التجمع الثاني : لحوامل مواليد ((6)) يونيووو باذن الله

ههههههههههههههه يالله طيب احكي لنا قصة ولادتك

انا بدور لكم قصة ولادتي في المنتدى وبجيببها :)

انا مامرة كتبت قصة ولادتي بالمنتدى

بس كلها متعبة ابقى يومين بالمستشفى ماعدا ببنتي

حسافه دخلت في المواضيع اللي انا كاتبتها ماشفت الموضوع

مدري وين راح فيه

الظاهر مايبيني احطه علشان البنات مايخافون هههههههه

بس بكتبها عناد لوووووووووول

ان شاء الله ربي يسهل لك بكل ولادتك

وان شاء هالمره ولادتك تكون سهله ميسره

تدرين انا بنتي جبتها صغيره بالمره نتفه وكان وزنها 2كيلو

وكل من زارني ايه ماتعبتي في الولاده بنتك صغيره ماتعبتك طلعت بسرعه

مع اني والله هلكت في الولاده وهذا اللي مخليني حدي هالمره خايفه

يعني هالمره لو كملت التاسع بيكون الطفل اكبر ووزنه 3 كيلو او 2 كيلو و700 جرام

وهذا رعبب اذا هذيك صغيره وتعبت شلون الحين

الله يسهل يارب

قصة ولادتي بابني البكر

كانت اخر سنة لي بالكلية وكان اخر يوم لي بالتاسع وافكر بالولادة تعرفون مشتاق للبيبي لانه اول ولد
كنت جالسة على الكراسي بالكلية انتظر زوجي وكان بايدي مفتاح شقتي دق زوجي وقمت طلعت ونسيت مفتاحي بدون ما انتبه .. رحت البيت وكان زوجي عنده دوام العصر قلت له بروح مشي بيت اهلي قال اوكي بس قفلي الشقة
طلعت ويوم طلعت دورت المفتاح مالقيته وخليتها مفتوحة ورحت بيت اهلي ودقيت عليه وقلت له اني نسيت مفتاحي بالكلية
قال لي رجعي الشقة بس من طريق اطول << مستعجل يبغاني اولد اكثر مني
اخذت اختي ورجعت ويوم رجعت نزل علي دم بيني وبينكم فرحت بس في نفس الوقت خفت دقيت عليه وجاء وداني المستشفى 8 بالليل كشفوا وقالوا مو مفتوح بس الشفت كان دكتور ورفض ادخل عليه وطلعت ورحنا مستشفى خاص علشان بس تنزل الدكتور من فوق دفعنا 400 في الاخير قالت عادي مافيه ولادة ورجعت بيت اهلي
الساعة 11 زاد الالم صرت ارجع اخوي من الخوف يقول تنتظرونها تموت ودوها ورجعت مرة ثانية امري لله للدكتور بس كشفت الممرضة وقالت 2 سم ودخلوني غرفة الولادة وركبوا علي جهاز التخطيط وكنت ابكي واقولهم ظهري كانت ممرضة امريكية تقولي قولي يالله وتدلك ظهري لاتقولين بموت وضليت للصباح تغير شفت الممرضات وجات وحدة هندية ماترحم كشفت
كان 4 سم بس .. بدات تصارخ مافيه يبكي ..

العصر جات امي شافتني وبدات تبكي وخلتني ابكي زيادة وبس طلعت هي وزوجي واختي افتحت لي كيس الموية كان 6سم .. زاد صرت ابغي ادفع وبدات اناديهم وجاوا وجهزوا الاغراض وجلسوا ادفعي ادفعي لحد ماولدت الساعة 5 المغرب

يعني يومين بالمستشفى ونظفوه ولدي وجابوه لي بس سمعت ضربت راسه بالسرير الصغير وصارت له انتفاخ براسه من الضربة .. ودقوا على زوجي وكان لسه بيدخلون البيت بس قالوا لهم ولدت ورجعوا لي
صعدت غرفتي وبقيت 4 ايام لان ولدي صابه بو صفار

ادري قصيت قصة حياتي بس هذا اللي صار

توتة توتة خلصت الحتوتة

لا يا ام فطوم الطفل كل ماكان اصغر يعور اكثر لانه عظامه تضرب بالحوض غير الكبير يخف وهو يطلع

انا مجربة

يعني الحمد لله طمنتيني شوي هالحريم يخوفوني

ولادتك ظليتي 4 ايام احس خلاص انا يومين وصادني اكتئاب ابي اطلع

الحين جالسه ادور بتجمعي القديم القصه لاني اكيد كاتبتها راح ادور اذا مالقيتها بكتبها

ممنوع القراءه للي تخااااااااااااف

انا بس دخلت السابع كنت مبسوطه ان مرحلة الخطر عدت

وكان وقتها مهرجان حسانا فله

فقررت اني انا وزوجي نروح نتمشى هناك

ولما رحت مشيت وحسيت بالم بظهري ورجولي بس مليت طول فترة الحمل بالبيت ابي اطلع

وكان زوجي يسالني اذا تعبانه او لا واقول له لا مو تعبانه متحمله الالم

بس رجعت البيت نمنا ويوم جلست ماقدرت امشي خلاص رجولي الم فضيع اصيح منه

فرحت المستشفى وخبرتهم عن الم رجولي ولما صورتني شافت ان فيه طلق

قالت لي الا بتقيس

ووافقت كان تقول لي مفتوح 4 سم ولاده ويصعدوني وانا اصيح مابي اولد الحين توني بالسابع مابي مابي

وادق على امي وانا اصيح واقول لها بيولدوني وادق على اختي واصيح صياح

واروح حق الدكتوره قلت لها مابي اولد

قلت بطلع على مسؤليتي قالت اذا ولدتي وانتي مو بالمستشفى ممكن البيبي يموت لازم تظلين هنا

لانه صغير وماكمل شهوره خفت وظليت اسبوع اطلق ورغم اني مرتاحه بالمستشفى اسبوع كامل ماسكر الرحم :(

ظليت اسبوع وانا اسمع صريخ اللي بيولدون واصيح معاهم معاناه حاطين جنبهم وكل ماظليت جات وحده تصارخ وتولد

وانا جالسه قلت ابي افتك اولد ولا اعيش عذاب صراخهم ولا اولد

بعدها قررت اطلع ولي يصير يصير وطلعت على مسؤليتي

وظليت كل بين وفتره وفتره يجيني طلق لحد مادخلت الثامنواخذت منه 3 اسابيع

والطلق مرافقني ويومها كنت جالسه بالمنتدى مع التجمع حقنا اسولف

فجاه جاننننننننننننني الالم

قلت عادي برتاح على ظهري شوي واكيد بخف كالعاده طلق كاذب

والالم يزيد لدرجه قمت اصيح منه اختي جات قالت شفيك

قلت لها عادي يمكن زي كل مره واخف قالت بس انتي تصيحين يعني هالمره قوي

وراحت خبربتامي وجات لي قومي يالله على المستشفى وانا اصوتت

خلاص احس شيء من تحت بيطلع واصرخ امي خافت قالت شكلك بتولدين علينا

وخذني ابوي ركض للمستشفى تقطع اشارت ورعب في الطريق انا اقول اه وهو يسرع ازيد

طبعا واختي دخلت تركض قالت لهم ولاده وجابو لي كرسي عن السياره وخذوني ركض وقاسو لي بسرعه

شافو الرحم فاتح 8 سم قمت اصيح عرفت ان خلاص بولد :(

جاني رعب مو طبيعي غير الالم اللي فيني

ويصعدوني فوق على غرفة الولاده على طول وتظل معاي وتقض كيس الماي ويزيد الالم اضعاااااااااااف خلاص

قلت بموت لامحاله مافي امل صرت اطق نفسي وامشع شعري واصرخ بموت بموت

بعدها قالت لي لازم يدفع مافي يقول موت لازم يدفع انا خني سمعت وقلت بدفع بقوتي انا بموت خل احط المي كله بالدفع

وادفففففففففففففففففففع وتقول خلاص طلع بيبي وانا مازلت اصيح اصيح اقول لها في بيبي ثاني في الم

قالت لا مافي خلاص بس هذا من النزيف الحين في روح انت بس ضغطي على بطنك ويخف

وخذت بنتي للحظانه حطوها هناك ورتني اياه قبل بس كنت اتالم ماحسيت فيها

خذوها ويوم رحت ابي اشوف شكلها منو تشبه كنت متلهفه وماشفتها الا بعد يوم ونص من ولادتي يوم جيت اطلع من المستشفى شفتها

وهذي ولادتي طبعا الصلاة على محمد وال محمد ماطولت بالولاده

يعني اخذت ساعه بس والحمد لله وهذا لان الرحم كان مفتوح من شهر فسهل علي الحمد لله

ايوا البنت طلعت الراس بتموت

انا نفسك ماتعبت في الطلق كثر ماتعبت في طلعت الراس

وكل ماحد يجي اقول له طلعت الراس احر يقولون لي بالعكس طلعت الراس سهله

اللي صعي هو الطلق والله عاد كيفهم انا اللي والد مو هم حتى بالمي يبون يتحكمون

وان شاء هالمره ياروبي ولادتك تكون سهله سهله سهله يارب ياكريم

سلامات روبي ماتشوفي شر

المغص قصدك من القصص حقة الولاده

:'(خليتوني اصيح

ايوة من قصة الولادة ...صابنى مغص الله يستر والله اتخرعت واتذكرت كل الي نسيته

روز قلنا ممنوع القراءه للخوافين

ان شاء الله ولادتك تكون سهله يارب ياكريم وفي هالوقت

اذان المغرب ياذن وادعيلك ربي يسهل عليك وعلينا وعلى المؤمنين

روبي لاتفكرين بالولاده بنموت اذا من الحين بنفكر فيها بس قلنا نتسلى خخخ نذكر قصص

وكل وحدة عندها شئ تعرف انه مفيد حق الولادة تخبرنا عليه وباهي الطريقة
بنقول نعم لولادة سهلة ااااااااااامنة وسريعة ههههههههههههههههههههه

خوش تسلية ام فاطمة ههههههههههههههههههههههههههههههههه

بصراحه انا شفت في برنامج ذا دوكترز اللي يجيبوه في ام بي سي فور

ان الوحده اذا حست بالم ولاده لازم تاخذ دوش دافي بعدين تحاول تحريض

الولاده بالضغط على الصدر لحد مايطلع حليب ساعتها راح تسهل ولادتها ان الرحم راح يقوم بالتقلصات ويطلع البيبي اسرع

زي مايقولون الرضاعه الطبيعيه تساعد على تهدئة الم الولاده وتساعد على دخول البطن وتساعد على عودة الرحم الى مكانه

وبعد ايش قالو والله نسيت بس جابو اشياء حلوة تساعد على تحريض الولاده بسرعه