اذا كان السكن بعد الزواج في بيت اهل الزوج هل توافقين

انا بالنسبه لي عادي وافضل اني اكون مع اهله بالبيت
بس طبعا يكون لي شقه بروحي
انا كل اللي اعرفهم وكل اهلنا اعيالهم بعد مايتزوجون يكونون عندهم بالبيت
فعشان جذيه الامر عادي بالنسبه لي

ولأني بكون بشقتي بروحي مالي شغل بحد ولا احد له شغل فيني طبعا ماراح اقابلهم طول اليوم اذا عجبني الوضع قعدت معاهم واذا ماعجبني اصعد شقتي
ولا اسكن بشقه وادفع اجار كل شهر وبيت ابوه موجود واهل الزوج اذا كانو احليوين بيكونون احليوين معاج اذا كنتي عندهم او ابعيده والعكس صحيح
والسبب الثاني اني اخااف اسكن بروحي

اتصدقين انا اعرف وحده بناتها طولها وعندها بيت امأجرته وساكنه مع اهل زوجها تقول الحمدلله شقتي امكفيتني وبيتي استفيد من اجاره احسن لي
وماراح اطلع الا لما يكبر ولدي ويقول ابي اتزوج وولدها توه عمره 12 سنه تقريبا

وكل وحده حسب شخصيتها واللي ترتاحله
انا عن نفسي اذا الله رزقني وتزوجت ماراح امانع اني اسكن مع اهل زوجي والحين مونفس قبل مرت الولد تدش وتطلع محد له شغل فيها
وخاصه اذا كان للشقه باب خارجي او يكون بالبيت اصنصير وتركبينه من شقتج لي باب الشارع ومالج شغل بحد
وكل يوم تمرين ام زوجج اشوي وتصعدين شقتج وبس

لا انا ما اواااااااااااااااافق نهائيا

نهايييييييييييييي ارفض الموضوع مافي غير الوحده تسكن بروحها ببيت الحالها تقتك من الحنه ورنه

مهما كانو اهل الزوج طيبين لازم من المشاكل

:qaq:



أممممممم

بصراحة هذا بيعتمد على أهله وتفكيرهم ..





.
.

رغم أني أفضل بصراحة أعيش معاه وحدي لجل آخذ راحتي






.
.

أممممممم

بس مستحيل أضغطت عليه وأكلفه فوق ما يقدر



:shy:



.
.

كافي نكون مع بعض

انا لو مكانك ما بقبل
راح يتدخلوا بكل صغيرة و كبيرة بحياتك
و مش راح تاخدي راحتك ابدا
عندي صديقتي سكنت مع اهل زوجها
و الله شافت الويل من حماها
زوجها بيخليها تطلع و حماها بيعلق عليها و بيسمعها كلام
بعدين اخوة زوجها بالعطلة بيجو عندهم عالبيت و الله مسكينة هي تشتغل كل شي و هم قاعدين
و زوجاتهم ما يتحركون حتى خوات زوجها المتزوجات ما يتحركن
و الله تعبت كتير كتير
الاستقلال و الحرية بالبيت شي كتير حلو
إذا ما اخدتي راحتك ببيتك لكان وين؟
استودعكي الله الذي لا تضيع ودائعه

انا عندي عادي وخاصة اذا هلة ناس طيبين ومن لحمي ودمي وفوق هذا كلة اراعي ضروف زوجي وفي نفس الوقت اكسب رضاه عشان لااخسرة ولا اخسر اهل زوجي

انا عندي عادي وخاصة اذا كانو ناس طيبين ولازم اراعي ظروف زوجي وفي نفس الوقت احصل على رضاه

شوفي حبيبتي
اهل عن اهل يفرقون وقلوب عن قلوب تفرق والاحس ان الواحد يسكن بروحه افضل من كل شي

مثل مايقول المثل : روح بعيد وتعال سالم

يعتمد

إذا ابيه ومتمسكة به والله لو اسكن بخيمة

وإذا بيتهم كبير وعندك قسك خاص فيك ليش لا؟؟؟؟


بس الأفضل بيتك يكون مستقل حتى لو شقة صغيرة أريح

الله افضل مليون مره اسكن بروحي ..... انا متزوجه من 6 شهور و الصراه مش مرتاحه بالمره مع انه لي شقه في البيت اانا وزوجي ...لكن اكلنا ويلستنا معاهم .. ام زوجي طيبه بس الغيره والمراقبه ذابحتها ..... تصدقون لو قال زوجي اريد كوب ماي بتسابقني عليه واانا استغرب لا والادهى انها الصبح بعد صلاة الفجر انام انا وزوجي لين وقت الدوام ولازم الاعه 7 نكون واعين ... الساعه 6 ونص الام عن الدريشه ادقه بقوة وتقوله يالله قوم دواااام

صدقوني لو المنغصات بسيطه مع الايام تصير كبيره وكثرة ما تحطين في خاطرج احس عمري بنهار من تدخلها بحياتي


انا اعرف انها اتحب ولدها بس هيه مرت بهالظروف و حبت اتكون الها حياتها الخاصه و هيه صغيره توها تقريبا في بداية الاربعين يعني مش حرمة مش متعلمة

ليش ..لا .. إذا كان أهل الزوج متفاهمين ومتعاونين ... ولي خصوصيتي وحريتي أنا وزوجي، وما احد يشاركني الجناح او القسم الخاص بي.

ليش لااااا ,,
انا موافقه ,,
وانا اساسا بعد العرس بسكن فبيت ريلي
بس معاه امه وخواته في البيت
مستحيل اطلب بيت بورحي ريلي اصغر العيال
ومحد غيره ريال فالبيت وهو متحمل المسوؤليه
وبعدين مسوين لي فله بروحي منفصله عنهم بس كلنا في حوش واحد
اهل ريلي اهلي ,,
ومثل مااحب اهلي المفروض احبهم
والحرمه تكبر في عين الريال يوم تحب اهله وتتحبهم فيها
خصوصا انهم ناس طيبين ويحبوني
مثل مايحبون ولدهم
وام ريلي تعدي وحده من بناتها



الحمد الله

والله يوفق الجميع