التجمع الثاني : لحوامل مواليد ((6)) يونيووو باذن الله

هلا بنات شخباركم وحشتونا

هلا طفوف كيف حالك ؟؟
هلا روبي شو عامله اليوم ؟؟ ان شاء الله تعرفين ويكون زي ماتتمنين
هلا حبوبه اخبارك ؟؟ مشكوره على القصه المسليه :)
هلا ثلج ونار الله يشافيك يارب؟؟
هلا قمر فاضل ان شاء الله تعرفين الجنس ويقولون لك اكيد وترتاحين
هلا هاجر شخبارك طمنينا عنك ؟؟
هلا الامل الموعود كيفك وكيف احوالك ؟
هلا طلة امل اشوف اسمك تحت ؟
هلا توما تومي شفيك ماتدخلين كل هذا من الزكام الله يشافيك يارب

ههههههههههه توني اسال عنك طلعتي راده وقبلي بعد :)

،،،الرضاعة الطبيعية ،،،



ارضعي طفلك من الثدي الاول ثم دعيه يتجشأ
ثم واصلي للثدي الثاني ..



ضعي الطفل بوضعيه صحيحة في بداية الرضاعه بحيث يكون صدرها ملامس لصدرك و يكون انفها بموازاه حلمتك ...



من الطبيعي ان تحس الأم ببعض الالم الخفيف عند بدء الرضاعه و لكن اذا استمر الالم و كان شديدا فهذا يعني ان طريقة اتصال الطفله بالثدي خاطئة و يجب المحاوله مره اخرى ...
عند انتهاء الرضاعه ادخلي اصبعك الاصغر في فم طفلتك و اخرجي الحلمه منه ..
التجشؤ ضروري جدا عند نهاية الرضعه ..
أوضاع الرضاعه الصحيحة ...
نعلم جميعا أهميه الرضاعة الطبيعيه للطفل و الأم على حد سواء .
و لتنجح الرضاعة الطبيعيه فيجب ان تكون اوضاعها مريحه و صحيحه وهذه الصور تشرح باختصار اوضاع الرضاعة الطبيعية الصحيحة

هههه اي الطيب عند ذكره اكيد لج وحشه

والله يعينك على الاختبارات انتي وكل اللي يدرسون

احنا لسه عندنا مابعد الاختبارات تبدأ

بعد اسبوعين راح يبدؤن الجامعه وبعدها باسبوع المدارس والكليات

مشكوره حبوبة على المعلومات

انا رضعت بنتي سنه كامله وتدرين ماقبلت ترضع الا من صدر واحد

والحين خايفه ان يكون اخوها او اختها نفس حالتها ومايرضعون الا من واحد

كذي بيصير فرق واحد صغير وواحد كبير

اانا الحين اشوف انا تعادلو بس وانا ارضعها كان اللي ترضع منه كبير والثاني صغير

والكل كان يضحك علي يقولون شكلهم واضح فشله

هههههههههه ضحكتني توما ماتشتهين صحيح انا قبل كنت اقول جذي بس يوم رضعت بنتي

حسيت اول مره مو مشتهيه بس بعدين صرت احس بالحنان وحبيت انها ترضع بس هالمره

بحاول ادخل الصناعي ولو رضعه باليوم لان مابي تتكرر ماساة بنتي والضعف مع البيبي الجديد

لان بنتي تعودت تشرب قليل من صدري صارت ضعيفه ولا تكبر بسرعه

المفروض كم رد ونفتح تجمع جديد

لان اخاف يقفلونه علينا ونتوهق بعدين

يالله الحين بربوح اصلي اشوفكم

هااااااي بنات شو أخباركم جميع
أم فاطمه أدخل اقرا سوالفكم واجي برد انسى أسماءكم هههه
واليوم البنت معذبتني موووووووووووووووووووت

أم فاطمه تقبل الله منك والجميع

هلا ثلج ونار سلامات ماتشوفي شر حبيبتي وشلونك الحين مع الزكااااااااام

سلام عليكم.. شخباركم... انا للحين على حالي من امس بالغصب نمت الليل وقعدت وللحين عجزت الظهر ابي انام ماقدرت قمت اطالع تلفزيون وصليت وقعدت
الشر مايجيكم بنااات

قمر فاضل الله يوفقج ويسهل عليج وليش مستعجله هههه كلنا مستعجلين نبي نعرف بس اكيد مايبين من وقت فلازم نصبر مايحتاج تخسرين واجد ههههه

روبي سويت بخار لان كل ليلة اسوي لولدي ولا نفع ماعجبني اصلا خخخ وابداااااااااا ماحب عصير البرتقال ولا البرتقال ولا حتى ريحته

حبوبة شكراا وضحكتينا شوي هههه فعلا في ازواج جذي

توماا شخبارج اليوم؟؟ وليش تاكلين سينااابون.. تدرين القرفه مو زين كلش في الحمل ليش تاكلين الله يهداج
ماتشوفين شر
وليش جذي تبين ترضعين بس 10 ايام؟؟ ياليت يحصل لنا نرضعهم سنتين اكيد مانقول لا هذا شرع الله

ام فطووم خوفتيني والله حاله بعد اذا يرضعون بس من جهه هههههههه
انا ولدي كان خديج فظل عند المستشفى شهر عشان يكتمل وزنه وكان يعطونه صناعي فتعووود ولما رحت ارضعه مارضى بالغصب وانا عملية وتعبانة من الضغط ماقدر اقعد
فلما اخذته البيت حاولت وحاولت وعجزت خاف ابوه وسيداا راح الصيدلية اشترى حليب صناعي

طله امل شخبارج اليوم.. سوي نفسي اقعد اقرا الواجب وافتح لي ملف نوت باد واارد على كل وحده بالترتيب هههه بعدين كوبي بيست ولو راح الرد الا موجود مااصكه الا عقب ماينحط الرد في المنتدى
من وين بالسعودية انتي؟؟

أنا من الرياض
سويلك بخار بس بالفكس وايد حلو وعلى طول بيفتح خشمك

تشرفنااا خيوو

شلون يعني بالفكس؟؟ مافهمت

انا سمعت ان الفكس مو زين للحامل فمادري من اي ناحيه ولا عورت راسي فيه

يعني بالفكس تحطينه بشيء وتصبين عليه موية مغلينة وتحطينه تحت فراش وتتغطين انتي داخله

وتستنشقين بخار الفكس

ياه والله خوفتيني بس ماعتقد ايش بيسوي يعني
أغلي ماء بالنار وحطي عليه فيكس لما ببداء يطلع بخار قربي وجهك من شوي ووخريه وفورا غطي وجهك بمنشفه وأنسدحي وانشاء الله تفتح معك
أو شيلي العلبه نفسها وشميها على طول بيفتح خشمك
بصراحه انا من كم اسبوع سويت كذا والحمدالله