¸.•'¸.•' ¸.•'¸.•' == التجمع الثالث لحوامل شهر مايو .. ( 5 ) 2011 ==¸.•'¸.•' ¸.•'¸.•'

ايه صج عندي لكم معلومات على الطاير :o

في الأسبوع ال20 يقاال ان الجنين يبتدي يحس بطعم الأكل اللي تاكلينه، فيعني هاذي فرصتج انج تعودينه على بعض أنواع الأكل اللي تبينه ياكلها بعدين

عندكم أفكار معينه؟؟؟ أنا فكرت في الخضروات الخضرا مثل البروكلي وبس ماقدر أفكر في شي ثاني :confused:

اللي تاكل حبوب الحديد، لا تشرب معاها حليب او مشتقاته لأن الكالسيوم اللي فيها يمنع امتصاص الحديد
وكذلك الشاي ممنوع وقت ماتاخذين الحبوب

فيعني لا تشربون حليب ولا شاي ولا تاكلون حبوب الكالسيوم مع حبوب الحديد

ويفضل شرب عصير برتقال مع الحديد

امممم بعد شنو شنو
هاذي المعلومات اللي في بالي الحين


الا تعالوا
مافي وحده منكم بدت تجهز؟؟؟
نبي نجوف صور :worn_out:

أحس بعده وقت للتجهيز ،، أنا إذا بجهز بجهز بداية الثامن أو جتى نهايته يمكن ،، في وحدة جهزت كل شيء قبل وبنتها عقب الولادة مرضت وتوفت والثانيه مأخلت شيء ما جهزته حتى شباصات خذت للبنت بالدرازن ومن يوم انولدت هالبنت كله مريضة ، كل شيء بوقته حلو يمكن لا سمح اللّه اللّه مب كاتب هالياهل يتم ليش الوحدة تجهز وبعدين تيلس تشوف الأغراض وتصيح ،، صح ان اللّه كاتبنه بيصير بس بعد الوحدة تأخذ بالأسباب ولا شو رأيكم ؟؟

madri walla ana fe wldi jhzet t8reban men alsades al7een madri mta bbda bass ana ashof al7een twa alnass ana fe nhaya alrabe3

هيه أنا فبنتي كنت أول السادس وعرفت الجنس ورحت خذت 3 قطع مادري 4 من الحماس وعن خاطري بعدين خذت الباجي تقريباً فالثامن

مساء الخير

اخباركم ؟؟؟


عن التجهيزات مادري شفيني خخخ صار لي يومين مو متحمسة اشتري شي لان قاعدين نبني وعفسة وفلوس مافي :( بكبرنا لازم نجمع عشان نكمل باقي البناء ولا ادري ويش اسوي راسي عورني :( من كثر مافكرت وتجيني لحضة اقول باخذ لي لو شي بسيط هالشهر ع الاقل 50 دينار باخذ بها جم قطعة لبس عن خاطري يصير اسمي شريت شي خخخخ لان ادري لو بخلي للشهور الاخيره مابقدر اشتري كل شي في نفس الوقت ابغي اكمل شقتي قبل لا اولد لان الناس بتجي لي وابغي تكون شقتي كشوووخ ... محتارة :(

مشكوووووورين طمنتوني

ما اقدر اروح الدكتوره

انا مغتربه وهالفتره ثلوج وعندي بيبي اخاف عليه من تغير الجو

ام شهووودة الحلوة;13986731:
مساء الخير

اخباركم ؟؟؟


عن التجهيزات مادري شفيني خخخ صار لي يومين مو متحمسة اشتري شي لان قاعدين نبني وعفسة وفلوس مافي :( بكبرنا لازم نجمع عشان نكمل باقي البناء ولا ادري ويش اسوي راسي عورني :( من كثر مافكرت وتجيني لحضة اقول باخذ لي لو شي بسيط هالشهر ع الاقل 50 دينار باخذ بها جم قطعة لبس عن خاطري يصير اسمي شريت شي خخخخ لان ادري لو بخلي للشهور الاخيره مابقدر اشتري كل شي في نفس الوقت ابغي اكمل شقتي قبل لا اولد لان الناس بتجي لي وابغي تكون شقتي كشوووخ ... محتارة :(

مساء النور

الحمدلله بخير انتي شخبارج؟

مو مهم تجهيز البيبي اشتري شغلات بسيطه اهم شي الشقه

وحاولي تجهيزين على التخفيضات;)

انا ان شاءالله بجهز بتخفيضات الكرسمس واذا عرفت جنس البيبي

شجن الشجون;13983118:
بنات متى يظهر كيس الحمل والجنين؟

شؤجي ألف ألف مبرؤؤؤؤك ؤربي دمعت عيؤني لما عرفت انك حامل حتى هذا زؤجي جنبي شاااااهد
انبسطت لك كثير ؤبنفس الؤقت زعلت انك مابلغتيني بمسج :'(:'(

بس الزعله على طؤؤؤؤؤل راحت مع فررررحتي لك
يارررررب ياشؤجي اشؤف صؤرة ؤلدك ؤلابنتك بعد ثمان شهؤرقؤلي امين
الله يتمم لك على خير ؤيسعد قلبك بشؤفة ظنااااااااااك

عن التجهيز أنا أحس اني وايد مستعجله خخخ بس لأن في بالي وايد أشيا أسويها فقلت أضبط روحي من الحين وكل شهر أسوي شي وفي الثامن والتاسع اتم منسدحه وماتحرك خخخخخخخ

لأن الصراحه تعب التجهيز مع الدوام والثقل
أنا الحين مب ملحقه ولما اروح اي مكان شوي واتعب
شلون بعدين ؟؟؟

بس ان شالله هالشهر أخلص الثياب والشهر الجاي ابتدي في الأشيا الثانيه

عندي لكم مقال مفيد
دقايق اترجمه والخصه

لخصت شويه منه، الأشيا اللي حسيتها مهمه ومفيده

مالي مزاج احط الموضوع كامل :worn_out:

* متى سوف أحس بأول تحركات جنيني؟؟


اذا كان هذا أول حمل لك فراح تحتاجين لوقت عشان تستوعبين ان الأحاسيس اللي في بطنك هي تحركات الجنين. غالباً راح تشعرين بالحركه لما توصلين لل18-20 أسبوع ولكن اذا تأخرتي فهذا شي طبيعي.


اذا سبق وانجبتي طفل فراح تتعرفين وتميزين الحركه بشكل أسرع تقريباً من توصلين 15-18 أسبوع.


* ماذا يفعل الجنين داخل البطن؟

بجهاز الألتراساوند ممكن تشوفين وش يسوي طفلك بالداخل واغلب الحركات مانحس بها الا بعدين (يعني الجنين من هو صغيير يتحرك بس احنا مانحس بحركته <<< حلفي والله)


_ الأسبوع 7-8:

يبتدي الجنين بحركات عامة مثل التقلب على الجهتين والفزع.


- الأسبوع 9:

تبتدي الحازوقه عند الجنين ويبتدي يحرك ذراع وحده او رجل وحده ويمص ويبلع.

- الأسبوع 10:
الحين يقدر يحرك راسه ويحرك يده عشان يلمس وجهه ويفتح فكه ويتمغط (يتشطط بلهجات أخرى :worn_out:)

- الأسبوع 11:
الحين يقدر يتثاوب.

- الأسبوع 14:
يبتدي يحرك عيونه :|

تدريجياً تصبح حركات قوية أكثر لدرجة انج تحسين بها. وبتاخذ لج فتره قصيره وراح تتعودين عليه يمص صبعه، يرفس أو يتمغط.


الجنين ماراح يتحرك طول الوقت، فهو مثلج يحتاج وقت يرتاح فيه وينام وعند نهاية فترة الحمل ممكن يرتاح لمدة 45 دقيقه متواصله (وممكن تحسين انه ياخذ وقت أطول لكن هالأحساس لأنج مابتقدرين تحسين بكل حركه هو يسويها، فممكن يكون قاعد ويتحرك بس انتي ماتحسين وعبالج للحين راقد)

- الأسابيع 20-24:
مع مرور الأسابيع، نشاط الجنين راح يزيد تدريجياً. راح تلاحظينه يكون نشيط أكثر خلال النهار.


- الأسابيع 24-28:
بتبتدين تلاحظين متى يصاب الجنين بالحازوقه. الكيس الحين يحتوي على 750 ملل من السوائل فالجنين عنده مساحه ومجال للتحرك بحريه. وممكن تلاحظين الجنين يقفز عند الأصوات المفاجئة. :D
- الأسبوع 29:
حركات الطفل تبتدي تصير أصغر ومحدده أكثر لأنه ينحشر مسكين داخل الرحم فمافي له مكان يسرح ويمرح نفس قبل.


- الأسبوع 32:
في هالأسبوع ممكن تلاحظين الذروة في الحركه. وبعد هالأسبوع راح تقل الحركه. وهالشي طبيعي لأن مثل ماقلنا ماعنده مجال يتحرك.


- حوالي الأسبوع 36:
في هالفتره الجنين ياخذ وضعه النهائي اللي هو راسه في الأسفل وهالشي مرجع أكثر اذا كان هذا أول حمل لج. عضلات رحمج وبطنج تكون مشدوده وتمسك بالجنين في هالوضعيه وماتخليه يتحرك. وأهم الحركات اللي ممكن تحسين بها هي طقات من ذراعه ورجله ومرات رفسات مؤلمه على ضلوعج :(.
أما اذا ما كان هالحمل هو الأول فعضلاتج احتمال تكون ضعيفه والجنين ممكن يغير وضعه كذا مره لحد موعد الولاده (يتقلب على كيفه يعني :worn_out:)


- من الأسبوع ال36-40:
في هالوقت الجنين يصير كبير والحركات تقل أكثر. الحين صار تعلم يمص صبعه عدل واذا طلع ابهامه من فمه ممكن تحسين بحركة راسه يمين وشمال وهو يدور صبعه :lol:


ومع قلة الحركه راح تبتدين باحساس ضربات قوية على ضلوعج. قلة الحركه أمر طبيعي بس اذا كنتي متخوفه فراجعي الدكتوره أو القابله.

وخلاص الحين المفروض يكون منقلب ومستعد للخروج للعالم. ممكن تحسين براسه يضغط عليج مثل البطيخه. واذا كانت وضعيته غير صحيحه، تعرفي على الطرق اللي ممكن تعدل وضعيته.


في أوقات راح يكون فيها البيبي نايم ومرات صاحي. وممكن تظل صاحي ونشيط خلال المساء لما انتي تنبطحين على السرير وتحاولين تنامين. هالشي راح يظل مع البيبي بعد ولادته لمدة أسابيع لحد مايعرف يفرق بين النهار والليل (يعني كل وحده تلاحظ حركة البيبي ومتى ينشط أكثر لأن بيتم هذا نشاطه كذا أسبوع بعد الولاده)


في بعد تكمله عن عدد الحركات في اليوم وهيك بس عاد أنا تعبت :o

يسلمؤؤؤ كثير شؤشؤ
لاهنتي

صباح الخير

مشكورة انا الشوق حلووو الموضوع :)

bnat wainkm a7es mlabsi 9art '6e8a meen mthli

الشقرا خخخخ من زمان وانا ملابسي ضيقت خخخخخ


لحقوووووووووووووووووني انتشر الشنيتر في البيت:'( مادري شاسوي

المشكلة بيت ابوي جيران بيتنا :worn_out: يعني لو بروح بيت ابوي مابستفيد شي :(

:badly: يارب ابعد عنا هالمرض انا وولدي :badly:

لا تجهزون من الحين تو الناس انه بجهز في الثامن كله مرة وحده او مرتين احسن مو اروح اشتري واني توني في الخامس بعدين بتملل من الاغراض من كثر مااطالعهم بعدين ماااتدرون الله لا يقوله يصير بالبيبي شي لازم تفكرون عدل بعدين ياابنات شنو هالتجهيزات اللى مخلتنكم وايد تفكرون كلها شباحات وقماطات وسرير ومفارش اعنبوه اهوه فيزياء ولا كيمياء ذابحين عمركم

شجن الشجون;13983118:
بنات متى يظهر كيس الحمل والجنين؟

مبرررروك شجوووون على الحمل ربي يثبته لج

ويثبت لنااااا وتمم لنا على خيررر ونشوف عيالنا في حضنااا


فرحت لج واااااااااااايد تستاهلين

السلام عليكم
شلونكم وشخباركم؟؟

هلا دفا اخبارج

انا راسي يألمني :( ونفسيتي تعبانه :( ومتضايقة حدي

مشكورة أنا الشوق ع المعلومات الحلوة ،، أنا رأسي يعورني من أمس الظهر واليوم يوم جيكت على ضغطي طلع ناقص وإيد 90 على 60 والمفروض 120 :(