شقتى المودرن المتواضعة.. ما شاء الله

بسم الله ما شاء الله

تتهنين فيها يارب

ماشاء الله تتهنى وتم التقييم بس عاوزين نشوف باقى الشقه المطبخ والحمام

crazy ananas;13792238:
ماشاء الله ربنا يباركلك فيها ويرزقك الزريه الصالحه

بس عندى ملحظه لو مش يضايقك انا شيفه كل حاجه ماشيه مع بعضها لكن المفارش الصغيره مش عوزه مودرن عاوزه كلاسيك

وحسه انهم مش لايقين من غيرهم احلى اللى فالليفنج واللى فالنيش واللى فى اوضه النوم

وماتزعليش منى بس فعلا ماشاء الله زوقك حلو و متناسق

ميرسى لملاحظتك يا قمر بس انا لفيت كتير عشان الاقى مفارش تمشى مودرن وملقتش وجربت شكل اوضة النوم من غير مفارش مكنتش كويسة ودى اهدى مفارش لقيتها

فوفو ام جوجو;13792284:

ما شاء الله
ان شاء الله تتهني فيها
بس وين صور المطبخ
انا بحب المطابخ كتير

ان شاء الله انزلها بس اع\رونى لانى بعيد عن شقتى لفترة اول ما هرجع هصوره وانزله هو والحمامين

بسمة عمرى انا;13796683:
ماشاء الله يا قمر ربنا يباركلك فيها وذوقك حلو اوى بس ممكن اعرف شوية حاجات كده
جبتى النجف منين وبكام والاكسسوارات يعنى الفازات والابجورة بتاعة النوم وممكن اعرف انتى حاطة ايه فى النيش يعنى كل طقم منين وبكام معلش انا عارفة انى تقلت عليكى ويارب تمليها عيال يااااااااااااااااارب

ميرسى لردك يا قمر
انا جبت النجف من مكان اسمه الرويعى لو تسمعى عنه بالقرب من العتبة وهو مكان مخصص للنجف والديكورات وجبت منه بعض الفازات وباقى الفازات جبتها من دارى اللى بالهرم
اما بالنسبة لابجورة النوم فدى للاسف معتقدش انك هتلاقيها لانى ساعة ما جبتها مكنتش غير عند محل واحد بس فى الرويعى وبعدها لفيت كتير وفى مولات ضخمة ومراكز ديكورات كبيرة وبرضه مشفتش زيها وهى عامة كانت الواحدة ب 250 جنية
وبالنسبة للنيش انا حاطة فة اجزاء من الاطقم وباقيتها فى البوفية لانه مكنش هيكفى كل طقم كامل وانا حاطة فيه الصينى والاركوبال والاركوبيركس والبيركس وطقمين عشا وطقم الشاء اللى هو الابيض وفية الوردة الرقيقة وطقمين شاى واطقم كاسات
اما بالنسبة للاسعار فاع\رونى انا مش فاكره الا حاجات بسيطة يعنى طقم العشاء الاسود اللى فيه ورد كان ب 450 والابيض والاسود كان ب 280 وطقم الشاى والجاتوة كان ب 460 والاركوبيركس كان ب680 تقريبا

وميرسى لردك مرة تانية

Dr\sara;13797355:
يارب هني شمس مصر بحياتها كلها قولي امين ترى طقم الصحون الوردي هذي مره حلوه ماشاءالله تبارك الرحمن

ميرسى ليكى يا قمر ودة طقم الجاتوة

te amo;13797453:
شقتك جميلة ماشاء الله ممكن تقوليلى النجف منين واسعاره واباجورة اوضة النوم
هو النيش جرار صح وهل عملى عن العادى ؟

النجف من الرويعى يا قمر والاباجورة كانت ب 250
وفعلا النيش جرار وكمان اوضة النوم وانا شايفة انه عملى جدا وموفر فى المساحة جدا وخصوصا ان المكان اللى فيه السفرة عندى ضيق

وزة محمد;13800051:
بسم الله ماشاء الله جميلة اوووى ربنا يباركلك فيها

كنت عاوزة اعرف انتى عملتى الستاير فين وبكام

ضرورى

انا شقتى فى الزقازيق يا قمر وانا اصلا من القاهرة عشان كدة اضطريت اعمل الستاير فى الزقازيق عشان النقل وكدة بس هى اتكلفت 4200
انا جبت القماش من الازهر ب 1600 واللى عملهم اخد 2600 بكل حاجاتهم والتركيب وكل حاجة

mira&amr;13806562:
شقتك تحفه ما شاء الله
لو سمحتى جبتى الانتيكات منين والنجف كمان؟
ومشيات اوضه النوم بكام الواحده؟

النجف من الرويعى والانتيكات من دارى اللى بالهرم ومن الرويعى ومن بعض المحلات
ومشيات اوضه النوم يا قمر جبتها من فرع النساجون الشرقيون اللى بالازهر وكانت الواحدة ب 375

momo masa;13816501:
ما شاء الله بجد شقه روعه تتهني فيها
بتمنا يكون ليا شقه كده ان شاء الله
تتهني بيها وتمليها كيوت كيدز

ربنا يرزقك بشقة اجمل منها يارب يا قمر

dr.doby;13820119:
ماشاء الله شقتك تحفة اوى وذوقك جميل اوى انا برضه عيزة اعمل نفس استايل شقتك كده بالالوان كمان ربنا يهنيكى ومعلش لو فيها غلاسة ياريت تصورى المطبخ

ربنا يرزقك بشقة اجمل وان شاء الله اول ما ارجع شقتى اصور بقيتها وانزله فى موضوع تانى

ما شاء الله تبارك الله

ما شاء الله

بجد جميلة جداا و ذوق رقيق ما شاء الله

تتهنى فيها يارب

حبيبتى الاول الف مبروك على زواجك
وشقتك جميلة
ربنا يباركلك فيها

ماشاء الله
ربنا يهنيكي فيها

الله يهنيك وانشا الله نشوف غرفة البيبي

تتنهي فيها يارب

بسم الله ما شاء الله
ربنا يهنيكي يا رب و يباركلك فيها
و يسعدكوا مع بعض و يحميكوا من الحسد دايماً يا رب

عندي أنا كمان سؤال
ممكن تقوليلي المعرض بتاع دمياط اللي فصلتي عنده ده فين و اسمه إيه ؟
و مواعيده أخبارها إيه ؟
أصلي خايفة جداااااا من التفصيل عشان المواعيد و ميأخروناش و كده
و يا ترى النقل من دمياط للشقة لو في القاهرة مثلاً ياخد كام تقريباً ؟؟؟

معلش يا جميل رغاية انا مش كده ؟؟؟
بس أصل اختك لسه نونو في الحوارات دي
و لايصة آخر حاجة
:(

منزل مبارك