تجمع حوامل وامهات قطر لشهر محرم لعام 1432 ه ؛ ديسمبر 2010 م

دوحانية

واااي فديت الي ينادي بنتي

ماسمعته من الصياح الي عندي
مأساه كل يوم عشان ترقد خخخخ
الله يحفظهم

النوري

تحملي بس مايكون فالحليب زنجبيل وايد
ودامها مزكمه
خل تسوي لها شاي بالليمون
ولا قلاص ماي حار وفيه عصير ليمونه وقفشة عسل
وايد زين

تفاحة

مشكورة عالدعوة حبيبتي..


دح دح

هو لان شافني طعمته.. بس الاسباغيتي احسن له مثل ما قلتي..


بس بس

اللي حنتج هندية؟
شلون قدرت تكتب بالعربي؟ عشان جي ما وديت الصورة معاي.. مع ان عاجبتني الفكرة..

تسلمين ام لولا

هي في السابع

احنا شاربين مساع شاي باليمون

ومشكورة

موزان

لا الي حنتني ام شوق
اتوقع هي ايرانية بس من مواليد قطر
طرشتلها الصورة على جوالها قبل لاتجيني بكم يوم
وكتبت لها الابيات في ورقة
وهي تفننت في الحنه :)

بنات اذا ولد حماج ضرب ولدج ضربة قوية عالراس شسوون؟
انا اسكت وماقول شي بس اخذ حمود واهديه..
المشكلة هالولد كذا مرة يضرب حمود على راسه.. مني والطريج.. ساعات يلعب معاه وساعات يضربه او يدزه..
امه تقولي هاوشيه.. بس انا اسكت وماحط في بالي شي لانه ياهل.. بس حمود يكسر خاطري..

اهاااااا عشان جي..
لان هني الحنايات هنود شيعرفهم بالعربي..
ام شوق اذكر حنتني حق عرس اخوي..

MoZ(a)N;14128489:
بنات اذا ولد حماج ضرب ولدج ضربة قوية عالراس شسوون؟
انا اسكت وماقول شي بس اخذ حمود واهديه..
المشكلة هالولد كذا مرة يضرب حمود على راسه.. مني والطريج.. ساعات يلعب معاه وساعات يضربه او يدزه..
امه تقولي هاوشيه.. بس انا اسكت وماحط في بالي شي لانه ياهل.. بس حمود يكسر خاطري..

ياختج لو ياهل كلمية

قولي له حبيبي خطا يطقون حمود هني بعدين يصير في دودو

وبعدين حمودي مايزعل عليك ومايلعب معاك

وبعدين قولي له اذ صرت شطور وبطل وماتطق حموودي واليهال الثانين بجيب لك هدية حلوة

عشان انت تسمع الكلام وصرت ماتضرب وصرت بطل:adore:

في شي باط جبدي..
انا اسكن داخل بيت اهل ريلي فوق باب الغرفة عند الدري.. عندي صالة وغرفة وحمام..
الشي اللي باط جبدي ان باب الصالة زجاج بس الزجاج المغيم.. ما يبين شي بس اذا حد يطالع من برا يبين اذا حد يتحرك.. واذا مسكر الليت والا مفتوح..
الحين توه ياتني فكره.. بما ان بكرة بنروح ان شاء الله المطعم.. احتمال كبير نتأخر لين ال11 وشي نوصل البيت.. اول ما بنيي بغسل حمود وارقده.. فبياخذ وقت.. وما بيكون في مجال ارتب شي.. بس فكرت ان لما ريلي يدخل الغرفة ويرقد حمود.. ارتب الصالة احط ليتات عندي نفس مال الكريسمس واحط طاولة وفوقها الكيكة وقلاصين عصير.. الحين كلشي حلو.. بس الاحراج ان ابي احط الليتات واسكر ليت الصالة.. بس اذا مر حد من برا بيبن في نور احمر فشلة..
ابي اعرف ريلي ليش اختار باب زجااج مافي خصوصية..!!

MoZ(a)N;14128563:
في شي باط جبدي..
انا اسكن داخل بيت اهل ريلي فوق باب الغرفة عند الدري.. عندي صالة وغرفة وحمام..
الشي اللي باط جبدي ان باب الصالة زجاج بس الزجاج المغيم.. ما يبين شي بس اذا حد يطالع من برا يبين اذا حد يتحرك.. واذا مسكر الليت والا مفتوح..
الحين توه ياتني فكره.. بما ان بكرة بنروح ان شاء الله المطعم.. احتمال كبير نتأخر لين ال11 وشي نوصل البيت.. اول ما بنيي بغسل حمود وارقده.. فبياخذ وقت.. وما بيكون في مجال ارتب شي.. بس فكرت ان لما ريلي يدخل الغرفة ويرقد حمود.. ارتب الصالة احط ليتات عندي نفس مال الكريسمس واحط طاولة وفوقها الكيكة وقلاصين عصير.. الحين كلشي حلو.. بس الاحراج ان ابي احط الليتات واسكر ليت الصالة.. بس اذا مر حد من برا بيبن في نور احمر فشلة..
ابي اعرف ريلي ليش اختار باب زجااج مافي خصوصية..!!

عادي موازن يمكن اعجية شكل الباب واختارة

انزين ليش ماتسوين حركة

تحطين ع الباب مثل ستارة

وازيدي درجة التعتيم

انزج تشترين محفي وتركبينة وبروحج

النوري حلو كلامج..
بجرب معاه اذا مرة ثانية طقه..


تفاحة

*اخذو من مذركير والا بيبي شوب والا الراشدي.. طاولة السبوح.. انا اول الاشهر كنت اسبح حمود فيها اريح..
عقب فترة لين كبر البيبي شيلو الحوض ونزلوه تحت بدون الستاند وسبحوه..

*المناديل تحتاجونها في الطلعات بدال يمكن ما بتقدرون تغسلونه فتمسحون واتبدلون له لين ما تردون البيت..
انا كنت استخدمهم لما يسوي كاكا اول شي امسح بالمناديل عقب اييب ماي دافي في مله و قطن وامسح.. عقب انشف المكان..
في بعض الناس يمسحون جسم الياهل بالمناديل..

* عندج فازلين .. وفي كريمات ثانية ممكن الصيدلية يقولون لج احسن شي..

* الصابون السائل احسن شي.. اول الايام كانت امي تستخدم صابون جونسون القالب.. بس كلش ما نفعنا.. السائل اسهل..

تفاحة :
الاثنين ممتازين .. بس أفضل ماركس



موزان :
باكلم الياهل اذا يعرف الكلام و يفهم مثل ما قالت النوري
و عن الليتات مافي مكان ثاني مايكشف الباب تقدرين تركبين عليه الليتات ؟

او اذا تعرفين ترسمين اشتري الوان الرسم ع الزجاج بالوان تكسر شفافية الزجاج

النوري

هو حلو الباب.. واصلا ما فكرت في الخصوصية الا الحين ههههه يوم بغيت اسوي شي..خخ

موزان ذكرتيني انا يوم كنت قاعدة في بيت ابوي في المحلق الخارجي كان الباب عاكس يعني اللي برا يشوف الانارة شكنت اسوي كنت اجيب قطعة اي قطعة غامقة واحطهااا ع طرف الباب وقبل لا ايسكر الباب احط الطرف الثاني عشان يعتم المكان كانت فكرة تمشي الحال:cool:

دح دح

كنت مفكرة في الغرفة بس حمود هناك وما باخذ راحتي احط الليتات اخاف اسوي ازعاج ويقوم..
فمافي غير الصالة ..


تفاحة

اصلا كل البيت رياييل ههههه ما شاء الله هو عنده بس اخت وحده والباقي صبيان..
لا و غرفهم صوب غرفتنا.. واحنا غرفتنا عند الدري يعني لازم بيمرون من عند غرفتنا..


اكنسل الليتات؟
يعني حتى لو فكرت بالشموع نفس الشي..

النوري

شكلي بسوي جي .. مافي غير هالحل..

تصبحون على خير

:)

باصيح

بنتي رقدت 12

وقامت من شوي تصيح وخشمها وايد يطلع افرازات ><
حاولت ارقدها مارضت والحين صحصحت
جبتها الصاله تشوف التلفزيون وياي


وعلى طاري الكلام

بنتي من بدت تتكلم
كله تقول بابا .. ديده.. امده"الخدامة" دودو "جوجو بنت اختي" لوول
وانا مطنشتني
واليوم اختي وعيالها مرو علي
وولدها كله يقول امه امه وماما
والحين قعدت ترقص وتبوس يدي وتقول امه امه فديت قلبها << استانست وايد ههههههههههه


موزان

بخصوص ولد حماج
لاتهاوشينه لين طق ولدج
بس اذا شفتيه قرب بيطق ولدج قوليله لا بنبرة تنبيه
ومافيها شي لان لو بالعكس ولدج طق عيالهم بيهاوشونه
ودام امه قالت لج هاوشيه .. عادي

وعن الليتات الحمره هههه .. حطيها عالسرير في غرفة النوم
وباقي تجهيزاتج خلها فالصالة
او لزقي الليتات على زوايا الباب من داخل .. بتعطي جو ومب مبينه للي يمر من برا

ولو سمحتي فضي رسايلج الخاصه
ابي اطرشلج شي

تفاحة

تسلمين حبوبة.. الحناية اسمها ام شوق