تجمع حوامل وامهات قطر لشهر محرم لعام 1432 ه ؛ ديسمبر 2010 م

النوري ،،

أما السجين ما لها حل ،، ريلي مرره جييه ،، انا العكس ،، انا شجااعة و ريلي وسواسي ،، أسمع أصوات و لا أفتكر ،، بس هو مره سمع صوت ،، و طلع السجينة من الدرج و خلاني أنخش و را الكبت و عطاني الجوال ،، و قالي اذا صار شي اتصلي 999 ،، صرااحة الموقف يضحك ،، بس انا سكت ،، و انخشيت و مستعدة حق الأكشن ،، بس للأسف طلع صوت عاادي كالعاادة ،،

مووز مووز ،،
مبرووووووووك ،، فدييتج ،، شقيت الحلج يوم شفت التوقييع ،، ان شاء الله تجيبين بنت و تسمينها علي ،، !! و الله يرزق كل من يتمنى ياارب،، و المسابيح ،،
حلوووه ،، من وين ؟؟ و ابي الكتالوج ،، و شلون أسعارهم ؟؟

صباحكم كادي

بسومة .. ما تشوفين شر فديتج .. أنا صادتني كحة اذبحتني قمت الله يعزج أرجع من قوتها وصدري كان يعورني كحة قوية وايد ورفيجتي فديتها عطتني وصفة سحرية ما توقعت بتخفف الكحة وبتوديها .. الوصفة هي حليب مطبوخ مع بمبر وعسل ..عجيب ومفعوله سريع ..
والتاتو اذا بغيتيه مثل ما قالت دوحانية بتلقينه عند فلبينية في سوق الحريم هي الوحيدة لقيت عندها اسم محلها مستلزماتي غير

بدر البدور .. أنا توني من أسبوع أوصلت خدامتي الجديدة فلبينية خذت لها أسبوعين بالضبط من طلبتها لين أوصلت وخليتها عندهم في المكتب سووا لها الفحص الطبي كامل والبصمة واطلعت النتيجة عقب 3 أيام وخذتها البيت على طول ..

بالنسبة للبسكوت لا تعطين رشودي فديته .. يوم رحت التطعيم قالت لي الدكتورة في ال4 شهور عطيه بس ميلوبا الأرز تخلطينه مع حليبه .. أنا أحطه في المرضاعة اللي تجيج معاها قفشة صغيرة وجربت معاه أمس قعد يصيح لأنه جوعان وماعرف يآكل بالقفشة .. غيرت المرضاعة وحطيت له مصاصة فتحتها شوي كبيرة والحمد لله ..الدكتورة قالت لي القمح وكل منتجاته مثل البسكوت تسبب مغص للطفل فلا تعطينه قبل ال6 شهور لأنه ثقيل على معدته مثل ماقالت لج كامي ..وممكن انه يسبب له حساسية في ال4 شهور .. اكتفي بميلوبا العيش حاليا يكون أفضل ..

روكر .. عقب الولادة عادي أنا صادني هوس التشري والتسوق بس ماعندي وقت وايد واذا بغيت أطلع كله ركيض في المجمعات وقلبي كله عند ولدي فديته .. لي ألحين بعد ماشبعت تسوق وكل مالقيت فرصة أروح أتسوق .. عادي لأنه وقت الحمل تحسين نفسج تعبانة ومالج بارض حق شي فعادي نطلع حرتنا عقب الولادة ..وأنا من النوع اللي أحب أغير كل شي .. ما أحب أستخدم أشياء أستخدمتها من قبل بسرعة أتملل ..

بنت النور وأنا سعودية .. الحمد لله على سلامتكم وألف مبروك ماجبتوا ..

فراشة قطر .. تستاهلون سلامة أختج وألف مبروك ما جابت

كامي .. جدول التغذية فضيع عجبني وايد وخزنته عندي .. يعطيج ألف عافية فديتج

موزان .. حبيبتي ألف ألف مبروووووك وربي يتمم لج على خير ان شاء الله

لولوة قطرية .. ما تشوف شر سارونة .. وان شاء الله مافيها إلا العافية لا تحاتين توكلي على الله ..

أم شيوخ .. الأب اللي من هالنوعية ما يستحق الأبوة .. يعني هاملهم واذا أغلطوا يعاقبهم يويله من عقاب رب العالمين هذيلة أمانة عنده وهو مسؤول عنهم .. في ناس وايد ما يراعون رب العالمين في تربية عيالهم ومستسهلين كل شي .. الطفل ما ينحرف إلا إذا الظروف اللي حوله ما تكون مستقرة .. ويكون الأب منفصل عن الأم .. وهالعمر يكون بداية المراهقة أصعب مرحلة الطفل يبي من يحتويه ويفهمه ويخاويه مب يصير مسؤول عنه وقت الغلط بس طيب وينك عنه طول الأيام ماشفت أحتياجاته ماتفهمت نفسيته ماخذت اللي بخاطره الله يعين هاليهال والله عورني قلبي على الولد .. مجرم يستاهل يرفعون عليه قضية منقهرة حدي ..

أمس طعمت ولدي تطعيم ال4 شهور .. تم يصييييح طول اليوم من ألم الابرة .. عورني قلبي عليه ماعرفت شسوي له

يكسرون الخاطر اليهال :(