تجمع حوامل وامهات قطر لشهر محرم لعام 1432 ه ؛ ديسمبر 2010 م

صبحكم الرحمن بطاعته ومغفرته






فجوره
لا تفطمينها
روحي العمره وتوكلي على ربج وادعي انج من ترجعين ترجع ترضع من صدرج حتى لو بس رضعة الليل
لا تفطمينها حرام كملي لها دامها تبي ومب عايفه الصدر حتى لو انه شي قليل
ولاتنسين ..وفطامه في عامين ..

حذرت وزارة الصحة من خطورة «العلاج بمساج الأسماك» الذي تمارسه بعض المحال في الدولة، مطالبة الدوائر الاقتصادية والجهات المعنية بحظر هذا النشاط.
وقال وكيل الوزارة المساعد لشؤون الممارسات الطبية والتراخيص في الوزارة الدكتور أمين الأميري، إن «استخدام الأسماك في العلاج والمساجات قد يشكل خطراً على الصحة العامة»، لافتاً إلى أن «الوزارة خاطبت وزارة البيئة والبلديات والدوائر الاقتصادية المعنية بترخيص هذه المحال، لحظر هذا النشاط الخطر».
وأضاف لـ«الإمارات اليوم» ان «التعرض لهذه الأسماك قد يكون سبباً في نقل أمراض معدية خطرة مثل الإيدز والالتهاب الكبدي الوبائي، وأمراض فيروسية عدة»، موضحاً أن هذه الأسماك تستخدم لأكل الجلد الميت وجزء من لحم القدم بعد وضع الأقدام في حوض ماء، ما قد يتسبب في حدوث نزف للدم غير مرئي في حوض السمك»، مضيفاً اذا كان هذا الدم حاملاً فيروس مرض معدٍ «فإنه قد ينتقل إلى شخص آخر».
وأكد أن «وزارة الصحة تأكدت من وجود هذا النشاط في بعض محال التدليك في الدولة، وتلقت بلاغات من مترددين على هذه المحال تفيد ممارستهم تدليك السمك»، مشيراً إلى ان «دولاً متقدمة حظرت هذا النشاط لخطورته».
ولفت الأميري إلى أن هناك تحذيرات عدة من المخاطر التي تشكلها مثل هذه الممارسات على الصحة، صدرت عن دول أوروبية عدة، مشيراً الى انه «لا يوجد دليل علمي يثبت صحة الادعاءات العلاجية أو التجميلية لمثل هذه العلاجات باستخدام الأسماك».
وقالت الوزارة في بيان أصدرته أمس، انه «في الفترة الأخيرة انتشرت ظاهرة ما يعرف باسم (باديكير الأسماك) الذي يتم خلاله تنظيف ومعالجة الجلد الجاف بالقدمين من خلال وضعهما في أحواض سمك صغير يقوم بهذه المهمة»، وأوضح الأميري ان «هذا النشاط لا يتم الترخيص له من قبل وزارة الصحة في الدولة، وانما يرخص له من الدوائر الاقتصادية».
وتمارس محال التدليك في دول آسيوية عدة نشاط العلاج بمساج السمك، مؤكدة أنه ينظف الجلد، ويقضي على الخلايا الميتة في القدم، وتروج لهذا النشاط عبر مواقع عدة عبر الانترنت

منقول من الايميل ..
بصراحه من البدايه تخوفت من هالنوع من المناكيير وفكرت نفس التفكيير انه لو انجرحت والدم طلع اشدراني انه مافي غيري انجرحوا وكان عندهم امراض تنتقل عن طريق الدم والجروح الملوثه ..والرجل في الماي ما يبين الدم

برب ياحلوات

صباح الخير

امس كانت خطوبة بنت عمي فديتها خذها ولد عمي ربي يتمم لهم على خير يارب

وهج
لا يكون انتي معزومة على خطوبتنا وانا ماادري

فجر
انا يوم رحت ووديت اليهال معاي مع انهم ما كانوا صغار بس الفجر ما كنت اروح الحرم لانهم رقوود بس أبونا اللي يروح
والحمدلله كان سهالات بس جوجو يوم كانت اقل من سنتين ماوديتها معاي بس جننت اختي هني
انتي استخيري وشوفي حق شنو ترتاحين

لولوة الدوحة
وشحتيني كتيييير كتييييير


باقي الصبايا كيفكن؟

النوري :
الله يسامحج صيحتيني
تذكرت وحدة من اهل ريلي امها توها متوفية عورت قلبي لما شفتها في العزى نفس ماطريتي علي
لما درينا عن الوالدة و عيال خالتي الله يرحمها :(
الله يرحمهم و يغفر لهم ويجعلهم للجنان و يلهمكم الصبر
ادري مايحتاي اوصيج بس اوصليها بالدعاااء



فجر :
لاتفطمينها دامها ماشاءالله تبي الرضاعة و خليها عند امج
وروووحي مع ريلج هذي العمرة يابنتي ماتتطوف
الله يكتبها لنا  

صباح الخير

لولوه الدوحه

مرتين كنت ابي اسوي التحليل ,, اطلع فيها حامل
فماله داعي التحليل

لانه الفتره اللي كنت اسقط فيها كنت انضغط في الشغل
امس سلمت رفيجتي شغلي ... حاقده علي خخخخخخخخخخخخخخ
اقولها البنات على اتفه الاسباب يغيبون ومايفتكرون في الشغل ليش انا متعبه نفسي ... هالفترة ضغط وايد علي واكثر الامور الحاسمه عندي .. فما احب اخذ اجازة
أمس حاولت ارتب اموري ... ونفس كل مره لما اكون في اجازة اشتغل من البيت خخخخخخخخخخخخخخ


فجر
من رايي تخلين بنتج عند امج ... بنتي كان عمرها سنه و3 شهور ورحت العمرة
وعادي لما رجعت كانت ترضع ... انتي رايحه عباده ماراح تقدرين تصلين بخشوع


ماميز اللوعه زادت علي هالفترة والترجيع ...

ام الغاليين

خطوبه بنت خاله ريلي وكانت في البيت
والخطوبه الثانيه في ماريوت كانت

وانتي ؟؟

ماماز وباباز

مسويين خصومات حلوه .. اعرف وحده ماخذه سرير البيبي اللي تقدرين تفتحين ويكبر بـ 1500

اللي تبي خلها تروح تشتري لها

وهج العين

الدكاترة يقولون إذا فيج لوعه معناته حملج قوي. الله يثبته لج.

وهوج
بعد احنا خطوبتنا كانت ف البيت
ف وين بيتهم؟

وهج :
في بالي ابي اروح ماماز اند باباز باخذ حق بنت خالتي هدية .. زين قلتي لنا
و الله يعينج ع النسااة ..



أم الغالين :
دريتي عن ASK ولدت و جاابت بنوتة الله يحفظها
الفااال لج نفرح بولادتج الله يهون عليج
والله يبارك لعيال عمامج و يتمم لهم على خير

وهج :
خووش تاخذين اجازة من الشغل و تشتغلين في البيت !!!!!
اقول ااخذي اجازة من الاثنين خخخخ الله يعطيج العااافية بس انتبهي على نفسج



فجور :
ومن سمعك يختي :(
آخر مرة رحت من 12 سنة !! و وايد قلبي متعلق و في خااطري اروح ..
لاتنسينا من دعواتج

دح دوح
صج والله
لا والله مادريت ما قالت اختي
ياحليلها متى بتروحين لها؟
باشوف اختي يومها عن سنة 
والله يبارك ف حياتج حبيبتي
والفال لحبايبج

ام الحلوين :
ربت من كم يوم وهي الحين في بيت اهلها
رحت لها يوم في المستشفى و أمس كنا عندهم .. :)
عموما يوم الخميس نتجمع عندهم



فجر :
حطيت الصواني في ماميزون
لقيت عنده ميني تشيز كيك و تيراميسو ( مجربتهم من قبل ) و بيستاشيو و ميني كب كيك بالتشيز كيك و الشوكولاته و موالح و ميني ساندويتشز ..
بس كنسلت الاوردر في نفس اليوم الصبح لأن زوجة خال ريلي توفت الله يرحمها وماصار عرس بمعنى عرس

دح دح
الحين اكلم اختي اقول لها دريتي أتقول لي اي من كم يوم
ياختي أشرار هالخوات مايقولون
وانا واعليه علي احسبها ما تدري باقول لها يابلفيت

هاوشيها عندج ايااااها هههههه الله يخليكم لبعض
والله انا بعد لهيت و ما علمتج ..