التجمع الثاني : لحوامل مواليد ((6)) يونيووو باذن الله

انا اخباري تمام

والكرشة احس انها بانت << لانه فيني كرشة قبل

بس الحين وضحت انها كرش حمل

والبيبي احسه اتحرك يعني صرت احس بحركة واضحة

معناها ولد تحرك بالرابع لان البنت تتحرك بالخامس << بكيفها تحدد

يلا اللي يجي من الله حياه الله المهم الصحة والسلامة

روبي
مشكوووره على الادعيه الله يحفظ لك جنينك

ام لنوني
اشخبارك حبيبتي ان شاء الله بخير

قمر فاضل
ان شاء الله تسمعينا الاخبار الحلوه

اي صح الكرشه وضحت
فرق بيني وبينك يوم
انا لسه ماحسيت بحركته
وش حسيتي فيه برفه زي ماقلتي قبل ولا حاجه جديده

لا احس قبل بالثالث كانت رفة

بس الحين حركة خفيفة

بما انا الاغلب دخل الرابع

صرتوا تحسون بنبض البيبي مجرد وضع يدكم على بطنكم

انا احس بنبض بس ما ادري شكله نبضي

حبوبه زماني
اليوم حركه خفيفه بكره ان شاء الله يرفس

هههههه

هلا حبوبة زماني

هلا روز

شخباركم

اي صحيح الكرش بانت

حتى انا بانت واضحه انا احس بحركه زي الرفه مرات تحت السر ومرات فوق السر

لسه مابعد على الحركه عدل

وصحيح يقولون اذا بنت الحركه ماتبان الا بالخامس بنصه او بدايته

والولد يكون قبل بالرابع انا ببنتي في نص الخامس حسيت

بس مو مع الكل يعني احيانا تختلف مثلا اختي بولدها الاخير ماتحرك الا بالسادس توه يصحصح ههههه

وعندها بنت تحركت من نهاية الثالث ماشاء الله يعني يختلف يمكن على حسب الوحده

بروح اصلي

صراحه الحركه المؤلمه في الشهر الثامن توضح

انا بنتي صارت تكوع على قولة امي يعني احس بحركته تألمني

فجاه يلقوني اقول آآآآه يعور لا والتاسع يقولون ازيد بس عاد انا ماكملت ولدت بالثامن

اففففففف بنتي كبت عللى الاب توب عصير صايره الحبات لزجه تحتها ماتنضغط عدل

وانا بعد بروح اصلي

انا الحمدالله بخير

انتو كيفكم

ايه انا احس بالحركه من الرابع والحين كل شوي حركه

ام فاطمه
اي اتوقع كل وحده تختلف شوي وحسب نشاط البيبي

ام لنوني
ماشاء الله ان شاء الله تشوفينه يتحرك جدامك

هلا ام لنوني شخبارك ؟؟

هلا روز وبنت الروضه كيفكم ؟؟

الحين ماحد عرف الجنس الا ام لنوني

يالله منو بعدهااااااااااااااااااااااا

بالنسبه لي اتوقع بعرف بالسابع او نهاية السادس

لان هذي الدكتوره شاطره وقالت لي ببنتي بنت وطلع صحيح

ومابي اروح لغيرها وموعدي لما يكون لي 25 اسبوع يعني نهاية السادس

راح تخبرني ان شاء الله وبنتظر يمكن اكون اخر وحده فيكم تعرف

انا خايفه اتوهق واطلع مثل اختي ولدها جننها كل ماراحت يقولون صاك رجوله بس بالرابع قالو ولد

بس هي تبي تتاكد وكل ماتروح مسكر رجوله شكت انه بنت لان الولد يفتح رجوله والبنت اللي تسكرهم

بس طلع ولد خجول هههه

بــــــآآآآك

توني رادة من المستشفى وشفت القمر هههههههه :lol: طبعا بلا معالم بس تحسين بفرحة ما اجوف الا الدكتورة تأشر هذا راس وهذي رجول وهذي ايد وهذي اصابع اقول في قلبي شلون تعرف :hysterical:

المهم تمسكنت من اول مادخلت عليها اقول ليها تقدرين تقولين ليي الجنس اليوم وهي تقول مستحيل ع الرغم انها دكتورة شاطرة يعني توقعت بتقول ليي احبطتني صراحة

بس لما قالت البيبي اوكي وكل شي تمام فرحت :adore: وقالت لي وقفي الفولك است وعطتني فيتامينات وكالسيوم ومادري شنو

والحمدلله الحمدلله كل شي تمام ويوم جافني رجلي تضجرت شوي يعني اني ما بينت ليه بس هو حس اني تضايقت لما ما عرفت الجنس ما جفته الا يقول ليي لا تخافين عقب اسبوعين بوديش عيادة تسوين اتراساوند يمكن يبين :o كسرت خاطرة يمكن لأني كنت حدي متحمسة ان اليوم بعرف بنية لو صبي

او اول ما دخلت الباب اخواني الصغار ثلاثتهم مستلميني ها ويش ويش

واني اضحك اقول ليهم تعالو الحجرة اجتماع مغلق واحد يقول بنية واحد صبي واني مضحكيني اقول ليهم بنية :lol: واختي تقول يبين عليش شلاخة ويوم قلت ليهم ما قالت ليي ههههههه تضايقوو :lol:

هذا بختصار تقرير اليوم :rolleyes:

ليش كلكم حسيتون برفرفة البيبي واني ما احس بشي :(

هلا قمر فاضل الحمد لله تطمنتي وصبري

يمكن لما يصير لج 5 اشهر يكون احسن واوضح لا تروحين بعد اسبوعين خليه بالخامس

ادري انك متحمسه هم انا بس شوفيني بصبر للسادس مع ان عندي مركز قوة الامن عادي متى مابغيت اروح بدون موعد ولا شيء

بس انا ماروح فيه وراح اصبر على دكتورتي صحيح مواعيدها بعيده بس الكل يقول شاطره :)

اممممممم سويتي فيهم مقلب زيي مع زوجي ههههههههههه

يمكن تحسين بس لانج بكر ماتعرفين انه فيه رفرفه

لان انا ببنتي ماحسيت الا يوم صارت ترفس خخخخخخخخ لان ماعرف اقول افكر نبضات قلب

لان كانه نبضات قلب او رف كذي يكون فماكنت افكر منن الجنين بس هالمره بما انها الثانيه فطنت اكثر

هلا كروشات ...لا تستعجلون لان الصورة الان مو واضحة بالمرة ...انتظروا على السادس احسن علشان تكون واضحة
الله كريم ...اشوفكم على خير

يابنات اناحسابي طلع غلط يعني مايصلح اكون معاكم في هاذا التجمع

انا الحين في الاسبوع 21 قالتلي
احتما ل ولادتك 19\5

يعني ماني معكم

انا حاسبه لنفسي متاخر وحده حسبتلي كذا

هلا قمووورة فاضل
الحمد لله انك تطمنتي على النونو
حبيبتي حتى انا ماحسيت بالحركه ان شاء الله نحس فيه قريب

ام لنوني 
لا لاتتركينا تعودنا عليك
الحين بيصير ولا وحده منا عرفت جنس البيبي هههه
اهم شي تقومين بالسلامه