تجمع حوامل وامهات قطر لشهر محرم لعام 1432 ه ؛ ديسمبر 2010 م

فراشة :
لاحول ولاقوة الا بالله
الله يمسح على قلب اختج و يعوضها خير .. أمس قريت الخبر و عورني قلبي ..
بس البنت شكان فيها ؟



موزان :
للحين تعقمينهم ؟
انا من عمر سنة و نص تقريبا او اقل بشهر ما قمت اعقم المراضيع
مايحتاي تودين الجهاز عبالة



الناعمة :
اول مرة طلعت بولدي عمره كان 4 شهور على ما اذكر و مشوار طويل كنت رايحة السيتي ..

مساء الخير

فراشة حبيبتي الله يمسح على قلب أختك ويعوضها خير إن شاءالله

متابعة بصمت ... أحبكم في الله :)

((صصصصض))

عليا بنتي تسلم عليكم
مانطرتني اخلص قرايه هههههههه
تمت تطقطق عالكيبورد لين ماردت برووحهاا

وحشتووووني

فجوورة

والله انتو وحشتوني اكثر

والله من ساعتين قاعده اقرا الحين باقيلي 20 صفحه خخخخ
ماشاء الله حلوة سوالفكم

موزان ووهوجه ودموع الورد

الف الف مبرووك الحمل
والله يثبته لكم وينقله لتمامه

اسمحولي عالتاخير

فراشة

الله يعوض اختج خير ان شاء الله
والله يجعلها شفيع لها يوم القيامة ان شاء الله
:(

فجوورة

انا بنتي سننت ماشاء الله من سبع شهور
وللحين مامشت
وايد احاتي هالشي
فكرت اسوي لها تحليل فيتامين دال وكالسيوم
بس خواتي قالو لي لا بنتج خوافه ودلوعه
تعرف تخطي وتركب عالكرسي وتنزل
بس ماتبي تمشي

ووايد اتضايق لين تمو يقارنون بين بنتي واليهال الي في عمرها
ليش مامشت وبنتج عيوز ودلوعه
بس مب بيدي مب عارفه شاسوي وياها
:(


بررب

بس بس :
لاتحاتين بتمشي بس انتي بعد سوي لها التحليل مب خسارة

بسوووومه
لوووووووووووووول
انا اموووت ولا يقارنون بنتي بحد من اليهال وبالذات اذا الياهل اصغر منها
ماحب واتنرفز
وبعدني اتنرفز من هالشي شوفي بنت فلانه والا شوفي فلانه @@ اوووه
بنوتي خطت تقريبا عالسنه وسنه وشهر جذي
شوفيها دامها تصعد الدري وتنزل وتتحرك لا تحاتينها
انتي حاولي تساعدينها وتشيلين الخوف من قلبها اذا هي خوافه
مسكي يدينها وامشي معاها في الصاله والحوش اذا الصاله تضايق من ناحية طاولات واثاث و و و
مشيها شوي شوي
عقب طلعيها فالحوش وتمشي معاها وانتي ماسكه يد وحده بس ..
شوفيها ان شالله بتعتمد على نفسها خليها تشوف الحوش وتلعب كوره او سيكل عشان تلحلح عمرها يمكن لما تشوفكم تلعبون وتروحون وتجون بتحب انها تتحرك معاكم وين ماكنتوا ..
تضحك لولا فديتها خخخخخ






دحدوحه
نحووووولي ربي يحفظه ذكرني بالشوش
هالعمر يضحكون واااايد
ولا في المجمعات نخليها تمشي على هواها واطالع اللي تبيه وتلعب وننطرها
بس ما ابعد عنها
فديت روحها حبيبتي






مزمز
مايحتاج خلاص





ونسيت بعد اذا في ردود ثانيه
شخباركم

برب عسولات

شخباركم ماميز وكروشات

اليوم خذت نتيجه تحليل الدم والحمد لله طبيعيه ؛ مادري ليش أحس بهالتعب يمكن عشان ما أشرب ماي وايد.

وهوجه

زين سمعتي نبض البيبي الله يثبته لج اللهم آمين.

السلام عليكم


مبروك للي حملووو ،، الله يثبت لكم الحمل ويرزقكم الولاده السهله ،،


فرآآشه

الله يمسح على قلب اختج ان شاء الله ويعوووضها يـآآآرب ، الله يجلعه شفيييع لها يوم القيـآمه ،،



وحشتوني وآيد خـآطري اسووولف وياكم ، صج البيبي يآخذ وقتج كله ، لين تنظمين وقتج وياه يبيله فتتتتتتتتتره ..

عندي سؤااال ،،

في حد استعمل حبوب الرضاعه ..؟؟ بليز اللي يعرف عنها اي شي يعطيني معلوومااات ..

باااك

دح دح

ان شاء الله باسويلها التحليل
وسلامته نحولي .. توهم قايلين لي مساعه
مايشووف شر حبيبي :(

لولوة ام الشوش

ايييي اسكتي .. اتنرفز ويرتفع ضغطي
بس ارد اطنش وخصة حريم كبار ماقدر ارد عليهم
وامي فديتها مرات اتنغشر فيني
لان ولد اختي اصغر من لولا بشهرين
مشى قبل لايكمل السنة
واشتغلت الحنة ولدنا مشت وبنتج عيوز خخخخخ
هي الحين تمشي اذا مسكتها بيد وحده
واول ماهدها تبرك عالارض ههههه
شكلي باوديها حديقه ولا مكان وبمشيها بيد وحده
ومساعه بنت خالة ريلي تقول انه ريلي بعد مشى بعد السنة بفترة
بحاول اشيل السالفه من بالي <<ماظن خخخخخخ

فجووور

خخخخخخخخخخخ اي عرفتها شوشو
تدرين انا فكرت لان كله يشلون بنتي ماتقعد
من يد ليد ماشاء الله
يمكن تدلعت وتبي كله تنشال او تحبي بس
والله يعينا على العيايز


قمووور

نصيحة اخت
لاتفكرين في المانع الحين
لان اولريدي هرموناتج ماانتظمت بعد الولاده
حاولي تسوين مانع طبيعي وعقب الشهرين
سوي تحليل هرمونات وبعدها فكري في حبوب منع الحمل
ودامج ماتشتغلين ولا عندج دراسه
خليها على الله وبالعكس حلوين اليهال ورا بعض
تعبهم واحد وعقب بترتاحين

هذي رايي ووجهة نظري .. انتي فكري فيها وقرري


تشووفون اسيل وخالد
يبطون الجبد اشكره تمثيل سيناريو وحوار خخخخخخ

فراشه
عضم الله اجركم ,, والله يصبر اختج انشاْ الله ويعوضها خيير

مزمز
مايحتاي اتودين الجهاز عباله غسليهم بماي حار وكان الله غفور رحيما ههههه
وعلي الطاري انتي اي نوع عندج ابي اشتري حق احمدان

بسووم
عادي عادي اصلا اذا مامشت لين الحين ولد خالي عمره 8 شهور ولحين ماحبي
انتي بس قعدي لها قعده عدله وانشاء الله بتمشي بروحها

ماميييز
ابي اشتري جهاز التعقيم وماعرف شنو احسن نووع شنو النوع اللي تنصحوني فيييه

تفاحه

تسلمين حبوبة
وبرنامج اسيل يحطونه كل سبت الساعه 11


امونتي

هلا هلا ام احمداني
انا عندي جهاز ماركة مذركير
والماميز يمدحون جهاز افنت
وكلهم يؤدون نفس الوظيفه

اييي بعد نسيت ابي جهاز الصوت شنو احسن شي

بسوومه
ههههه شلوون الجهاز اوكي
وشلوون يعني يكفي حق كم مرضاعه

انا الي عندي حق 6 مراضيع
وهو اصلا طابقين
وفوق يصير تحطين المغاطي والمصاصات

وهاي صورة الجهاز