التجمع الثاني : لحوامل مواليد ((6)) يونيووو باذن الله

سلام عليكم يا بناات
شخباركم يا حلوااات وحشتوناا... اخيراا اليوم رحت المركز وسويت التحاليل المطلوبة مني ودخلت على دكتورة بسالها عن وجع الراس وطلع دمي نااقص وايد واصل 8 صادني احباط عدل
بس ضغطي زين وسوت لي تحاليل زيادة واكي يدي لحين تألمني موقادرة احركها من تسحب الدم :(
وتعبت وايد هناك من 7 -9 انا واقفه او امشي روحه وجيه وعطوني تاريخ 10\1 موعد عند الحوامل

توماا شخبارج شمسوية وشخبار الحلوة بنتج وشكرا عالدعوة الحلوة

روبي زين عجل وحامج جى على السمج شي مفيد هههه

هااجر السفرجل غير عن الجوافة بس ماعرف له اسم ثاني للاسف

عطر انفاسه شخبارج؟؟ اي البكر ماتحس بالحركة بسرعه لانها ماتعرفها وتحس باشياء بس تفكر وجع والا نغزات وجذي اول شي بس بعدين تكون الحركة واضحه الاشهر الاخيرة فتحسين
الله يعطيج الي ببالج ويسهل علينا وعليج

بنت الروضة اهليين وسهلين وحشتيناا وماعليج شرر.. انا جربت الحليب البارد وعصير التفاح ويا الحرارة والحمدلله اهون يخففون
ويالله بس تعرفين عن الحليب خبريناا جان يرتفع دمنااا.. والحمدلله ان البيبي اوكي وكل شي تمام الله يسهل عليج

حبوبة شخبارج اليوم

بنت الروضة انتي بحرينية؟؟ ياليت والله تصير لنا جمعه والكل يجي فيها عاد حتى مال السعودية
ههههه... الي متوفية عن تحبكم تصير بنت خالتها في حادث الباص الي رايح سوريا

توماا الحمدلله على الصحة والسلامة والله يسسهل عليج

روبي بالعافية الطلعه والغدا والراحه هههه

طفوف اهلين وسهلين ومرحبتين.. شرفتين انتي صاحبه اي ستايل صح؟؟؟ الله يوفقج ويسهل عليج وبيخف الوحام انشالله نهايه هالشهر او الشهر الجاي

ابتهال الله يعينج انتي بعد وحشتينا.. وماعليها شر بنتج انشالله تحصلين غرفه

سلام عليكم

شخباركم حبيبات قلبي إن شاء الله كلكم بخير

ابتهال ما تشوف شر البنوته وإن شاء الله تحصلين غرفة خاصة وياها أريح لش :)

تحبكم .. الله يعظّم أجرها احنا اللي ما نعرف المتوفين انفجعنا .. الله يكون في عونهم صراحه :(

شخبارش خيه ثلج !

انا بخير الحمدلله متمللة عدل ومالي خلق اطلع طرشت ولدي لامي وقعدت بغسل ثياب ونت وتلفزيون بس خخخ

والحين بروح اجيب لي فواكه اكلها اليوم انبني ضميري دمي وايد نازل بولدي اكلي كان كلش زين ولا نزل جذي :(

الله يستر

دوم يارب

الملل قاتل وشنسوي أني ما أحب أطلع مكان أقول ما بطلع إلا إذا راحت اللوعه لأني كارهه حياتي منها :(

عليش بألف عافيه كلّي جان يرتفع دمش أني الله يستر بعد صاير أكلس خفيف و أتمنى دمي مو نازل واجد لوعة جبد

امممم

الحليب اللي يرفع الدم اللي تسألون عنه كأنه اسمه هيرولكس أو شي جدي مو ذاكره بالضبط كأن روبي قالت عنه إن شاء الله إذا دخلوا البنات يأكدون على اسمه

الله يعافيش خيو الامل وانشالله البنات ياكدون لنا على الحليب بروح اشتريه وبجوف شيقول الصيدلي عنه

هلا خيوو ابتهال

ايي انصدمت يوم شفت الرقم 8 :( بولدي ككان كل 10 ثابت هالمرة من الخامس جذي الله يستر بعدين

وموعدي لان مأجل خيوو كان موعدي من شهر 10 واتصلوا اجلوه هم ولا رحته وتوي رايحه الحين لان مالي خلق مستشفيات حتى تقول لي ليش ماتصلتي في نفس اليوم قلت ليها ماقدرت تقول الحين مابتحصلين بسرعه واخر شي اطالع الا عقب اسبوعين خخخخ اقول اني قلت في خاطري الحين بفتك مابيعطوني الا عقب شهرين ههههه

اني الحين 16 اسبوع يعني لو اروح اسوي التراساوند بيبين جنس البيبي تتوقعون؟؟؟

هلا توما شكله مالج نصيب في البيتزا
خليه عنج ودوري اكله غير :) ياربي شفتي النونو اجل مو تؤم خساره
يالله ماعليه اهم شيء ان البيبي الحلو باين ولاحقه على الجنس خليكم
لاحد يعرف لين اعرف ههههههه علشان ماتحروني اني ماعرفت وانتو عرفتو لووووووووول امزح
ان شاء الله المره الجايه يقولوون لج عن جنسه

هلا ثلج ونار انتبهي لنفسك دمك حده نازل حاولي تكثرين سلطات واكلات ترفع الدم
وموعدج بعد الامل الموعود بيوم الامل في يوم 9-1 وانتي 10-1 وابتهال بعد 10-1 امممم شرايكم انا بعد اروح في 10-1
لان المستشفى عادي يصير بكيفي ابي اروح اي يوم مو لازم موعد وادخل على دكتورتي
بس ان شاء الله ماتعصب علي لانها قالت لي اراجعها في الشهر الثاني ولا رحت لها ههههههه ياويلي منها

هلا حبوبه كيف الحال ؟

هلا هاجر السفرجل هذا زي الكمثرى
وفيه نوعيه يسمونها كمثرى صيني او كمثرى هندي
واتوقع الهندي الاصلي بس اهي تكون خشنه وماتنبلع الاصلي
اما الصيني هذا طريه وطعمها قريب للكمثرى بواجد

هلا بنت الروضه اهو هييرولكس تحطيه مع الحليب
وان شاء الله امورك دوما طيبه وربي يخفف اللوعه عنك وحشتينا ووحشتنا سوالف
صايره انتي وتحبكم ماتدخلون وحتى ابتهال الروح ماراح تدخل لان بنتها بيسون لها عمليه بنفقدها

هلا طفوف نورتينا وصح حتى الشريط اللي انتي حاطته يقول انك دخلتي الرابع وكملتي الثالث

هلا ابتهال كيفك وكيف البنوته ان شاء الله تحصلين غرفه خاصه

هلا روبي كيفك
شخبارك وكيف امورك وبالعافيه عليج الطلعه:)

هلا عطر انفاسه ان شاء الله تحسين بالحركه خلال هالاسبوع

هلا الامل الموعود كيفك ها بانت الكرشه ولا لسه واخيرا اموله بتدخلين الرابع هههه باقي لج يوم

مساء الخير كروشات

انا الحمد لله بخير

والله يعينك ثلج ونار وش 8 انا 10 وزوجي سوا لي محاضرة وكل وجبة رزمة خس وخيار لحالي

اخبارك الامل الموعود وابتهال وام فطوم

الحمد لله بخير حبوبه اي معاه حق زوجك لازم محاظره هههه

لان الدم ينزل بشكل سريع وخاصه مع نمو الجنين يعني كل شهر لازم ينزل

انا صحيح جلست اكل حبوب الحديد لكن من رجعت ارجع وقفتهم قلت برجع اخذهم من بكرا

زوجي اليوم شاف الحبوب مو متحركين من زمان قال ابي افهم انتي ليش ماتاكلينهم اقوله ماتشوفني ارجع منهم

قاللا يتهيا لك قلت له طيب بكرا باكل وان رجعت ورجعت معناته منهم

لكن راح استمر لاني شفت دمي كيف نزل يوم كنت حامل بفطوم فالحين من اول ماحملت وانا اكل سلطات علشان ماينزل وماكو فايده نزل

بس الحمد لله على كل حال وسالت الدكتوره قالت طبيعي ينزل لو دمك اقوى مايكون بينزل

اهتمو باكلكم علشان مايظطرون يركبون لكم دم


بس عندي سؤال هم اذا وصل الدم كم يركبون دم

لان مرت حماي ركبو لها كيسين في اول شهر حمل تخيلو كان نازل بسرعه

عاد انا خلقي وخلق الحليب بالموت اشرب الصباح كاس على الفطور

كيف باشرب هذا الهرولكيس

الله يعين بس

تخيلو بنتي مجننتني تبي الاب توب

قمت قلت يمكن البنت زهقانه خل اروح معها بغرفة العابها

واروح معاه وماكو فايده هدت كل الالعاب وجات لي تخرب علي

هلا ابتهال الروح يالله جربوه اذا حلو بشتري :) لان اخاف انا مو كل شيء احبه

يعني من صغري ماحبيت لا الشاي ولا القهوه ولا النعناع ولا اي نوع من المشروبات الا الحليب

اخاف انه مايعجبني

الله يستر من هالدم

انا اليوم قالت لي شكلش ماتاخذين الحديد سكت وضحكت عرفت تقول لي ليش قلت ليها مو حلو ويوقف البطن والجميع بكرامة قالت لي بتكتب لي حبوب اخذه من برى من الصيدلية مايوقف البطن قلت لها اوكي واخذت الوصفة بس زوجي لحين ماجابه لي بس يجيبه بكتب لكم اسمه اذا في وحده منكم تبي تاخذه عشان احسن من هذاك

اما سالفه الترجيع فانا اهون مايسبب لي ترجيع الله يعينك ام فطوم
وانا اصلا صايرة ادمانن تبولة كل يوم اكل لان حامضه واستانس عليها وبعد مافي فايدة.. انا من ايام الثانوي دمي كان 6 و7 وبعدين صار احسن لما انخطبت واتزوجت وعدلت اكلي وبولدي كان اكلي وايد وزين كل شي مفيد اكله ولا اكل هالخرابيط الحين هالمرة الصراحه كلش اكلي عادي حتى زوجي يقول بالاول كنتين تاكلين غضب هههه هالمرة غير وبعد اخربط يعني الاجباس والخرابيط ماكنت اكلهم بالاول كلشش اكل بس كاكو لاني ادمان حلويات ماقدر استغني عنهم ههه

بس عن جد صادني احباط اليوم

اي والله صادقة خيو ابتهال

الله يعين كل مريض

انا بعد مستحيل اشرب حبوب بانتظام تخيلي حتى الفولك اسيد هذا النتفه صغيرة ماتحزب اخذته بس شهر بولدي والحين بعد واليوم الدكتورة تقول لي لاتقولين ماتاخذينه بعد هههه قلت ليها سمعت انه بس لاول 3 شهور قالت لا اخذيه لاخر شي وردت كتبت لي وبس هذا احنا 24 ساعه نشرب حبوب

والحديد قالت لي احسن شي تشربينه مع عصير برتقال او ليمون او مع كيوية او جوافة عشان تتستفيدين منه وانا اشوى اكلهم كلهم عدا عصير البرتقال والبرتقال ماحبه اكره حتى ريحة البرتقال

والله يسهل على اخت حسناء وانشالله ماعليها شر