التجمع الثاني : لحوامل مواليد ((6)) يونيووو باذن الله

سلام عليكم بنااات شخباركم
وحشتوني

انا تعبانه اليوم ورحت بيت اهلي العصر تغديت هناك والحين من شوي امي راحت بيت عمتي والوالد خذا ولدي وياه بيروح يتفرفر في السوبرماركت وياه وانا رجعت الشقة لان مابستحمل اروح بيت عمتي وازعاج وسوالف وانا راسي يألمني بيزيد

توماا شخبار الموعد انشالله خير؟؟ خليتوني ودي بسرعه اروح اسوي التراساوند مع اني كنت مأجله الفكرة
مركز كانوا الي بالدوار 19 او 17 نسيت؟؟ يعني جارتنا انتي شوي هههه

روزة شخباارج .. اذا بتجين البحرين عشان التخفيضات اصبري شوي بعد الحين توهم مبدين ومعظمهم 25% اعتقد نهايه 12 يوصلون 70%

حبوبة زماني مشكوورة بروح الصيدلية عندنا بجوف شيعطوني.. وبتوحشينا هاليومين انشالله نلقاج

روبي شخبارج.. الله يعينج عندج جم ولد من قبل؟؟

ام فطووووم شخبارج وشخبار الحلوة اليوم؟؟

نواار اي دكتورة رحتي من قبل؟؟ انا افكر اروح حق منى الشروقي ومعاها في نفس المركز شريفة يقولون اوكي بعد
بس في وحده يقولون احسن شي هي في الاشعه والالتراساوند بس مو متذكرة اسمها هل هي فوزية كمال او فهيمة المطوع!!
وعادي ترى حبابة لان توج لاتستعجلين خلج على دكتورة وحده وبعدين اكيد في الشهر ال5 بيبان عندج

الامل الموعود احنا الحمدلله بخير انتي شخبارج حبوبة؟؟

فراشتااا هلا بيج ماننساج بس خبرج يعني البنات واجد ماشالله نسال عن من ونخلي من ههههههه
وغالبا الرجال يبون اول واحد صبي انا بولدي زوجي وااثق من عمره يقول انا قلت لج صبي يعني صبي بتجوفين وصدق طلع احساسه ههههه من حملت قال لي صبي
ترى انا قريت كتاب ان دعاء الاب مستجاب يعني من يخطط للحمل يبي شنو يدعي ويصلي له ركعتين وجذي وخصوصا في الشهر الرابع يحبذ الاب يدعو بشنو يبي لان يحدد الجنس في هالشهر
وبالنسبة للوزن ترى انا اعتقد هذا سبب الضغط الفجأة الي جاني وولدوني عمليه في الشهر الثامن.. لان من دخلت السادس اعتقد انتفخت بشكل مو طبيعي بس مو من الاكل احس حتى اييديني ورجولي كانهم سفنج تخيلي انتفاخ موطبيعي وهم كل شي يقولون اوكي لما ارتفع ضغطي فجأة
وانا نفسج بس انا بس على اليسااار حتى ماقدر انام جهه اليساار متغربله بالنوم كل ليلة :(

ابتهااال وانا اكتب الردود واتصفح الحين الواجب اقول بسال عنج ماتدخلين الاول اكثر شي انتي تدخلين شفيج عسى ماشر؟؟ شخبارج؟؟

ام فطووم انا افكر اذا صبي بسمي رضا عاجبني واذا بنت زوجي من زمااااان يحن يبي ماريا بس لحين مادري غير رايه والا لسه!! شرايكم؟؟ خاطري في توأم بنات اسميهم ندى وشذى ههههه
شرايكم اسمي نفس اسمي عندكم احد سواها من قبل؟؟ بنت خالي هي فاطمة وسمت بنتها الثالثه بعد فاطمة شرايكم في هالحركة؟؟؟

تحبكم كلكم شخبااارج حبابه اليوم؟؟ انشالله احسن اللوعه والترجيع؟؟ وشخبار صديق ولدنا؟؟

هاجر شخبارج حبوبة؟؟ انا الحمدلله بخير

ام فطوووم انشالله خير لاتقعدين تفكرين في اي شي بس صلي على النبي واذكري ربج مايحتاج تفسرينه


تحيااتي

مساء الخير ثلج ونار

توني انا بعد جعت من بيت اهلي لان راسي ما اقدر اجلس كثير

مايوحشك غالي يارب

هلا حبوبة

انا متمللة بروحي حدي وظهري يألمني

هلا والله

مساء الورد

شحوالكم إن شاء الله بخير

هلا خيه ثلج على طاري الأسماء أني رجلي يحنّ عليي إذا بنيه يبي يسميها على اسمي وأني مو راضيه هععع

هلا ثلج ونار سلامتك ماتشوفين شر وحلوين الاسماء شذى وندى ومدري احس الاسم غير يعني انتي وبنتك نفس الاسم تضيعون ههههه

لان احنا مهما كبرنا خواتي ماننادي بعض الا باسماءنا فما اتخيل ينادون لي ولا بنتي هههه

هلا بيج الامل الموعود كيفج ؟يعني حاب اسمج ومايبي غيره طيب اقترحي عليه اسماء وبيغير اكيد

هلا حبوبه كيف الحال وماتشوفين شر اهم شيء غيرتي جو وشفتي الاهل

هلا توما حبيبتي انا مشكلتي بهالخطوط انسى اكبر الخط قبل احطه

طيب مارحتي توما ماطمنتينا شو صار معاك ؟

ولا مارحتي ؟

ننتظرك تطمنينا

فراشتا الوزن بالحمل المفروض انه مايزيد عن كيلو او كيلوين للشهر الواحد

فانتي حاولي تنظمين اكلج وماعليج الا العافيه

اشوع الواجب مو طويل :) ماحد موجود شكل الكل رايحين عند الاهل

صباح الخير كروشات

يؤ ثلج ونار و الامل الموعود مو زين تسمون على اسمكم

جدتي تقول اللي تسمي على اسما تموت الام بعيد الشر عنكم

احد منكم مثلي بنات الكحة تذبحني وقت النوم احس جسمي فيه رمل ما اقدر انام الا بملابس ناعمة

صباح الخير

هلا حبوبة .. اول مرة اسمع هالكلام وعندنا عادي في ناس مسمية على اسمها

شخباركم اليوم؟؟

ثلج ونار;14035704:
سلام عليكم بنااات شخباركم
وحشتوني

فراشتااا هلا بيج ماننساج بس خبرج يعني البنات واجد ماشالله نسال عن من ونخلي من ههههههه

وغالبا الرجال يبون اول واحد صبي انا بولدي زوجي وااثق من عمره يقول انا قلت لج صبي يعني صبي بتجوفين وصدق طلع احساسه ههههه من حملت قال لي صبي
ترى انا قريت كتاب ان دعاء الاب مستجاب يعني من يخطط للحمل يبي شنو يدعي ويصلي له ركعتين وجذي وخصوصا في الشهر الرابع يحبذ الاب يدعو بشنو يبي لان يحدد الجنس في هالشهر
وبالنسبة للوزن ترى انا اعتقد هذا سبب الضغط الفجأة الي جاني وولدوني عمليه في الشهر الثامن.. لان من دخلت السادس اعتقد انتفخت بشكل مو طبيعي بس مو من الاكل احس حتى اييديني ورجولي كانهم سفنج تخيلي انتفاخ موطبيعي وهم كل شي يقولون اوكي لما ارتفع ضغطي فجأة
وانا نفسج بس انا بس على اليسااار حتى ماقدر انام جهه اليساار متغربله بالنوم كل ليلة :(

تحيااتي

ايه عليج حبيبتي F:
اتوقع انه ما سمع لو سامع جان من اول يوم قلت حامل بيدعي :lol:واهو واثق اقول انا متاكد صبي الله كريم اللي اي من الله حياه الله اهم شي الصحه والعافيه مو مهم بنيه لو صبي :D

اما الوزن السبب كان اني في حملي الاولي طارحه والدكتوره قالت لي هالمره لازم ترتاحين وايد لدرجه ان حتي الزيارات العائليه قالت لي ممنوع وانا خذي نص الثاني والثالث اجازه وقعدت في البيت كنت خير شر لا اطلع ولا اتحرك لدرجه زوجي كان يضايق ايام الويك اند ان ما اطلع معاه حتى لو نقعد ع البحر فكنت اكل وانام حتي وانا اطالع التلفزيون اكون راقده ع ظهري بس الحين قالت لي تقدرين تطلعين وتمشين ربع ساعه فبحاول انظم في اكلي شوي ع الرغم ان احنه حياتنه يا عيش او خبز وروتي مو نفس الاجانب كله اكلهم صحي

اليارحه صادني الم فظيع جهه اليمين حسيت ان في شي :|ماادري المثانه لاني مااشرب ماي خير شر يمكن في اليوم مره او مرتين

ام فآآطمة;14037164:

فراشتا الوزن بالحمل المفروض انه مايزيد عن كيلو او كيلوين للشهر الواحد

فانتي حاولي تنظمين اكلج وماعليج الا العافيه

اشوع الواجب مو طويل :) ماحد موجود شكل الكل رايحين عند الاهل

هلا حبيبتي ام فاطمه كلامج نفس كلام الدكتوره انشاءالله بحاول اكل اكل صحي واترك العيش والباستا والفاسفود عني

ام فآآطمة;14034636:
حلمت حلم غريب

حلمت ان زوجة اخوي تلمس بطني والجهة اليسار وتقول بطنك خشن هالجهه

يعني فيك ولد بعدين قلت لها بس حتى اليمين خشن يعني مو شرط يمكن بنت

قلت لها العلم عن الله

وبعدها صرت امشي وشفت اختي تطالع بالقمر وكان منور ومكتمل وتقول ابي اخذه

قلت لها مجنونه شتاخذين

وجابت حبل ومسكت القمر ونزلته وصار عندها وكان نوره قوي وحلووو قالت لي لمسيه قلت لها مابي اخاف يحرقني

في احد يعرف تفسيره

هلا ام فطووووووووووومي شخباركم وحشتوني كثير ....انا مااعرف افسر بس قولي خير اللهم اجعله خير شكل الحلم وااااااااااااااااايد حلو ماشاء الله وحلو كمان القمر وهو مكتمل واكيد هاي الرؤية لج انتى مادام انتى الي شفتيهامب اختك الله يعطيكي كل الي تتمنيه ويسرلج كل امورك تستاهلين كل خير ...اليوم انا بحاول اكون على المنتدى علشان اشوف فطوووووووووومة

هلا هاجر ...شخباااااااارك ياقمر ؟؟؟انا كنت موجودة بس ما شفت حد طلعت