تجمع حوامل وامهات قطر لشهر محرم لعام 1432 ه ؛ ديسمبر 2010 م

عذب الخيال;14029357:
السلام عليكم يا بنات

اولا حمدالله على سلامة كل وحده ربت والف مبرووووووك

ثانيا الف مبروووك لكل وحده حملت والله يتمم حملها على خير

ثالثا لقد اجهضت للمره الثانيه وحاسه الدنيا مسوده الله يصبرني ويصبر كل وحده فقدت ضناها والحمدلله



اللهم اجرني في مصيبتي واخلفني خير منها

نور الدنيـا;14022988:
صباح الخير جميعاً .. شخباركم .. مبروك اختي وهج والله ايثبته لج ان شاء الله .. ام الشيوخ شخبارج ؟؟ اذا بتقطين الحبوب ركبي لولب لاتخلين نفسج جذيه هدد خخخخخ .. وبخصوص موضوع الخدامه انا كنت اخلي ولدي مع الخدامه بس في بيت امي واروح الشغل مااخليهم بروحهم اخاف قلبي مايطاوعني وانا اعرف انه ماشاء الله ولدي وايد حركي وشيطان وكنت اخاف وايد انها تلسعه او تضربه والحين الحمد الله دام اني عايشه في بيت اهل ريلي فصرت اخليهم عند اهلهم البنت عند عمتها وولدي مع اخوانه ويدتهم في البيت .. وانا اكون مرتاحه ..

هتان قطر;14023111:

قطرية .. هذا هو أنتني قلتيها .. اشلون تعرفين انها زينة .. مادري أنا أشوف انج لازم تراقبينها في البداية عشان تعرفين هي تصلح تمسك عيالج ولا لا عشان اتطمنين وحتى لو شفتيها تسوي شي غلط عالاقل تكونين عارفة وواعية للي تسويه حتى لو قلبج بيعورج لو اكتشفتي شي .. أنا بالنسبة لي أحسن بألف مرة من اني أخلي عيالي عندها وما أراقبها وتكون هي مآخذة راحتها تضرب عيالي ولا تعذبهم بأي طريقة ,,

فديتج أنا شفت خدامات أهل زوجي بعيني بدون ما يشوفوني لأن صالتي زجاج عاكس واشوفهم طايحين ضرب في اليهال في غياب أمهاتهم وأخس حركة عورت قلبي يوم شفتهم يضربون اليهال على حلوجهم بقوة لين صاحوا .. المراقبة ضروووورية هذي وجهة نظري أحسن من اني أتم على عماي بس عشان مايعورني قلبي لو اكتشفت ؟ أكتشف أحسن ولا أتم غافلة عن تصرفاتهم ؟ أنا ضد هالنقطة وكل وحدة سبحان الله لها نظرة ورأي ..

camellia;14023589:
قطريه
الخدامه صحيح لها سلبيات بس شي مهم وخصوصا في هالعمر
ام ريلج ما تقصر بس مثل ما تقولين ما تقدر عليه اكيد محتاجه حد يساعدها
لاتوسوسين دام ان ام ريلج موجوده ما بتقدر تسوي شي واصلا ليش تسوي له شي
اذا انتي من النوع اللي تمسكين ولدج وبيكون تحت نظر ام ريلج وانتي ما راح تضغطين عليها
الضرب ما يجي من الدامه الا ااذا كانت مضغوطه او ان الياهل طول الوقت عندها تظطر تضربه
ما اقولج في خدامات مرضى نفسيين بس الله يبعدنا عنهم
حاولي تراقبينها بدون كيمرات مثلا دخلي عليها فجاه
قوليلها انا رايحه الشغل امسكي الياهل وارجعي عقب 10 دقايق طلي عليها
عطيها ولدج تلعبه في الحوش وطلي عليها من الشباك لاتهملين ولدج وبنفس الوقت جيبي وحده تساعدج

((بدر البدور));14023669:

قطريه ما تهاب

انا حاليا ما اشتغل واذا وصلت خدامتي ان شاء الله بس بخليها عنده ساعتين او 3 في النهار
اخذ لي غفوه لان يسنرني فاليل ،،
تساعدني عليه لما نطلع مكان ،، تلعبه لان ما شاء الله عليه كل جابلوني :)
وهذا كله تحت عيني ،، واذا ارتحت لها بقدم على شغل ان شاء الله ،،


:)