أعضاء عروس الحلووووووووين احلى اخوات في الدنيا
ان شاء الله في موضوعي هاقدم نوع من الحلويات لذيذ جدااااااااا مع الشاي اسمه
** حجازية **
اتبعوني في المقادير والخطوات بالتفصيل ;)
<بسم الله نبدأ>
:: المقاديــــر::
3 كوب دقيق ابيض منخول
3 كوب دقيق سميد
ثلث كوب زيت
كوب ونصف سكر
معلقة كبيرة خميرة فورية
نصف كوب لبن أو ماء دافئ للعجن (انا استعملت ماء)
ذرة ملح
:: للحشو::
معلقة كبيرة قرفة
كبشة مقدار قبضة اليد زبيب
وكبشة مقدار قبضة اليد سوداني مجروش
:: الطريقة:: (نهتم بترتيب الخطوات)
(تجهيز الحشو)
1- نأخذ من كمية السميد (كوب وربع) ونضيف عليه السكر كله وناخد منه معلقة كبيرة للعجينة + القرفة + الزبيب + السوداني
ونقلبهم
2- نحضر نصف كوب من الماء عادي، ونرشرش بيدنا بالماء على الحشو ونفركه باديها
وياريت نستعمل يد واحدة بس، ونفرك الحشو كاننا بنلعب في رملة البحر :D
وما تصبو المية كلها دفعة واحدة لان بعد الفرك بيخونك الشكل، يعني ممكن تستقلي كمية المية بس لما تفركيه هتلاقيه اتشربه كله
المهم في الاخر تحصلي على حشوة كان سكر مرطب ومفرفت، ولو صبعتي منه شوية بتلاقيه يمسك في بعضه زي ما انا ماسكاه في الصورة
ونتركه على جمب ، ونبدأ نجهز العجين
(تجهيز العجين)
1- نضيف كل المقادير الباقية
الدقيق الابيض + باقي السميد كوبين الا ربع + الخميرة + معلقة سكر كبيرة + ذرة الملح+ الزيت بعد ما نحميه على النار
2- ونفرك الخليط مع بعض بالزيت
3- نبدأ نضيف حبة حبة الماء او اللبن ونعجن، وحسب طبعا نوع الدقيق يعني لو احتاجتي مية اكتر زودي واعجني
انا لميت العجين كله في البلاستيك اللي كنت باعجن فيه
بعدين دهنت الرخامة زيت وفضلت اعجن 5 دقايق، لحد ما حصلت على عجينة لينة وطريقة ومتماسكة في نفس الوقت ما تلزق
4- وتغطي العجينة ساعة تخمر...
5- بعد ما تخمر نستكمل الخطوات، نحضر صينية مدهونة زيت
ونقسم العجينة نصفين
اول نصف نضعه في الصينية ونفرده كويس ونساويه، بس ما صورتهاش لوحدها الخطوة دي، لكن هتشوفوها في الخطوة الجاية.
6- بعد ما ساوينا العجينة في الصينية اضيف الحشوة كللللللللللللها، ما تفكروش انها كتيرة هي مناسبة جدااا لكمية العجين
ونساوي الحشو كويس فوق العجين
بعدين على الرخامة اخدت النصف التاني للعجين وفردته بالنشابة
بحيث اوصل بنظري يعني كده يكون قد قطر الصينية او حتى لو اقل سنتيمتر واحد مش مشكلة
وتشيلي العجينة وتحطيها فوق الحشو، وحاولي بايدك تشدي العجين لحد ما يوصل للجناب
ويغطي الصينية كلها، واضغطي بايدك كويس على العجين عشان يمسك شوية في الحشو
تقطعي العجين بالراحة علشان الطبقة العلوية ما تطلع مع السكينة
وشكي العجين بالشوكة، وسيبيها نص ساعة ترتاح وتخمر تاني، وبعد مرور ربع ساعة ولعي الفرن علشان يحمى على اعلى درجة بعدين اخفضيه على 180 درجة
ودي بعد ما خمرت وارتاحت نص ساعة
ندخلها في الفرن تتخبز، هي اخدت معايا حوالي ساعة وكل واحدة وفرنها على حسب
بس هتغرزي عود خلة في العجين لو طري يبقى لسه لو نشف يبقى كويس استوت
وبتلاقي الجناب اتحمرت شوية، بعدها تشغلي الشواية يتحمر الوش
وما تغطيهاش سيبيها متهوية علشان بخار طبقة العجين اللي تحت يطلع وتقرمش ما تبقاش زي العيش
وترجعي تعيدي عليها التقطيع تاني، وما تلطعيهاش من الصينية خالص وهي سخنة
علشان سكر الحشو بيكون كله سايح طبعا خلي بالك
ولما تهدى شوية طلعيها كلها في صينية تتهوى علشان الطبقة السفلية تنشف ما تبقاش طرية علشان تكون زي البسكويت كله
ودي شكلها النهائي
يااااااااااااااااااااارب يكون عجبكم شغل ايدي
واتمنى يكون الشرح واضح بالتفصيل F:
والتقييمات ها مش هوصيكم ههههههههههه :lol:
وشكرا لحسن قرائتكم :adore:F: