اليوم ولدي كان بيموت في يدي لكن ربي ستر قصه للعبره

ناس تخسر الملايين بس علشان طفل واحد

ناس ما تفتكر فيهم

على عمري مسكين عورني قلبي ولا عاد يوم تقولين ضربتينه يعني لو كنتي قدامي ما ادري شسوي فيش , صراحة حرام عليش ,سامحيني خيوو بس كنت قاسية ويه الجاهل القمر
تحملي فيه عدل وطلعي دفعة بلا عن عمره ودايما اقري عليه المعوذات وعوضيه عن الحنان اللي حرمتينه منه

الله يغفر ليش

المفروض الحين تحبينه مثل اخوانه وزود لانج حرمتيه من حنانج وهو كان محتاج لج

حاولي انج تعوضينه وتحببين اخوانه فيه

عيوني دمعت واني اقرأ موضوعش
ياعلي كل هذا صار والجاهل كبير عمره 5 شهور يعني المفروض خلاص تعلقتين فيه
اعرف ناس واجد حملو بدون تخطيط وبداية الحمل يحاولون ينزلونه ويسون اشياء واجد ويدعون على الي بطنه ما يعيش ويطيح لكن يتعلقون بالجاهل بنهاية الحمل واذا ما تعلقو فيه بالحمل بس تولده وتشوفه خلاص تنسى كل الي قالته وسوت وتتعلق فيه وما ترضى عليه
امرش غريب خيووو بس الحمد لله يوم عرفتين قيمة هالطفل والله يخليه وهالله هالله فيه تحملي فيه واعدلي بينه وبين اخوانه والله يخليهم يارب ويرفعون راسش ويشيلونش في كبرش
الحمد لله على النعمة ويارب ترزق كل محروم

ربي يحفظه لك

لا إله إلا الله
ولا حول ولا قوة إلا بالله
ربي يحفظه ويحيمه هو وأخوته
ويهديلك نفسك ويغفر لك ولينا جميعا

حرام عليش اختي عورتي قلبي علية
اشهلاتة جميل الله يخلية
حاولي اتعوضية

الله يسامحك ويغفر لك ويعينك على تربيتهم

صج ماعندج إحساس

لكن اللي صار اختبار من الله وزين أنج عقلتي وتميتي تعاملينه بحب

لكن لو عاملتيه بالعكس تأكدي أن الله بياخذه مثل ما عطاج وياما سمعنا شكثر قصص


أحمدي ربج على هالنعمة وماردهم بيكبرون
وهذي اللي قسيتي عليه اهو اللي بيشيلج وبيحطج وبيحسفج على كل شي سويتيه فيه


الله يهديج ويمسح على قلبج

..

:035:هذا صدق وإلا كذب؟؟؟
إنت أمه وإلا مرت أبوه؟؟؟

حرااااااااااااااااااااااااااام عليج والله حراااااااااااام:039:
ماتبغينه غيرج يباه . . . .
حسي شوي حطي عمرج مكانه:-#
وين كان تفكيييييييرج وين؟؟
الله كتب لج إنج تحملين
شو ذنب هالبراءة؟؟:091:
(ما شاء الله عليه)
إنت تدرين الدنيا تدور يمكن ولدج هذا هو اللي بيبرج يوم بتكبرين
لاتخلين الشيطان يقص عليج:034:
........
وين مشاعرج؟؟
ليش تبردين حرتج فيه شفتيه صغير مايفهم
حتى لو كان طفل تراه إنسان ويحس
الفرق بينا وبينه إنه مايعرف يتكلم:060:
مايعرف يعبر عن شعوره
صدقيني ولدج لو كان يمشي كان شرد من البيت:071:
سويتيله فلم رعب:084:
لاتلومينه عقب كم سنه إذا قالج
ماما أنا ما أحبج:059:
إنت اللي زرعتي في قلبه الكره وهو صغير
احمدي ربج إنت في نعمه غيرج محروم منها استغفري ربج
. . . . . . . . . .
اتحملي تفرقين بينهم لايتعقدون بعدين
ازرعي الحب في قلوبهم:04:
قبليهم احضنيهم لعبيهم اعطيهم من حنانج:06:
......................
سامحيني على الكلام اللي قلته
راسي عورني وضغطي ارتفع من قريت القصة
ترا أنا وحده تمووووووت في اليهال
ماأرضى لأي أحد يجرح مشاعرهم كيف عيل بالضرب
لاوتدعين عليه بالموت استغفري ربج
. . . . . . . .
غرامه: عاقبي نفسج شهر كامل لا تدخلين المنتدى ولاتسيرين السوق عوضي عن الخسائر اللي سببتيها

من أقسى ما قرأت
. . . . .
الظلم ظلمات يوم القيامه
استغفري ربج

حرام عليكي اللي سويته فيه

اذا ماكنتي تبيه ليش مااخذتي موانع

مو كذا
والله قلبي يعورني
ودمعتي على طرف عيني

انا عندي كل شي الا الاطفال

مااحب احد يزعجهم او يضربهم او يعصب عليهم

ربي يهديكي ويخليه لكي

حاولي تعوضي اللي راح ضميه لصدرك حسسيه بالحنان اللي كان فاقده

سامحيني اختي يمكن كلامي قاسي عليكي
بس من قهري

يا علي حرام عليش ... واني اقرا القصة دموعي على خدي وقلبي يتقطع عشانه

اتحملي فيه خيووو هو ماله ذنب ترى

ربي يخليه ان شاء الله ويبعد عنه كل مكروه

الله يحفظه ويخليه يارب مسكين كسر خاطري الله يهديك له ويسخرك له

وربي حزنت علية وعليك لاحول ولا قوة الا بالله
والله يحفظ لك اولادك ياااارب
اختي ربي اخذة منك بلحظة << ليختبرك بالامانة التى وهبك اياها
فحافظي عليها هذا كان درس لك واستفدتي منة ولحقتي على نفسك
الله يبشرك ببرهم ورضاهم يارب

كل هالبراءة والجمال تستحق منش اللي سويتيه فيه

أني مابعاتبش زي البقية لان عارفه شعورش وشقد الوحده تتضايق لما تحمل من غير تخطيط

لكن هذا مايعطيها الحق ان تضربه

وغيري مصطلح بالغلط وقولي من غير تخطيطي بتخطيط من الله سبحانه وتعالى رب العالمين اللي أدرى بمصلحة عباده

ووين دور أبوه في كل هاللي صار ليش ماتكلم معاش لان أحياناً المرأة يجيها إكتئاب مابعد الولادة



أني مثلش حملت بولدي وماكنت مخططه للحمل وزعلت وأهملت نفسي طول فترة حملي

لكن من ولدت وشفت نظرة عيونه وشفت ضحكته نستني الدنيا ومافيها

وصرت أحميه من أخته الكبيرة واللي غيرتها مخلتنها تضربه ليل نهار وأحميه من الهواء الطاير وخايفه ربي يعاقبني وياخذه مني

وأخااف عليه وأحميه قد مااقدر كل لاني يوم من الأيام تمنيت له الموت وهو لسى ماطلع على وجه الدنيا

وزوجي قال ليي كلمة أثرت فيي قال ليي رب العالمين مثل مااعطاش هالقمر قادر على ان يحرمش منه

ومعاقبه نفسي على كل كلمه قلتها بمحافظتي عليه وخوفي عليه

وللحين أستغفر ربي ومتحسره وندمانه على كل كلمه قلتها بحق ولدي

وربي يسامحني على كل كلمة قلتها وكل فكرة سيئة جتني بحق ولدي

اتمنى تكون عبره لج ولغيرج

الحمد لله على سلامته والله يحفظه ويخليه والله انكم عورتوا قلبي اثنينكم وانتبهي الاطفال نعمة وامانة من رب العالمين والمفروض نحمد ربنا على عطاياه غيرنا مو حاصل ليه والمفروض انحافظ على الاماانة وقد ما نزرع فيهم حب وحنان قد ماراح نحصد منهم وهذا الي صار لش امتحان من رب العالمين فاستغفري ربك واشكريه
انك رجعتي الى رشدك وحافظي على اولادك علشان يحافظوا عليك في كبرك
والله يهدي ويصلح اولادك واولادنا واولاد المؤمنين

والله عورني قلبي عليه :'(:'(