حمل ورضاعة بمثل الوقت ... ساعدوني

جداتنا يقولون حليب الحامل فاسد
هو في الواقع مو فاسد بس مليان هرمونات من دم الام لان الحامل يصيدها تغيير كبير في هرموناتها وهدا الشي يغير حليب الام بعد
فاللي يمكن ينضر الطفل الرضيع اولا والام ثانيا
لان استنزاف طاقة الام يزيد من الرضاعه من جهة و من الجنين من جهة ثانيه
فالافضل انش تفطمين الطفلة احسن لها و احسن لك
والله يخلي لش بنتش ويطمنش على اللي في بطنش و يقومش بالسلامه

الله يكون في عونك

مبروك الحمل والحمد لله على النعمة والله يتمم لك على خير
أني بعد سمعت إن الرضاعة للحامل ما منها ضرر بس حاولي خلا هالشهرين تقللين عنها الرضاعة وإذا ما تشرب صناعي حاولي تعودينها عليه

الله يساعدش

مبروك الحمل والله يتمم لك

الله يساعدش خيوووو

حملت ببنتي وولدي عمره 6 شهور

تعبت نفسياااااااااااا انقلبت حياتي فوق تحت وايد احاتيه وايد كسر خاطري عدل

مايشرب صناعي ولايبيه حاولت بشتى الطرق وكان رافض بالبدايه عودته ينام العصر بدون رضاعه وشوي شوي حتى تعود

للي ساعدني علمته على مرضعه ام عووود وللحين يحبها ولايستغني عنها

الله يكون بعونش

اول شي مبروووك الحمل والله يثبتــه ويتمم لج على خير ,,
حاولي تخففين رضعات بنتج , يعني اذا ترضعينهــا 4 مرات خليها 3 باليوم وشوي شوي ليما تفطمينهــا خلال هالشهــر
لصحتج مو زين لانج لازم تتغذين زين لنفسج اولاً وللحمل ثانياً ,, الوحده منــا من الحمل ينزل عندها الكاليسيوم وتكون محتاجه له جداً وتاخذ حبوب
فشلون توفق بين الحمل ورضاعه البيبي الاول
اني حملت على ولدي وكان عمره سنـه و4 شهور وحاولت بسرعه بسرعه أفطمه وهو ماكان يشرب حليب صناعي
وماكان يحب الميميه أصلاً , يعني حتى لما كنت أشتري له حليب فراوله أو موز وأخليه له في الميميه ماكان يرضى يشرب
فكنت أعطيه إياه من العلبة دايركت , يشربه بالعود
وبعدين حاولت أعطيه حليب نيدو1 للأطفال من سن سنـه وحده لثلاث سنوات
في البداية عذبني لأنه ماكان يحبه بس شوي شوي والحين يشربـه
خلال شهـــر فطمتــه وارتحت

صح كسر خاطري لانه ماكمل فترة رضاعته خصوصاً إني حابـه ارضعه سنتين كاملتين ,,
بس الحمد لله , الله حاب يرزقـه اخو أو اخت
ولا اعتراض على عطية رب العالمين