابو لي العسل مسبحينه حبيبي ووصلت امي وابوي وكنت حدي يوعانه يابولي المستشفى الريوق والعصر بدت الناس تزورني تبارك ..
وظليت في المستشفى 4 أيام كنت ابي ارجع بسرعه البيت
والحمدلله رحنا البيت ونوّر حمودي بيتنا عسى ربي يحفظه
:
هذي قصة ولادتي اللي مستحيل انساها :)
:D ابي اولد خخخخخخخخخخخخخخخخ
الحمدلله سلامتج
وسويتهها وقعدتي ذيج القعده تقول صج اسهل هههههههههه بس يخرع
بنت كتكوته;13992711:
شخبااااركم يابنااااااااات
هلا كتكوته احنا بخير
انتي شخبارج
وشخبارج ويه الامومه
شنقلونه;13993362:
بنات رحت الموعد
وقلت للدكتور انه عندي مغص
وكشف علي من تحت
يقول الرحم مقفل
مو مفتوح ولا سنتي
خخخخخخخخخخخخخ
شكلي اخر وحدده تولد
زي اسمي بالقائمه الجديده
ايه ههههههههه عادي كلنا شكلنا بنتاخر
يالله الحمدلله