التجمع الثاني للحوامل اللي ولادتهم بتكون في شهر يوليو 2011

!! دلوعة زوجهآ !!;14026518:

أهليين حبوبه

بخير الحمدلله نسأل عنج

أنتي شخبارج شمسويه

أيه عليه فديته حده مؤدب

:biggrin:

الحمد لله عيني ..تسلمين..
زين انه مؤدب ..لان العيال الحليوين لازم يكونون مؤدبين..ههههه

هـمـس الـورد@;14027327:
مرحبااااا حبايبي .... اشحالكم ان شاء الله بخير ....

بعدين بنات انا مستغربه كيف ما تعرفون تحسبون انتو في اي شهر لما تروحون عند الدكتورة ما تسالونها كيف تحسبون ..
انا رحت عند كذا دكتورة وقالت لي نفس الطريقة
يعني انا اخر تاريخ للدورة 7\ 10 يعني كل تاريخ 7 من الشهر انا ادخل شهر يديد ...

بس عزيزتي ما يصير تحملين وانتي فيج الدورة
فاكيدعقب ما تخلصين يصير الحمل
وبعضهم ما يصير الا بعد كم يوم

هـمـس الـورد@;14027379:
اهلين حبيبتي .. اتشرفين في اي وقت ... نحن بخير وصحه وعافية ...

الحمد الله حبيبتي ..ذا من ذوقج ..

بحثت في النت وحصلت هالجدول

سلام الكون;14027829:
بس عزيزتي ما يصير تحملين وانتي فيج الدورة
فاكيدعقب ما تخلصين يصير الحمل
وبعضهم ما يصير الا بعد كم يوم

بس كل الدكاترة جي يحسبون من اول يوم الدورة يحسبون حتى فالمواقع اذا تبين تعرفين موعد الولادة يطلب منج اخر موعد للدورة ...
حتى انا مستغربه بس نحن مافي ايدنا شي ...
ترى هذا ثالث حمل لي وكل مرة احسب بهالطريقة ويضبط بس بعد كله بايد رب العالمين
الله هو يعرف متى صار الحمل ومتى بنربي ... بس جربي هالطريقة ..

نجمة الماس;14027916:
بحثت في النت وحصلت هالجدول

حتى لو حسبت على طريقة الجدول بكون تاريخ 7 كملت 13 اسبوع .. يعني بدخل فالشهر الرابع

همس الورد: المواقع تحسب موعد الدورة + 14 والجواب يحسبون عليه
ما ادري اذا فهمتن ليي او لا


اني حسبت على الجدول يطلع ليي كل شهر ادخله يا متقدم على موعد الدورة او متاخر
بس انتين اذا حسبتش تضبط لش لا تخربطين روحش خلش عليها

نجمة الماس;14028081:
همس الورد: المواقع تحسب موعد الدورة + 14 والجواب يحسبون عليه
ما ادري اذا فهمتن ليي او لا


اني حسبت على الجدول يطلع ليي كل شهر ادخله يا متقدم على موعد الدورة او متاخر
بس انتين اذا حسبتش تضبط لش لا تخربطين روحش خلش عليها

هيه انا فاهمة عليج حبيبتي ... بس انا بعد مستغربة ليش من بداية الدورة ... احس ما يدخل المخ ..
المهم خلينا على اللي هم قالولي عنه لاني بمشي عليه .. والله يسهل .

المهم انتو كيف النفاس عندكم .. ابغي اعرف .. تعرفين من دولة لدولة تختلف ..

صباح الخير


ادعوولي مايكون في البيبي شي // ادعولي الله يعطيكم بالمثل يارب

السلام عليكم حلمت حلم واتصلت عبرنامج مارضى يفسرلي وقال اتركي رقمجج وانا خائفه مووت اليووووووووم بيفسرلي

حلمانة اني راكبة سيارة مع زميلاتي بالدوام والطريج متعرج ومرتفع الجوانب وكانه اصطدمنا بشي وانا حسيت بالصدمه بس صديقاتي انكروو انه صدمنا شي وبعدين اجوف اخوي المعاق ذهنيا يركض وراي قلتلهم وقفوو وقفووو مابخلي اخووي بنزل معاه نزلت وشليت معاي غرشه فيمتو من السيارة وكوب

وغير هذا وايد احلم لو اقولج احلامي مابخلص ،، اليوم حالمة بعد حلم الله كريم

ادعيلي وخل امج تدعيلي حتى امي ماتعرف بحمالي

انا ماعندي اولاد وماريد افقد هذا

اهلا لحن تناهيد
لا اتحطين بالج الى الاحلام ترى الحامل احلامها ازيد في الحمل وساعات تحلمين بكوابيس هذا كل من المحاتاة ان شاء الله ايتمم عليج على خير وكل يوم طلعي صدقة لسلامتج وسلامة الجنين وبترحاحين وايد وانصحج لا اتفسرين حلمج ولا شي خليها كل على الله

فاطمة يا هلا بيج
بالنسبة للقائمة حاولي تدورينها وتضيفين اسمش لان ما في وحدة مسئولة عنها

لحن: لا تخافين ولا تحاتين كلها احلام اضغاث وان شاء الله ما في الا الخير وخاصة ان الحامل تكثر عندها الاحلام ولو ما تفسرين يكون احسن وتبنينه انتين على خير

همس الورد: سالتين عن النفاس
احنا في البحرين الوالدة تنفس عند امها اربعين يوم وفي ناس الام تروح بيت بنتها اذا كانت ساكنة لحالها