من افضل !!يا بنات البحرين؟؟؟بسرعة دخلوا

ماعندي فكرة
يمدحون كيران بس الثانية ماعرفها ؟؟
ان شاءا لله البنات يفيدونج اكثر

باسمه ابو الفتح يمدحونها وهي كانت تشتغل في العسكري والحين فتحت لها عيادتها الخاصه بس ممكن تييج تولدج في العسكري اذا بغيتي، وطبعا خاص
أسعارها أغلى من غيرها
يعني أول زياره ب50، وتشمل فتح الفايل، مارحت عيادتها بس وايد يقولون عيادتها حلوه وأجهزتها متطوره


كيران في ابن النفيس، هي هنديه، ورحت لها كذا مره وتحسينها فاهمه
ومعاملتها ... امممم مادري شاقول بس يعني تعطيج الحجي في ويهج، ماتلاعب خخخخ واذا عطتج ارشادات او اشيا وماسويتيها توقعي ان تنزفين ههههههه بس هاذي طبعا لمصلحتج
لكن الفرق بينها وبين باقي الدكاتره ان هي تحسينها لها نظرياتها الخاصه وتجرب على الأوادم خخخخخخ يعني مثلا تقول لج عادي سوي رياضه وروحي وتعالي وبعض الادويه ممكن تاخذينها
وترى لو بحثتي في النت بتلقين كلامها كله صح، بس احنا هني الناس للحين مايتقبلون هالحجي وهالمواضيع

ووايد ناس يمدحونها انها تحاول قد ماتقدر انها تولدج ولاده طبيعيه

وتوه أمس زوجي يقول عن صديقه ان زوجته توها والده في ابن النفيس وتمدح المكان والدكتوره كيران، وأنا فكرت أولد عندها بس أفضل أولد في مكان مجهز أكثر للحالات الطارئه مثل العسكري او السلمانيه

كيران ما انصحج فيها .. ما احسها شاطره ومزاجيه و تعصب . كانه هي اشطر وحده .

و افضل دكتور لعلاج تاخر الحمل حسب الي شفتهم هو الدكتور احمد بركات في ابن النفيس

وبنت خالتي تعالجت عند فرح في التخصصي

وسمعت عن الدكتور سلام جبريل في التخصصي

وان شاء الله الباقي يفيدونج

توني مستوعبه ان حق تأخر الحمل

:o

اللي أعرفه أحمد بركات

بسمه وايد شاطره واجهزتها حديثه حليوة بس كمتوسط الاسعار غاليه

اول مره 50 واذا مع العينه 80

وبعدين دشتها 20 والالتراسوند 20

يعني توتال 40


انا انصحج باحمد بركات

حليو وحبوب وشاطر بس عيبه الشرعي عيادته كل فل

واسعاره حليوة

كيران سمعت عنها ونفس ماقالو لج

بس الثانية ما اعرفها

ان شاءا لله البنات يفيدونج

انه اسمع عن كيران انها زينة
بس بالنسبه لتأخر الحمل احمد بركات احسن واحد من تجربة ثنتين اعرفهم
و بمتابعة الحمل اهم زين بعد
و كل الي راحو عندة يقولون ان اسلوبة و تعاملة مع المرضى عجيييييب
الله يرزقج انشاء الله

الله يرزق كل محروم الذرية الصالحة

عن تجربتي
جربت كيران زيارة وحده وكلامها كله انجليزي وتعرفين مصطلحاتهم كلها طبيه بحته

يعني زين فهمت لها كلمه افهمها وكلمه لا لان دراستي محاسبه مو طب
انا اتكلم عربي تفهمني بس ماترد علي بالعربي كله انجليزي
بس هي زينه شرحت لي كل شى عن حالتي