التجمع الثاني : لحوامل مواليد ((6)) يونيووو باذن الله

هلا شخباركم كلكم شو عاملين

وشو اوضاعكم ؟

اها حسناء فهمت عليك افتكرتك مو مهتمه

صحيح مشكله اذا ماتبين تخبرين احد :)

اي والله تحبكم التجمع مغمي عليه خالص هههههه

قلنا الرابع بيجي ونتنشط بس ماكو نفس الحال

يالله ان شاء الله البقيه يدخلون لان اشوف اللي يدخلون كل يوم يتقلصون

الحين العشره والكل معذور بعدين ماعندكم شيء

هلا فراشتا وحبوبه وحسناء وبي بي سي سي مشكوره هلا توما وعليكم السلام

صاير كلامي مخربط ههههه

يالله شنو مستجداتكم منو راجعة عند الدكتوره

منو قدرة تكتشف نوع الجنين

ومنو فيكم بدا يتحرك البيبي مو بس رفرفه

وووووووومنو تشوف الكرش بانت وانكشف الحمل هههه انا بطني بان

اختي تقول صديقتي بالمدرسه احملت قبلك بشهر ومالها بطن

ولا كانها حامل قلت لها انا عاد من قبل عندي بنوته يعني بطن مال الولاده اللي قبل ماراح عدل

فاكيد بيبان اسرع بطن على بطن ويمكن هي صاير حملها بالجوانب ولا دخلت السادس وماطلع بطن كيف ؟؟؟؟هههههه

هلا تحبكم شخبارك

انا بعد زوجي طلع وانا مع بنتي وهذا هي تخرب طيب قصدك اللي زي التوقيع ولا شنو

ماشوف اسمك تحت طلعتي

ام فآآطمة;13975270:
هلا تحبكم شخبارك

انا بعد زوجي طلع وانا مع بنتي وهذا هي تخرب طيب قصدك اللي زي التوقيع ولا شنو

ماشوف اسمك تحت طلعتي

هذا الموقع الذي نعمل منه الشريط طبعا هناك العديد من المواقع لكني اخترت هذا
http://tickers.baby-gaga.com/.php


مدري انا احس بطني كبر وصار مشدود لان قبل مترهل من بعد الولاده

مسا الخير

انا امس رحت المستشفى وسويت التحاليل ١٢ تحليل
خذوا دمي كله
واستنى النتايج ان شاء الله تكون زينه

ودخلت على الدكتوره وقلت لها متى نعرف اذا البيبي سليم او حاجه لسمح الله ومتى نعرف جنسه

قالت المعلومات تصير اوضح في خامس واسادس يعني على الموعد الجاي ان شاء الله نعرف

وقريت في الكتاب اللي شريته ان الحركه ماتحس فيها الام الا في الاسبوع ١٥ وإذا بكريه يمكن ماتحس إلا في الاسبوع ١٦

والله يا أم فاطمه
ما في سؤال سألتيه عندي جواب له

إالا كرشه .... بانت خلااااص
بس هالفتره لان البطن موكبير يكمن بعض الملابس ماتخليها تبين

السلام عليكم

شخباركم يا حواامل وشخبار البيبيات !!

صار موضوع ثاني وانا لحين مااقدر ادخل دايماا

تحياتي للجميع وانشالله الايام الجايه نلتقي فيكم اكثر

العفو خيتو الموقع مايشتغل من عندهم

هلا روز ان شاء الله كل التحاليل اوكي

بس لازم يعملون لك تحاليل كثيره اول مره بعدين المرات الجايه مايعملون لك الا

علشان يعرفون دمك كويس ولا نزل واذا التهاب او كذي

اما بالنسبه للحركه يمكن الكتاب قصده الحركه الوضحه مو الرفرفه اللي تدل على ان الجنين فيه بوادر حركه

اما للبطن معاج حق بعض الملابس مايبان منها البطن بس لما تكون الملابس ضاغطه للبطن يبان

خلااااااااااااااااااااص خلونا نتفق ماحد يكشف على نوع الجنين الا بالخامس علشان كلنا مع بعض شرايكم :)

ادري في ناس ماراح يستوني مستعجلين ههههههه

عندي معلومه للي ماخف معهم اللوعه مثلي

امي تقول بس يتحرك البيبي عدل وتحسين بضربه تخف اللوعه

هلا ثبج ونار شخبارك وين هالغيبه

شفيج ماتقدرين تدخلين ؟

ام فاطمة شخبارج

انا للحين مارحت ولا موعد ولا سويت تحاليل ولا شي واكو الاوراق مجمعه عندي حق تحاليل كنت انتظر العشرة تخلص وافضى وانشالله نهاية هالاسبوع اقدر اروح

المشكله ماعندي سيارة وولدي الحين طلعته من الروضة وتوهقت فيه شيقعده من الصبح والتحاليل لازم من الصبح.. وكان عندي موعد نهايه 11 ولا رحت ولا حتى اتصلت اخذت لي غيره ..

الوحام خف وااجد بس الحين من الزكام اخر مرة لحين احس فيه بلغم في صدري والجميع بكرامة ماعرف له حلل الي عنده يفيدني!! لان المستشفى مايرضون يعطون اي شي للزكام وعارفين الحين الجو معتفس والزكام ببلاش :(

هلا والله ام فطوم مافيني شي بس اتعب ويا عبادي طول اليوم ودايما وجع رااس عندي وخبرج اشغال البيت وحاله ولين فضيت شوي اروح عند امي والحين صارت العشرة وصرت اروح ديرتنا ومااافي وقت ابدااااااااا بس انشالله الايام الجايه يعتدل الوضع وايصير وقت ادخل
الله يحفظ الجميع

هلا وغلا \\

لازم تروحين للتحاليل خلي ولدك عند احد اذا نايم مو لازم تاخذينه معاج

وبالنسبه للبلغم مادري والله انتي مارحتي كان جربتي يمكن يعطونك شيء

مع ان الحامل تنبلش اذا مرضت مايصلح لها اي علاج

الله يشفيك يارب ويهون عليك

وان شاء الله نشوفك دوم معنا

اي ادري لازم اروح عااد ماحب المستشفيات وقلت خله للشهر الخامس نفس اول حمل هههه

اما الزكام فرحت المستشفى داك الشهر لان تعبت واجد ورحت كذا مرة ونفس الشي ماعطوني شي غير قطور اطفال خخخ شيسوي مادري

وولدي مايصير مااقعده مافي احد يقعد وياه واذا بروح يعني لازم اوديه عند امي وبيقعد الصبح ومزاجه معفووس وبيمللني بس لازم يوم بستحمل وبروح انشالله

تحياتي

عليىج بالبان الماكل ودنيه فى الماى وشربى الماى ماله اواعلجيه وبلعى مايه البان يبعونه عند الى يبعون الاعشاب يسمونهم العطارين

او حليب ساخن مع عسل

او عصير ليمون على الريق

هذا بحثت لك ولقيت انه ينفع للحامل ان شاء الله ينفع معاك مع اني ماطيق اللبان لاعة جبدي منه مره جربته

وخلاص مابعيدها هههههههههه مر

وان شاء الله يوم وتتحملين المستشفيات كريهه بس شنسوي نتحمل

اييي زين ذكرتييني عجل ام فاطمة انا اللبان نفعني ويا اللوعة تصدقين كنت اكله بس كان بعضه يصير مرر وتمللت منه جان انقعه في ماي واشرب وفععلا يروح اللوعة بجربه من جديد انشالله مشكووورة

والحليب صايرة مااشربه ابداا هالمرة وضميري يأنبني بس قاعده احاول اني اشرب عشان ولدي بعد اكو صدره تعباانه كحه شديدة ولا يرضى يشرب شي صاخن

وعصير الليمووون عجيب ومنعش بقوم الحين اسوي لي صار خاطري فيه

بنتج صغنونة ام فطوووم شخبارج وياها مع الحمل؟؟ انا ولدي كبير شوي ويفهم ومو شيطوون واجد بس احس تعب يعني

الله يخليهم

مرحبا بالحلوات شخباركم؟؟
شخبار حملكم و النونوات؟

أنا بخير يا الغاليات و أسأل عنكم :025:

خواتي اللي مسويين سونار...

أنا أبي أسألكم عن وزن الجنين عندكم جم قالت لكم الدكتوره؟؟

أنا على حسب توقيعي الوزن الطبيعي للجنين في هالشهر هو
:097:1.5 oz يعني بالغرام 42.52 gram - g
يعني قولوا 50 غرام ...:082:

بس أنا دكتورتي يوم رحت لها قالت المشيميه شوي نازله عندج ديري بالج
و وزن الجنين قالت لي 92 غرام:woo::|
طالعت فيني و قالت في برود عادي بس زين ما وصل ل 100 غرام:confused::-o
خواتي والله صايره احاتي وزن الجنين ...
مو معقوله!!!!!!!!

خواتي أنا أكلي خفيف .. مو أكيله والله
لوعه و تعب و وزني نازل يدوب يزيد نص كيلو!!!
و بس أكل اللي يفيدني و عالخفييف...

حبيت أطمن ... أخاف غلطانه..أخاف السونار معطيها معلومه بالغلط..
أنا حتى كرشه ما بانت حيل...

خواتي جم وزن الجنين عندكم؟؟؟
خلونا نستفيد...
لازم نحافظ على وزن الجنين ...